ئێمە لە تۆرە کۆمەڵایەتیەکان

جیهان

” ئەگەر پێویست بكات چەندێك هێزمان بوێت دەینێرین”

خەڵك – بەشی هەواڵ

سەرۆكی ئەمەریكا، دەڵێت: لە ئێستادا پێویست ناكات هێزی زیاتر ڕەوانەی ڕۆژهەڵاتی ناوەڕاست بكرێت بۆ ڕووبەڕووبوونەوەی ئێران، بەڵام لە ئەگەری پێویستبووندا چەندێكمان بوێت دەینێرین

ئاژانسی هەواڵی رۆیتەرز، لێدوانێكی ڕۆژنامەوانی دۆناڵد ترەمپ، سەرۆكی ئەمریكای بڵاو كردۆتەوە، و ڕایگەیاندووە: سەرۆك ترامپ بە ڕۆژنامەنووسانی وتووە ” پێم وانیە پێویستمان پێی بێت، هێزی زیاتر بنێرین بۆ رووبەڕووبوونەوەی ئیران، گەر پێویست بوایە بەدڵنیاییەوە هێزم دەنارد .

سەرۆكی ئەمریكا وتوشیەتی ” ئەگەر پێویست بكات چەندێكمان بوێت دەینێرین”.

پێشتر، پاتریك شانەهان وەزیری بەرگری ئەمریكا بە وەكالەت ، ڕایگەیاندبوو” بیر لە ڕەوانەكردنی هێزی زیاتر دەكەینەوە بۆ ڕۆژهەڵاتی ناوەڕاست وەك پلانی پاراستنی هێزەكانی ئەمریكا لە ناوچەكە.

جیهان

خامنەیی: سەدام و ئەمریكا رێككەوتنیان دژی ئێران هەبوو

خەڵك- بەشی هەواڵ

لە ساڵرۆژی هەڵگیرسانی جەنگی هەشت ساڵەی ئێران – عێراقدا، رابەری شۆڕشی ئیسلامی ئێران رایگەیاند ئامانجی شەڕی عێراق – ئێران لەناوبردنی ئێران بوو.

عەلی خامنەیی لە وتارێكدا لە تاران وتی: ئەمریكا لەگەڵ سەدام حسێن سەرۆكی پێشووتری عێراق رێككەوتبوون لە دژی ئێران.

ناوبراو رونیكردەوە، زانیاری هەواڵگری دەدرایە سوپای عێراق سەبارەت بە سوپای ئێران، ئەمانە لە رێگای ئیمارات و سعودیە ئەنجام دەدران و هەواڵگرەكان زانیارییان بۆ بەغدا دەگواستەوە.

رۆژی 22ی ئەیلوولی 1980 سوپای عێراق بەشێكی خاكی ئێرانی داگیركرد و بووە هۆی هەڵگیرسانی جەنگێكی هەشت ساڵە نێوان هەردوو وڵات و زیانێكی گەورەی گیانی و مادی لێكەوتەوە.

عێراق بە ئامانجی رێگری لە فراوانخوازییەكانی شۆڕشی ئیسلامی ئێران كە تازە هاتبوونە سەر دەسەڵات بە پشتیوانی وڵاتانی كەنداو و خۆرئاوایی هێرشیكردەسەر ئێران.

بەردەوام بە لە خوێندنەوە

جیهان

نوێترین ئاماری تووشبوون بەکۆرۆنا لەجیهاندا

خەڵک – بەشی هەواڵ

 

بەپێی نوێترین ئامار، نزیکی ٢٢ ملیۆن  و ٨٣٦ هەزار تووشبووی کۆرۆنا لەجیهاندا چاکبوونەتەوە.

 

بەپێی نوێترین ئامار لەسەرەتای بڵاوبوونەوەى ڤایرۆسی کۆرۆنا تاکو ئێستا  زیاتر لە ٣١ ملیۆن و ٢٤٠ هەزار تووشبووی ڤایرۆسی کۆرۆنای نوێ تۆمارکراون.

هەر بەپێی ئەو ئامارە، لەوماوەیەدا نزیکی ٢٢ ملیۆن  و ٨٣٦ هەزار تووشبووی کۆرۆنا چاکبوونەتەوە، کە لەبەرامبەردا نزیکی ٩٦٥ هەزار کەس گیانیان لەدەستداوە، ئەوانی دیکەش لەژێر چارەسەردان.

بەردەوام بە لە خوێندنەوە

جیهان

ڕوحانی: ئەوەی ئەمریكا دەرهەق بە وڵاتەكەمان دەیكات تەنیا خۆ سەپاندنە

خەڵك – بەشی هەواڵ

سەرۆكی كۆماری ئیسلامی ئێران ڕایدەگەیەنێت: هەر هەنگاوێك بەئاڕاستەی جێبەجێكردنی سزای زیاتری وڵاتەكەی بنرێت، ئەوا تاران بەتوندترین شێوە بەرپەرچی دەداتەوە.

حەسەن ڕوحانی سەرۆكی كۆماری ئیسلامی ئێران لەبەهای هەوڵەكانی ئەمریكا بۆ درێژكردنەوەی سزاكانی سەر تاران كەمكردەوە و ئاماژەی بەوەكرد: ئەگەر واشنتۆن كار بە بڕیارەكانی پێشووی نەتەوە یەكگرتووەكان بكات لەدژی ئێران ئەوا وەڵام دەدرێتەوە، چونكە هیچ دەوڵەتێكی نێو ئەنجومەنی ئاسایشی نێودەوڵەتی ڕەزامەند نەبووە بە سەرلەنوێ سەپاندنەوەی سزاكان بەسەر ئێراندا و ئەوەی ئەمریكاش دەرهەق بەوڵاتەكەیان دەیكات تەنیا خۆ سەپاندنە.

سەرۆكی ئێران ئامادەیی وڵاتەكەی نیشاندا بۆ پابەندبوونی بە ڕێككەوتننامە ئەتۆمییەكە ئەگەر لایەنی بەرامبەر پابەندی ڕێككەوتننامەكە بێت.

بەردەوام بە لە خوێندنەوە

کوردستان