ئێمە لە تۆرە کۆمەڵایەتیەکان

عێراق

(خەڵك) وردەكارییەكان بڵاودەكاتەوە
داعش پەلاماری دانیشتوانی سنوری داقوق دەدات

خەڵك- بەشی هەواڵ
ڕێكخراوی داعش پەلاماری دانیشتوانی سنوری قەزای داقوق دەدات و بەو هۆیەوە جوتیارێك شەهید بووە و ژمارەیەكی تر برینداربوون، وتەبێژی حەشدی شەعبیش دەڵێت، ئەم پەلامارانەی داعش بۆ ترساندنی خەڵكی ناوچەكە و تێكدانی ڕەوشی ئەمنییە.

عەلی حسێنی وتەبێژی حەشدی شەعبی محیوەری باكوور، لە لێدوانێكی تایبەت بە (خەڵك) ڕایگەیاند:”شەوی ڕابردوو لەكاتی هەوڵی چەكدارانی داعش بۆ سوتاندنی دەغڵ و دانانی هاووڵاتییانی لە ناوچەی حەفت تەغار، جوتیارانی ناوچەكە بەرپەرچییان داونەتەوە و پێكداهەڵپژان لەنێوانیاندا دروست بووە، بەو هۆیەشەوە جوتیارێك شەهید بووە و شەش بۆ حەوتی تر بریندارن”.

بە وتەی حسێنی:”لەم چەند ڕۆژەی دواییدا، چەكدارانی داعش دەستییان كردووە بە جموجۆڵ لە ناوچەكەدا، و دەستییان كردووە بە چاندنی مین یان سوتاندنی كێڵگە كشتوكاڵییەكان”، ئەم كارەش وەك وتەبێژەكەی حەشدی شەعبی باسی دەكات، “لەلایەن چەكدارانی ڕێكخراوەكەوە بە كۆمەڵ ئەنجام نادێت، بەڵكو دوو بۆ سێ‌ چەكداری ڕێكخراوەكە ئەنجامی دەدەن و پاشان هەڵدێن”.

عەلی حسێنی دەڵێت:”چەكدارانی داعش لە كاتی ناوەختدا كارە تێكدەرانەكانیان ئەنجام دەدەن، بۆ نمونە زۆر جار لەكاتی ڕۆژووشكاندن و دەمەوئێواران پەلامارەكانیان ئەنجام دەدەن و دوابەدوای ئەوەش هەڵدێن و خۆیان دەشاردنەوە”.

قەزای داقوق بە یەكێك لە ناوچە كوردستانییەكانی دەرەوەی ئیدارەی هەرێمی كوردستان دادەنرێت و دەكەوێتە باشووری كەركوك و دانیشتوانەكەی لە كورد و عەرەب و توركمان پێكدێت.

لەم ماوەیەی دواییدا لە چەند پارێزگایەكی عیراق، دیاردەی سوتانی كێڵگەكانی گەنم و جۆ و كەوتنەوەی ئاگر لە كێڵگە كشتوكاڵییەكان، سەریهەڵدا و عادل عەبدولمەهدی سەرۆك وەزیرانی عیراقیش، لە دوایین كۆنفرانسی ڕۆژنامەوانی هەفتانەی خۆی، هۆكاریی ئەو دیاردەیەی بۆ ڕووداوی لاوەكی و ناكۆكی تایبەتی نێوان جوتیاران گەڕاندەوە.

عێراق

وەزارەتی دارایی عیراق؛ هەرێم بە هەڵە وەڵامی وەزیری دارایی داوەتەوە

خەڵك – بەشی هەواڵ

وەزارەتی دارایی عیراق ڕایدەگەیەنێت ، بەسەر سوڕمانەوە بەیاننامەكەی حكومەتی هەرێمی كوردستانیان بینیوە و دەبووە گوێیان‌ لەدیدارە فەرمییەكەی وەزیری داراییان بگرتایە، نەك وەڵامی كۆپی تەزویری دیدارەكە بدەنەوە.

وەزارەتی دارایی حكومەتی عیراق لە ڕاگەیەنراوێكدا وەڵامی ڕاگەیەنراوەكەی وەزارەتی دارایی هەرێمیان دایەوە و ڕایگەیاندووە، بەسەر سوڕمانەوە سەیری ڕاگەیەنراوەكەی حكومەتی هەرێمی كوردستانیان كردووە، كە دەربارەی دیدارێكی وەزیری دارایی عیراق لەگەڵ رۆژنامەی (فاینانشاڵ تایمز) ی لەندەنی.

ڕاشیگەیاندووە، دەبوو حكومەتی هەرێمی كوردستان گوێ‌ لەدیدارە فەرمییەكەی وەزیری دارایی عیراقیان بگرتایە نەك وەڵامی كۆپی تەزویری دیدارەكە بدەنەوە.

بەردەوام بە لە خوێندنەوە

عێراق

عیراق؛ ئاماری توشبوون بە كۆرۆنای بڵاوكردەوە

خەڵك- بەشی هەواڵ

وەزارەتی تەندروستی عیراق ئاشكرای دەكات، 4593 حاڵەتی نوێی تووشبوون بە ڤایرۆسی كۆرۆنا تۆماركراوە و 4505 كەسیش چاكبوونەتەوە و 68 حاڵەتی مردنیش هەبووە.

وەزارەتی تەندروستی عیراق لە بەیاننامەیەكدا ئاماژەی بەوەكردووە، كە لە 24 كاتژمێری ڕابردوودا 20 هەزار و 662 پشكنینی تایبەت بە كۆرۆنا ئەنجام دراوە و دەركەوتووە 4593 كەس تووشی ڤایرۆسی كۆرۆنا بوون و ئەنجامەكانیان پۆزەتیڤ بوون.

ئاشكراشی كردووە، كە زۆرینەی تووشبووەكان لە بەغدا بوون، هەروەها لە سلێمانی 191 و هەولێر 250 و كەركوك 131 و دهۆك 265 حاڵەت تۆماركراوە.

ڕوونیشی كردۆتەوە ، كە 4505 تووشبوو بە پەتاكە چاكبوونەتەوە، كە زۆرینەیان لە بەغدا بوون و هەروەها لە سلێمانی 101 و هەولێر 194 و دهۆك 226 و كەركوك 111 كەس چاكبوونەوە.

ڕاشیگەیاندووە، 68 كەس بە پەتاكە گیانیان لەدەستداوە و بەوەش ژمارەی مردووان گەیشتۆتە 8867 كەس.

بەردەوام بە لە خوێندنەوە

عێراق

وەزیری دەرەوەی ئەمریكا: باڵیۆزخانەكەمان لە بەغدا دادەخەین

خەڵك- بەشی هەواڵ
سەرچاوەیەك لە نوسینگەی بەرهەم ساڵح سەرۆك كۆماری عیراق ڕایدەگەیەنێت، مایك پۆمپیۆ وەزیری دەرەوەی ئەمریكا بە سەرۆك كۆماری ڕایگەیاندووە، واشنتن باڵیۆزخانەكەی لە بەغدا دادەخات گەر هێرشە مووشەكییەكان ڕانەگیرێن، ئەمەش لەكاتێكدایە كە دەستی حەشدی شەعبی خۆی لە بۆردومانكردنی باڵیۆزخانەكە بە مووشەك، بێ‌ بەری كرد.

ئەمڕۆ هەینی، سەرچاوەیەك لە نوسینگەی سەرۆك كۆماری عیراق بە میدیاكانی عیراقی ڕاگەیاند”پۆمپیۆ لە پەیوەندییەكی تەلەفۆنیدا بە سەرۆك بەرهەمی ڕاگەیاندووە، وڵاتەكەی بەنیازە لەماوەیەكی كورتدا باڵیۆزخانەكەی لە بەغدا دابخات، گەر بەئامانجگرتنی باڵیۆزخانەكە بە مووشەك بەمێشوەی ئێستا بەردەوام بێت و ڕانەگیرێت”.

بە وتەی سەرچاوەكە”پۆمپیۆ بە سەرۆكی عیراقی وتووە، بڕیارەكه بۆ سەرۆك دۆناڵد ترەمپ دەگەڕێتەوە، چونكە ئەو نایەوێت بچێتە كێبڕكێی هەڵبژاردنەوە، لەكاتێكدا باڵیۆزخانەی وڵاتەكەی لە بەغدا ڕووبەڕووی بۆردومان و هەڕەشەی بەردەوام دەبێتەوە”.

بەردەوام بە لە خوێندنەوە

کوردستان