ئێمە لە تۆرە کۆمەڵایەتیەکان

جیهان

ترەمپ دژی كۆنگرێس دەوەستێتەوە

 

خەڵك – بەشی هەواڵ

 

دۆناڵد ترەمپ سەرۆكی ئەمریكا، سوورە لەسەر فرۆشتنی چەك بە وڵاتانی كەنداو و بۆ ئەو مەبەستەش بێ‌ گوێدانە كۆنگرێسی وڵاتەكەی بڕیاریدا، بە بڕی 8 ملیار دۆلار چەك و پێداویستی سەربازی بفرۆشیتە سعودیە و ئیمارات.

 

ئەم بڕیارەی سەرۆكی ئەمریكا، نیگەرانی بەشێك لە كۆمارییەكان و زۆرینەی دیموكراتەكانی بەدوای خۆیدا هێناوە.

 

ترەمپ، وتویەتی، فرۆشتنی چەك بە وڵاتانی كەنداو بە تایبەت عەرەبستانی سعودییە و ئیمارات، دۆخێكی تایبەت و بەپەلە وایكردووە ئەو بڕیارە بدەم، ئەو دۆخەش پەیوەستە بە هەڵكشانی گرژییەكانمان لەگەڵ ئیران.

 

بەرپرسانی كۆنگرێسی ئەمریكاش دەڵێن، 22 گرێبەستی فرۆشی چەك بە بڕی 8 ملیار دۆلار تاوتوێ‌ دەكەن و خوازیارن ئەم مامەڵەیە بۆ كاتێكی دوورتر دوا بخرێت.

جیهان

واشنتۆن هەڕەشە لە مۆسكۆ دەكات

خەڵك – بەشی هەواڵ

وەزیری دەرەوەی ئەمریكا ڕایدەگەیەنێت، وڵاتەكەی ڕێوشوێنی توند دژ بە ڕوسیا دەگرێتەبەر.

مایك مۆمپیۆ وەزیری دەرەوەی ئەمریكا هەڕەشەی لە لێپرسراوانی ڕوسیا كرد و ڕایگەیاند: وڵاتەكەی ڕێوشوێنی توند دژ بە ڕوسیا دەگرێتەبەر ئەگەر ئەو وڵاتە هەوڵبدات دەستتێوەردان لە هەڵبژاردنەكانی سەرۆكایەتی ئەمریكا ئەنجام بدات كە بڕیارە لە مانگی 11ی ئەمساڵدا بەڕێوەبچێت.

مایك مۆمپیۆ ئەوەشی خستەڕوو، هیچ زانیارییەك لەبەر دەستی لێپرسراوانی ئیدارەی واشنتۆندا نییە كە ئەوە بسەلمێنێت مۆسكۆ كار بۆ دەستتێوەردان لە هەڵبژاردنەكانی سەرۆكایەتی ئەمریكا دەكات.

وەزیری دەرەوەی ئەمریكا جەختیشیكردەوە، وڵاتەكەی ئامادەیە بۆ بەرەنگاربوونەوەی هەر پێشهاتێك لەبارەی هەڵبژاردنەكەوە.

ك.ج

بەردەوام بە لە خوێندنەوە

جیهان

كۆی گشتی ژمارەی توشبوان بە ڤایرۆسی كۆرۆنا لە جیهاندا ڕادەگەیەنرێت

خەڵك- بەشی هەواڵ
بەڕێوەبەری گشتی ڕێكخراوی تەندروستی جیهانی ڕایدەگەیەنێت، زیاتر لە 80 هەزار كەس توشی ڤایرۆسی كۆرۆنا بوون لە 33 دەوڵەتدا.

ئەمڕۆ چوار شەممە، ئەدهانۆم گیبریسۆس بەڕێوەبەری گشتی ڕێكخراوی تەندروستی جیهانی ڕایگەیاند”80890 حاڵەتی توشبوون بە ڤایرۆسی كۆرۆنای نوێ لە 33 دەوڵەتدا تۆماركراون، زیادبوونی حاڵەتەكانی ژمارەی توشبوانیش مایەی نیگەرانییەكی زۆرە”.

بەڕێوەبەری گشتی ڕێكخراوی تەندروستی جیهانی هۆشداریی دەدات لە “بەكارهێنانی بێهودەی گوزارشتی پەتای جیهانی بۆ وەسفكردنی ڤایرۆسی كۆرۆنا كە دەبێتە مایەی زیابوونی مەترسییە بێ پاساوەكان”.

بە وتەی گیبریسۆس”بەكارهێنانی گوزارشتی پەتای جیهانی، مانای ئەوە دەگەیەنێت كە دەسەڵاتدارانى تەندروستى دەستەوستانن لە بەرگرتن بە ڤایرۆسەكە، ئەمەش ڕاست نییە”.

بەڕێوەبەری گشتی ڕێكخراوی تەندروستی جیهانی پێیوایە، “زیادبوونی لەناكاوی حاڵەتەكانی توشبوون بە ڤایرۆسی كۆرۆنا لە ئیتاڵیا و ئێران و كۆریای باشوور، مایەی نیگەرانییەكی زۆرە”.

بەردەوام بە لە خوێندنەوە

جیهان

توشبوانی كۆرۆنا لە كوەیت و بەحرەین بەرزبویەوە

خەڵك- بەشی هەواڵ

ژمارەی تووشبوان بە ڤایرۆسی كۆرۆنا لە هەریەك لە وڵاتانی كوەیت و بەحرەین بەرزبووەتەوە.

دەزگا فەرمییەكانی ئەو وڵاتانە بڵاویانكردەوە، لە كوەیت ژمارەی ئەوانەی توشبوون گەیشتووەتە 12 كەس و لە بەحرەینیش بەربووەتەوە بۆ 21 كەس.

بەپێی زانیارییەكان تەواوی ئەو كەسانە لە هەردوو وڵاتەكە لە ئێران گەڕاونەتەوە.

بەردەوام بە لە خوێندنەوە

کوردستان