ئێمە لە تۆرە کۆمەڵایەتیەکان

جیهان

ترەمپ: ئەگەر پێویست بكات هێزی زیاتر ڕەوانەی ڕۆژهەڵاتی ناوەڕاست دەكەین

خەڵك – بەشی هەواڵ

سەرۆكی ئەمریكا ڕایدەگەیەنێت، لە دوای كشانەوەمان لە ڕێككەوتنی ئەتۆمیی ئێران تووشی گرفتی زۆر بووە.

دۆناڵد ترەمپ سەرۆكی ئەمریكا لە كۆنگرەیەكی ڕۆژنامەوانیدا لە واشنتۆن ڕایگەیاند، باراك ئۆباما سەرۆكی پێشووی ئەمریكا لە جەنگی دژی تیرۆر شكستی هێنا و لە ئێستادا ئەمریكا باجی ئەو شكستە دەدات، بەڵام ئێمە لە عیراق و سوریا تیرۆریستانی داعشمان تێكشكاند.

ترەمپ لەبارەی گرژییەكانی نێوان وڵاتەكەیی و كۆماری ئیسلامی ئێران ئاماژەی بەوەدا، لەدوای كشانەوەمان لە ڕێككەوتنی ئەتۆمیی ئێران تووشی گرفتی زۆر بووە، سەبارەت بە زیادكردنی ژمارەی سەربازانی وڵاتەكەشی لە ڕۆژهەڵاتی ناوەڕاست ئاشكرایكرد، ئەگەر پێویست بكات هێزی زیاتر ڕەوانەی ئەو ناوچەیە دەكەین.

جێی ئاماژەیە، ئەمڕۆ پێنج شەممە 23/5/2019 ئاژانسی ڕۆیتەرز لە زاری ژمارەیەك لێپرسراوی باڵای وەزارەتی بەرگری ئەمریكاوە بڵاویكردەوە، پنتاگۆن بەنیازە 5 هەزار سەربازی تر ڕەوانەی ڕۆژهەڵاتی ناوەڕاست بكات، بەوتەی ئەو لێپرسراوانە، فەرماندەی ناوەندی هێزی ئەمریكایی داوای ڕەوانەكردنی ئەو ژمارە سەربازەی كردووە، بەڵام تائێستا ڕوون نییە ئایا پنتاگۆن ڕەزامەندی لەسەر ڕەوانەكردنیان دەردەبڕێت یاخود نا.

جیهان

سعودیە وەڵام دەداتەوە
نەتەوە یەكگرتووەكان لەسەر كوژرانی خاشقچی ڕاپۆرتێك بڵاودەكاتەوە

خەڵك- بەشی هەواڵ
وەزیری دەوڵەتی سعودیە بۆ كاروباری دەرەوە، وەڵامی ڕاپۆرتەكەی نەتەوە یەكگرتووەكان دەداتەوە لەبارەی كەیسی كوژرانی خاشقچی و ئاماژە بە بوونی چەند خاڵێكی دژ بەیەك دەكات لەنێو ڕاپۆرتەكەدا.

عادل جوبێر، وەزیری دەرەوەی سعودیە لە لێدوانێكی ڕۆژنامەوانیدا ڕایگەیاند، “ڕاپۆرتەكەی ئەگنیس كاڵامارد لەبارەی كوژرانی ڕۆژنامەنووس جەمال خاشقچی، چەند خاڵێكی دژ بە یەكی ڕوون لەخۆدەگرێت و زۆرێكی بێ‌ بنەمایە”.

بە وتەی جوبێر، “هیچ شتێكی نوێ‌ لە ڕاپۆرتەكەی بڕیاردەری ئەنجوومەنی مافەكانی مرۆڤ نەهاتووە، جگە لە دووبارەكردنەوەی هەمان ئەو باسانەی، كە پێشتر لە میدیاكاندا بڵاوكرانەوە”.

بەپێی ئەو ڕاپۆرتە، كە ئەمڕۆ چوار شەممە لەلایەن ئەگنیس كاڵامارد، لێكۆڵەری نەتەوە یەكگرتووەكان بۆ كاروباری لەسێدارەدان لە دەرەوەی دادوەریی بڵاوكرایەوە، “جەمال خاشقچی، ڕۆژنامەنووسی سعودی بەشێوەیەكی بەئەنقەست كوژراوە و سعودیەش بەرپرسە بەرانبەر بە كوژرانەكەی”.

هەر لە ڕاپۆرتەكەدا، كە پشتی بە زانیارییەكانی دەزگای هەواڵگری توركیا و دەزگا هەواڵگرییەكانی تر بەستووە، هاتبوو، “خاشقچی دوای ئەوەی لە سەرەتای مانگی تشرینی یەكەمی ڕابردوودا چووبووە نێو باڵێوزخانەی وڵاتەكەی لە ئیستەنبوڵ، بە ماددەیەكی هۆشبەر لەهۆشبراوە و كیسێكی نایلۆن كراوە بەسەریدا و خنكێنراوە”.

بەردەوام بە لە خوێندنەوە

جیهان

یاری (PUBG ) لە وڵاتێكی تر قەدەغە دەكرێت

خەڵك-بەشی هەواڵ
كۆمەڵێك لە پیاوانی ئاینی لە ئیندۆنیسیا، فەتوایەك لە دژی یاریی بەناوبانگیPUBG دەردەكەن، بەو پێیەی توندوتیژی تێدایە و لەگەڵ ئاینی ئیسلامدا یەكانگیر نییە و دەكرێت ئالودەبونێكی مەترسیدار لەنێوان گەمەكارەكاندا دروستبكات.

ئەنجومەنی زانایانی ئاینی لە ناوچەی (ئەچە) لە دوورگەی سۆمەترە، رایانگەیاندووە”ئەو فەتوایە تەئكید لەسەر قەدەغەكردنی PUBG و یارییە هاوشێوەكانی دەكات، بەو پێیەی دەبنە مایەی هاندان بۆ توندوتیژی و گۆڕینی هەڵسوكەوتی كەسەكان”.

ئەنجومەنەكە، بەدووری نازانێت ئەو فەتوایە دەستكاریی بكرێت، تا یارییەكانی تریش بگرێتەوە، بەو پێیەی فەیسەڵ عەلی، ئەندامی ئەنجومەنەكە ڕایگەیاندبوو، منداڵانی ناوچەكەی ئالودەن لەسەر یارییەكە، و پەرچەكردارییان توندوتیژ بووە لەكاتی هەوڵی رێگرتن لە بەردەوامبوونیان لەسەر یارییەكە.

فەتواكەى ئیندۆنیسیا بۆ قەدەغەكردنی ئەو یارییە، دوا ئەوە بوو كە هەریەك لە عیراق و نیپاڵ و ویلایەتێكی هیندی PUBG یان قەدەغەكرد.

بەردەوام بە لە خوێندنەوە

جیهان

وادەی دەستپێكردنی شەڕی ئەمریكا و ئێران ئاشكراكرا

 

خەڵك –بەشی هەواڵ

گۆڤاری ناشناڵ ئێنترست لە ڕاپۆرتێكدا كاتی دەستپێكردنی شەڕی ئەمریكا و ئێرانی ئاشكراكرد.

گۆڤارەكە لە زاری جێم كران توێژەر لە پەیمانگەی بیكر بۆ سیاسەتی گشتییەوە بڵاویكردەوە، ئێران و ئەمریكا لە هاوینی ئەمساڵدا بەرەو شەڕ دەڕۆن دوای كشانەوەی ئەمریكا لە ڕێككەوتنی ناوەكی و توندكردنەوەی گەمارۆكانی سەر ئێران.

ئاماژە بە هەوڵەكانی ئێرانیش بۆ گەڕانەوە بۆ سەردەمی پێش ڕێككەوتنی ناوەكی كراوە و دەشپرسێت ئایا واشنتن ئامادەیە بۆ داگیركردنی ئێران و چەكداماڵینی و بەرەوڕووبوونەوە لەگەڵ 750 هەزار هێزی لەشكری و پاسدار؟

باس لەوەشدەكات، شەڕی عیراق كە زۆرتر لە دوو ترلیۆن دۆلاری تێچوو سووكتردەبێت لە شەڕی ئێران، چونكە شەڕكردن لەگەڵ ئێران گەورەتر و خەیاڵی دەبێت، دەشبێت بەهۆی داخستنی گەرووی هورمز و وەستانی هەناردەی چوار ملیۆن بەرمیل نەوتی ڕۆژانە.

توێژەرەكە، دەشڵێت “تاكو ئێستا كات ماوە بۆ خۆ لادان لە شەڕ، پێویستدەكات لەسەر سەركردەكانی ئێران و ئەمریكا لە شەڕ دووربكەونەوە”.

بەردەوام بە لە خوێندنەوە

کوردستان