ئێمە لە تۆرە کۆمەڵایەتیەکان

کوردستان

شۆڕش حاجی: بزوتنەوەی گۆڕان لەبەردەم دوڕیانی تێكشان و هیوای سەركەوتندایە


خەڵك- بەشی هەواڵ

شۆڕش حاجی، ئەندامی خانەی ڕاپەڕاندنی بزوتنەوەی گۆڕان ڕایگەیاند، لە بارودۆخی ئێستادا بزوتنەوەی گۆڕان و چەمكی گۆڕانخوازی لە بەردەم دوڕیانی مەترسی تێكشكان ‌و هیوای سەركەوتندایە و ئەگەر بزوتنەوەی گۆڕان شكست بێنێ ئومێدی خەڵك بە گۆڕانكاری بۆ ماوەیەكی زۆر خامۆش دەبێت، وەك ئەو دەڵێت.

ئەو بەرپرسە باڵایەی گۆڕان لە وتارێكدا كە لە میدیای فەڕمی بزوتنەوەی گۆڕاندا بڵاوكراوەتەوە، نوسیویەتی” بزوتنەوەی گۆڕان لەگەڵ دەركەوتنی وەك جوڵانەوەیەكی سیاسی كۆمەڵایەتی لە گۆڕەپانی سیاسی لە كوردستانی عیراق، بوە هەوێنی كۆكردنەوەی هەمو ئەو ئاراستەو تاك‌و لایەنەنانەی كە بڕوایان بە گۆڕینی سیستمی سیاسی‌و واقیعی ئابوری‌و كۆمەڵایەتی‌و رۆشنبیری كوردستانی عیراق هەبو.”

هەر لە نوسینەكەیدا ناوبراو وتویەتی” لەبەرامبەردا بوە مایەی ترس‌و دڵەڕاوكێی هەمو ئەو تاك‌و دەستەو هێزو لایەنانەی كە بەرژەوەندیان لە مانەوەی ئەو واقیعە سەپێنراوەی ئەو سەردەمەدا بو. هەردو بەرە بە جیدی چونە ناو ململانێیەكی توندەوە بۆ بەلاداخستنی ئەو بۆڕبۆڕێنە تازەسەرهەڵداوەو تا ئێستاش بەردەوامە”.

شۆڕش حاجی ڕونیكردووەتەوە، كە ململانێكی نێوان گۆڕان و حزبە دەسەڵاتدارەكان بەهۆی ئەو هەلومەرجە سیاسی‌و كۆمەڵایەتییەی كوردستانی عیراق‌و، شێوازی باوی كاری حیزبی‌و، كلتوری پاشماوەی شەڕی ناوخۆو، نەفەسی یەكترقبوڵنەكردن‌و، توندڕەوی‌ لە زیهنییەتی بەشێك لەوانەی لەناو كایەی سیاسەتدا بون، لە رێچكە سروشتییەكەی خۆی دەرچووە و ئەو بارودۆخە رەنگدانەوەی لەسەر ناوخۆی گۆڕان ‌و خیتابی ئیعلامی ‌و كاری پەرلەمانی ‌و جەماوەری گۆڕانیش دروست كردووە.

ناوبراو ئاماژەی بەوەشكردووە، ململانێی سیاسی ئێستا بۆ گۆڕانكاری قورس بووە و بەرەی گۆڕانكاری لەبەردەم دوڕیانێكی مەترسیداردان” ئێستا لەم ساتەوەختەداو لەبەردەم دوڕیانی شكست‌و سەركەوتنی ئەو رەوتەدا ئەركی ئەوانەی بەرەی یەكەم، كە بریتین لە هەڵسوڕاوان‌و سەركردایەتی بزوتنەوەی گۆڕان‌و گۆڕانخوازان‌و رۆشنبیران‌و نوخبەی كۆمەڵگای كوردەواری‌و هەمو ئەوانەی ئومێدیان بە گۆڕانكارییە، قورسترە.”

کوردستان

یەكێتی زانایان لە هەولێر: تكایە بە بەرماڵ و ماسك و دەستكێشەوە بچنە مزگەوت


خەڵک-ئارام سەردار
یەکێتی زانایانی ئایینی هەرێمی کوردستان لە دوای هەڵوەشاندنەوی بڕیاری قەدەغەی هاتووچۆ و کردنەوەی سەرجەم شوێنەکان، لەپێناو سەلامەتی گیانی نوێژخوێنان بڕیاریدا کەوا هەر نوێژخوێنێک دەبێ بە بەرماڵ و ماسک و دەستکێشەوە بچێتە مزگەوت و ڕەتیشیان کردەوە ئەگەر کەسێک بەهۆی مەترسی کۆرۆنا نەچێتە مزگەوت بۆ نوێژە فەرزەکان گوناهبار بێت.

شێخ نیاز نەقشبەندی بەرپرسی لقی هەولێری یەکێتی زانایانی ئایینی ئیسلامی کوردستان لەکۆنفڕانسێکی ڕۆژنامەوانیدا ڕایگەیاند، دوای سەرلەنوێ كردنەوەی مزگەوت و شوێنە گشتییەكان كە پێشتر بە هۆی ڤایرۆسی كۆرۆناوە داخرابوو، داوا لە نوێژخوێنان دەکەین لە کاتی هاتنیان بۆ نوێژە فەڕزەکان پابەندی ڕێنماییەکانی تەندروستی بن و پابەندبن بە پاراستنی پاكوخاوێنی ماڵی خودا.

دەشڵێت، نابێت مزگەوتەکان ببنە شوێنی ئەزیەتدانی موسڵمانان بۆیە دەبێ پابەندی ڕێنماییەکان بین و داوا لە هەموو موسڵمانان دەکەین کە ئەو پابەندییە وەک خۆی جێبەجێ بکەن. چونکە ئەگەر یەک حاڵەتی کۆرۆنا لە مزگەوت بڵاوبێتەوە دەبێتە هۆی فیتنەی دین، و دەبێتە هۆی داخرانی جارێکی دیکە دەرگای مزگەوتەکان.

ئاماژەی بۆ ئەوەشکرد، هەر نوێژخوێنێک دەبێ بە بەرماڵ و ماسک و دەستکێشەوە بچێتە مزگەوت و ڕەتیشیان کردەوە ئەگەر کەسێک بەهۆی مەترسی کۆرۆنا نەچێتە مزگەوت بۆ نوێژە فەرزەکان گوناهبار بێت، بەڵام هەرکەسێکیش ببێتە هۆی بڵاوبوونەوەی نەخۆشی کۆرۆنا لە مزگەوتەکان گوناهبارە و بە تاوان بۆی دەنووسرێت.

بەردەوام بە لە خوێندنەوە

کوردستان

وەزارەتی تەندروستی: مووچە و لایەنە سیاسییەكان كاریگەری لەسەر دۆخی كۆرۆنا دروست دەكەن


خەڵک – ئارام سەردار
ئەندامێکی لیژنەی باڵای ڕووبەڕووبونەوەی كۆرۆنا لەوەزارەتی تەندروستی ڕایدەگەیەنێت ڕێککەوتنی لایەنە سیاسیەکان و مووچە کاریگەری لەسەر جێبەجێکردنی ڕێنماییەکانی بەرەنگاربوونەوەی كۆرۆنا دەبێت.

د.دیار ئیبراهیم، ئەندامی لیژنەی باڵای ڕووبەڕووبونەوەی كۆرۆنا لە وەزارەتی تەندروستی بە(خەڵک)ی ڕاگەیاند، ڕۆژانە ئەو کەیسانەی تۆمار دەکرێن وادەکەن دۆخەکە بەرەوخراپتر ببەن و کەرتی تەندروستیش بکەوێتە بارێکی قورستر، ئەمەش وادەکات سەنتەرەکانی تایبەت بە نەخۆشانی كۆرۆنا و تاقیگەکانی پشکنینی كۆرۆنا نەتوانن هەموو خزمەتگۆزارییەکان بەشێوەیەکی بەردەوام تێروتەسەل پێشکەشبکرێت. ئامانجەکانی وەزارەتی تەندروستیش بۆ جیاکردنەوەی بەرکەوتەکان تاوەکو تووشبووان زیانیان نەبێت بۆ کەس و کاریان.

دەشڵێت، ئێستا دەبینین لەلای هاووڵاتییان ئەو متمانەیە نەماوە، لە سەرەتای تۆمارکردنی نەخۆشیەکە کۆمەڵێک ڕێنمایی زۆر سادە بۆ هاووڵاتییان باسکرا بۆ تێگەیشتنیان، بەڵام بەداخەوە ئێستا گۆڕانکارییەکان دەبینین بەچەند ئاڕاستەیەکە و گۆڕانکاریەکەش لەڕووی بابەتی زانستیەوە نیە چونکە لەمبارەوە ئاسانکاری و ڕێنمایی بەتەواوەتی دابینکراوە، بەڵام ئەوەی پێویستە بکرێت بۆ ئەوەی بەرەنگاری ببینەوە و کۆنتڕۆڵی زیاتری بابەتەکە بکرێت ڕێککەوتنی لایەنە سیاسییەکانە تاوەکو زیاتر لێکنزیک ببنەوە ئەوکات ڕینماییەکانی هەیە وەکو خۆی جێبەجێ دەکرێت لەلای هاووڵاتییان، لەڕابردووشدا ئەوەی جێبەجێ کرا هاووڵاتییان سودمەندبوون، هیوادارم بەزووترین کات لایەنە سیاسییەکان و سەرەکییەکان لەیەکتر نزیک ببنەوە و مەبدەئی سیاسی خۆشیان بکەنە سەنتەرێکی باش بۆ خزمەتی هاووڵاتییان.

ئاماژەی بۆ ئەوەشکرد، مووچەش پەیوەندی بەژیانی هاووڵاتییانەوە هەیە کە دابین بکرێت، چونکە هاووڵاتی دەڵێت مووچەم نەبێت و هاوکاری نەکرێم بۆ بژێوی ژیانم چۆن لەماڵ دانیشم، بۆیە بێزاری خەڵک لە نەبوونی بژێوی ژیانە، ئومێدیش دەکەین هاووڵاتییان پابەندی ڕێنماییەکانی تەندروستی بن.

ئەوەشی خستەڕوو، ئەو ئاسانکاریانەی کراون ئەگەر ئەو ڕێنماییانە جێبەجێ بکرێن لەلایەن دامەزراوە پەیوەندیدارەکان چاودیریش بکرێت تاوەکو خاوەن دوکان و کڕیارەکان ڕێنماییەکان جێبەجێ بکەن دەبێتە هۆکاری پاراستنی ژیانی هەموولایەک.

بەردەوام بە لە خوێندنەوە

کوردستان

بەڕێوەبەری گشتیی دیوانی وەزارەتی تەندروستی: خۆت بپارێزە و لەشوێنی کارکردن و قەڕەباڵغ دەمامک بکە


خەڵک – بەشی هەواڵ

د. خالس قادر، بەڕێوەبەری گشتیی دیوانی وەزارەتی تەندروستی ڕێنمونی هاوڵاتییان دەکات، کە چۆن خۆیان لەڤایرۆسی کۆرۆنا بپارێزن.

 

ناوبراو وتی: ئەگەر دەتەوێت توشی نەخۆشیەکە نەبیت ئەگەر دەتەوێت ڤایرۆسەکە زوو کۆنتڕۆڵبکرێتەوە و کەسی تر پێی نەمرێت ، ئەگەر کاسبکار نیت ، یان کڕیار نیت ، یان پێویستییەکی گرنگت نییە ، مەچۆ دەرەوە لەماڵ بمێننەوە قەڕەباڵغی دروست مەکە جگە.

 

ئاماژەى بەئەوەشدا، لە خۆ دوورگرتن لەیەکتری و قەڕەباڵغی نەکردن، لەئێستادا هیچ ڕێگایەکی تر نییە بۆ کۆتڕۆڵکردنەوەی ڤایرۆسەکە ، بۆیە هاوکاربن، پابەندبن، با زیانەکان کەمترین بێت، خۆت بپارێزە، لەشوێنی کارکردن و قەڕەباڵغ دەمامک بکە.

 

بەردەوام بە لە خوێندنەوە

کوردستان