ئێمە لە تۆرە کۆمەڵایەتیەکان

کوردستان

“بۆ موسڵ و كەركوك دووفاقی هەیە”
“بەرپرسێكی یەكێتی، سەرهەڵدانەوەی داعش و تەعریب دەخاتە ئەستۆی پارتی”


خەڵك-بەشی هەواڵ

بەرپرسی كۆمیتەی یەكێتیی نیشتمانیی كوردستان لە مەخمور هۆكارەكانی سەرهەڵدانەوەی تەعریب و جمموجوڵەكانی داعش لە چەند ناوچەیەك دەخاتە ئەستۆی پارتی دیموكراتی كوردستان.

ڕەشاد گەڵاڵی، بەرپرسی كۆمیتەی یەكێتی لە مەخمور بە (خەڵك)ی ڕاگەیاند، زۆرێك لە هاووڵاتیانی عەرەب لە دەورووبەری شاری هەولێر دادەنیشن و بۆ چایی خواردنێك دەگەڕێنەوە بۆ سەرگەڕان و ئێوارە دەڕۆنەوە، ئەمەش دەستێكی نێوخۆییە ئاڕاستە دەكرێت بۆ تێكدانی شیرازەی ئاسایش لەم ناوچەیە.

وتیشی، “هۆكار چییە سەرەتای هاتنەوە تەعریب لە شارەدێی سەرگەڕان تاكو خانەقین بوونی هەیە، بەڵام بۆچی لە مەخمور تاكو زومار تەعریب و داعش لەو هێڵە بوونی نییە؟”.

ئاماژەی بۆ ئەوەشكرد، پارتی و یەكێتی بە حساب لەسەر داهاتوو ڕێككەوتوون، بەڵام هۆكاری دۆخی ناحیەی سەرگەڕان چییە؟ هەموومان دەزانین كۆنەبوونەوەی ئەنجوومەنی پارێزگای كەركوك پەیوەستە بە پارتییەوە، جوڵەی داعش و تەعریب پەیوەستە بە كۆنەبوونەوەی ئەنجوومەن و ڕێكنەكەوتنی پارتی و یەكێتیەوە.

ئاشكراشیكرد، ناكرێت لە هەولێر حكومەتی هەرێم دروست بكەیت و لە شارەدێی سەرگەڕان كە 50 كم لە هەولێرەوە دوورە ناتەبابین و پشتگیری تەعریب بكەیت، ناكرێت عەرەبەكان لە هەولێر دانیشن و گوشاریان بخەیتەسەر بۆ دروستكردنی كێشە بۆ ئیدارەی سەرگەڕان.

ڕوونیشیكردەوە، پارتی لەگەڵ حەشدی شەعبی ڕێكدەكەوێت بۆ دانانی پارێزگاری موسڵ، بەڵام نایەت لەگەڵ یەكێتی ڕێككەوێت وەكو لیستی برایەتی بۆ دانانی پارێزگارێك بۆ كەركوك، ئەمەش سیاسەتێكی دوو فاقییە و داهاتووی هەرێم بەرەو ناسەقامگیری دەبات، ئەگەر كار بەو شێوەیە بڕوات داهاتووی هەرێم داهاتوییەكی ئارام نابێت.

گەڵاڵی ڕاشیگەیاند، بەدرێژایی مێژوو كارتی شەڕ و ئاشتی بەدەست پارتییەوە بووە، لەنێو سەنتەری شاری كەركوك و ناوچەكەش كارتی عەرەبی سوننە و توركمان بەدەست پارتییە، بۆیە هەركات بیەوێت هێز لە ناوچەكە دروست بكات زۆر بە ئاسانی دەتوانێت، چونكە زەمینەی لەباری عەرەبی سوننە و بەپێی ئەو كۆبوونەوانەی لە ئوردن دەكرێت و ئامادەبونی كەسی یەكەمی پارتی لەو كۆبوونەوانە نزیكبووەوەی سوننە و پارتی دەگەیەنێت، هەروەها بە حوكمی ئەوەی پارتی بەرژەوەندی لەگەڵ توركیادا هەیە لە توركمانیشەوە نزیكن و بەبێ پارتی ئەو دوو لایەنە ناتوانن داكۆكی لە بەرژەوەندیەكانیان بكەن.

جەختی لەوەشكردەوە، سوننە و توركمان ناتوانن لەگەڵ یەكێتی ڕێكبكەون بۆ هێنانەدی داهاتویەكی ئارام لە كەركوك، چونكە لەبەردەم گوشارێكی سعودی و هەرێمایەتی عەرەبی و توركیادان.

بۆ وەرگرتنی ڕای فەرمی پارتی لەو بارەیەوە (خەڵك) پەیوەندی كرد بە مەحمود محەمەد، وتەبێژی فەرمی پارتی دیموكراتی كوردستان، بەڵام پەیوەندییەكەی بەردەست نەبوو.

کوردستان

وێنە.. پۆلیسی هەولێر دەستگیركردنی دوو بازرگانی ماددەی هۆشبەری ڕاگەیاند


خەڵك – بەشی هەواڵ

بەڕێوەبەرایەتی پۆلیسی پارێزگای هەولێر ڕایدەگەیەنێت، دوو تۆمەتباریان دەستگیركردووە كە بازرگانییان بە ماددەی هۆشبەرەوە كردووە.

بەڕێوەبەرایەتی پۆلیسی پارێزگای هەولێر لە ڕاگەیەنراوێكدا ئاشكرایكرد، هێزەكانیان دوو تۆمەتباریان دەستگیر كردووە كە بازرگانییان بە ماددەی هۆشبەر كردووە بە ناوەكانی (و.ص.ع)، (ا.س.ا) و دوای دەستگیركردنیان دانیان نا بە تاوانەكەیاندا.

ئاماژە بەوەشكراوە، هەردوو تۆمەتبار لە كاتی دەستگیركردنیاندا كەلوپەلی قەدەغەكراو وەك (دەمانچە و چەقۆ و تەور و ماددەی هۆشبەریان لەلا بووە)، هەروەها توانراوە ئۆتۆمبێلێك لە جۆری (BMW) دەستی بەسەردا بگیرێت كە ئۆتۆمبێلی یەكێك لە تۆمەتبارەكان بووە.

بەڕێوەبەرایەتی پۆلیسی پارێزگای هەولێر ئەوەشیخستووەتەڕوو، پەڕاوی لێكۆڵینەوە بۆ ئەم مەبەستە ڕێكخرا و دادوەر بڕیاریداوە بە بەندكردنی هەردوو تۆمەتبار بە ماددەی (۱٤) لە یاسای سزادان، كە تایبەتە بە ماددە هۆشبەرەكان.

ك.ج

 

بەردەوام بە لە خوێندنەوە

کوردستان

بەڕێوەبەرایەتی گشتی تەندروستی هەولێر ئاگادارییەك بڵاودەكاتەوە


خەڵك – بەشی هەواڵ

بەڕێوەبەرایەتی گشتی تەندروستی هەولێر لە ئاگادارینامەیەكدا ئاگاداری هاووڵاتیانی شاری هەولێر دەكاتەوە، ئەو كەسانەی لە ڕێكەوتی 15/2/2020 لە دەوەری وڵات هاتوونەتەوە ناو كوردستان لە سنووری پارێزگای هەولێر بۆ ئەنجامدانی پشكنینی دڵنیابوون لە نەخۆشی ڤایرۆسی كۆرۆنا لە ڕێكەوتی 1/4/2020 لە كاتژمێر 9ی بەیانی تا كاتژمێر 12ی نیوەڕۆ بەڵگەنامەی سەفەر (پاسپۆرت) لەگەڵ خۆیان بهێنن و سەردانی یەكێك لەم بنكە تەندروستییانە بكەن.

ناو شار:

ـ بنكەی تەندروستی برایەتی خێزانی
ـ كورانی عنكاوە
ـ بنكەی تەندروستی شەهیدان
ـ بنكەی تەندروستی ملا فەندی
ـ بنكەی تەندروستی كوردستان
ـ سەنتەری شادی خێزانی

دەرەوەی شار:

ـ بنكەی تەندروستی ڕاژان
ـ بنكەی تەندروستی سارێژ
ـ نەخۆشخانەی گشتی شەقڵاوە
ـ نەخۆشخانەی گشتی بلێ
ـ سەنتەری چارەسەری كۆڕۆنا لە سۆران (بنكەی چارە)

 

بەڕێوەبەرایەتی گشتی تەندروستی هەولێر ئاماژەی بەوەشداوە، تەنها ئەو هاووڵاتییانە سەردان بكەن كە پشكنینیان بۆ ئەنجام دەدرێت و ئەو هاووڵاتییانەی كە كەرەنتین (Quarantine) كراون یاخود پشكنینیان بۆ كراوە نایانگرێتەوە.

 

دەقی ئاگادارینامەكە:

ئاگاداریەك بۆ هاوڵاتیانی شاری هەولێری خۆشەویست

لەبەر بەرژەوەندی گشتی و پاراستنی تەندروستی هاولاتیان و كۆنترۆلكردنی بلاوبونەوە و توشبون بە نەخۆشی ڤایرۆسی كۆرۆنا، سەرجەم ئەو هاولاتییانەی كە لە ڕێكەوتی 15/2/2020 لەدەرەوەی وڵات هاتونەتەوە ناو كوردستان لەسنوری پارێزگای هەولێر، بۆ ئەنجامدانی پشكنینی دڵنیابوون لە نەخۆشی ڤایرۆسی كۆرۆنا (COVID-19)لە ڕێكەوتی 1/4/2020 كاتژمێر (٩)ی بەیانی تاكو كاتژمێر (١٢)ی نیوەرۆ، بەلگەنامەی سەفەر (پاسپۆرت) لەگەل خۆیان بهێنن و سەردانی یەكێك لەم بنكە تەندروستییانەی خوارەوە بكەن.

ناو شار:
ـ بنكەی تەندروستی برایەتی خێزانی
ـ كورانی عنكاوە
ـ بنكەی تەندروستی شەهیدان
ـ بنكەی تەندروستی ملا فەندی
ـ بنكەی تەندروستی كوردستان
ـ سەنتەری شادی خێزانی

دەرەوەی شار:
ـ بنكەی تەندروستی ڕاژان
ـ بنكەی تەندروستی سارێژ
ـ نەخۆشخانەی گشتی شەقڵاوە
ـ نەخۆشخانەی گشتی بلێ
ـ سەنتەری چارەسەری كۆڕۆنا لە سۆران (بنكەی چارە)

تێبینی:
• تەنها ئەو هاوڵاتییانە سەردان بكەن كە پشكنینیان بۆ ئەنجام دەدرێت
• ئەو هاوڵاتییانەی كە كوارەنتین (Quarantine) كراون یاخود پشكنینیان بۆ كراوە نایانگرێتەوە.

بەردەوام بە لە خوێندنەوە

کوردستان

وێنە.. لاهور شێخ جەنگی بۆ پزیشك و كارمەندانی تەندروستی: ئێوە سەربازی ونن


خەڵك – بەشی هەواڵ
هاوسەرۆكی یەكێتی بە یاوەری وەفدێكی باڵای حزبەكەی سەردانی شارۆچكەی دەربەندیخانی كرد.

لاهور شێخ جەنگی هاوسەرۆكی یەكێتیی نیشتمانیی كوردستان بەیاوەری هەریەك لە دكتۆر میران عەباس و دكتۆر سۆران جەمال تاهیر ئەندامانی مەكتەبی سیاسی و چەتۆ ساڵح ئەندامی ئەنجومەنی گشتی سەركردایەتی، ئەمڕۆ دووشەممە 30/3/2020، سەردانی شارۆچكەی دەربەندیخانیان كرد و لەگەڵ قائیمقام و بەڕێوەبەرایەتی تەندروستی دەربەندیخان و هێزەكانی پۆلیس و ئاسایش و هاتوچۆ كۆبووەوە.

هاوسەرۆكی یەكێتی لە كۆبوونەوەكەدا ڕایگەیاند:”ئێمە وەك یەكێتیی نیشتمانیی كوردستان سوپاستان دەكەین كە لەم بارودۆخەدا ئەركەكانی سەرشانتان زۆر بەباشی ڕاپەڕاندووە و ڕێنماییە تەندروستییەكان بۆ سەلامەتی دانیشتووانی شارۆچكەكە جێبەجێ دەكەن”.

لاهور شێخ جەنگی وتیشی جەختیشیكردەوە:” پشتیوانی هەموو داواكارییەكانتان دەبین و لەچەند ڕۆژی تریشدا خۆراك دەنێرین بۆ خێزانە هەژار و كەم دەرامەتەكانی سنوورەكە”.

دواتر، لاهور شێخ جەنگی سەردانی بەڕێوەبەرایەتی تەندروستی دەربەندیخانی كرد و لەگەڵ پزیشك و كارمەنداندا كۆبووەوە و دەستخۆشی ئەرك و ماندوبوونی لێكردن و بە سەربازی ون وەسفی پزیشك و كارمەندانی كرد.

ك.ج

 

بەردەوام بە لە خوێندنەوە

کوردستان