ئێمە لە تۆرە کۆمەڵایەتیەکان

ئابوری

هەولێر.. 4132 پارچە زەوی 200 مەتری دابەش كرا

خەڵك – بەشی هەواڵ

لە ڕێگەی تیروپشكی ئەلكترۆنییەوە 4132 پارچە زەوی 200 مەتری وەك قەرەبوو بۆ خاوەن خانووەكانی گوندی كۆری لە پارێزگای هەولێر دابەش كرا.

وەزارەتی شارەوانی و گەشت و گوزاری هەرێمی كوردستان لە ڕاگەیەندراوێكدا ئاشكرایكرد،، ئەمڕۆ چوارشەممە 29/5/2019، بە ئامادەبوونی نەورۆز مەولود وەزیری شارەوانی و گەشتوگوزار و سامان محەمەد سەرۆكی شارەوانیی هەولێر و نوێنەری داواكاری گشتی و نوێنەری ئەنجومەنی باڵای وەبەرهێنان و لە ئەنجومەنی قەرەبووكردنەوەی گوندی كۆری و نوێنەری كۆمپانیای وەبەرهێنان و گشت لایەنە پەیوەندیدارەكان لە باڵەخانەی سەرۆكایەتی شارەوانیی هەولێر، لە ڕێگەی تیروپشكی ئەلكترۆنییەوە تیروپشك بۆ تەرخان كردنی زەوی لە بری قەرەبوو بۆ خاوەن خانووەكانی گوندی كۆری ئەنجامدرا.

لە ڕاگەیەندراوەكەدا ئاماژە بۆ ئەوەكراوە، ڕووبەری پارچە زەوییەكان كە وەك قەرەبوو تەرخان كراون ( 200) مەترە و دەكەوێتە نزیك گوندی گەزنە لە پارێزگای هەولێر و دەكەوێتە سەر شەقامی 150 مەتری.

هەروەك لە ڕاگەیەندراوەكەی وەزارەتی شارەوانی و گەشت و گوزاری هەرێم ئەوەشخراوەتەڕوو، ئەو ھاووڵاتیانەی كە قەرەبووكردنەوەی گوندی كۆری دەیانگرێتەوە ژمارەیان (4132) كەسە.

ئابوری

ڕێنمایی نوێ‌ بۆ پلەبەرزكردنەوە دەردەكرێت

خەڵك- بەشی هەواڵ
جێگری سەرۆك ئەركانی پێشمەرگە بۆ مەشق و ئۆپراسیۆنەكان ئاشكرای دەكات، كە بە بڕیاری ئەنجوومەنی وەزیرانی هەرێم ڕێنمایی نوێ‌ بۆ پلەبەرزكردنەوەی هێزەكانی پێشمەرگە دەردەچێت و دەشڵێت: “پلەبەرزكردنەوە بەپێی پلە و بڕوانامە دەبێت”.

لیوا قارەمان كەمال، جێگری سەرۆك ئەركانی پێشمەرگە بۆ مەشق و ئۆپراسیۆنەكان بە (خەڵك)ی ڕاگەیاند، “ئەنجوومەنی وەزیران بڕیاری داوە، كە بە ڕێنمایی نوێ‌ وەك هێزەكانی وەزارەتی ناوخۆ، وەزارەتی پێشمەرگەش پلەبەرزكردنەوە بۆ ھێزی پێشمەرگە بكات، بەجۆرێك پلەبەرزكردنەوەی هێزەكانی پێشمەرگە لەسەر بنەمای بڕوانامەبێت.

وتیشی، “لە ساڵی 2016 پلەبەرزكردنەوە بۆ پێشمەرگە كراوە و لە ساڵی 2017شدا بەپێی بڕیارەكەی ئەنجوومەنی وەزیران بەهەمان شێوە پلەبەرزكردنەوە بكرێت، بەڵام بڕیار دراوە، كە ڕێنماییەكە بۆ پلەبەرزكردنەوەی 2018 كاری پێ‌ بكرێت و لەمەولا ھێزی پێشمەرگەش بەپێی بڕوانامە پلەی بەرزدەكرێتەوە و مەرجیشە پلەی چۆڵ هەبێت بۆ بەرزكردنەوە”.

ئاشكراشی كرد، كە لە 2018دا ئەنجوومەنی وەزیران داوای لە وەزارەتی پێشمەرگە كردووە، كە ڕێنماییەك دەربكات، كە بەپێی ڕوتبە، پلە بۆ هەر بڕوانامەیەك دابنێت و لە ئێستادا بەتەواوی ڕێنماییەكە دەرنەكراوە.

جەختیشی كردەوە، كە وەزارەتی پێشمەرگە دەبێت پلە بەپێی بڕوانامە بۆ ڕوتبەكانی پێشمەرگە دیاری بكات و ڕەوانەی ئەنجوومەنی وەزیرانی بكاتەوە.

لیوا قارەمان ڕاشیگەیاند، ئەو ڕێنماییە پێشمەرگە دێرینەكان و ھەر پێشمەرگەیەك، كە پێش ساڵی ١٩٩١ بووبێتە پێشمەرگە ناگرێتەوە، واتە ئەوان بەشێوەی ئاسایی خۆیان و بەبێ‌ بوونی مەرجی بڕوانامە پلەیان بەرزدەكرێتەوە لەكاتی شایستەبوونیان بە پلەبەرزكردنەوە.

پلەبەرزكردنەوەی هێزەكانی پێشمەرگە و ناوخۆ بە بەردەوامی و بێ‌ وەستان لەكاتێكدایە، كە ماوەی نزیكەی 4 ساڵە پلەبەرزكردنەوەی فەرمانبەرانی ڕاژەی شارستانی ڕاگیراوە و تا ئێستا هیچ بڕیارێك نییە بۆ دەستپێكردنەوەی.

بەردەوام بە لە خوێندنەوە

ئابوری

حزبێك هەلی كار لە سلێمانی ڕادەگەیەنێت

خەڵك- بەشی هەواڵ
هاوپەیمانی نیشتمانی هەلی كار بۆ ئۆفیسی حزبەكە لە سلێمانی ڕادەگەیەنێت و مەرجەكانیش ئاشكرادەكات.

بەپێی ڕاگەیەندراوێك، كە هاوپەیمانی نیشتمانی بڵاویكردۆتەوە، ئۆفیسی سلێمانی هاوپەیمانی دەرفەتێكی كار ڕادەگەیەنێت بۆ پۆستی وەرگێڕ، هەركەس ئارەزوومەندە و مەرجەكانی تێدایە با سیڤی خۆی بگەیەنێتە ئۆفیسی هاوپەیمانی لە شاری سلێمانی .

هاوپەیمانی مەرجەكانی دیاری كردووە و ڕاشیگەیاندووە، كە خوازیار سەردانی ئۆفیسەكەیان بكات لە سلێمانی – شەقامی بازنەیی مەلیك مەحمود – بەرامبەر ناوچەی پیشەسازی یان پەیوەندی بكات بە ژمارە تەلەفۆنی (07702203133)

مەرجەكانی وەرگرتن:

– كەسی داواكار هەڵگری بروانامەی زانكۆ یان پەیمانگا بێت
– هەرسێ زمانی عەرەبی و فارسی و ئینگلیزی بە نوسین و خوێندنەوە بزانێت.
– توانای وەرگێڕانی هەبێت بە شێوەیەكی دروست و خێرا.
– توانای كاركردنی لەچوارچێوەی تیمدا هەبێت و بتوانێت دەوام بكات بۆ كاری زیاد كراو لە كاتی پێویستیدا.
– كاتی دەوام و بڕی مووچە بەپێی ڕێككەوتنی هەردولا دەبێت.
– هەردوو ڕەگەز دەتوانن داواكاری پێشكەش بكەن.

بەردەوام بە لە خوێندنەوە

ئابوری

سبەینێ‌ تەنها مووچەی یەك دامەزراوە دابەش دەكرێت

خەڵك- بەشی هەواڵ
ماوەی زیاتر لە هەفتەیەكە دابەشكردنی مووچەی مانگی نیسانی ڕابردووی فەرمانبەران دەستی پێ‌ كردووە و تا ئێستا بەشێكی كەمی وەزارەتەكان مووچەیان وەرگرتووە.

سەرچاوەیەك لە گەنجینەی سلێمانی بۆ (خەڵك) ڕایگەیاند، كە دابەشكردنی مووچە بە خاوی بەڕێوەدەچێت و سبەینێ‌ تەنها مووچەی ئەنجوومەنی دادوەری دابەش دەكرێت.

وەك سەرچاوەكە وتی، “چاوەڕوانی هاتنی پارە دەكرێت لە بەغداوە بۆ ئەوەی وەك مووچە دابەش بكرێت”.

سەرەڕای ئەوەیی حكومەتی هەرێم مووچەی سێ‌ مانگی ئەمساڵی فەرمانبەران قەرزدارە و پارەیەكی زۆری پاشەكەوتیشی لایە، بەڵام مانگانە تا پارەی مووچە لە بەغداوە نەیەت دابەشكردنی مووچە خێراناكرێت و وەزارەتی دارایی هەرێم-یش دەڵێت: “پابەندن بە دابەشكردنی مووچە لە 30 ڕۆژ جارێكدا و مانگانە دابەشكردنی مووچە لە 23 بۆ 24ی مانگ كۆتایی دێت”.

بەردەوام بە لە خوێندنەوە

کوردستان