ئێمە لە تۆرە کۆمەڵایەتیەکان

کوردستان

چەند خاڵێك ڕێنماییەك تا لە حاڵەتی گڕ گرتنی ئۆتۆمبێلەكانتان بەدوور بن

خەڵك – بەشی هەواڵ

ئەفسەرێكی بەڕێوەبەرایەتی بەرگری شارستانی هەولێر، ڕێنمایی دەداتە هاوڵاتیان و شۆفێران تا لە وەرزی گەرمادا پارێزگاری لە ژیانی خۆیان و سەلامەتی ئۆتۆمبێلەكانیان بكەن و بە دوور بن لە گڕ گرتنی ئۆتۆمبێلەكانیان.

 

رائید، سەركەوت كاڕەش ئەفسەر لەبەڕێوەبەرایەتی بەرگری شارستانی هەولێر، بە چەند خاڵێك ڕێنمایی شۆفێران دەكات تا لە حاڵەتی گڕ گرتنی ئۆتۆمبێلەكاینان بەدوور بن بە تایبەت لە كاتێكدا كە پلەكانی گەرما بەرز دەبنەوە:

– دووربكەوە لە تێكردنی بەنزینی خراپ و كواڵتی نزم .

– ڕۆژانە پشكنین بكە بۆ سۆندەكانی گواستنەوەی بەنزین بكەن، ئەمەش لەبەر مەترسی كون بوون یان داڕزان،بە تایبەتی ئۆتۆمبێلە مۆدیل كۆنەكان.

– دوربكەوە لە تێكردنی بەنزین لەكاتە گەرمەكاندا، بەتایبەتی نیوەڕۆ، چونكە دەبێتە هۆی دروست كردنی غاز لە ناو تانكی بەنزین، باشترە بەیانیان یاخود شەوان بەنزین لە ئۆتۆمۆبێل بكرێت.

– ئەگەر لە نیوەڕۆدا بەنزینت لە ئۆتۆمبێلەكەت كرد هەوڵبدە بەهێواشی بەنزینەكە تێبكەیت بۆ ئەوەی هەواو غاز لە ناو تانكی دروست نەبێت.

– هیچ جۆرە كەل و پەلێك لەناو ئۆتۆمبێلەكەت جێمەهێڵە وەك : شوشە و قتوی معتەر ، مۆبایل ، پاوەربانك ، هتد .

– لەكاتیر ِاگرتنی ئۆتۆمبێل، كەمێك جامەكان بكەرەوە تا هەوا گۆڕكێ هەبێت لەناو ئۆتۆمبێلەكەت.

– گەر هەستت كرد فیول پەمپی ئۆتۆمبێلەكەت لاواز بووە باشترە بیگۆڕیت چونكە لەكاربكەوێت لەوەرزی گەرمادا مەترسی دارە .

– هەوڵبدە ڕۆژانە قەپاغی تانكی بەنزین جارێك بكرێتەوە بۆ ئەوەی ئەو هەواو غازاتەی دروست بووە خاڵی ببێتەوە بەتایبەتی ئۆتۆمبێلە مۆدیل كۆنەكان .

– نابێت بەهیچ شێوەیەك لە هاوین دا، قەبارەی ڕێژەی هەوای تایەكان زیاد و كەمی هەبێت چونكە دەبێتە هۆی گەرم بوون .

– لەوەرزی هاوین مەكینەی ئۆتۆمبێل زیاتر گەرم دەبێت بۆیە نابێت ڕۆن گۆڕین پشتگوی بخرێت .

– بەیانیان بەر لەدەرچوونت ئاوی ڕادێتیەر بپشكنە و ئاگات لە كەمو زیادی بێت.

 

– هەوڵبدە گەشتەكانت بۆ ڕێگای دوور لە بەیانیان یان ئێواران ئەنجام بدەیت .

– ئامێرێكی دەستی ئاگر كوژێنەوە لە ناو ئۆتۆمبێلەكەت دابنێ‌ .

– ژمارەكانی بەرگری شارستانی 115 و 125 با لە مۆبایلەكەتدا هەبن و لە كاتی ڕوودانی هەر حاڵەتێكی وادا پەیوەندی بكە.

کوردستان

بارزانی لەگەڵ سەرۆكی دیوانی سەرۆكایەتی كۆماری عیراق كۆبووەوە

خەڵك – بەشی هەواڵ
سەرۆكی پارتی دیموكراتی كوردستان لەگەڵ سەرۆكی دیوانی سەرۆكایەتی كۆماری عیراق كۆبووەوە و بیروڕا لەبارەی بارودۆخی سیاسیی ناوچەكە و پڕۆسەی سیاسی عیراق و پەیوەندییەكانی نێوان هەولێر و بەغدا ئاڵوگۆڕ كرا.

ماڵپەری (مەسعود بارزانی) بڵاویكردەوە، ئەمڕۆ شەممە 21-9-2019 لە سەڵاحەددین مەسعود بارزانی پێشوازی لە نەسیر ئەلعانی، سەرۆكی دیوانی سەرۆكایەتی كۆماری عیراق كرد.

ڕاشیگەیاندووە، لە دیدارێكدا بیروڕا لەبارەی بارودۆخی سیاسیی ناوچەكە و پڕۆسەی سیاسی عیراق و پەیوەندییەكانی نێوان هەولێر و بەغدا ئاڵوگۆڕ كرا.

بەردەوام بە لە خوێندنەوە

کوردستان

سوپای توركیا كۆڵبەرێكی كوردی كوشت

خەڵك- بەشی هەواڵ
هێزە چەكدارەكانی توركیا لە سنووری ماكۆ تەقەیان لە كاروانێكی كۆڵبەران كردووە و كۆڵبەرێكی كوردیان كوشتووە.

ڕێكخراوی مافی مرۆڤی هەنگاو لە ڕاگەیەنراوێكدا ئاماژەی بەوەكردووە، هێزە چەكدارەكانی توركیا لە سنووری بوراڵانی شاری ماكۆ تەقەیان لە كاروانێكی كۆڵبەران كردووە و كۆڵبەرێك بریندار كراوە.

ئاماژەی بەوەشكردووە، ئەو كۆڵبەرە دوای گەیاندنی بۆ نەخۆشخانەی ئەرزڕووم گیانی لەدەست داوە و ناوی (خالیس حەمیدزادە)یە و تەمەنی ٢٢ ساڵە و خەڵكی گوندی (باڵووڵە)ی ماكۆیە و خێزاندارە و باوكی منداڵێكە.

ئەوەش ئاشكراكراوە، هێزە چەكدارەكانی توركیا دوای بریندار كردنی لاق و ڕانی خالیس، ناوبراویان داوەتە بەر لێدان و كوتان.

بەردەوام بە لە خوێندنەوە

کوردستان

بەرپرسێكی یەكێتی: دەستكەوتی حكومەت كاڵكردنەوەی ئینتما و پەرەپێدان بە دوو ئیدارەیی بووە

خەڵك- بەشی هەواڵ
ئەندامێكی سەركردایەتی یەكێتی ڕایدەگەیەنێت، تا ئێستا نەتوانراوە دوو ئیدارەیی لە زهنی تاكی كورددا بسڕدرێتەوە و دەشڵێت: “بەدرێژایی ئەو هەموو ساڵەی دوای ڕاپەڕین دەستكەوتی حكومەتی كوردستان كاڵكردنەوەی ئینتمای نەتەوەیی و پەرەپێدان بە دوو ئیدارەیی لە فكری تاكی كوردا بووە”.

بڵێسە جەبار فەرمان، ئەندامی سەركردایەتی یەكێتی و ئەندامی پەڕلەمانی عیراق لە هەژماری خۆی لە فەیسبووك نووسیویەتی، “یەكێك لە ئەزموونە تاڵەكانی مێژووی گەلەكەمان شەڕە یەك بەدوای یەكەكانی برا كوژی بوون، كە زۆر زیاتر لە دوژمنانمان زەرەری پێ گەیاندووین”.

دەشڵێت: “دوای ساڵانێكی زۆری شەڕی خۆ كوژی و براكوژی و شەهیدبوونی زۆرێك لە ڕۆڵەكانمان توانرا كێشەكان وەلاوە بنرێن و دوو ئیدارەیی كۆتایی پێبهێنرێت و حكومەتێكی یەكگرتوو و پەڕلەمانێكی هەڵبژێردراو دروست بكرێت، بەڵام دەبێت بپرسین دوو ئیدارەیی واتای چییە؟، ئایا ئەم حكومڕانیەی كوردی توانیوێتی ئامانجەكانی گەلەكەمان بێنێتە دی؟”.

بڵێسە جەبار فەرمان ئاماژەی بەوەشكردووە، بەداخەوە دەبێت دان بەوەدا بنرێت، كە تا ئێستا حوكمی كوردی حوكمێكی سەركەوتوو نەبووە بە ئاستی خواست و ویست و تا ئێستا نەتوانراوە دوو ئیدارەیی لە زهنی تاكی كورددا بسڕدرێتەوە و پارێزگاكان و زاراوەكان هیچ تەماسێكیان بەیەكەوە نیە..

ئەو بەرپرسەی یەكێتی جەختی كردۆتەوە، “ئەبێت ئەو ڕاستیە بوترێت، كە بە درێژایی ئەو هەموو ساڵەی دوای ڕاپەڕین دەستكەوتی حكومەتی كوردستان كاڵكردنەوەی ئینتمای نەتەوەیی و پەرەپێدان بە دوو ئیدارەیی لە فكری تاكی كوردا بووە”.

پێی وایە، حكومەتی ئیتحادی بابەتی ئاشتی قەزیە نیە لەلای، هەڵسوكەوتیان سڕینەوەی ئاشتیە بەتایبەتی لەناوچە كوردستانیە دابڕاوەكان و دەشڵێت: “ئاشتی لەم ناوچەیە غائیبە، شەڕەنگێزی زاڵە، هەربۆیە باس كردن لە ئاشتی و ئاشتەوایی لەم ڕۆژگارەدا كوتانی ئاسنی ساردە”.

ئاماژەی بەوەشكردووە، ئەوەتا دوای چەندەها ڕێككەوتن و هاوپەیمانی و هەڵبژاردن و باسكردن لە دیموكراسی دێن و بی هیچ بنەمایەك ڕێگا لە هاووڵاتیەك دەگرن بە چوونی بۆ پایتەخت، بۆیە لە وڵاتی ئێمە باسی ئاشتی و بروابوون بە یاسا تەنها خولیایە.

ئەمە لەكاتێكدایە، كە ڕۆژی پێنج شەممە لە بازگەی سماقوڵی ڕێگری لە مەحمود سەنگاوی، ئەندامی مەكتەبی سیاسی یەكێتی كرا بچێتە هەولێر و دوابەدوای ئەوەش سەركردایەتی پارتی لە سلێمانی ڕایگەیاند، كە تەقە لە بارەگای لقی چوار كراوە و شەوی ڕابردووش تەقە لە دوو كۆمیتەی یەكێتی لە هەولێر كرا.

بەردەوام بە لە خوێندنەوە

کوردستان