ئێمە لە تۆرە کۆمەڵایەتیەکان

کوردستان

سكاڵانووسەكانی هەولێر، لە بەسیستەمكردنی كاری سكاڵانووسین نیگەرانن

خەڵك – ئارام سەردار

سكاڵانووسانی فەرمانگەكانی دادنووسی ئێواران و بەیانیان نیگەرانی دەردەبڕن لە بەسیستەمكردنی كاری سكاڵانووسین لە فەرمانگەكاندا.

نیاز ئەحمەد نوێنەری سكاڵانووسان لە فەرمانگەی دادنووسی ئێوارانی هەولێر بە(خەڵك)ی ڕاگەیاند، لە هەرێمی كوردستان ئێمەی سكاڵانووس و وێنەگر و خاوەن ئامێری كۆپیكردن لە فەرمانگەكانی دادنووسی هەولێر نزیكەی ٤۰۰ كەس دەبین، بژێوی ژیانمان لەسەر ئەم كارەیە، بەڵام ئێستا كۆمپانیایەك هێنراوە بۆ ئەوەی ئێمە لاببەن و دەیانەوێ كارەكان بكەنە سیستەمێكی جیاواز و خۆیان ئەو كارە بكەن.

وتیشی”ڕاستە ئێمە سەرجەم كاری سكاڵانووسینمان بەدەستە و كۆمپیوتەر نییە، بەڵام ئەگەر حكومەت ڕێگامان پێبدات دەتوانین خۆمان كارەكانمان بكەین بە سیستەم”.

ناوبراو ڕەتی كردەوە قبوڵی بكەن كۆمپانیاكە ئەو سیستەمە دابنێ، چونكە زیان بەبژێوی ٤۰۰ خێزان دەگەیەنێت و داواش لەحكومەت دەكات كاری لەم شێوەیە نەكات.

کوردستان

كەركوك، فەرماندەیەكی مەیدانی داعش دەستگیركرا

خەڵك- بەشی هەواڵ
دەزگای ئاسایشی نیشتمانی عیراق، دەستگیركردنی فەرماندەیەكی مەیدانی و چەكدارێكی (دیوان الجند)ی ڕێكخراوەكە لە پارێزگەی كەركوك ڕادەگەیەنێت.

بەپێی ڕاگەیەندراوێك كە ئەمڕۆ چوار شەممە لەلایەن دەزگای ئاسایشی نیشتمانی عیراقەوە بڵاوكرایەوە”بەپشتبەستن بە زانیارییە هەواڵگرییەكان، هێزێكی دەزگای ئاسایشی نیشتمانی لە پارێزگەی كەركوك توانی لەڕێی یاداشتی دادوەرییەوە یەكێك لە فەرماندە مەیدانییەكانی بە ناو (دیوانی جوندی سەر ویلایەتی كەركوك)ی سەردەمی دەستگرتنی داعش بەسەر ناوچەكەدا دەستگیربكات، ئەو فەرماندەیەی داعش دانی ناوە بە سەركردایەتیكردنی بۆ هێرشكردنە ناوچەی بەشیر و هێرشكردنە سەر هێزە ئەمنییەكان، وێڕای ڕاگواستنی خێزانەكان و تەقاندنەوەی ماڵەكانیان”.

هەر لە ڕاگەیەندراوەكەدا هاتووە”هێزێكی تری سەر بە دەزگاكە، یەكێك لە چەكدارەكانی بە ناوی دیوانی جوندی ویلایەتی كەركوك بەپێی ماددەی (1/4 تیرۆر) دەستگیركرد، دەستگیركراوەكەش دانی ناوە بە بەشداریی لە چەندان هێرش بۆسەر هێزە حكومییەكان لە باشووری خۆرئاوای كەركوك و لەپاش وەرگرتنی وتەكانيشی، ڕادەستی لایەنە پەیوەندیدارەكان كرا، تا ڕێوشوێنی یاسایی لەدژ بگیرێتەبەر”.

بەردەوام بە لە خوێندنەوە

کوردستان

پەروەردە وەڵامی تاقیكردنەوەكانی 12ی ئامادەیی بڵاوكردەوە

خەڵك- بەشی هەواڵ
وەزارەتی پەروەردەی حكومەتی هەرێمی كوردستان، پرسیار و وەڵامی تاقیكردنەوەی ئەمڕۆی 12ی ئامادەیی بە هەردوو بەشی زانستی و وێژەیی بڵاوكردەوە.

بەڕێوەبەرایەتی ئەزموونەكانی وەزارەتی پەروەردەی هەرێم پرسیار و وەڵامی تاقیكردنەوەی وەزاری (فیزیا/ بەشی زانستی) و (جوگرافیا/ بەشی وێژەیی) پۆلی 12ی ئامادەیی بۆ ساڵی خویندنی (2019-2020) خولی یەكەمی بڵاوكردەوە.

1- پرسیارەكانی تاقیكردنەوەی فیزیا

2- پرسیارەكانی تاقیكردنەوەی جوگرافیا

بەردەوام بە لە خوێندنەوە

کوردستان

تەندروستی هۆكاری بڵاوبوونەوەی كۆرۆنا ئاشكرادەكات

خەڵك- بەشی هەواڵ
بەڕێوەبەری گشتی دیوانی وەزارەتی تەندروستی حكومەتی هەرێم ڕایدەگەیەنێت، كە گەنجان و لاوان هەر وەكو هەموو كەسێكی دیكە تووشی كۆرۆنا دەبن و دەشڵێت: “دەبێت زیاتر پابەندی ڕێنماییەكان بن، چونكە هۆكاری سەرەكی گواستنەوەی ڤایرۆسەكەن”.

دكتۆر خاڵس ئەحمەد، بەڕێوەبەری گشتی دیوانی وەزارەتی تەندروستی لە پەیامێكیدا بۆ گەنجان و لاوان دەڵێت: “پابەندی ڕێنماییەكان بن و خۆتان بپارێزن، چونكە ئێوەش تووشی كۆرۆنا دەبن. ئاگاداربن ڤایرۆسەكە لەگەڵ خۆتان بڵاومەكەنەوە، بۆ كۆتاییهێنان بە كۆرۆنا، پێوستە ئێوە زیاتر لە هەمووان پابەندی ڕێنماییەكان بن”.

ڕاشیگەیاندووە، ئێوە هۆكاری سەرەكی گواستنەوەی نەخۆشییەكەن لەناو كۆمەڵگادا، چونكە زۆربەتان خۆتان ناپارێزن و بەردەوامن لە جووڵە و گەڕان، لەگەڵ خۆتاندا ڤایرۆسەكەش بڵاودەكەنەوە، بەبێ ئەوەی هەستی پێبكەن.

دەشڵێت: “بەداخەوە هەندێكیشتان دەزانن نەخۆشن، بەڵام گوێی پێنادەن و خۆتان جیاناكەنەوە، دەبنە هۆی نەخۆش خستن و مردنی چەندین كەسی دیكە، چونكە زۆربەی كەسە بەتەمەن و نەخۆشەكان، لە ڕێگای گەنجەكانەوە تووشی كۆرۆنا دەبن”.

دكتۆر خاڵس تكا دەكات؛ “كاتێك دەردەچن بۆ لای هاوڕێكانتان و شوێنە گشتییەكان؛ ماسك ببەستن، دووربن لە كەسانی دیكە، زوو زوو دەستتان بشۆن”.

بەردەوام بە لە خوێندنەوە

کوردستان