ئێمە لە تۆرە کۆمەڵایەتیەکان

کوردستان

پەڕلەمانی كوردستان پەیامێك بۆ یەكێتی و پارتی دەنێرێت

خەڵك- بەشی هەواڵ
پەڕلەمانی كوردستان بەبۆنەی هاتنەوەی جەژنی ڕەمەزانی پیرۆزەوە پەیامی پیرۆزبایی بڵاودەكاتەوە و داوا لە سەرجەم لایەنە پێكهێنەرەكانی حكومەت دەكات، كە بەزووترین كات بەسازان و لێكتێگەیشتن هەنگاو بنێن بۆ پێكهێنانی كابینەی نۆیەمی حكومەت بۆ زیاتر خزمەتكردنی خەڵكی كوردستان.

پەڕلەمانی كوردستان لە پەیامێكدا، كە وێنەی دراوە بە (خەڵك) ئاماژەی بەوەكردووە، یەكێك لەسیما هەرە جوانەكانی جەژن ئاشتبوونەوە و لێبووردەییە، لە ئێستادا لە هەموو كات زیاتر پێویستمان بەو لێبووردەییە و یەكڕیزییە هەیە لەهەرێمی كوردستان.

ئەم پەیامەی پەڕلەمانی كوردستان لەكاتێكدایە، كە پارتی و یەكێتی ناكۆكن لەسەر پێكهێنانی حكومەتی هەرێم و فراكسیۆنی یەكێتی بەهۆی دیاری نەكردنی پارێزگاری كەركوكەوە دەنگی بە نێچیرڤان بارزانی بۆ سەرۆكی هەرێم نەدا و ئەمەش زیاتر كێشەكانی نێوان ئەو دوو حزبەی قوڵكردۆتەوە.

دەقی پەیامەكە:
بەبۆنەی هاتنەوەی جەژنی رەمەزانی پیرۆزەوە، سەرۆكایەتیی پەرلەمانی كوردستان پەیامێكی پیرۆزبایی ئاراستەی سەرجەم موسڵمانان دەكات، كە ئەمە دەقەكەیەتی:

بەبۆنەی هاتنەوەی جەژنی ڕەمەزانی پیرۆز كە هاوكاتە لەگەڵ ساڵیادی یەكەم دانیشتنی پەرلەمانی كوردستان، جوانترین و ڕازاوەترین پیرۆزبایی ئاراستەی سەرجەم موسڵمانانی كوردستان و عێراق و جیهان دەكەین و دەخوازین ببێتە جەژنی خێرو خۆشی بۆ گشت لایەك، یەكێك لەسیما هەرە جوانەكانی جەژن ئاشتبوونەوە و لێبووردەییە، لە ئێستادا لە هەموو كات زیاتر پێویستمان بەو لێبووردەییە و یەكڕیزییە هەیە لەهەرێمی كوردستان، بۆیە داواكارین لەسەرجەم هێز و لایەنە سیاسییەكانی پێكهێنەری حكومەت بەزووترین كات بەسازان و لێكتێگەیشتن هەنگاو بنێن بۆ پێكهێنانی كابینەی نۆیەمی حكومەت بۆ زیاتر خزمەتكردنی خەڵكی كوردستان، وەك دیارە رۆژی 4ی حوزەیرانی 1992 یەكەمین دانیشتنی پەرلەمانی كوردستان گرێدرا، پەرلەمانێك كە بەدەنگی زۆرینەی خەڵكی هەرێمی كوردستان و یەكڕیزیی هێز و لایەنە سیاسییەكان هاتە بەرهەم، بەم بۆنەیەوە پیرۆزبایی لەخانەوادەی سەربڵندی شەهیدان دەكەین كە لەسایەی خوێنی ڕۆڵە ئازیزەكانی ئەوان كوردستان سەركەوت و بووینە خاوەنی پەرلەمان و حكومەت، هەروەها پیڕۆزبایی لە پێشمەرگە قارەمانەكان دەكەین كە بەگیانفیدایی خۆیان كوردستانیان لەناحەزان و تیڕۆریستان پاراست، پیرۆزباییەكی گەرم ئاراستەی خەڵكی كوردستان بە گشتی دەكەین و هیوادارین ئەم ساڵیادە ببێتە هاندەرێك بۆ زیاتر چەسپاندنی پایەكانی سیستەمی دیموكراسی و دامەزراوەكانی كۆمەڵگەی مەدەنی لە هەرێمی كوردستان.

جارێكیتر پیرۆزباییەكی گەرم لە هەموو خەڵكی كوردستان دەكەین بە بۆنەی جەژنی رەمەزانی پیرۆز و ساڵیادی دامەزراندنی پەرلەمانی كوردستان.
سەرۆكایەتیی پەرلەمانی كوردستان

کوردستان

وەزارەتی خوێندنی باڵا شەش پۆست بۆ جاری یەكەم لە زانكۆی سلێمانی ڕادەگەیەنێت

خەڵك – بەشی هەواڵ
وەزارەتی خوێندنی باڵا و توێژینەوەی زانستی لە چوارچێوەی ڕێنماییەكاندا شەش پۆست بۆ جاری یەكەم لە زانكۆی سلێمانی ڕادەگەیەنێت، ماوەی وەرگرتنی (c.v) تا 20ی ئەم مانگە دەبێت.

وەزارەتی خوێندنی باڵا و توێژینەوەی زانستی حكومەتی هەرێم لە ڕاگەیەنراوێكدا، بڵاویكردەوە ، لە چوارچێوەی ڕێنماییەكاندا شەش پۆست بۆ جاری یەكەم لە زانكۆی سلێمانی ڕادەگەیەنێت، هەر كەسێك ئارەزوی هەیە و مەرجەكانی تێدایە دەتوانێت لە ماوەی دیاریكراودا (c.v) و داواكارییەكەی پێشكەش بكات، تا ناوی لە لیستی خوازیاراندا تۆمار بكرێت.

ڕاشیگەیاندووە، چانسی زیاتر دەدرێت بەو بەڕێزەی، كە دیدو بۆچوون و بەرنامەی كار و چالاكییەكانی خۆی پێشكەش بكات بۆ بەرەوپێشبردنی زانكۆ بۆ ئەو چوار ساڵەی كە پۆستەكەی وەردەگرێت ، زمانی ئینگلیزی و بەكارهێنانی كۆمپیوتەر هەلی زیاتر بۆ پیشكەشكار دەڕەخسێنیت.

ئاماژەبۆ ئەوەشكراوە، بۆ پێشكەشكردنی (c.v) و پوختەی ڕاژە كۆتایی دەوامی ڕێكەوتی (٢٠/٨/٢٠٢٠) دەبێت و پێویستە پوختەی ڕاژەی لەلایەن بەرپرسی یەكەمی فەرمانگەكەیەوە واژوو كرا بێت.

هەر بەڕێزێك ئارەزوی هەیەو مەرجەكانی سەرەوەی تێدا بەدی دەكرێت دەتوانی (c.v) و پوختەی ڕاژەی ڕاستەوخۆ بۆ ئەم ئیمیلە [email protected] بنێرێت.

پۆستەكان:
ڕاگری كۆلیژی پزیشكی
ڕاگری كۆلیژی پزیشكی ڤێتەرنەری
ڕاگری كۆلیژی زمان
ڕاگری كۆلیژی زانستە ئەندازیارییە كشتوكاڵییەكان
ڕاگری كۆلێژی بازرگانی
ڕاگری كۆلێژی هونەرە جوانەكان

مەرجەكان:
هەڵگری بڕوانامەی دكتۆرا بێت.
ناونیشانی زانستی لە پرۆفیسۆری یاریدەدەر كەمتر نەبێت.
خزمەتی زانكۆیی لە (10) ساڵ كەمتر نەبێت.

بەردەوام بە لە خوێندنەوە

ژینگە

عەبدولڕەحمان سدیق پۆستێكی باڵای لە كابینەی نۆ وەرگرت

خەڵك – بەشی هەواڵ
نووسەر و ئەندازیار سیاسەتمەداری كوردو ئەندامێكی پێشووی سەركردایەتی یەكگرتووی ئیسلامیی كوردستان پۆستی سەرۆكی دەستەی پاراستن و چاككردنی ژینگە لە هەرێمی كوردستان وەرگرت و ئەمڕۆ سەرۆكی هەرێم واژۆی لەسەر كرد .

نێچیرڤان بارزانی، سەرۆكی هەرێمی كوردستان ئەمڕۆ دووشەممە 10/8/2020، فەرمانی هەرێمی بۆ عەبدولڕەحمان سدیق، نووسەر و ئەندازیار سیاسەتمەدار ی كورد واژۆ كرد تا وەك سەرۆكی دەستەی پاراستن و چاككردنی ژینگە لە هەرێمی كوردستان دەست بەكار بێت.

سەرۆكی هەرێمی كوردستان لە دوای واژۆكردنی دەستبەكاربوونەكەی ستایشی شارەزایی و خزمەت و هەوڵەكانی بۆ پاراستنی ژینگە و بڵاوكردنەوەی كولتووری ژینگەپارێزی عەبدولڕەحمان سدیق كرد، كە هەر لەدوای ڕاپەرینی ئازاری 1991ـەوەبەردەوام بووە و هیوای سەركەوتن بۆ خواست .

بیۆگرافیا :
عەبدولڕەحمان سدیق لە دایكبووی ٢ی ئازاری ١٩٦٢ شاری كەركوك، نووسەر و ئەندازیار سیاسەتمەدار ی كوردە، ئەندامی پێشووی سەركردایەتی یەكگرتووی ئیسلامیی كوردستان بووە و بڕوانامەی ئەندازیاری هەیە و چالاكوانێكی بواری ژینگەیە، لەماوەی ٢٠٠٣ تاكوو ٢٠٠٤ وەزیری ژینگەی عێراق بوو هاوكات ئەندامی ئەنجوومەنی نوێنەران (پەڕلەمان)ی عیراق بوو.

بەردەوام بە لە خوێندنەوە

کوردستان

تەندروستی سلێمانی: لە 24 كاتژمێری ڕابردوودا 22 تووشبووی كۆرۆنا چاكبوونەتەوە

خەڵك – بەشی هەواڵ

وتەبێژی بەڕێوەبەرایەتی‌ گشتی‌ تەندروستی‌ سلێمانی‌ ڕایدەگەیەنێت: لە ماوەی 24 كاتژمێری ڕابردوودا 22 تووشبووی كۆرۆنا چاكبوونەتەوە و 3 تووشبووش گیانیان لەدەستداوە.

د.یاد نەقشبەندی‌ وتەبێژی‌ بەڕێوەبەرایەتی‌ گشتی‌ تەندروستی‌ سلێمانی‌ لە ڕاگەیەندراوێكدا ئاشكرایكرد: لە 24 كاتژمێری‌ ڕابردوودا 32 نەخۆش داخڵی‌ نەخۆشخانەكانی‌ كۆرۆنا بوون و 22 تووشبووش نەخۆشخانەیان جێهێشتووە.

وتەبێژی بەڕێوەبەرایەتی‌ گشتی‌ تەندروستی‌ سلێمانی ‌ئاماژەی بەوەشداوە: هاتووە 146 تووشبوو لە نەخۆشخانەكان ماونەتەوە و لەو ژمارەیە 32 تووشبوو لە چاودێری‌ چڕن و هاوكات لە 24 كاتژمێری‌ ڕابردوو 3 تووشبووی‌ كۆرۆنا گیانیان لەدەستداوە.

بەردەوام بە لە خوێندنەوە

کوردستان