ئێمە لە تۆرە کۆمەڵایەتیەکان

کوردستان

“ئێمە ئاگاداری ڕاگەیەنراوی لیژنەی ناوچە كوردستانیەكانی دەرەوەی هەرێم نین”

خەڵك – بەشی هەواڵ

 

‎پاش ئەوەی لیژنەی ناوچە كوردستانییەكانی دەرەوەی هەرێم لەماڵپەڕی فەرمی، پەرلەمانی كوردستان، ڕاگەیەنراوێكیان سەبارەت بە ڕەوشی خانەقین، دوبز و گوندەكانی سەر بەناحیەی سەرگەڕانی پارێزگای كەركوك بڵاو كردەوە، جێگری سەرۆك و بڕیاردەری لیژنەكە دەڵێن، ئاگاداری ئەو ڕاگەیەنراوە نین.

بە پێی ڕاگەیەنراوێك كە وێنەیەكی گەیشتۆتە تۆڕى میدیایی (خەڵك)، هەریەكە لە جێگری سەرۆكی لیژنەی ناوچە كوردكستانییەكانی دەرەوەی هەرێم و بڕیاردەری هەمان لیژنە دەڵێن، ڕاگەیەنراوەكە، دیراسەنەكراو و هەڵوەستەنەكراوە، تەنها ڕاو و بۆچوونی سەرۆكی لیژنەو ئەندامانی فراكسیۆنەكەیەتی؛ ئێمە وەكو جێگری سەرۆك و بڕیاردەری لیژنە بێئاگاین لەم ڕاگەیەندراوە.

پێشتر ڕاگەیەنراوێك لە ناوی لیژنەی ناوچە كوردستانییەكانی دەرەوەی هەرێم بڵاو كرایەوە كە تێیدا هاتبوو، لیژنەی ناوچە كوردستانییەكانی دەرەوەی هەرێمی كوردستان لە پەرلەمانی كوردستان رایدەگەیێنێت، بەهیمەتی حەكیمانەی جەنابی سەرۆك بارزانی هێرشێكی نەخشە بۆ داڕێژراو بۆ سەر كێڵگە كشتوكاڵییەكانی خانەقین و دوبزو گوندەكانی سەر بەناحیەی سەرگەڕانی پارێزگای كەركووك رێگری لێكرا.

 

دەقی ڕاگەیەنراوی جێگری سەرۆك و بریاردەری لیژنەی ناوچە كوردكستانییەكانی دەرەوەی هەرێم

‎‎لەڕۆژی 23-5-2019 ڕاگەیێندراوێك لەلیژنەی ناوچە كوردستانییەكانی دەرەوەی هەرێم لەماڵپەڕی فەرمی، پەرلەمانی كوردستان، بڵاو كراوتەوە لەلایەن سەرۆكی لیژنەی ناوچەكوردستانییەكان لەهەمبەر ڕەوشی خانەقین، دوبز، و گوندەكانی سەر بەناحیەی سەرگەڕانی پارێزگای كەركوك.

‎لێرەوە ئەم ڕوونكردنەوەیە بۆ ڕای گشتی ڕادەگەیەنین، كەئەم بۆچونە دیراسەنەكراو و هەڵوەستەنەكراوە، و تەنها ڕاو و بۆچونی سەرۆكی لیژنەو ئەندامانی فراكسیۆنەكەیەتی؛ ئێمەوەكو جێگری سەرۆك و بڕیاردەری لیژنە بێئاگاین لەم ڕاگەیەندراوە.

‎لێرەشەوە ڕایدەگەیەنین كەلەسەرەتای دروستبوونی ئەم كێشەیەوەـ كەدەستێكی تێكدەر و ویستێكی مەترسیدار زیان دەگەیێنێت بەبەرژەوەندی جوتیار و هاووڵاتییانی ناوچەكە بەگشتی لەلایەن داعش و عەرەبە هاوردەكانەوەـ ئێمە وەكو لیژنەی ناوچەكوردستانییەكان، خەمخۆرییان بووین و كێشەكانمان بەدروستی گەیاندووەتەلایەنەپەیوەندیدارەكان بەپرسەكە.

‎لەدەستپێكەوە تا ئێستا، هەوڵی جددی و ویستێكی ئەرێنی هەبووە بەئاڕاستەی چارەسەركردنی كێشەكان لەدەرەوەی هەموو حزب و قەوارەو كەسایەتییە سیاسی و مەعنەوییەكان؛ بەپێچەوانەوە، ئەم پرسە پەیوەستبووه ‌بەپەرلەمان و حكومەتی هەرێمی كوردستان و حكومەتی ناوەندییەوە، و هەموو ناوهێنانێك لەدەرەوەی ئەم سێ دامەزراوەفەرمییە، بێ بنەمایەو دەچێتەچوارچێوەی موزایەداتی سیاسییەوە.

‎بۆیه ‌هەموو هەوڵێكی بەلاڕێدابەر ڕەتدەكەینەوه، و ڕایدەگەیەنین كەپاراستنی ژیان و بژێوی هاووڵاتییان و زامنكردنی سەقامگیری سیاسی و ئابووری، جێگەی هیچ جۆره ‌موزایەدەیەكی تێدا نابێتەوه؛ داواكارین ئەم جۆره ‌هەوڵە بێ بەرهەمانه ‌نەبنەڕێگر لەبەردەم كاری پێكەوەیی و دۆزینەوەی چارەسەری گونجاو بۆ كێشەی هاووڵاتییان.

جەمال هەروتی- جێگری سەرۆكی لێژنەی ناوچە كوردستانیەكانی دەرەوەی هەرێم

مەلا ناسر ئەحمەد- بڕیاردەری لێژنەی ناوچە كوردستانیەكانی دەرەوەی هەرێم

کوردستان

بارزانی لەگەڵ سەرۆكی دیوانی سەرۆكایەتی كۆماری عیراق كۆبووەوە

خەڵك – بەشی هەواڵ
سەرۆكی پارتی دیموكراتی كوردستان لەگەڵ سەرۆكی دیوانی سەرۆكایەتی كۆماری عیراق كۆبووەوە و بیروڕا لەبارەی بارودۆخی سیاسیی ناوچەكە و پڕۆسەی سیاسی عیراق و پەیوەندییەكانی نێوان هەولێر و بەغدا ئاڵوگۆڕ كرا.

ماڵپەری (مەسعود بارزانی) بڵاویكردەوە، ئەمڕۆ شەممە 21-9-2019 لە سەڵاحەددین مەسعود بارزانی پێشوازی لە نەسیر ئەلعانی، سەرۆكی دیوانی سەرۆكایەتی كۆماری عیراق كرد.

ڕاشیگەیاندووە، لە دیدارێكدا بیروڕا لەبارەی بارودۆخی سیاسیی ناوچەكە و پڕۆسەی سیاسی عیراق و پەیوەندییەكانی نێوان هەولێر و بەغدا ئاڵوگۆڕ كرا.

بەردەوام بە لە خوێندنەوە

کوردستان

سوپای توركیا كۆڵبەرێكی كوردی كوشت

خەڵك- بەشی هەواڵ
هێزە چەكدارەكانی توركیا لە سنووری ماكۆ تەقەیان لە كاروانێكی كۆڵبەران كردووە و كۆڵبەرێكی كوردیان كوشتووە.

ڕێكخراوی مافی مرۆڤی هەنگاو لە ڕاگەیەنراوێكدا ئاماژەی بەوەكردووە، هێزە چەكدارەكانی توركیا لە سنووری بوراڵانی شاری ماكۆ تەقەیان لە كاروانێكی كۆڵبەران كردووە و كۆڵبەرێك بریندار كراوە.

ئاماژەی بەوەشكردووە، ئەو كۆڵبەرە دوای گەیاندنی بۆ نەخۆشخانەی ئەرزڕووم گیانی لەدەست داوە و ناوی (خالیس حەمیدزادە)یە و تەمەنی ٢٢ ساڵە و خەڵكی گوندی (باڵووڵە)ی ماكۆیە و خێزاندارە و باوكی منداڵێكە.

ئەوەش ئاشكراكراوە، هێزە چەكدارەكانی توركیا دوای بریندار كردنی لاق و ڕانی خالیس، ناوبراویان داوەتە بەر لێدان و كوتان.

بەردەوام بە لە خوێندنەوە

کوردستان

بەرپرسێكی یەكێتی: دەستكەوتی حكومەت كاڵكردنەوەی ئینتما و پەرەپێدان بە دوو ئیدارەیی بووە

خەڵك- بەشی هەواڵ
ئەندامێكی سەركردایەتی یەكێتی ڕایدەگەیەنێت، تا ئێستا نەتوانراوە دوو ئیدارەیی لە زهنی تاكی كورددا بسڕدرێتەوە و دەشڵێت: “بەدرێژایی ئەو هەموو ساڵەی دوای ڕاپەڕین دەستكەوتی حكومەتی كوردستان كاڵكردنەوەی ئینتمای نەتەوەیی و پەرەپێدان بە دوو ئیدارەیی لە فكری تاكی كوردا بووە”.

بڵێسە جەبار فەرمان، ئەندامی سەركردایەتی یەكێتی و ئەندامی پەڕلەمانی عیراق لە هەژماری خۆی لە فەیسبووك نووسیویەتی، “یەكێك لە ئەزموونە تاڵەكانی مێژووی گەلەكەمان شەڕە یەك بەدوای یەكەكانی برا كوژی بوون، كە زۆر زیاتر لە دوژمنانمان زەرەری پێ گەیاندووین”.

دەشڵێت: “دوای ساڵانێكی زۆری شەڕی خۆ كوژی و براكوژی و شەهیدبوونی زۆرێك لە ڕۆڵەكانمان توانرا كێشەكان وەلاوە بنرێن و دوو ئیدارەیی كۆتایی پێبهێنرێت و حكومەتێكی یەكگرتوو و پەڕلەمانێكی هەڵبژێردراو دروست بكرێت، بەڵام دەبێت بپرسین دوو ئیدارەیی واتای چییە؟، ئایا ئەم حكومڕانیەی كوردی توانیوێتی ئامانجەكانی گەلەكەمان بێنێتە دی؟”.

بڵێسە جەبار فەرمان ئاماژەی بەوەشكردووە، بەداخەوە دەبێت دان بەوەدا بنرێت، كە تا ئێستا حوكمی كوردی حوكمێكی سەركەوتوو نەبووە بە ئاستی خواست و ویست و تا ئێستا نەتوانراوە دوو ئیدارەیی لە زهنی تاكی كورددا بسڕدرێتەوە و پارێزگاكان و زاراوەكان هیچ تەماسێكیان بەیەكەوە نیە..

ئەو بەرپرسەی یەكێتی جەختی كردۆتەوە، “ئەبێت ئەو ڕاستیە بوترێت، كە بە درێژایی ئەو هەموو ساڵەی دوای ڕاپەڕین دەستكەوتی حكومەتی كوردستان كاڵكردنەوەی ئینتمای نەتەوەیی و پەرەپێدان بە دوو ئیدارەیی لە فكری تاكی كوردا بووە”.

پێی وایە، حكومەتی ئیتحادی بابەتی ئاشتی قەزیە نیە لەلای، هەڵسوكەوتیان سڕینەوەی ئاشتیە بەتایبەتی لەناوچە كوردستانیە دابڕاوەكان و دەشڵێت: “ئاشتی لەم ناوچەیە غائیبە، شەڕەنگێزی زاڵە، هەربۆیە باس كردن لە ئاشتی و ئاشتەوایی لەم ڕۆژگارەدا كوتانی ئاسنی ساردە”.

ئاماژەی بەوەشكردووە، ئەوەتا دوای چەندەها ڕێككەوتن و هاوپەیمانی و هەڵبژاردن و باسكردن لە دیموكراسی دێن و بی هیچ بنەمایەك ڕێگا لە هاووڵاتیەك دەگرن بە چوونی بۆ پایتەخت، بۆیە لە وڵاتی ئێمە باسی ئاشتی و بروابوون بە یاسا تەنها خولیایە.

ئەمە لەكاتێكدایە، كە ڕۆژی پێنج شەممە لە بازگەی سماقوڵی ڕێگری لە مەحمود سەنگاوی، ئەندامی مەكتەبی سیاسی یەكێتی كرا بچێتە هەولێر و دوابەدوای ئەوەش سەركردایەتی پارتی لە سلێمانی ڕایگەیاند، كە تەقە لە بارەگای لقی چوار كراوە و شەوی ڕابردووش تەقە لە دوو كۆمیتەی یەكێتی لە هەولێر كرا.

بەردەوام بە لە خوێندنەوە

کوردستان