ئێمە لە تۆرە کۆمەڵایەتیەکان

کوردستان

سەركردەیەكی پارتی: لە هیچ شتێك پاشگەز نەبووینەتەوە و ئێستا تۆپەكە لە ساحەی یەكێتییە

خەڵك-بەشی هەواڵ

ئەندامێكی سەركردایەتی پارتی دیموكراتی كوردستان ڕایدەگەیەنێت، ئێمە و یەكێتی لەسەر فەرەیدون عەبدولقادر ڕێككەتبووین و چەند سەركردەیەكی یەكێتی پابەندی ڕێككەوتنەكە نەبوون.
یەكێتی نیشتمانی كوردستان بەشداری كۆبوونەوەی پەڕلەمانی كوردستانی لەسەر هەڵبژاردنی سەرۆكی هەرێمی كوردستان نەكرد، ئەویش بە بیانووی ئەوەی پارتی لەسەر ڕێككەوتنەكەی نێوانیان كار ناكات و تا ئێستا هیچ هەنگاوێكی بۆ كێشەكانی بەغدا و كەركوك نەناوە.

عەدنان كەركوكی ئەندامی سەركردایەتی پارتی دیموكراتی كوردستان بە (خەڵك)ی ڕاگەیاند، پارتی و یەكێتی ڕێككەوتبوون بەتایبەت لەسەر ئەو گرێیەی یەكێتی خۆی پێوە سەرقاڵ كردووە كە بابەتی پارێزگاری كەركوكە.
وتیشی”مەسعود بارزانی و كۆسرەت ڕەسوڵ لەسەر ئەو پرسە ڕێككەوتبوون و هەردوو سەركردایەتی پارتی و یەكێتیش ئاماژەیان بۆ ئەوە كرد كە پابەندن بەو ڕێككەوتنەی كە لەنێوان ئەو دوو كەسەدا كراوە”.
ئاماژەی بۆ ئەوەش كرد، فەریدون عەبدولقادر پێشتر ئەندامی مەكتەبی سیاسی یەكێتی بووە و ڕێككەوتنی لەسەری كراوە، بەڵام لەدوایین كاتەكاندا چەند ئەندامێكی سەركردایەتی یەكێتی سێ ناوی دیكەیان بەربژێر كردووە كە ببێتە پارێزگاری كەركوك، ئەمەش لەدەرەوەی ئەو ڕێككەوتنەیە كە كراوە، بۆیە پارتی ڕێككەوتنەكەی پێشێل نەكردووە و پابەندە پێوەی.

ڕوونیشیكردەوە، برادەرانی یەكێتی ناتوانن ڕێككەون لەسەر بەربژێرێك، چونكە كاتی خۆی كاك فەریدون ڕێككەوتنی لەسەر كراوە با لەدوایین كاتەكاندا پاشگەز نەبنەوە لە ڕێككەوتنەكە
ئەمڕۆش تۆپەكە لە ساحەی برادەرانی یەكێتییە، چونكە ئەو بابەتە كۆتایی پێهاتبوو، لەگەڵ دەستبەكاربوونی حكومەت ئەو بابەتەش چارەسەر دەبوو.

ئاشكراشیكرد، پارتی زۆر بەپەرۆشە بۆ ئەوەی دۆخی كەركوك ئاسایی بكرێتەوە و پەیامەكانی بارزانی و سەركردایەتی پارتیش ئاشكرایە كە ئەو دۆخەی لە كەركوك هەیە زۆر مەترسیدارە بۆسەر ئایندەی كورد و كەركوكییەكان.

کوردستان

وتەبێژی خوێندنی باڵا: كاتژمێر 12ی سبەینێ‌ شەو زانكۆلاین دادەخرێت

خەڵك – بەشی هەواڵ

وەزارەتی خوێندنی باڵا و توێژینەوەی زانستی ئاگاداری دەرچووانی پۆلی (12)ی ئامادەیی دەكات پەلە بكەن لە پڕكردنەوەی فۆڕمی (زانكۆلاین) چونكە كاتژمێر 12ی سبەینێ‌ شەو وێبسایتی (زانكۆلاین) دادەخرێت.

عەباس ئەكرەم وتەبێژی وەزارەتی خوێندنی باڵاو توێژینەوەی زانستی ئاگاداری دەرچووانی (١٢) ئامادەیی دەكات، كاتژمێر (١٢)ی سبەینێ‌ شەو (٢٠/٩/٢٠١٩) زانكۆلاین دادەخرێت، بۆیە لەو چەند كاتژمێرەی ماوە ئەو دەرچووانەی تا ئێستا فۆڕمی (زانكۆلاین)یان پڕنەكردووەتەوە هەوڵەكانیان بەتەواوەتی چڕبكەنەوە و پەلە بكەن بۆ پڕكردنەوەی فۆڕمی (زانكۆلاین)، بۆ ئەوەی مافیان نەفەوتێت و لەو بەش و كولێژانە وەربگیرێن كە خوازیارن تێیاندا درێژە بەخوێندن بدەن.

بەردەوام بە لە خوێندنەوە

کوردستان

هەفتەی داهاتوو كۆبوونەوەی لایەنەسیاسیەكان ئەنجام دەدرێت

خەڵك – بەشی هەواڵ
بەرپرسی دەزگای هەڵبژاردنی پارتی دیموكراتی كوردستان ڕایدەگەیەنێت ، هەفتەی داهاتوو لایەنە سیاسییەكان كۆبوونەوەیەكی هاوبەش سەبارەت بە هەڵبژاردنی ئەنجومەنی پارێزگاكانی عیراق ئەنجام دەدەن و دەشڵێت،”بڕیارە لە هەر لایەنە و ئەندامێكی مەكتەبی سیاسی بەشداری كۆبووەنەوەكە بكات”.

خەسرۆ گۆران، بەرپرسی دەزگای هەڵبژاردنی پارتی دیموكراتی كوردستان لە لێدوانێكیدا بۆ ماڵپەڕی فەرمیی حزبەكەی ڕایگەیاندووە، بڕیارە هەفتەی داهاتوو كۆبونەوەی لایەنەسیاسیەكان ئەنجام بدرێت، كە لەسەر كۆی پرسەكان گفتوگۆ دەكەن و پرسی هەڵبژاردنی ئەنجومەنی پارێزگاكانی عیراق-یش تەوەری سەرەكی كۆبونەوەكە دەبێت.

ڕاشیگەیاندووە، پارتی یەك لیستی بۆ هەلبژاردنی ئەنجومەنی پارێزگاكان زۆر گرنگ دەزانێت، چونكە كورد تا چەند لە ناوچە كوردستانییەكانی دەرەوەی ئیدارەی هەرێم یەكگرتوو بن ئەوا دەستكەوتی زیاتر بەدەست دێنن.

ئاماژەی بۆ ئەوەشكردووە، بڕیارە لە هەر لایەنە و ئەندامێكی مەكتەبی سیاسی بەشداری كۆبووەنەوەی لایەنە سیاسییەكان بێت.

بەردەوام بە لە خوێندنەوە

کوردستان

بەوێنە ؛ باشماخ بڕێكی زۆر دوگی ئاژەڵ لەناوبرا

خەڵك – بەشی هەواڵ
بەڕێوەبەرایەتی كۆمەڵگای دەروازەی نێودەوڵەتی باشماخ ڕایدەگەیەنێت ، لەلایەن لیژنە تایبەتەكانمانەوە دەست گیرا بەسەر زیاتر لە 24 تۆن دووگی ئاژەڵ، كە خاوەنەكەی بەنیازبووە بەشێوەی نهێنی هاوردەی هەرێمی كوردستانی بكات.

بەڕێوەبەرایەتی كۆمەڵگای دەروازەی نێودەوڵەتی باشماخ لە ڕاگەیەنراوێكدا، كە وێنەیەكی دەست (خەڵك) كەوتووە ڕاگەیاندووە، لیژنەی تایبەتی لەناوبردنی باری قاچاغ و نەشیاو هەستان بە لەناوبردنی بڕی 24 تۆن و 510 كیلۆگرام دووگی ئاژەڵ، كە خاوەنەكەی بەنیازبووە بەشێوەی نهێنی هاوردەی هەرێمی كوردستانی بكات.

ڕاشیگەیاندووە، هاوردەكردنی دووگ ڕێگە پێدراو نیە و هەربۆیە دەستی بەسەرداگیرا و دوای ڕێكارەیاساییەكان لەلایەن لیژنەی ناوبراوەوە كاری لەناوبردنی بۆ ئەنجامدرا.

وێنەی ‏بەڕێوەبەرایەتی كۆمەڵگای دەروازەى نێودەوڵەتی باشماخ‏.وێنەی ‏بەڕێوەبەرایەتی كۆمەڵگای دەروازەى نێودەوڵەتی باشماخ‏.وێنەی ‏بەڕێوەبەرایەتی كۆمەڵگای دەروازەى نێودەوڵەتی باشماخ‏.

بەردەوام بە لە خوێندنەوە

کوردستان