ئێمە لە تۆرە کۆمەڵایەتیەکان

عێراق

بەرهەم ساڵح سەردانی توركیا و سعودیە دەكات

خەڵك- بەشی هەواڵ
لیژنەی پەیوەندییەكانی دەرەوەی پەرلەمان ڕایدەگەیەنێت، لەماوەی چەند كاتژمێری داهاتوو، بەرهەم ساڵح سەرۆك كۆماری عیراق سەردانی توركیا و سعودیە دەكات، ئەم گەشتەش دوای كەمتر لە دوو ڕۆژە لە سەردانەكەی بەرهەم ساڵ بۆ عەممان و بەشداریی لە لوتكەی سێ‌ قۆڵی لەگەڵ پادشای ئەردەن و سەرۆكی دەسەڵاتی فەلەستینی.

رێبوار كەریم، ئەندامی لیژنەی پەیوەندییەكانی دەرەوە لە پەرلەمانی عیراق، لە لێدوانێكیدا بۆ ڕۆژنامەی (الصباح) ڕایگەیاندبوو”سەردانەكانی عادل عەبدولمەهدی سەرۆك وەزیران بۆ كوێت و بەرهەم ساڵح سەرۆك كۆمار بۆ ئەردەن، بۆ تاوتوێكردنی ئەو رووداوانەن كە لە ناوچەكەدا هەن و پەیوەندییان بە تەنگژەكانی نێوان ویلایەتە یەكگرتووەكان و ئێرانەوە هەیە”.

بە وتەی ڕێبوار كەریم”سەرۆك كۆمار سەردانی هەریەك لە توركیا و سعودیە دەكات لەماوەی چەند كاتژمێری داهاتوو”، ئەم سەردانانەش بە بۆچوونی ئەو”پەیوەندییان بە رەوشی عیراق و چۆنیەتی پاراستنی ئاسایش و سەقامگیری ناوچەكەوە هەیە”.

بەرهەم ساڵح، سەرۆك كۆماری عیراق پێشتر سەردانی ئەردەنی كرد و لەگەڵ شا عەبدوڵڵای دووەمی پادشای ئەردەن و مەحمود عەباس سەرۆكی دەسەڵاتی فەلەستینی كۆبووەوە، لە كۆبوونەوەكەشدا دوایین پەرەسەندنی ئیقلیمی و هەماهەنگی هاوبەش لەنێوان هەر سێ‌ وڵاتدا لە بوارە جیاجیاكاندا تاوتوێ‌ كران.

عێراق

پەڕەی فەڕمی حەشدی شەعبی لە فەیسبوك داخرا

خەڵك-بەشی هەواڵ

ئەمڕۆ پێنج شەممە میدیاكانی عیراق بڵاویانكردەوە، پەڕەی فەڕمی حەشدی شەعبی كە بەردەوام هەواڵە فەرمییەكانی تایبەت بە حەشدی شەعبی لێوە بڵاودەكرایەوە داخرا.

بەپێی زانیارییەكان پەڕەكە داخراوە و تائێستا هیچ هۆكارێك بۆ داخستنی ئاشكرانەكراوە، بەشێوەیەك كۆمپانیای فەیسبوك خۆی ئەو كارەی كردبێت یان لەلایەن ئادمینەكانییەوە داخراوە.

پەڕەی فەڕمی حەشدی شەعبی یەكێك بوو لە پەڕە ناسراوەكان لای میدیای عیراق و لێدوان و هەواڵەكانی ڕاستەوخۆ گوزارشتی لە بۆچونی فەڕمی حەشدی شەعبی دەكرد.

بەردەوام بە لە خوێندنەوە

عێراق

شەش فەرماندەی حەشدی شەعبی ڕكابەری دەكەن

خەڵك- بەشی هەواڵ

شەش فەرماندەی سەربازی حەشدی شەعبی ڕكابەری دەكەن بۆ وەرگرتنی پۆستی جێگری سەرۆكی دەستەی حەشدی شەعبی، كە پێشتر لەلایەن ئەبومەهدی موهەندیسەوە بەڕێوەدەبرا.

ماڵپەڕی”سۆمەریەنیوز” لە سەرچاوەیەكی ئاگادارەوە كە ئاماژەی بە ناوەكەی نەكردووە، بڵاوی كردووەتەوە ئەو شەش كەسە دەیانەوێت ئەو پۆستە وەربگرن.

جێگری سەرۆكی دەستەی حەشدی شەعبی پۆستێكی هەستیار و كاریگەرە لە نێو هێزە چەكدارەكانی عیراق و حەشدی شەعبییدا و پێشتر ناوی ئەبوعەلی بەسری دەهێنرا بۆ وەرگرتنی ئەو پۆستە، بەڵام دەستەی حەشدی شەعبی ڕەتیكردەوە.

ئەبو مەهدی موهەندیس لەگەڵ قاسم سولەیمانیدا بەرەبەیانی ڕۆژی 3ی ئەم مانگە لە فڕۆكەخانەی بەغدا كوژران.

بەردەوام بە لە خوێندنەوە

عێراق

عیراق شەشەم وڵاتی گەندەڵی جیهانە

خەڵك- بەشی هەواڵ

بەپێی ئامارێكی ڕێكخراوی نەزاهەی نێودەوڵەتی عیراق لە نێو وڵاتە عەرەبییەكاندا شەشەم وڵاتی گەندەڵی جیهانە و لەسەر ئاستی جیهانیش 162 هەمین وڵاتە بۆ شەفافیەت.

لە ئامارەكەدا ڕێكخراوەكە باسی لەوەكردووە، دانیمارك پلەی یەكەمی هەیە لە ڕووی شەفافیەتەوە و هەریەك لە عیراق، باشوری سودان، سۆماڵ، سوریا و كۆریای باكور لە ڕیزی دواوەی شەفافیەتدان.

ڕێكخراوی شەفافیەت ساڵانە ئاماری گەندەڵترین وڵاتانی جیهان و شەفافترین وڵاتان بڵاوكردەكاتەوە و لە دوای ساڵی 2003ەوە، عیراق یەكێكە لە خراپترین وڵاتان.

بەردەوام بە لە خوێندنەوە

کوردستان