ئێمە لە تۆرە کۆمەڵایەتیەکان

کوردستان

شۆڕش حاجی: بزوتنەوەی گۆڕان لەبەردەم دوڕیانی تێكشان و هیوای سەركەوتندایە

خەڵك- بەشی هەواڵ

شۆڕش حاجی، ئەندامی خانەی ڕاپەڕاندنی بزوتنەوەی گۆڕان ڕایگەیاند، لە بارودۆخی ئێستادا بزوتنەوەی گۆڕان و چەمكی گۆڕانخوازی لە بەردەم دوڕیانی مەترسی تێكشكان ‌و هیوای سەركەوتندایە و ئەگەر بزوتنەوەی گۆڕان شكست بێنێ ئومێدی خەڵك بە گۆڕانكاری بۆ ماوەیەكی زۆر خامۆش دەبێت، وەك ئەو دەڵێت.

ئەو بەرپرسە باڵایەی گۆڕان لە وتارێكدا كە لە میدیای فەڕمی بزوتنەوەی گۆڕاندا بڵاوكراوەتەوە، نوسیویەتی” بزوتنەوەی گۆڕان لەگەڵ دەركەوتنی وەك جوڵانەوەیەكی سیاسی كۆمەڵایەتی لە گۆڕەپانی سیاسی لە كوردستانی عیراق، بوە هەوێنی كۆكردنەوەی هەمو ئەو ئاراستەو تاك‌و لایەنەنانەی كە بڕوایان بە گۆڕینی سیستمی سیاسی‌و واقیعی ئابوری‌و كۆمەڵایەتی‌و رۆشنبیری كوردستانی عیراق هەبو.”

هەر لە نوسینەكەیدا ناوبراو وتویەتی” لەبەرامبەردا بوە مایەی ترس‌و دڵەڕاوكێی هەمو ئەو تاك‌و دەستەو هێزو لایەنانەی كە بەرژەوەندیان لە مانەوەی ئەو واقیعە سەپێنراوەی ئەو سەردەمەدا بو. هەردو بەرە بە جیدی چونە ناو ململانێیەكی توندەوە بۆ بەلاداخستنی ئەو بۆڕبۆڕێنە تازەسەرهەڵداوەو تا ئێستاش بەردەوامە”.

شۆڕش حاجی ڕونیكردووەتەوە، كە ململانێكی نێوان گۆڕان و حزبە دەسەڵاتدارەكان بەهۆی ئەو هەلومەرجە سیاسی‌و كۆمەڵایەتییەی كوردستانی عیراق‌و، شێوازی باوی كاری حیزبی‌و، كلتوری پاشماوەی شەڕی ناوخۆو، نەفەسی یەكترقبوڵنەكردن‌و، توندڕەوی‌ لە زیهنییەتی بەشێك لەوانەی لەناو كایەی سیاسەتدا بون، لە رێچكە سروشتییەكەی خۆی دەرچووە و ئەو بارودۆخە رەنگدانەوەی لەسەر ناوخۆی گۆڕان ‌و خیتابی ئیعلامی ‌و كاری پەرلەمانی ‌و جەماوەری گۆڕانیش دروست كردووە.

ناوبراو ئاماژەی بەوەشكردووە، ململانێی سیاسی ئێستا بۆ گۆڕانكاری قورس بووە و بەرەی گۆڕانكاری لەبەردەم دوڕیانێكی مەترسیداردان” ئێستا لەم ساتەوەختەداو لەبەردەم دوڕیانی شكست‌و سەركەوتنی ئەو رەوتەدا ئەركی ئەوانەی بەرەی یەكەم، كە بریتین لە هەڵسوڕاوان‌و سەركردایەتی بزوتنەوەی گۆڕان‌و گۆڕانخوازان‌و رۆشنبیران‌و نوخبەی كۆمەڵگای كوردەواری‌و هەمو ئەوانەی ئومێدیان بە گۆڕانكارییە، قورسترە.”

کوردستان

ئەمریكا دوو لیوای دیكەی وەزارەتی پێشمەرگە پڕچەك دەكات

خەڵك – بەشی هەواڵ
سەرچاوەیەكی باڵا لە وەزارەتی پێشمەرگە ڕایدەگەیەنێت، ئەمریكا لە چوارچێوەی هاوكارییە بەردەوامەكانی بۆ پێشمەرگە بەم نزیكانە دوو لیوای دیكە پڕ چەك دەكات و سەرجەم پێداویستیە سەبازیەكانی بۆ دابین دەكات، دەشڵێت: “لیوای 14 و 16 ئەو دوو لیوایە دەبن، كە ئەمجارە پڕ چەك دەكرێن”.

سەرچاوەیەكی باڵا لە وەزارەتی پێشمەرگە بە (خەڵك)ی ڕاگەیاند، لەماوەی ڕابردوودا هێزەكانی ئەمریكا و هاوپەیمانان لە چوارچێوەی هاوكاریەكان بۆ هێزی پێشمەرگە هەردوو لیوای یەك و دوویان پڕ چەك كرد و تەواوی پێداویستیە سەربازیەكانیان بۆ دابین كردن.

وتیشی، “وەزارەتی پێشمەرگە ئەوەی یەكلاكردەوە، كە ئەو پێداویستیە سەربازیانەی بڕیارە بۆ دوو لیوای دیكەی وەزارەتی پێشمەرگە لە لایەن ئەمریكاوە دابین بكرێت بۆ هەردوو لیوای 14 و 16ی وەزارەتی پێشمەرگە بێت”.

ڕاشیگەیاند، پێشتر هاوكاریەكەی هێزەكانی ئەمریكا بۆ پێشمەرگە هەردوو لیوای 1 و2ی پێ پڕچە كرا و تەواوی پێداویستیەكانی بۆمان هات درانە ئەو دوو لیوایە.

بەردەوام بە لە خوێندنەوە

کوردستان

سەعدی‌ پیرە لە ئەوروپا پۆستێكی پێ درایەوە

خەڵك – بەشی هەواڵ
ئەندامێكی مەكتەبی‌ سیاسی‌ یەكێتی‌ نیشتیمانی‌ كوردستان بە بەدەست هێنانی 88 دەنگ لە كۆی 100 دەنگ وەك ئەندامی‌ بۆردی‌ سەرۆكایەتی‌ هاوپەیمانی‌ پێشكەوتخوازی‌ سوید هەڵبژێردرایەوە.

میدایی فەرمی یەكێتی بڵاویكردەوە سەعدی‌ پیرە، ئەندامی مەكتەبی‌ سیاسی‌ یەكێتی‌ نیشتیمانی‌ كوردستان لەكۆنفرانسێكدا لەسوید، كە بەمەبەستی‌ دانانەوەی‌ بۆردی‌ هاوپەیمانی‌ پێشكەوتوخوازی‌ سوید ڕێكخرابوو، دەنگی پێویستی هێنا و وەك ئەندامی‌ بۆردی‌ سەرۆكایەتی‌ هاوپەیمانی‌ پێشكەوتخوازی‌ سوید هەڵبژێردرایەوە.

ڕاشیگەیاندووە، لە كۆنفرانسێكدا دەنگدان بۆ ئەندامانی‌ سەرۆكایەتی‌ بۆردی‌ هاوپەیمانی‌ پێشكەوتخوازی‌ سوید كرا و لە كۆی ١٠٠ كەس، كە بەشداری دەنگدانیان كرد، سەعدی پیرە دەنگی ٨٨ كەسی بەدەستهێنا.

بەردەوام بە لە خوێندنەوە

کوردستان

فڕۆكە جەنگییەكانی توركیا قەندیل بۆردومان دەكەن

خەڵك – بەشی هەواڵ
فڕۆكە جەنگییەكانی سوپای توركیا ئەمڕۆ بۆ ماوەی چەند كاتژمێرێك شاخی قەندیل-یان بۆردوومان كرد، هێشتا هیچ لەبارەی زیانەوەكانەوە نەزانراوە.

ئێوارەی ئەمڕۆ هەینی 15-11-2019 فڕۆكە جەنگییەكانی سوپای توركیا بۆ ماوەی 3 كاتژمێر بۆردومانی بناری قەندیل-یان كرد.

بە پێی زانیارییەكان، هێشتا بۆردومانەكان بەردەوامی هەیە، هیچ زانیارییەك لەبارەی زیانەوەكانەوە ئاشكرانەكراوە.

بە بەردەوامی و بەبیانوی بوونی بارەگاكانی پارتی كرێكارانی كوردستان لە ڕێگەی فڕۆكەوە سوپای توركیا بۆردومانی بناری قەندیل لە باشووری كوردستان دەكات و بەهۆی بۆردومانەكانەوە زیان بەر هاووڵاتی سڤیلی ئەو ناوچانە دەكەوێت.

بەردەوام بە لە خوێندنەوە

کوردستان