ئێمە لە تۆرە کۆمەڵایەتیەکان

کوردستان

غالب محەمەد؛دوای جەژن پرسی ڕەوانەكردنی بەنزینی حكومی عیراق بۆ هەرێم یەكلادەبێتەوە

خەڵك – بەشی هەواڵ
ئەندامێكی لیژنەی نەوت و وزە و سەرچاوەسروشتیەكانی پەرلەمانی عیراق ڕایدەگەیەنێت، هێشتا عیراق وەڵامی دوو پێشنیارەكەی ئێمەی نەداوەتەوە، بۆ دابینكردنی بەنزین بۆ پارێزگاكانی هەرێم ، دەشڵێت،”لەدوای جەژن جارێكی دیكە سەردانی وەزارەتی نەوتی عیراق دەكەینەوە”.

غالب محەمەد، ئەندامی لیژنەی نەوت و وزە و سەرچاوەسروشتیەكانی پەرلەمانی عیراق بە (خەڵك) ی ڕاگەیاند، لەماوەی ڕابردوودا سەردانی بەڕێوەبەرایەتی دابەشكردنی بەرهەمە نەوتیەكانمان كرد لە وەزارەتی نەوت، بەمەبەستی دۆزینەوەی ڕێگایەك تا عیراق بەنزین هاوشێوەی شارەكانی دیكە ڕەوانەی هەرێم بكات .

وتیشی،”بەندە دوو پێشنیارم كرد بۆ ئەوەی بەنزین ڕەوانەی شارەكانی هەرێم بكەن، بەوەی یا وەك شارەكانی دیكەی عیراق بەنزین ڕۆژانە ڕەوانەی شارەكان بكرێت و بەنرخی حكومی بدرێتە هاووڵایان، یاخود چەند بەنزینخانەیەكی حكومی لە شارەكانی هەرێم بكرێتەوە، بەنزینی لە عیراقەوە بۆ ڕەوانە بكرێت هاوشانی بەنزینخانەكانی بازرگانی بەنزین بفرۆشنە هاووڵاتیان”.

ڕاشگەیاند، ئەوان بڕیاریاندا لەو دوو پێشنیارە دراسەی یەكێكیان بكەن وەڵاممان بدەنەوە، دواتر مانگی ڕەمەزانی بەسەر داهات و تا ئێستا هیچ وەڵامێكیان نەبووە .

ئاشكراشیكرد، لە دوای پشووەكانی جەژنی ڕەمەزان بۆ زیاتر خێراكردنی كارەكانی ڕەوانەكردنی بەنزینی حكومەتی عیراق بۆ شارەكانی هەرێم جارێكی دیكە سەردانی بەشی دابەشكردنی بەرهەمە نەوتیەكانی عیراق دەكەینەوە بۆ ئەوەی بگەینە ئەنجامێك .

کوردستان

تووشبوون بە كۆرۆنا لە هەرێم گەیشتە نزیكەی 50 هەزار كەس

خەڵك- بەشی هەواڵ
وەزارەتی تەندروستی هەرێم ئاشكرای دەكات، كە لە 24 كاتژمێری ڕابردوودا 636 حاڵەتی تووشبوون بە كۆرۆنا تۆماركراوە و 17 كەسیش گیانیان لەدەستداوە.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە، ٤٦٩٧ پشكنین ئەنجام دراوە و دەركەوتووە لە هەولیر 110 كەس و سلێمانی 109 كەس و لە گەرمیان 32 كەس و دهۆك 353 و هەڵەبجە 32 كەس تووشی كۆرۆنا بوون.

ئاشكراشی كردووە، كە ٤٠٣ كەس چاكبوونەوە و 17 كەسیش گیانیان لەدەستداوە.

ڕوونیشی كردۆتەوە، كە كۆی گشتی تووشبوون بە پەتاكە گەیشتۆتە ٤٢ هەزار و ٣٦٨ كەس و چاكبوونەوەش 27 هەزار و ٣٢٤ و مردنیش 1553 كەس.

بەردەوام بە لە خوێندنەوە

کوردستان

لە شارێكی هەرێم نزیكەی 4 هەزار نەخۆشی كۆرۆنا چاكبوونەوە

خەڵك- بەشی هەواڵ
بەڕێوەبەرایەتی گشتی تەندروستی دهۆك ئاشكرای دەكات، كە 126 نەخۆشی تووشبوو بە ڤایرۆسی كۆرۆنا چاكبوونەتەوە.

بەڕێوەبەرایەتی گشتی تەندروستی دهۆك لە ڕاگەیەنراوێكدا ئاماژەی بەوەكردووە، ئەمڕۆ سێ‌ شەممە 126 نەخۆشی تووشبوو بە ڤایرۆسی كۆرۆنای نوێ‌ بەتەواوی چارەسەر بوون و گەڕانەوە ماڵەوە.

ڕاشیگەیاندووە، ئەو نەخۆشانە هەموو پشكنینەكانیان بۆ ئەنجامدرا و دەركەوت بەتەواوی چاكبوونەوە و سەلامەت، بۆیە نەخۆشخانەیان جێهێشت.

ئاشكراشی كردووە، تاوەكو ئێستا 3836 تووشبووی كۆرۆنا چاكبوونەتەوە و 5751 كەسیش لەژێر چارەسەری پزیشكی لە نەخۆشخانە ماون.

بەردەوام بە لە خوێندنەوە

کوردستان

دەزگای تەندروستیی پێشمەرگە ئاگادارینامەیەکی بڵاوکردەوە

خەڵک – بەشی هەواڵ

 

دەزگای تەندروستیی پێشمەرگە ئاگادارییەکی بۆ هاوڵاتیانی شاری سلێمانی و دەوروبەری بڵاوکردەوە.

 

دەزگای تەندروستی پێشمەرگە لەئاگادارینامەیەکدا هاوڵاتیان ئاگادار دەکاتەوە،کە بەهۆی زیادبوون و هەڵکشانی توشبووانی ڤایرۆسی کۆڕۆناوە نەخۆشخانەکانیان زۆرترین لۆدی نەخۆشی لەسەرە.

 

داواکارن لەهاوڵاتیان، لە ئێستادا سەردانی نەخۆشخانەکانیان نەکەن بەمەبەستی نەشتەرگەری سارد، واتە ئەو نەشتەرگەرییانەی کەدەتوانرێت دوابخرێت بۆ کاتێکی دیکە.

ئەوەش باسکراوە، هیوادارن هاوڵاتیان هاوکاریانبن، بۆئەوەی بتوانن زۆرترین خزمەت بەونەخۆشانە بکەن، کە توشی ڤایرۆسی کۆرۆنابوون.

بەردەوام بە لە خوێندنەوە

کوردستان