ئێمە لە تۆرە کۆمەڵایەتیەکان

کوردستان

“بارزانی لەسەر كەركوك هۆشداری داوەتە بەرپرسە عیراقییەكان”

خەڵك-ئارام سەردار

دەستدرێژی كردنەسەر دەغڵ و دانی جوتیارانی كورد و تەقینەوەكانی سنووری پارێزگای كەركوك، وایكردووە ڕەوشی هاوڵاتیانی كورد لەم ناوچانە بەرەوخراپی بچێت، بەرپرسێكی پارتی دیموكراتی كوردستانیش ڕایدەگەیەنێت، مەسعود بارزانی لەسەردانەكەی بۆ بەغدا پێی ووتوون ئەم دۆخە لەكەركوك قبوڵ ناكات و هۆشداریشی پێداوین لەوەی دەبێ كێشەكانی ئەو سنورانە چارەسەر بكرێن.

شاخەوان دەلۆ پەڕلەمانتاری پێشووی پارتی لە پەڕلەمانی عیراق بە(خەڵك)ی ڕاگەیاند، پارتی دیموكراتی كوردستان هەر لەسەرەتاوە دانی بەم واقعەی ئێستا نەناوە و هەموو حاڵەتێكی داگیركاری كەركوكی ڕەتكردوەتەوە، لەهەموو دانیشتنەكانیش لەگەڵ بەرپرسانی بەغدا، بارزانی پێی ووتوون ئەم دۆخە قبوڵ ناكات.

وتیشی”بارزانی لەسەر ڕووداوەكانی ئەم دواییە لەسەر خەت بووە و بەیاننامەی دەركردووە، بۆ ئەوەی چۆن ڕێگا چارەی گونجاو بۆ دۆخی ئەم ناوچانە بدۆزرێتەوە، چونكە دەبێ چارەسەر بكرێت، ئاگاداری عێراقیەكانیشی كردۆتەوە ئەوەی ئێستا لە ڕوودەدات فیتنەیەكی گەورە بەدوای خۆیدا دەهێنێت و پێویستە چارەسەر بكرێت”.

ئاماژەی بۆ ئەوەش كرد، لەكۆبوونەوەی ئەمڕۆی ئەنجوومەنی سەركردایەتی پارتی، تەوەرێكی گرنگ و سەرەكی ناو كۆبوونەوەكە پرسی كەركوك و ڕووداوەكانی ئەم دواییە دەبێت، هەر بڕیارێكیش بدرێت ئێمە پابەندی بڕیارەكە دەبین و پابەندی دەبین.

جیهان

ئاگرێك لە دوورگەی ئیمراڵی كەوتەوە
هەدەپە داوای دیداری ئۆجالان دەكات

خەڵك – بەشی هەواڵ

بە هۆی ڕووداوێكی ئاگركەوتنەوە لە دوورگەی ئیمراڵی، پارتی دیموكراتی گەلان (هەدەپە) داوای ئەنجامدانی دیدار لەگەڵ عەبدوڵا ئۆجالان ڕێبەری زیندانیكراوی پارتی كرێكارانی كوردستان دەكات.

میدیاكانی توركیا بڵاویانكردەوە، ئەمڕۆ ئاگرێك لە دوورگەی ئیمراڵی كەوتووەتەوە كە دەكەوێتە باشووری دەریای مەڕمەڕە، ئەو دوورگەیەیەی كە عەبدوڵا ئۆجالان ڕێبەری پارتی كرێكارانی كوردستان (پەكەكە)ی تێدا زیندانیكراوە.

هاوكات، عائیشە باجار باشاران پەرلەمانتاری پارتی دیموكراتی گەلان (هەدەپە) لە كۆنگرەیەكی ڕۆژنامەوانیدا لە بارەگای سەرەكی هەدەپە لە ئەنقەرەی پایتەختی توركیا، سەرنجی خستە سەر هەستیاری گەلی كورد بەرامبەر بە دۆخی تەندروستی ئۆجالان و داوایكرد كە دەستبەجێ ڕێگە بدرێت بە شاندێكی هەدەپە سەردانی ئیمراڵی بكات بۆ دڵنیا بوون لە تەندروستی ئۆجالان.

عائیشە باجار باشاران جەختیشیكردەوە، تاكە ڕێگەی دڵنیابوونەوە لە باشیی تەندروستی ئۆجالان ئەوەیە ڕێگە بە شاندێكی هەدەپە یاخود كەسوكار و پارێزەرانی ئۆجالان بدرێت سەردانی ئیمرالی بكەن.

ك.ج

بەردەوام بە لە خوێندنەوە

کوردستان

تەندروستی خورماتوو: هیچ حاڵەتێكی كۆرۆنا تۆمار نەكراوە

خەڵك – بەشی هەواڵ

دوای بڵابوونەوەی دەنگۆی تووشبوونی خێزانێكی توركمان لە شارۆچكەی خورماتوو بە ڤایرۆسی كۆرۆنا، نوێنەری تەندروستی ئەو شارۆچكەیە لە پارێزگای سەڵاحەین ئەو دەنگۆیە ڕەتدەكاتەوە.

دكتۆر كامیل جەمیل نوێنەری تەندروستی خورماتوو لە پارێزگای سەڵاحەدین ڕایگەیاند، ئەو هەواڵە دوورە لە ڕاستییەوە و دڵنیایی دەداتە هاووڵاتیان و ئاماژە بۆ ئەوە دەكات، هیچ تووشبوویەك بە ڤایرۆسی كۆرۆنا لە شارۆچكەی خورماتوو بوونی نییە.

نوێنەری تەندروستی خورماتوو لە پارێزگای سەڵاحەدین وتیشی: تەنها داوامان لە هاوڵاتیان ئەوەیە پابەندی ڕێنماییە تەندروستییەكان بن بۆ ئەوەی دوور بن لە تووشبوون بەو ڤایرۆسە.

ك.ج

بەردەوام بە لە خوێندنەوە

کوردستان

بۆ بەخشینی متمانەیە بە حكومەتەكەی
شاندی كورد دوایین داواكاریی پێشكەش بە عەللاوی دەكات

خەڵك- بەشی هەواڵ
ئەندامێكی شاندی دانوستانكاریی هەرێمی كوردستان لەگەڵ سەرۆك وەزیرانی ڕاسپێردراو، تەئكید لەسەر تەوابوونی كۆبوونەوەی شاندەكە دەكات لەگەڵ عەللاوی بەبێ‌ گەیشتن بە هیچ ئەنجامێك، لە هەمان كاتدا ئاماژە بە پێشكەشكردنی داواكارییەك دەكات لەلایەن شاندەكەوە كە ڕێخۆشكەر دەبێت بۆ دەنگدان لەسەر كابینەكە نوێیەكە.

زیا بوترس، ئەندامی شاندی دانوستانكاری هەرێم لە لێدوانێكی ڕۆژنامەوانیدا ڕایگەیاندووە”عەللاوی پێداگرە لەسەر هەمان میكانیزمی هەڵبژاردنی وەزیرەكان و لە ڕووی مامەڵەكردنی لەگەڵ هەرێمی كوردستان، ئەمەش ڕەوشەكە ئاڵۆزدەكات، بەڵام بابەتەكە لەماوەی 48 كاتژمێری داهاتوودا وادەخوازێت عەللاوی نەرمی بنوێنێت تا پرۆسەی دەنگدان لەسەر كابینە وەزارییەكە ئاسان ببێت”.

بە وتەی زیا بوترس”پێویستە عەللاوی ڕاوێژ بە كورد بكات لە هەڵبژاردنی پۆستە وەزارییەكانی تایبەت بە كورد و گرفتەكانی پرسی بودجە و مووچەی فەرمانبەران و پرسەكانی تر كە لە كۆبوونەوەكانی سەرەتاوە بەڵێن لەسەر یەكلاكردنەوەیان دراوە”.

بوترس دەڵێت”شاندەكەی كورد لە بەغدا دەمێنێتەوە، و كۆبوونەوەی نوێ‌ لەگەڵ عەللاوی و فراكسیۆنە سیاسییەكان دەكات، گەر عەللاوی نەرمی نەنواند لە دانوستانەكاندا، ئەوا كاروبارەكان وەك خۆیان دەمێننەوە لەدوای تێپەڕینی 48 كاتژمێرەكە و بەر لە وادەی دەنگدان لەسەر كابینە وەزارییەكە”.

پێشتر ئەحمەد سەفار، پەرلەمانتاری پارتی دیموكراتی كوردستان، ئاماژەی بە بوونی 3 خاڵی ناكۆكی كردبوو لەنێوان محەمەد تۆفیق عەللاوی سەرۆك وەزیرانی ڕاسپێردراو و فراكسیۆنە كوردییەكان كە ڕێگربوون لەبەردەم ڕێككەوتنێكی هەمەلایەنە لەنێوانیان.

ئاژانسی دەنگوباسی (العراقیە) لە زاری سەفارەوە بڵاویكردبۆوە”ناكۆكییەكانی فراكسیۆنە كوردییەكان لەگەڵ عەللاوی، خۆیان لە پشكی كورد لە بودجە و مووچە و دەرماڵەی پێشمەرگە و میكانیزمی هەڵبژاردنی وەزیرەكاندا دەبینێتەوە”.

پێشتر سەرچاوەیەكی پەرلەمانی ڕایگەیاندبوو، كۆبوونەوەی فراكسیۆنە كوردییەكان لەگەڵ محەمەد تۆفیق عەللاوی سەرۆك وەزیرانی ڕاسپێردراو، بێ‌ ئاكام بووە و بەبێ‌ گەیشتن بە ڕێككەوتن كۆتایی هاتووە.

بەردەوام بە لە خوێندنەوە

کوردستان