ئێمە لە تۆرە کۆمەڵایەتیەکان

ئابوری

جەژن و قەیسی؛ خواردنێك سوودی زیاترە لە زیان


خەڵك- بەشی هەواڵ
قەیسی ئەو میوەی، كە بەردەوام لە بۆنە و جەژنەكاندا هاووڵاتیان وەك شلە لێیدەنێت و جەژن و قەیسی دووانەیەكی لێكدانەبڕاون، كە سوودێكی زۆری بۆ تەندروستی مرۆڤ هەیە.

لەشكر حەمید، ئەندازیاری خۆراك بۆ (خەڵك) ئاماژەی بەوەكرد، قەیسی لە كۆمەڵگەی ئێمە زیاتر لە جەژن و بۆنەكان بایەخ بە خواردنی دەدرێت، قەیسی وشككراوە یەكێكە لە میوە وشكراوە زۆر بە سوودەكان، كە لە كوردەواری دا وەكو هێمای جەژن تەماشا دەكرێت، كە ئەمەش بنەمای زانستی هەیە بە هۆی زۆری سوودەكانی بۆ جەستەی مرۆڤ.

وتیشی، “قەیسی دەبێتە هۆی كەم كردنەوەی زیانەكانی ئەو خۆراكانەی لە جەژندا دەخورێن بە تایبەتی خواردنی بڕێكی زۆر برنج و چەوری و شیرینی و سوێری و شەربەتە دەستكردەكان و خواردنەوە گازییەكان”.

جەختیشی كردەوە، زۆر گرنگە بۆ خواردنی جەژن قەیسی بخۆین لەبەرئەوەی كۆڵستڕۆڵی تێدا نییە و ڕێژەیەكی باش پۆتاسیۆمی تێدایە، كە كاریگەری باشی هەیە بۆ مێشكی مرۆڤ هەروەها دەوڵەمەندە بەڕیشاڵەكان پەكتین و سلیلۆز، كە هەرس ئاسان دەكات و بۆ كۆڵۆن باشە و قەبزی ناهێڵێت، قەیسی ڕێژەیەكی باش ڤیتامینەكانی تێدایە بە تایبەتی ڤیتامین (A، B6، C).

ئەو ئەندازیارەی خۆراك دەشڵێت: “قەیسی ڕێژەیەكی باشی كانزاكانی تێدایە و مادەی دژە ئۆكسێنی تێدایە لەگەڵ دژە هەوكردن و هاوسەنگی ڕێژەی شەكر لە خوێندا ڕادەگرێ و جەستە پاك دەكاتەوە لە كۆلستڕۆڵە زیان بەخشەكان و ڕێگرە لە زیادبوونی كێش و ماسولكەكان بەهێز دەكات، بۆیە زۆر گرنگە لە جەژندا قەیسی بخۆین”.

ئابوری

ئەمڕۆ وەزارەتی خوێندنی باڵا مووچە وەردەگرێت


خەڵك-بەشی هەواڵ

بەپێی ئەو خشتەیەی پێشتر وەزارەتی دارایی بڵاویكردەوە، بڕیارە ئەمڕۆ یەك شەممە 5-4-2020 مووچەی مانگی 12ی ساڵی ڕابردووی وەزارەتی خوێندنی باڵای حكومەتی هەرێمی كوردستان دابەش بكرێت.

بەپێی زانیارییەكانیش دابەشكردنی مووچە لە ڕۆژانی داهاتوو بەردەوام دەبێت، ئەمەش لەكاتێكدایە مووچەی سێ مانگی ئەمساڵ هیچ وادەیەك دیاری نەكراوە بۆ دابەشكردنی.

بەرپرسانی حكومەتی هەرێم ڕایدەگەیەنن، بەهۆی بڵاوبوونەوەی ڤایرۆسی كۆرۆنا و داخستنی سەرجەم چالاكییە ئابوورییەكان، داهاتی حكومەتی هەرێم لە سفر نزیك بووەتەوە، بەو هۆیەشەوە دابەشكردنی مووچەی لەكاتی خۆیدا دابەش ناكرێت.

بەردەوام بە لە خوێندنەوە

ئابوری

پەڕلەمانتارێكی لیژنەی دارایی لەسەر مووچەی فەرمانبەرانی هەرێم ڕوونكردنەوە دەدات


خەڵك – بەشی هەواڵ
ئەندامێكی لیژنەی دارایی و ئابووری پەڕلەمانی عیراق ڕایدەگەیەنێت، سەرباری كێشەی كۆرۆنا و دابەزینی نرخی نەوت، عیراق گرفتی دابینكردنی مووچەی نیە، دەشڵێت: “پشكی هەرێم بەیاسا پارێزراوە و هیچ كێشەیەكی نیە”.

هۆشیار عەبدوڵا، ئەندامی لیژنەی دارایی و ئابووری پەڕلەمانی عیراق لە هەژماری تایبەتی خۆی لە فەیسبووك ڕایگەیاندووە، سەرباری كێشەی كۆرۆنا و دابەزینی نرخی نەوت، عیراق گرفتی دابینكردنی مووچەی نیە، ئەو پڕوپاگەندانەی گوایا عیراق ناتوانێ مووچە دابین بكات دوورن لە ڕاستیەوە.

دەشڵێت: “زیاد لەجارێك بەرپرسانی بانكی ناوەندی بەفەرمی سەبارەت بە دابینكردنی مووچە حكومەتی عیراقیان دڵنیاكردۆتەوە، نرخی نەوتیش ئاوا نامێنێتەوە”.‬

ڕاشیگەیاندووە، ‫پشكی هەرێم بەیاسا پارێزراوە و هیچ كێشەیەكی نیە، تا پەسەندكردنی بودجەی ۲٠۲٠، لە سەر بنەمای بودجەی ۲٠۱۹ و بە گوێرەی یاسای ئیدارەی مالی پشكی هەرێم پشتیوانی یاسایی هەیە و دەبێ بنێردرێ، بۆیە باسی برینی پشكی هەرێم جا هەر پەڕلەمانتارێكی عەرەب یا كورد بیكات، تەنها بۆ موزایەدە و بازرگانی سیاسیە.‬

بەردەوام بە لە خوێندنەوە

ئابوری

“هەر خێزانێك بڕی 150 هەزار دیناری وەك هاوكاری پێ‌ دەدرێت”


خەڵك- بەشی هەواڵ
وەزارەتی پلاندانانی حكومەتی عیراق بڕیاری دا هەر خێزانێك، كە مووچە لە حكومەت وەرناگرێت مانگانە بڕی 150 هەزار دیناری پێ‌ بدات ئەوەش بەهۆی بڕیاری قەدەغەی هاتووچۆ و ڕاوەستانی كار و كاسبی هاووڵاتیان.

عەبدولزوهرە هینداوی، وتەبێژی وەزارەتی پلاندانانی حكومەتی عیراق لە بەیاننامەیەكدا ئاماژەی بەوەكردووە، هاوكارییەكی بەپەلە دەدرێت بەو خێزانانەی مووچەخۆری حكومەت نین و هیچ سەرچاوەیەكی داراییان نییە یان سوودمەند نین لە تۆڕی پاراستنی كۆمەڵایەتی.

ڕاشیگەیاندووە، كە هاوكارییەكە بڕی 150 هەزار دنیاری مانگانەیە و بۆ ڕێگری كردنە لە قەیرانی دارایی لای هاووڵاتیان، چونكە بەهۆی بڕیاری قەدەغەی هاتووچۆوە كار و كاسبی هاووڵاتیان ڕاوەستاوە.

ئاشكراشی كردووە، كە وەزارەتەكەیان داتابەیسی هەیە بۆ تۆماركردنی ناوی ئەو خێزانانەی لەخوار هێڵی هەژارییەوە دەژین و هاوكات سوودیشیان لە لیستی كۆبۆنی خۆراكی وەزارەتی بارزگانی وەرگرتووە.

وتیشی، “لەلایەن بانكی ناوەندییەوە بڕی 300 ملیار دینار تەرخان كراوە بۆ پڕۆسەكە و بەم زووانە دابەش دەكرێت”.

بەردەوام بە لە خوێندنەوە

کوردستان