ئێمە لە تۆرە کۆمەڵایەتیەکان

جیهانی

مباپێ ڕووبەڕوی ئیدارەی پاریس بووەتەوە: مەبەستم لە پارەی زیاتر نەبوو !

خەڵک سپۆرت

کیلیان مباپێی فەرەنسی ئەستێرەی یانەی پاریس سانت جێرمان، دەیەوێت لەگواستنەوەکانی هاوینەی ٢٠١٩دا پەیوەندی بە یانەی ڕیاڵ مەدریدەوە بکات و کۆتا لێدوانەکانیشی بۆ ئەو مەبەستە بووە.

لەماوەی چەند ڕۆژی ڕابردوودا کیلیانی فەرەنسی بە میدیاکانی ڕاگەیاند :” ڕەنگە کاتی ئەوە هاتبێت تاقیکردنەوەیەکی نوێ ئەنجام بدەم، یاخود بەرپرسیارێتیەکی تر بخەمە سەر شانی خۆم”.

ئەم لێدوانە لەلایەن میدیاکانی ئیسپانیا و بەریتانیا وا لێکدرایەوە، کە ناوبراو حەزی بە یانەی ڕیاڵ مەدریدی ئیسپانیە و دەیەوێت پەیوەندیان پێوە بکات، بەڵکو ئەو لێدوانەی وەک پەیامێک ئاڕاستەی یانەی شاهانە و پاریس سانت جێرمان کردووە، بەڵام لەوەڵامدا نوێنەرانی یانە فەرەنسیەکەی لەپێناو مانەوە و بەردەوامبونی لە پڕۆژە زەبەلاحەکەیاندا بەڵێنی موچە و ئیمتیازاتی زیاتریابن پێداوە.

ئالفرێدۆ دورۆی ڕۆژنامەوانی ئیسپانی لە بەرنامەی “ئیل شیرینگیتۆ” تەواوی ئەم بابەتە پوچەڵ دەکاتەوە و دەڵێت: مباپێ لەم هەفتەیەدا چاوی بە بەرپرسانی پاریس کەوتووە، زۆر بەتوندی پیایاندا تەقیوەتەوە و پێی ڕاگەیاندون، کە لە لێدوانەکانیدا مەبەستی پارە و ئیمتیازاتی زیاتر نەبووە، بەڵکو مەبەست لەوەبووە کە دەڕوات و کاتی ئەوە هاتووە پەیوەندی بە یانەیەکی زەبەلاحی ترەوە بکات، دووبارە لە هەفتەی داهاتو کۆبونەوە لەگەڵ ناسڕ خلێفی خاوەنی یانە و شای قەتەر ئەنجام دەدات و ڕەنگە لەو کۆبونەوەیەدا هەموو شتێک یەکلایی بکڕێتەوە.

جیهانی

هاوکێشه‌ی دۆمینۆ: گه‌وهه‌ره‌که‌ی ئه‌تله‌تی ده‌چێته‌ سیتی و سیمیۆنی به‌ یاریزانێکی ڕیاڵ قه‌ره‌بووی ده‌کاته‌وه‌

خه‌ڵک سپۆرت

گواستنه‌وه‌ی “ڕۆدری” له‌ یانه‌ی ئه‌تله‌تیکۆ مه‌دریده‌وه‌ بۆ ڕیزه‌کانی مانچسته‌ر سیتی ده‌رگای گواستنه‌وه‌ به‌ڕووی یاریزانێکی یانه‌ی ڕیاڵ مه‌دریدی ئیسپانیدا ده‌کاته‌وه‌.

ڕۆژنامه‌ی “مارکا”ی ئیسپانی ئاشکرای کردووه‌، پیپ گواردیۆلا و نوێنه‌رانی یانه‌ی مانچسته‌ر سیتی توانیویانه‌ له‌چه‌ند ڕۆژی ڕابردوودا ڕێکه‌وتن له‌گه‌ڵ ڕۆدریگۆ هێرناندێزی ناسراو به‌ “ڕۆدری” ئه‌ستێره‌ی هه‌ڵکشاوی یانه‌ی ئه‌تله‌تیکۆ مه‌درید بکه‌ن، به‌پێی ڕێکه‌وتنه‌که‌ سیتی بڕی ٧٠ ملیۆن یورۆی نرخی شکاندنی بۆنده‌که‌ی پێشکه‌ش ده‌که‌ن و گه‌وهه‌ره‌که‌ ده‌گوێزنه‌وه‌ بۆ یاریگای ئیتیحاد.

ئه‌م گواستنه‌وه‌یه‌ هاوکێشه‌که‌ له‌ دوو یانه‌وه‌ بۆ سیان به‌رز ده‌کاته‌وه‌، چونکه‌ دیێگۆ سیمیۆنی ناچار ده‌بێت به‌ یاریزانێکی ناوازه‌ پێگه‌ی یاریزانه‌که‌ پڕ بکاته‌وه‌ و بۆ ئه‌و مه‌به‌سته‌ش مارکۆس لۆرێنتی یاریزانی هێڵی ناوه‌ندی یانه‌ی ڕیاڵ مه‌دریدی ده‌ستنیشان کردووه‌.

مارکا ئاماژه‌ی کردووه‌، ئیداره‌ی یانه‌ی شاهانه‌ نه‌رمیان نواندووه‌ و داوای بڕی ٤٠ ملیۆنیان به‌رامبه‌ر یاریزانه‌که‌یان کردووه‌، ئه‌م گواستنه‌وه‌یه‌ش هاوکات ده‌بێت له‌گه‌ڵ گواستنه‌وه‌ی جواو فیلێکس له‌ یانه‌ی به‌نفیکای پورتوگالیه‌وه‌ به‌بڕی ١٢٠ ملیۆن بۆ پێگه‌ی ئه‌نتوان گریزمان، به‌وشێوه‌یه‌ش ئیداره‌ی “ڕۆخی بلانکۆس” پێیان وایه‌ سه‌رکه‌وتوو ده‌بن له‌پڕ کردنه‌وه‌ی که‌لێنی یاریزانه‌ فرۆشراوه‌کان.

“ڕۆدری” ته‌مه‌ن ٢١ ساڵ یه‌کێکه‌ له‌ لاوانی یانه‌ی ئه‌تله‌تیکۆ مه‌درید و بۆ پێکهاته‌ی لاوانی ئیسپانیا و پاشان هه‌ڵبژارده‌ی وڵاته‌که‌ی یاریی کردووه‌، له‌شێوازی یاریکردندا هاوشێوه‌ی سێرجیۆ بۆسکێتسی ئه‌ستێره‌ی ناوداری یانه‌ی به‌رشلۆنه‌یه‌، له‌کۆی ٤٣ یارییدا توانیویه‌تی ته‌نها سێ گۆڵ تۆمار بکات، له‌ بونیادنانی هێرشه‌کاندا یه‌کێک بووه‌ له‌ کاریگه‌رترینه‌کان.

بەردەوام بە لە خوێندنەوە

جیهانی

(ئینریکی وازیهێنا) یه‌کێتی تۆپی پێی ئیسپانیا مۆرینۆی وه‌ک ڕاهێنه‌ری نوێی “لارۆخا” دیاری کرد !

خه‌ڵک سپۆرت

لویس ئینریکی ڕاهێنه‌ری ناودار بڕیاریدا ده‌ستبه‌رداری‌ پۆستی ڕاهێنه‌ری هه‌ڵبژارده‌ی ئیسپانیا بێت و یه‌کێتی تۆپی پێی وڵاته‌که‌ش به‌فه‌رمی ڕۆبێرت مۆرینۆی له‌جێگه‌ی ڕاسپارد.

ئه‌مڕۆ له‌ کۆنگره‌یه‌کی ڕۆژنامه‌وانیدا لویس ڕوبیالیس به‌شێوه‌یه‌کی کتوپڕ بڕیاری وازهێنانی لویس ئینریکی له‌پۆستی ڕاهێنه‌ری هه‌ڵبژارده‌ی ئیسپانیا ئاشکرا کرد، وه‌ک شوێنگره‌وه‌ش ڕۆبێرت مۆرینیۆی یاریده‌ده‌ریان به‌شێوه‌یه‌کی یه‌کجاره‌کی وه‌ک ڕاهێنه‌ری سه‌ره‌کی ڕاسپارد.

له‌ کۆتا سێ ڕووبه‌ڕوبونه‌وه‌ی هه‌ڵبژارده‌ی ماتادۆره‌کاندا لویس ئینریکی به‌هۆی کێشه‌ تایبه‌تیه‌کانیه‌وه‌ (کێشه‌ی خێزانی) نه‌یتوانی له‌نێو یاریگا له‌گه‌ڵ پێکهاته‌که‌یدا ئاماده‌ بێت، له‌جێگه‌ی ڕۆبێرت مۆرینۆی یاریده‌ده‌ری ئه‌رکی ڕاهێنه‌ری سه‌ره‌کی گرتۆته‌ ئه‌ستۆ و له‌هه‌ر سێ یارییه‌که‌شدا براوه‌ بووه‌.

ڕوبیالیس له‌باره‌ی بڕیاره‌ کتوپڕه‌که‌وه،‌ ڕایگه‌یاند :” ئینریکی به‌هۆی کێشه‌ی تایبه‌تیه‌وه‌ چیتر نه‌یتوانی له‌گه‌ڵماندا به‌رده‌وام بێت، هیوامان ده‌خواست به‌رده‌وام بوایه‌، به‌ڵام ئێمه‌ ناتوانین له‌ بڕیاره‌که‌ی په‌شیمانی بکه‌ینه‌وه‌، له‌گه‌ڵ ئه‌وه‌شدا ده‌مانه‌وێت پێی ڕابگه‌یه‌نین که‌ هه‌میشه‌ ده‌رگای هه‌ڵبژارده‌که‌ به‌ڕوویدا کراوه‌ ده‌بێت”.

مۆرینۆ ڕاهێنه‌رێکی که‌ته‌لۆنیه‌ و له‌ساڵی ٢٠١١ وه‌ک یاریده‌ده‌ری لویس ئینریکی له‌ یانه‌ی ڕۆما ده‌ستبه‌کار بوو، دواتر له‌گه‌ڵ هه‌مان ڕاهێنه‌ر و وه‌ک یاریده‌ده‌ر به‌ یانه‌کانی سێلتا ڤیگۆ و به‌رشلۆنه‌ و دووباره‌ سێلتا ڤیگۆ و پاشان هه‌ڵبژارده‌ی ئیسپانیا گوزه‌ری کردووه‌، له‌ئێستاشدا ڕوبیالیس و هاوه‌ڵانی له‌ یه‌کێتی تۆپی پێی ئیسپانیا له‌سه‌ر ڕاسپارده‌ی لویس ئینریکی و یاریزانه‌ ناوداره‌کانی هه‌ڵبژارده‌ی “لارۆخا” پۆستی ڕاهێنه‌ری هه‌ڵبژارده‌که‌یان پێبه‌خشیوه‌، چاوه‌ڕوان ده‌کرێت به‌رده‌وامی به‌ هه‌مان پلان و ستراتیجی ئینریکی بدات.

بەردەوام بە لە خوێندنەوە

جیهانی

(فه‌رمی) دیواری به‌رگری بایرن دووباره‌ په‌یوه‌ندی به‌ دۆرتمۆنده‌وه‌ کرده‌وه‌ !

خه‌ڵک سپۆرت

پاش گفتوگۆیه‌کی چه‌ند ڕۆژه‌ له‌نێوان ئیداره‌کانی یانه‌ی بایرن میونشن و بوروسیا دۆرتمۆند، ماتس هومێڵسی به‌رگریکاری ئه‌ڵمانی به‌فه‌رمی گه‌ڕایه‌وه‌ و په‌یوه‌ندی به‌ یانه‌ زه‌رده‌ زه‌به‌لاحه‌که‌وه‌ کردووه‌.

وه‌رزی ڕابردوو به‌هۆی پێکانه‌وه‌ ماتس هومێڵسی به‌رگریکاری ئه‌ڵمانی یانه‌ی بایرن میونشن به‌شداری زۆرینه‌ی ڕووبه‌روبونه‌وه‌کانی خولی ئه‌ڵمانیای نه‌کرد، له‌ جێگه‌ی نیکۆلا سولی هاونیشتیمانی ده‌ستی به‌ یاریکردن کرد و پێگه‌ سه‌ره‌کیه‌که‌شی لێوه‌رگرت.

“بێلد سپۆرت” ئاشکرای کردووه‌، بۆ وه‌رزی نوێ نیکۆ کۆڤاچی کرواتی ڕاهێنه‌ری بایرن به‌ هومێڵسی ڕاگه‌یاندووه‌، که‌ به‌هه‌مان شێوه‌ی وه‌رزی ڕابردوو ده‌بێته‌ شوێنگره‌وه‌ی سولی، ئه‌وه‌ش بێزاری لای به‌رگریکاره‌ ئه‌زمونداره‌که‌ دروست کردووه‌ و هه‌ر به‌وهۆیه‌شه‌وه‌‌ بڕیاریداوه‌ دووباره‌ په‌یوه‌ندی به‌ یانه‌ی بوروسیا دۆرتمۆنده‌وه‌ بکاته‌وه‌.

ئه‌مڕۆ ئیداره‌ی “ڤیستیڤالین” له‌تۆڕه‌ کۆمه‌ڵایه‌تیه‌کانه‌وه‌ ڕوونکردنه‌وه‌یه‌کیان بڵاوکرده‌وه‌، تیایدا گه‌ڕانه‌وه‌ی هومێڵس-یان بۆ ڕیزه‌کانی بوروسیا دۆرتمۆند ئاشکرا کراوه‌.

سه‌رچاوه‌ ئه‌ڵمانیه‌کان ئاماژه‌یان به‌ ورده‌کاری بۆنده‌که‌ی کردووه‌ و بێلد سپۆرت نوسیویه‌تی: گه‌ڕانه‌وه‌ی هومێڵس له‌ بایرنه‌وه‌ بۆ دۆرتمۆند بڕی ٣١ ملیۆن یورۆی تێچووه‌ و بۆنده‌که‌ی بۆ ماوه‌ی سێ وه‌رزه‌.

بەردەوام بە لە خوێندنەوە

کوردستان