ئێمە لە تۆرە کۆمەڵایەتیەکان

ئابوری

ھۆشداری دەدرێت لەداخستنی گەرووی ھورمز

خەڵك – بەشی هەواڵ

وەزیری نەوتی عیراق ھۆشداریدا بەھۆی ناكۆكییەكانی نێوان ئەمریكا و ئێران، گەرووی ھورمز دابخرێت.

سامر غەزبان وەزیری نەوتی عیراق ڕایگەیاند، وەزارەتی نەوت لە ئێستاوە ڕێوشوێنی پێویستی لەبارەی دابینكردنی سووتەمەنی پێویست بۆ وێستگەكانی كارەبا لە وەرزی ھاویندا گرتووەتەبەر و بەروارد بە ساڵی ڕابردوو زۆربەی كێشەكان چارەسەر دەكرێن.

وەزیری نەوتی عیراق وتیشی، داخستنی گەرووی ھورمز بەھۆی ناكۆكییەكانی نێوان ئەمریكا و ئێرانەوە كاریگەری لەسەر عیراق و وڵاتانی ھەناردەكردنی نەوت لەناوچەكە دەبێت.

پێشتر، سامر غەزبان ڕایگەیاندبوو، وەزارەتەكەی بەنیازە ڕێوشوێنی پێویست لەكاتی ڕوودانی ھەر پێشھاتێكی چاوەڕواننەكراو بەھۆی ناكۆكییەكانی نێوان واشنتۆن و تاران لەناوچەكەدا بگرێتەبەر.

ئابوری

دروستكردنی تابلۆی ئۆتۆمبێلی هەڵەبجە دەستپێدەكات

خەڵك – بەشی هەواڵ
جێگری پارێزگاری هەڵەبجە ڕایدەگەیەنێت، بەم نزیكانە دەست بە دروستكردنی تابلۆكانی هەڵەبجە دەكرێت و ئەنجوومەنی وەزیران و وەزارەتی ناوخۆ ڕەزامەندبوون لەسەری و دەشڵێت: “ژمارە نایابەكان بەشێوەی زیادكردنی ئاشكرا دەفرۆشرێن”.

كاوە شێخ عەلی، جێگری پارێزگاری هەڵەبجە لە هەژماری تایبەتی خۆی لە فەیسبووك ڕایگەیاندووە، ئەنجوومەنی وەزیران و وەزارەتی ناوخۆ ڕەزامەند بوون لەسەر دروست كردنی تابلۆكانی پارێزگای هەڵەبجە و فرۆشتنی ژمارە نایابەكان بەشێوەی زیادكردنی ئاشكرا و گەڕانەوەی داهاتی بۆ پارێزگای هەڵەبجە و دانانی ژمارەی حسابی تایبەت بە داهاتەكان بۆ پڕۆژەكان و ئاوەدانكردنەوەی پارێزگاكەو گەشەپێدانی بەڕێوەبەرایەتی هاتووچۆی هەڵەبجە.

ئاماژەی بۆ ئەوەشكردوە، لیژنەیەك پێكهێنراوە بە سەرۆكایەتی پارێزگاری هەڵەبجە و ئەندامێتی لایەنە پەیوەندیدارەكان و چاودێری داواكاری گشتی بۆ ئەوەی بەشێوەی ئاشكرا و شەفاف بفرۆشرێت.

جێگی پارێزگای هەڵەبجە دەشڵێت: “سەرۆكایەتی ئەنجوومەنی وەزیران و وەزارەتی ناوخۆ ئەو كۆنووسەی، كە لە كۆبوونەوەی ڕۆژی ٥/٥/٢٠١٩ لە وەزارەتی ناوخۆ ئامادەكرا بە ئامادەبوونی (پارێزگاری هەڵەبجە و بەڕێوەبەری گشتی دیوانی وەزارەتی ناوخۆ و جێگری پارێزگار و بەڕێوەبەری گشتی هاتووچۆی هەرێم و بەڕێوەبەری هاتووچۆی سلێمانی و بەڕێوەبەری هاتووچۆی هەڵەبجە ) سەرجەم خاڵەكانی پەسەندكران و ڕەزامەندبوون لە سەر سەرجەمیان”.

بەردەوام بە لە خوێندنەوە

ئابوری

هاووڵاتییەك: پێوەری ئاو هەواكەش حساب ئەكات
لەسەر هاتنەوەی پارەیەكی زۆری ئاو بۆ هاووڵاتیان لێكۆڵینەوە دەكرێت

خەڵك – بەشی هەواڵ
ئەندامێكی ئەنجوومەنی پارێزگای سلێمانی ڕایدەگەیەنێت، بە مەبەستی چارەسەركردنی كێشەی زۆرێك لە هاووڵاتیان لە هاتنەوەی پارەیەكی زۆری ئاو، كە لە ڕێگەی پێوەری میكانیكی خوێندنەوەی بۆ دەكرێت بڕیارە ڕۆژی یەك شەممە میوانداری هەردوو كۆمپانیای گرنگ و ئۆرانۆس بكرێن.

كاسترۆ مەعروف، ئەندامی لیژنەی دارایی لە ئەنجوومەنی پارێزگای سلێمانی بە (خەڵك)ی ڕاگەیاند، هاووڵاتیان گلەیی ئەوە دەكەن، لەدوای بەستنی پێوەری میكانیكی ئاو مانگانە پارەیەكی زۆریان بۆ دێتەوە و داوای چارەسەری ئەو كێشەیە دەكەن.

ڕاشیگەیاند، سەبارەت بەو كێشەیە لەسنوری هەردوو پاریزگای سلێمانی و ھەڵەبجە و ئیدارەكانی گەرمیان و ڕاپەڕین لیژنەكەمان ڕۆژی یەك شەممە میوانداری ھەردوو كۆمپانیای گرنگ و ئۆرانۆس دەكات بۆ ئەنجوومەن بەمەبەستی خستنەڕووی گرفتەكانی پێوەری ئاو و دۆزینەوەی ڕیگا چارەسەرێك بۆخزمەتی ھاووڵاتیان.

هاووڵاتیەكیش، كە پێوەری میكانیكی ئاوی بەستووە بە (خەڵك)ی ڕاگەیاند، تێبینی ئەوەم كردووە، نزیكەی 10 خولەك پێش هاتنەوەی ئاو ئەو هەوایەی لە بۆریەكاندایە دەردەچێت لە لایەن پێوەری ئاوەكە هەژمار دەكرێت وەك ئەوەی ئاوی لێ هاتبێت ئەمەش بڕی پارە لەسەر هاووڵاتیان زیاد دەكات.

پێشر، سەربەست عوسمان، بەڕێوەبەری ئاوی سلێمانی بۆ (خەڵك) ئاشكرای كرد، كە 1ی تەمموز دوا وادەیە بۆ ئەوانەی پێوەری ئاویان نەبەستووە و لەكاتی خوێندنەوەی ئاودا ئەوانەی نەیانبەستووە بڕی 100 هەزار دینار وەك غەرامە پارەی ئاوەیان بۆ دێتەوە.

وتیشی، “دەست بە خوێندنەوەی پێوەری میكانیكی ئاو كراوە، خولێك تەواو بووە و ئێستا لە لایەن كۆمپانیاكەوە دەست بە خوێندنەوە و كۆكردنەوەی پارەی خوولی دووەم كراوە”.

بەردەوام بە لە خوێندنەوە

ئابوری

بەوێنە، دوای نۆژەنكردنەوە بازاڕی لەنگەی هەولێر ببینە

خەڵك-ئارام سەردار

دوای ئەوەی بەرەبەیانی ڕۆژی پێنج شەممە ۲٥ی ئۆكتۆبەری ۲۰۱۸ ئاگر لە بازاڕی لەنگەی هەولێر كەوتەوە و زیاتر لە 1200 دووكان سووتان و تەواوی بازاڕەكە خاپوور بوو.

دوای چەند مانگێك سووتانی، دووبارە بازاڕەكە نۆژەنكراوەتەوە بەپێی سیستەمێكی جوان و یەك دیزایینی سەرجەم دووكانەكان، ئێستا بازاڕەكە بەڕووی هاووڵاتیان و گەشتیارانیش كراوەیە و بۆ دابین كردنی پێداویستیەكانیان هاووڵاتیان و گەشتیاران ڕوو لەبازاڕی لەنگەی هەولێر دەكەن.

بەردەوام بە لە خوێندنەوە

کوردستان