ئێمە لە تۆرە کۆمەڵایەتیەکان

کوردستان

(خەڵك) هۆكاری گرانبوونی نرخی بەنزین ئاشكرا دەكات


خەڵك-ئارام سەردار

هەرچەندە بەرپرسانی هەرێم ئاماژەیان بۆ ئەوە دەكرد نرخی بەنزین دەگەیەننە 500 دینار و كەمتر، بەڵام وێڕای ئەوەی كە بەڵێ،ەكەیان نەبردەسەر نرخی بەنزینی نۆڕماڵیش بۆ نزیكەی 700 دینار بەرز بووەتەوە و سەرۆكی لیژنەی پیشەسازی و وزە لە ئەنجومەنی پارێزگەی هەولێر ڕایدەگەیەنێت، تەنها ڕێگا بۆ دابەزاندنی نرخی بەنزین پاڵپشتی حكومییە بۆ بەنزینخانەكان تاكو نرخی بەنزین جێگیر بێت .

نافیز مستەفا سەرۆكی لیژنەی پیشەسازی و وزە لە ئەنجومەنی پارێزگەی هەولێر بە(خەڵك)ی ڕاگەیاند، بەرزبوونەوە و نزمبوونەوەی نرخی بەنزین پەیوەندی بە بۆرسەی جیهانییەوە هەیە و هەر بەرزی و نزمییەك لەنرخەكان لە بۆرسە كاریگەری دەبێت لەسەر نرخەكان لەبازاڕی كوردستان، چونكە ئێستا بازاڕ ئازادە، بازرگانەكان كاتێك بەنزین دێنن پشت دەبەسترێت بە بۆرسەی جیهانی، بۆیە ناكرێت نرخی بەنزین دیاری بكرێت.

وتیشی”تاكە ڕێگا بۆ ئەوەی نرخی بەنزین جێگیربكرێت و هەرزان بكرێت، بوونی پاڵپشتی حكومییە، واتە حكومەت بەنرخێكی هەرزان بەنزین بۆ بەنزینخانەكان دابین بكات و بەنزینیان بە نرخی حكومی پێبدات، ئەوكاتە دەتوانرێت نرخەكە دیاری بكرێت هاوشێوەی حكومەتی عیراق، ئێستاش ئەوەی باس دەكرێت لە بەرزبوونەوە و دابەزینی نرخی بەنزین قسەی نافەرمین.

ئەوەشی خستەڕوو، بەردەوام بەدواداچوون دەكرێت بۆ بەنزینخانەكان لەبارەی كوالێتی بەنزین و دەستكارینەكردنی پێوەرەكانیان، هەر سەرپێچیەكیش بكرێت سزا دەدرێن.

کوردستان

وەزارەتی كشتوكاڵ ڕاگەیەنراوێكی بڵاوكردەوە


خەڵك-بەشی هەواڵ

وەزارەتی كشتوكاڵ و سەرچاوەكانی ئاو ڕایدەگەیەنێت، دوای ڕاگەیاندنی قەدەغەی هاتوچۆ وەك ڕێكارێكی خۆپارێزی لە ڤایرۆسی كۆرۆنای نوێ، كێشەی چوونتان بۆسەر كێڵگە و پڕۆژەكانتان دروست بووە، بەهۆی ئەوەی لە ئێستادا وەرزی دروێنە و پێگەیشتنی بەرهەمی ناوخۆییە، ئەم قەدەغەیە كاریگەری ڕاستەوخۆی كردووەتەسەر بەرهەم.

ئاشكراشیدەكات، بەڕێزان وەك وەزارەتی كشتوكاڵ و سەرچاوەكانی ئاو ڕاپۆرتێكمان پێشكەش بە ئەنجومەنی وەزیران كردووە بۆ ئەوەی ئاسانكاری لە هاتووچۆیی ئێوە بكرێت بۆ ئەوەی زیان بەر بەرهەماكانتان نەكەوێت.

ڕوونیشیدەكاتەوە، لەگەڵ لایەنە پەیوەندارەكان سەرقاڵی چارەسەركردنی كێشەی هاتوچۆی جوتیار و خاوەنكارانی پڕۆژە كشتوكاڵیەكانین، دواتر ئاگادارتان دەكەینەوە لە دەرئەنجامی چارەسەركردنی كێشەكە.

ئەمەش لەكاتێكدایە، لە بەدواداچوونێكی (خەڵك) جوتیاران داوا دەكەن كار ئاسانی بۆ بەقاڵەكان بكرێت، ئەگەرنا ئەوان ناتوانن بەرهەمەكانیان ساغ بكەنەوە و ناچارن فڕێی بدەن.

بەردەوام بە لە خوێندنەوە

کوردستان

بەوێنە..جوتیاران، داوای كارئاسانی بۆ بەقاڵەكان دەكەن


خەڵك-ئارام سەردار

 

جوتیارانی هەولێر نیگەرانن لەوەی سەرەڕای ئەوەی ئاسانكاری بۆ ئەوان كراوە، بەڵام بەهۆی ئەوەی ئاسانكاری بۆ بەقاڵەكان نەكراوە و دووكانەكانی سەوزە و میوەش داخراون ناتوانن بەرهەمە كشتوكاڵییەكانیان ساغ بكەنەوە.

ئیبراهیم شەمسەدین یەكێكە لەجوتیارەكان ئەمڕۆ بەرووبوومە كشتوكاڵیەكانی هێناوەتە گومرگی هەولێر بە(خەڵك)ی ڕاگەیاند، بەهۆی نەكردنەوەی دووكانەكانی سەوزە و میوە و نەهاتنی بەقاڵەكان بۆ گومرك ناتوانن بەرووبومەكانیان ساغ بكەنەوە، بەم شێوەیەش بێت بەرهەمەكانی ئێمە دەبێ فڕێی بدەین.

دەشڵێت”پێویستە حكومەت ڕەچاوی ئەم وەرزە بكات كەوا بۆ جوتیاران زۆر گرنگە، چونكە ئێستا وەرزی هەندێ بەرهەمی ناوخۆییە و دوای چاوەڕوانییەكی زۆر جوتیاران دەیانەوێت ڕەنجی ماندووبوونیان هەڵگرنەوە، بەڵام بەمشێوەیەبێت سەرەڕای ماندووبوون بەرهەمەكانیشمان دەبێ فڕێ بدەین، بۆیە ئومێد دەكەین كارئاسانی زیاتریش بۆ بەقاڵەكان بكرێت”.

ئەوەشی خستەڕوو، بەشێوەیەكی بەرچاو نرخی بەرووبوومەكان دابەزیوە بەهۆی نەفروشتنیان، بەشێوەیەك كیلۆیەك ترۆزی لە ٨۰۰ بۆ ۹۰۰ دینار ئەمڕۆ بۆتە ۲٥۰ دینار و بازاڕیش نیە، بەرهەمەكانی تریش بەهەمان شێوە.

بەردەوام بە لە خوێندنەوە

کوردستان

کاسبکاران دوکانەکانیان دەکەنەوە  


خەڵک – بەشی هەواڵ

 لە چەند ناوچەیەکی هەرێمی كورردستان کاسبکاران بازاڕ و شوێنە گشتییەكانیان كردەوە و قەدەغەی هاتووچۆ تیایاندا شكێنران.

بە پیی زانیارییەکانی خەڵک ، بەشێک لە کاسبکارانی “ڕانیە و دەربەندیخان و قەڵادزێ و هەڵەبجە” دوکان و بازاڕەکانیان کردووەتەوە.

بەشیک لە کاسبکاران دەڵێن؛ حکومەت هیچ کارئاسانییەکی بۆ دابینی بژێوییان پێ نییەو گەر نەچنەوە سەر کاروکاسبیان، گوزەرانی ڕۆژانەیان پڕ ئاستەنگ دەبێت.

گلەیی ئەوەش دەکەن لە ماوەی کەرەنتینی ڕابردوودا دەسەڵات نەیتوانیوە، کاریگەری لەسەر خاوەن موڵکەکان هەبێ و رەچاوی کەمکردنەوەی کرێ و لێخۆشبوون لە هەندێک باج و خەراج بکات کە لێیان دەسەنرێت.

شەوی ڕابردوو، لە” دەربەندیخان، چەمچەماڵ، ڕانیە، قەڵادزێ، سەیدسادق و هەڵەبجە” کاسبکاران رژانە سەر شەقامەکان و داوای کردنەوەی دوکان و بازارەکانیان دەکرد، وەک کاردانەوەیەکیش ئەمڕۆ بەشێک لەکاسبکارانی ئەو ناوچانە دوكانەكانیان كردووەتەوە.

فۆتۆ؛ مەریوان عەلی

بەردەوام بە لە خوێندنەوە

کوردستان