ئێمە لە تۆرە کۆمەڵایەتیەکان

ئابوری

نرخی نەوت بەرزبووەوە

خەڵك- بەشی هەواڵ
بە بەراورد بە چوار ڕۆژی ڕابردوو، بۆ یەكەم جار نرخی نەوتی خاو لە بازاڕەكانی جیهان بەرزبووەوە، ئەوەش بەهۆی كرانەوەی بازاڕی ئەمریكی و وتەكانی وەزیری نەوتی سعودی لەسەر بەردەوامی ئۆپیك لە هەنگاوەكانی.

ئەمڕۆ سێ‌ شەممە، نرخی نەوتی خاوی برێنت بەڕێژەیەكی دیاری كراو بەرزبووەوە و نرخی بەرمیلێك گەیشتە 62 دۆلار و 55 سەنت، لەكاتێكدا لە مانگی شوباتی ڕابردوودا نرخەكەی بە 60 دۆلار و 53 سەنت بووە.

بەپێی ڕاپۆرتەكان، نرخی نەوتی خاو لە ڕۆژی هەینییەوە تا ئێستا 4.8%ی بەهاكەی لەدەستدابوو ئەوەش بەهۆی كردنەوەی بەرەیكی دیكەی جەنگ لەلایەن ئەمریكاوە دژی مەكسیك، بەڵام ئەمڕۆ نرخەكەی بەرزبۆتەوە.

لەماوەی مانگی ڕابردوودا مامەڵەكان بە نەوت ڕووی لە شكان بوو بەجۆرێك نرخی بەرمیلێك نەوتی ناوەند 15%ی بەهاكەی لەدەست دابوو.

بەبۆچوونی شارەزایانی وزە، هۆكاری بەرزبوونەوەی نرخی نەوت بۆ وتەكانی خالد فالح، وەزیری وزەی سعودیە دەگەڕێتەوە، كە ڕایگەیاندبوو، ڕێكخراوی ئۆپێك درێژە بە ڕێككەوتنەكەی دەدات لە شەش مانگی دووەمی ئەمساڵدا.

ئابوری

جوتیار عادل: بەغدا پارەكە نەنێرێت بژاردەی ترمان هەیە

خەڵك – بەشی هەواڵ

وتەبێژی حكومەتی هەرێمی كوردستان ڕایدەگەیەنێت، گەشبینن لە چەند ڕۆژی داهاتوودا بەغدا 320 ملیار دینارەكە بنێرێت بۆ مووچە. دەشڵێت، ئەگەر پارەكە نەنێرن، بژارەی تریان هەیە.

جوتیار عادل، وتەبێژی حكومەتی هەرێمی كوردستان بە ڕووداوی ڕاگەیاند:”حكومەتی هەرێمی كوردستان هەموو هەوڵێك دەدات بۆ دابەشكردنی مووچە. گەشبینین لە چەند ڕۆژی داهاتوودا بەغدا 320 ملیار دینارەكە بنێرێت”.

وتەبێژی حكومەت وتیشی:ئەگەر 320 ملیار دینارەكە نەهات بۆ دابەشكردنی مووچە، ئێمە بژارەی خۆمان دەبێت. بەپێی ڕێككەوتن دەبێت لە عیراقەوە مووچەی چوار مانگی ترمان بۆ ڕەوانە بكرێت”.

بەردەوام بە لە خوێندنەوە

ئابوری

دواین بڕیار لەسەر پێدانی پارە بە هاووڵاتیان لەبری بەشەخۆراك دەدرێت

خەڵك- بەشی هەواڵ
وەزیری بازرگانی عیراق ئاشكرای دەكات، كە لێكۆڵینەوەی ئابووری دەكەن بۆ دیاری كردنی میكانیزمی دابەشكردنی پارە لەبری بەشەخۆراك و دواتر ئەنجوومەنی ئابووری حكومەت و ئەنجوومەنی وەزیران بڕیاری لێ‌ دەدەن و دەشڵێت: “بەشەخۆراكی بەشێكی فەرمانبەران دەبڕدرێت”.

وەزارەتی بازرگانی عیراق لە بەیاننامەیەكدا ئاماژەی بەوەكردووە، كە د.عەلا جبوری، وەزیری بازرگانی و د. عادل ركابی، وەزیری كار و كاروباری كۆمەلایەتی كۆبوونەوە و ڕێككەوتوون لەسەر پێكهێنانی لیژنەیەكی هاوبەش تاوەكو ناوی هەموو ئەوانەی تۆماركراون بۆ تۆڕی پاراستنی كۆمەڵایەتی و كەمئەندامان لە هەمان كاتدا پسووڵەی ئەلیكترۆنی خۆراك-یان پێ‌ بدرێت.

وەزیری بازرگانی ڕاشیگەیاندووە، كە لێكۆڵینەوەی ئابووری و هونەری دەكەن بۆ دیاری كردنی میكانیزمی دابەشكردن و پشت پێ‌ بەستن بە دابەشكردنی پارە لەبری بەشەخۆراك یان بەردەوامبوون لەسەر دابەشكردنی بەشەخۆراكی مانگانە.

ئاماژەی بەوەشكردووە، ئەنجامی لێكۆڵینەوەكە دەخرێتە بەردەم ئەنجوومەنی ئابووری حكومەت پێش ئەوەی بەرزبكرێتەوە بۆ ئەنجوومەنی وەزیران تاوەكو بڕیار بدرێت لەسەر ئەو چین و توێژانەی بەشەخۆراك دەیانگرێتەوە.

جەختیشی كردۆتەوە، كە پسووڵەی خۆراك دەكەن بە ئەلیكترۆنی و بەشەخۆراكی مردووان و ئەو فەرمانبەرانەی مووچەكانیان لەسەرووی ملیۆنێك و 500 هەزارەوەیە دەبڕن.

ئاشكراشی كردووە، كە كاردەكەن بۆ سنوورداركردن و دیاری كردنی ئەو چین و توێژانەی شایستەی وەرگرتنی بەشەخۆراكن و لەبەرامبەردا باشكردن و زیادكردنی ماددەكانی بەشەخۆراك.

بەردەوام بە لە خوێندنەوە

ئابوری

نرخی ئاڵتون بەشێوەیەكی لەناكاو دابەزی

خەڵك- بەشی هەواڵ
بڵاوبوونەوەی هەواڵی دۆزینەوەی ڤاكسینی كۆرۆنا لەلایەن كۆمپانیاكانی دەرمانەوە كاریگەری گەورەی كردۆتە سەر نرخی زێڕ و دراوە بیانییەكان و ئابووری جیهانی و بەو هۆیەوە ئەمڕۆ ئاڵتون كەمترین نرخی لەماوەی ئەمساڵدا تۆماركرد.

بەپێی بەدواداچوونێكی (خەڵك) ئەمڕۆ نرخی ئاڵتون بەشێوەیەكی بەرچاو لە بۆڕسەی جیهانی دابەزیوە و نرخی ئۆنسێك بووە بە (1808) دۆلار، كە ئەمە كەمترین نرخە لەمساڵدا تۆمار كرابێت.

هەر بەپێی زانیارییەكان، كە لە سەندیكای زێرەنگەرانی كوردستانەوە دەست كەوتووە، نرخی لیرەیەك بە 383 دۆلارە و عەیارە 24 بە 363 هەزار و عەیارە 21 بە 320 هەزار و عەیارە 18 بە 272 هەزار دینارەز

دوابەدوای بڵاوبوونەوەی ڤایرۆسی كۆرۆنا و وەستانی گەشەی ئابووری جیهانی و ڕاوەستانی بەشێكی زۆری ئاڵوگۆڕی بازرگانی، مەترسی لەسەر دراوە جیهانییەكان دروست بوو، بەو هۆیەشەوە دراوی قورسی ئاڵتون خواست لەسەری زیادی كرد و بەوەش نرخەكەی بۆ 2 هەزار دۆلار بۆ ئۆنسێك بەرزبووەوە.

بەردەوام بە لە خوێندنەوە

کوردستان