ئێمە لە تۆرە کۆمەڵایەتیەکان

عێراق

(خەڵك) كۆبوونەوەیەكی بەرپرسانی ئەمریكا و ئێران لە بەغدا ئاشكرا دەكات

خەڵك- بەشی هەواڵ
پەرلەمانتارێكی هاوپەیمانی فەتح كە لەلایەن هادی عامرییەوە سەرۆكایەتی دەكرێت، ئاماژە بە كۆبوونەوەی نزیكی نێوان بەرپرسانی ئەمریكا و ئێران دەكات لە عیراق، نێوەندگیری عیراقیش بۆ هێوركردنەوەی ڕەوشەكە لەو بارەیەوە بە گرنگ دادەنێت.

فازڵ فەتلاوی، پەرلەمانتاری هاوپەیمانی فەتح، لە لێدوانێكی تایبەت بۆ (خەڵك) ڕایگەیاند:”لەمڕۆدا سێ‌ سەرۆكایەتییەكەی عیراق، سەرۆكایەتی كۆمار و سەرۆكایەتی وەزیران و سەرۆكایەتی پەرلەمان، ئامادەیی خۆیان دەربڕیوە، تا نێوەندگیریی بكەن لەنێوان ئەمریكا و ئێران، هەموو فراكسیۆنە سیاسییەكانیش دیدێكی یەكگرتوویان هەیە سەبارەت بەوەی عیراق ڕۆڵی نێوەنگیر ببینێت لە چارەسەركردنی تەنگژەكەدا”.

بە وتەی فەتلاوی:”عادل عەبدولمەهدی سەرۆك وەزیران لەم ماوەیەی دواییدا ڕایگەیاندووە كە سەردانی هەریەك لە واشنتن و تاران دەكات، ئەمەش بۆ هێوركردنەوەی تەنگژە و ئاڵۆزییەكانی نێوان هەردوولایە، ئامادەیی وڵاتیشی پیشانداوە بۆ پێشوازیی لە شاندە دانوستانكارە ئەمریكایی و ئێرانییەكان”.

ئەو پەرلەمانتارەی هاوپەیمانی فەتح پێیوایە:”عیراق دەتوانێت ڕۆڵی گرنگ ببینێت لە چارەسەركردنی ئەم تەنگژەیەی لەئێستادا هەیە، بۆیە لەگەڵ قەتەردا پاڵێوراون، تا ئەو ڕۆڵە ببینن، لەم چەند ڕۆژەی دواییشدا چاوپێكەوتنێكی تەكنیكی لەنێوان ئەمریكاییەكان و ئێرانییەكاندا ئەنجام دەدرێت لەسەر خاكی عیراق”.

ماوەیەكە تەنگژەكانی نێوان ئەمریكا و ئێران ڕوویان لە زیادبوون كردووە، بە ڕەوانەكردنی كەشتی فڕۆكەهەڵگری ئەبراهام لینكۆڵنیش بۆ ئاوەكانی كەنداو لەلایەن ئەمریكاوە، هێندەی تر پێشبینییەكان سەبارەت بە دروستبوونی پێكدادانی سەربازی لەنێوان هەردوو وڵاتدا زیادییان كرد، ئەمەش لەئێستادا زۆرێك لە وڵاتانی ناوچەكە و بە تایبەت عیراقی خستۆتە حاڵەتی دڵەڕاوكێوە، بەو پێیەی عیراق كەوتۆتە نێو چەقی ململانێكە و لە حاڵەتی ڕوودانی جەنگدا، زەرەر و زیانێكی گەورەی پێدەگات.

عێراق

نوجێفی ڕێككەوتنێك لەگەڵ عەلاوی و عەبادی ئاشكرادەكات

خەڵك- بەشی هەواڵ
سەرۆكی بەرەی ڕزگاری و گەشەپێدانی عیراق ڕایدەگەیەنێت، كە نەخشە ڕێگایەی بۆ دۆخی عیراق و هەڵوەشاندنەوەی حكومەت پێشكەش كردووە و دەشڵێت: “لەگەڵ عەلاوی و عەبادی ڕێككەوتوون”.

ئوسامە نوجێفی، سەرۆكی بەرەی ڕزگاری و گەشەپێدانی عیراقی لە كۆبوونەوەی لەگەڵ جوان لوندیز، باڵیۆزی ئوستڕالیا لە عیراق كۆبۆتەوە و گفتوگۆیان كردووە بەسارەت بە دۆخی سیاسی وڵات و ئەو بزووتنەوە جەماوەریەی شەقامەكانی گرتۆتەوە.

بەپێی ڕاگەیەنراوێكی نووسینگەكەی، نوجێفی نەخشەڕێگایەكی خستۆتەڕوو بۆ دەستلەكاركێشانەوەی حكومەت و پێكهێنانی حكومەتێكی كاتی، كە بەشداری لە هەڵبژاردن نەكات و دانانی یاسایەك بۆ هەڵبژاردنەكان، كە داخوازی دادپەروەری بهێنێتەدی و كۆمسیۆنێكی سەربەخۆ بە بەشداری نەتەوە یەكگرتووەكان پێكبهێنێت بۆ ئەنجامدانی هەڵبژاردنی ئاشتیانە و بڕواپێكراو.

ڕاشیگەیاندووە، كە هەر بەپێی نەخشەڕێگاكە پەڕلەمان هەڵدەوەشێنرێتەوە و هەڵبژاردن ئەنجام دەدرێت بۆ دیاری كردنی نوێنەرانی ڕاستەقینەی گەل.

نوجێفی وتوشیەتی، “لەگەڵ حەیدەر عەبادی، سەرۆكی هاوپەیمانی نەسر و ئەیاد عەلاوی، سەرۆكی مینبەری عیراقی ڕێككەوتووە سەبارەت بە هەماهەنگی و هاوكاری بۆ لێپرسینەوە لە سەرۆك وەزیران و لەكارخستنی ئەوەش وەك چالاكی ئۆپۆزسیۆنی بە هاوبەشی لەگەڵ ئەو لایەنانەی هەمان بۆچوونیان هەیە”.

بەردەوام بە لە خوێندنەوە

عێراق

وەزیری بەرگرى: سوپا و حەشد و پێشمەرگە پابەندی فەرمانەكانن

خەڵك – بەشی هەواڵ
وەزارەتی بەرگری عیراق ڕایدەگەیەنێت، سوپا بەهیچ شێوەیەك گازی فرمێسكڕیژی بە ئاڕاستەی خۆپیشاندەران نەهاویشتووە، لایەنی سێیەم دەستیان لە تەقاندنی ئەو بۆمبانە هەیە، دەشڵێت: “سوپا و حەشد و پێشمەرگە و دژەتیرۆر پابەندی فەرمانەكانی فەرماندەی گشتی هێزە چەكدارەكانن”.

وەزارەتی بەرگری عیراق بڵاویكردەوە، كە نەجاح ئەلشمەری، وەزیری بەرگری لەمیانەی وتارێكی بۆ هێزە سەربازییەكان ڕایگەیاندووە، هیچ كام لە هێزەكانی سوپا و حەشد و دژە تیرۆر و پێشمەرگە بۆمبی فرمێسكڕێژیان بەمەبەستی كوشتنی خۆپیشاندەران نەهاویشتووە.

ڕاشیگەیاندووە، لایەنی سێهەم، كە چەند كەسێكن و چەكیان پێیە بۆمبی فرمێسكڕێژ و گوللە ئاڕاستەی هێزە ئەمنیەكان و خۆپیشاندەران دەكەن بەمەبەستی نانەوەی فیتنە لەنێوان ڕۆڵەكانی گەلی عیراقدا.

ئاماژە بۆ ئەوەشكراوە، هەموو هێزەكانی وەزارەتی پەرگری عیراق بە پۆلیس و دژەتیرۆر و حەشدی شەعبی و هێزەكانی پێشمەرگە پابەندی فەرمانەكانی فەرماندەی گشتی هێزە چەكدارەكانی عیراقن، كە نكۆڵی لەوە دەكات نابێت توندوتیژی دژی خۆپیشاندەران بەكاربهێنرێت، هەر بەو هۆیەشەوە بەسەدان لە هێزەكانمان بریندار و بەدەیانی دیكە شەهید بوون.

بەردەوام بە لە خوێندنەوە

عێراق

“پارەی پێویست بۆ دابەشكردنی مووچەی خانەنشینان و فەرمانبەران هەیە”

خەڵك – بەشی هەواڵ
بانكی ڕافیدەین لە عیراق ڕایدەگەیەنێت، پارەی پێویست بۆ دابەشكردنی مووچەی خانەنشینان و فەرمانبەران لەبەردەستدایە و لە لقەكانی بەغدا و پارێزگاكانی دیكە بەردەوامن لە دابەشكردنی مووچە.

دوای ئەوەی بڵاوكرایەوە بەهۆی خۆپیشاندان و ناڕەزایەتیەكانی بەغدا و هەندێك لە پارێزگاكانی عیراق كێشە بۆ بانكەكان دروست بووە لە پێدانی مووچەی مانگانەی خانەنشینان و فەرمانبەران، بانكی ڕافیدەین لە ڕاگەیەنراوێكدا ئەو دەنگۆیانە ڕەتدەكاتەوە.

نووسینگەی ڕۆژنامەوانی بانكی ڕافیدەین ئاماژەی بەوەكردووە، لقەكانی ڕافیدەین لەتەواوی شارەكانی عیراق بەردەوامە لە دابەشكردنی مووچەی خانەنشینان و فەرمانبەران و خاوەن پێداویستییە تایبەتییەكان لەكاتی دیاریكراوی خۆیدا و ڕەتیكردەوە هیچ كێشەیەكیان هەبێت لە پارە و دابەشكردن.

ڕاشیگەیاندووە، بانك پارەی پێویستی بۆ دابەشكردنی مووچەی فەرمانبەران و خانەنشینان و خاوەن پێداویستییە تایبەتییەكان و توێژەكانی دیكە لەبەردەستدایە و بڕە پارەیەكی زۆریش بۆ لقی بانكەكان تەرخانكراوە.

بانكی ڕافیدەین داوای لە فەرمانبەران و خانەنشینان كردووە، سەردانی لقەكانیان بكەن و هەركاتێك بیانەوێ دەتوانن مووچەكانیان وەربگرن.

بەردەوام بە لە خوێندنەوە

کوردستان