ئێمە لە تۆرە کۆمەڵایەتیەکان

کوردستان

گۆڕان داوای بەپەلە پێكهێنانی كابینەی نوێی حكومەت دەكات

خەڵك – بەشی هەواڵ

بزووتنەوەی گۆڕان لە ڕاگەیەندراوێكدا بەبۆنەی جەژنی ڕەمەزانەوە بەپێویستی دەزانێت، پەلەبكرێت لە پێكهێنانی كابینەی نوێی حكومەتی هەرێمی كوردستان و ئەو پرسە بەهیچ بیانووێك دوانەخرێت.

بزووتنەوەی گۆڕان لە ڕاگەیەندراوەكەدا بەبۆنەی هاتنی جەژنی ڕەمەزان، بەئەركی حكومەت و لایەنەكانە سیاسییەكانی دەزانێت، بە “لەخۆبردەیی و دوركەوتنەوە لە خۆپەرستی بناغەی كۆمەڵگەیەكی سەقامگیر و ئارام دابمەزرێنن”.

بزووتنەوەی گۆڕان ئاماژە بەوەشدەكات:”جەژنی ڕەمەزانی پیرۆز، بكرێتە دەرفەتێك بۆ یەكخستنی توانا و هەڵوێستەكان بۆ چارەسەركردنی ئەو دۆخە ناهەموارەی ڕووبەڕووی كەركوك و ناوچە دابڕێندراوەكان بووەتەوە، كە ئەمەش تەنیا بە لەخۆبردوویی و چاوخستنەسەر بەرژەوەندییە باڵاكان بەدیدەهێندرێت”.

دەقی ڕاگەیەندراوەكە:

بەبۆنەی جەژنی رەمەزانی پیرۆزەوە، پیرۆزبایی لە خەڵكی كوردستان و هەمو موسڵمانانی جیهان دەكەین. هیواخوازین ئەم جەژنە جەژنی ئاشتەوایی نیشتمانی و رێزگرتن لە ویست و خواست و داواكارییەكانی خەڵكی كوردستان بێت.

لەم بۆنەیەدا، بەئەركی حكومەت و لایەنەكانە سیاسییەكانی دەزانین، بە لەخۆبردەیی و دوركەوتنەوە لە خۆپەرستی بناغەی كۆمەڵگایەكی سەقامگیر و ئارام دابمەزرێنن، تا ئایندەیەكی گەشتر بۆ هاوڵاتیانمان دەستەبەر بكرێ.لەم دۆخە ناوخۆییە ناهەموارەدا كە لەئاست داواكاریی هاوڵاتییاندا نییە، عێراق و ناوچەكەش بە بارگرژیدا تێپەڕدەبێت، كە دەشێت لە سایەی نەبونی هاوهەڵوێستی و نەبونی دامەزراوە نیشتمانییەكان و ململانێ حزبییەكاندا لەهەر ئەگەرێكدا زەرەرمەندی گەورە خەڵكی كوردستانبن، پێویستە هەرچی زووە كێشەكان بەلادا بخرێن و پەلەبكرێ لە پێكهێنانی كابینەی نوێی حكومەتی هەرێم و چیتر ئەم پرسە بەهیچ بیانووێك دوانەخرێت و نائومێدییەكان بڕەوێنرێنەوە.

جەژنی رەمەزانی پیرۆز، بكرێتە دەرفەتێك بۆ یەكخستنی توانا و هەڵوێستەكان بۆ چارەسەركردنی ئەو دۆخە ناهەموارەی روبەڕوی كەركوك و ناوچە دابڕێنراوەكان بۆتەوە، كە ئەمەش تەنیا بە لەخۆبردویی و چاوخستنە سەر بەرژەوەندییە باڵاكان بەدیدەهێنرێت.
هەمیشە لە خۆشی و ئارامی و ئاسودەییدابن.

بزوتنەوەی گۆڕان

3/6/2019

کوردستان

بۆ بەخشینی متمانەیە بە حكومەتەكەی
شاندی كورد دوایین داواكاریی پێشكەش بە عەللاوی دەكات

خەڵك- بەشی هەواڵ
ئەندامێكی شاندی دانوستانكاریی هەرێمی كوردستان لەگەڵ سەرۆك وەزیرانی ڕاسپێردراو، تەئكید لەسەر تەوابوونی كۆبوونەوەی شاندەكە دەكات لەگەڵ عەللاوی بەبێ‌ گەیشتن بە هیچ ئەنجامێك، لە هەمان كاتدا ئاماژە بە پێشكەشكردنی داواكارییەك دەكات لەلایەن شاندەكەوە كە ڕێخۆشكەر دەبێت بۆ دەنگدان لەسەر كابینەكە نوێیەكە.

زیا بوترس، ئەندامی شاندی دانوستانكاری هەرێم لە لێدوانێكی ڕۆژنامەوانیدا ڕایگەیاندووە”عەللاوی پێداگرە لەسەر هەمان میكانیزمی هەڵبژاردنی وەزیرەكان و لە ڕووی مامەڵەكردنی لەگەڵ هەرێمی كوردستان، ئەمەش ڕەوشەكە ئاڵۆزدەكات، بەڵام بابەتەكە لەماوەی 48 كاتژمێری داهاتوودا وادەخوازێت عەللاوی نەرمی بنوێنێت تا پرۆسەی دەنگدان لەسەر كابینە وەزارییەكە ئاسان ببێت”.

بە وتەی زیا بوترس”پێویستە عەللاوی ڕاوێژ بە كورد بكات لە هەڵبژاردنی پۆستە وەزارییەكانی تایبەت بە كورد و گرفتەكانی پرسی بودجە و مووچەی فەرمانبەران و پرسەكانی تر كە لە كۆبوونەوەكانی سەرەتاوە بەڵێن لەسەر یەكلاكردنەوەیان دراوە”.

بوترس دەڵێت”شاندەكەی كورد لە بەغدا دەمێنێتەوە، و كۆبوونەوەی نوێ‌ لەگەڵ عەللاوی و فراكسیۆنە سیاسییەكان دەكات، گەر عەللاوی نەرمی نەنواند لە دانوستانەكاندا، ئەوا كاروبارەكان وەك خۆیان دەمێننەوە لەدوای تێپەڕینی 48 كاتژمێرەكە و بەر لە وادەی دەنگدان لەسەر كابینە وەزارییەكە”.

پێشتر ئەحمەد سەفار، پەرلەمانتاری پارتی دیموكراتی كوردستان، ئاماژەی بە بوونی 3 خاڵی ناكۆكی كردبوو لەنێوان محەمەد تۆفیق عەللاوی سەرۆك وەزیرانی ڕاسپێردراو و فراكسیۆنە كوردییەكان كە ڕێگربوون لەبەردەم ڕێككەوتنێكی هەمەلایەنە لەنێوانیان.

ئاژانسی دەنگوباسی (العراقیە) لە زاری سەفارەوە بڵاویكردبۆوە”ناكۆكییەكانی فراكسیۆنە كوردییەكان لەگەڵ عەللاوی، خۆیان لە پشكی كورد لە بودجە و مووچە و دەرماڵەی پێشمەرگە و میكانیزمی هەڵبژاردنی وەزیرەكاندا دەبینێتەوە”.

پێشتر سەرچاوەیەكی پەرلەمانی ڕایگەیاندبوو، كۆبوونەوەی فراكسیۆنە كوردییەكان لەگەڵ محەمەد تۆفیق عەللاوی سەرۆك وەزیرانی ڕاسپێردراو، بێ‌ ئاكام بووە و بەبێ‌ گەیشتن بە ڕێككەوتن كۆتایی هاتووە.

بەردەوام بە لە خوێندنەوە

کوردستان

سلێمانی؛سبەینێ ئەم گەڕەكە كارەبای نابێت

خەڵك – بەشی هەواڵ
لیژنەی سەرپەرشتیاری پرۆژەی تۆڕی زیرەك – سلێمانی ڕایدەگەیەنێت، پێوەری زیرەك بۆ ڕۆژی شەممە لە گەڕەكێكی سلێمانی دەبەسترێت و داواش لەو هاووڵاتیان دەكات لە پێناو پاراستنی ئامێرە كارەباییەكان ئێوارە پێش لێدانەوەی كارەبا بۆ یەكەمجار هەموو ئامێرە كارەباییەكانیان بكوژێننەوە و دواتر لەدوای یەك هەڵیان بكەنەوە.

لیژنەی سەرپەرشتیاری پرۆژەی تۆڕی زیرەك – سلێمانی لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، دانیشتوانی گەڕەكی (بەختیاری پشت تەلاری هونەر و چێشتخانەی شكار) ئەو ماڵانەی دەكەونە سەر فیدەری (18) ڕۆژی شەممە 29-2-2020 پێوەری زیرەكی كارەبایان بۆ دەبەسترێت.

ڕاشیگەیاندووە، لە كاتژمێر 8 ی بەیانی بۆ 4 ئێوارە كارەبای نیشتمانی و موەلیدەیان نابێت، واتە موەلیدەی ئەهلی سەر ئەو فیدەرە نابێت كار بكەن‌، ئەوەش لە پێناو سەلامەتی گیانی تیمەكانی كارەبا و هاووڵاتیان خۆیان.

لە ڕاگەیەنراوەكەدا ئاماژە بۆ ئەوەشكراوە، لە پێناو پاراستنی ئامێرەكارەباییەكان پێویستە هاووڵاتیان ئێوارە پێش لێدانەوەی كارەبا بۆ یەكەمجار هەموو ئامێرە كارەباییەكانیان بكوژێننەوە و دواتر لەدوای یەك هەڵیان بكەنەوە .

بەردەوام بە لە خوێندنەوە

کوردستان

ڕۆژی یەكشەممە پەڕلەمانی كوردستان كۆدەبێتەوە

خەڵك – بەشی هەواڵ

دەستەی سەرۆكایەتیی پەڕلەمانی كوردستان بەرنامەی كاری دانیشتنی كردنەوەی خولی بەهارەی ساڵی دووەم بڵاوكردەوە و ڕۆژی یەكشەممە خوێندنەوەی دووەم بۆ پێشنیازەیاسای بەرەنگاربوونەوەی بەقاچاغبردنی نەوت و لێدەرهێنراوەكان لە هەرێمی كوردستان-عیراق دەكرێت.

دەستەی سەرۆكایەتیی پەڕلەمانی كوردستان لە ڕاگەیەنراوێكدا، كە وێنەیەكی دەست (خەڵك) كەوتووە ڕایگەیاندووە، بەپێی حوكمی بڕگەی (یەكەم) لەماددەی (7)و برگەی (یەكەم و دووەم و سێیەم) لە ماددەی (16)و بڕگەی (سێیەم) لەماددەی (18)و ماددەكانی (47، 48) لەپەیڕەوی ناوخۆی پەرلەمانی كوردستان-عیراق، ڕۆژی یەكشەممە 1ی ئازاری 2020 دانیشتنی كردنەوەی خولی بەهارەی ساڵی دووەم لە خولــی پێنجەمی هەڵبژاردنی پەرلەمان كاتژمێر (11)ی پێشنیوەرۆ دەستپێدەكات .

بەرنامەی كار بەمشێوەیەی خوارەوەیە:
یەكەم: یەك دەقیقە بێ دەنگ وەستان بۆ رێزلێنان لە گیانی شەهیدانی كوردستان و عیراق لەگەڵ مارشی نەتەوەیی.

دووەم: كردنەوەی خولی بەهارەی ساڵی دووەم لە خولــی هەڵبژاردنی پێنجەمی پەرلەمانی كوردستان-عیراق لەلایەن سەرۆكی پەرلەمان بەپێی حوكمی بڕگەی (سێیەم) لەماددەی (18)ی پەیڕەوی ناوخۆی پەرلەمانی كوردستان.

سێیەم: وتاری بەڕێز سەرۆكی پەرلەمان بەبۆنەی كردنەوەی خولی بەهارەی ساڵی دووەم لە خولــی پێنجەمی هەڵبژاردنی پەرلەمانی كوردستان-عێراق.

چوارەم: خوێندنەوەی دووەمی پێشنیازەیاسای (بەرەنگاربوونەوەی بەقاچاغبردنی نەوت و لێدەرهێنراوەكان لە هەرێمی كوردستان-عێراق) بەپێی حوكمی ماددەكانی (87، 88، 89) لەپەیڕەوی ناوخۆی پەرلەمانی كوردستان-عێراق.

بەردەوام بە لە خوێندنەوە

کوردستان