ئێمە لە تۆرە کۆمەڵایەتیەکان

ئابوری

“هەرێم و ناوەند لەسەر كێشەی جوتیاران ڕێككەوتن”

خەڵك – ئارام سەردار

بەمەبەستی گەیاندنی كێشەی جوتیارانی ناوچەكانی مەخمور و كەركوك و خانەقین و دوبز لەبەرامبەر هەڕەشەكردن لە جوتیارانی ئەم ناوچانە و سوتاندنی گەنمەكانیان لەلایەن ڕێكخراوای تیرۆریستی داعش و عەرەبە هاوردەكانەوە، لیژنەی كشتوكاڵی پەڕلەمانی كوردستان لەگەڵ بەغدا گەیشتن بەچەند ئەنجامێك.

دكتۆر محێدین حەسەن سەرۆكی فڕاكسیۆنی ئازادی و ئەندامی لیژنەی كشتوكاڵ و سەرچاوەكانی ئاو و ئاژەڵداری لە پەرلەمانی كوردستان بە (تۆڕی میدیایی خەڵك)ی ڕایگەیاند، لەسەردانەكەماندا بۆ بەغدا لەگەڵ سەرۆك كۆمار و جێگری سەرۆكی ئەنجومەنی نوێنەرانی عیراق و فڕاكسیۆنە كوردستانییەكان كۆبووینەوە و كێشەی جوتیارانی ناوچەكانی مەخمور و كەركوك و خانەقین و دوبز لەبەرامبەر هەڕەشەكردن لە جوتیارانی ئەم ناوچانە و سوتاندنی گەنمەكانیان لەلایەن ڕێكخراوی تیرۆریستی داعش و عەرەبە هاوردەكانەوە پێ گەیاندن، هەروەها كێشەی كەم وەرگرتنی گەنم پرسێكی كۆبوونەوەكان بووە.

ئەو ئەندامەی لیژنەی كشتوكاڵ و سەرچاوەكانی ئاو و ئاژەڵداری لە پەرلەمانی كوردستان وتیشی، لە كۆبوونەوەكاندا گەیشتین بەوەی ڕێژەی وەرگرتنی گەنمی جوتیاران زیاتر بكرێت، بەڵام ڕێژەكە دیاری نەكراوە، بەڵام دڵنیایی دراوە بۆ زیادكردنی، لەبارەی ڕێگری لە دروێنەكردنی گەنمی جوتیارانی گوندی پەڵكانە لەلایەن عەرەبەكانەوە، ڕێككەوتن لەسەر ئەوەی ئەمساڵ جوتیارانی كورد بەبێ كێشە گەنم بدورنەوە، ساڵی داهاتووش هەر زەوییەك كێشەی هەبێت لەدادگا یەكلا دەكرێتەوە.

سەبارەت بەپارەی گەنمی جوتیارانیش ئەوەی خستەڕوو، بڕێكی كەم ماوە لەنزیكترین كات پارەی گەنمی جوتیاران دەچێتە سەر ژمارە بانكيی هەرێم و دڵنیایی دراوە لەناردنی پارەكە.

ئابوری

كاتی دابەشكردنی مووچەی خانەنشینان ڕاگەیەنرا

خەڵك- بەشی هەواڵ
دوابەدوای گەیشتنی پارە لە بەغداوە بۆ مووچەی مووچەخۆرانی هەرێم، بڕیارە لەم هەفتەیەدا مووچەی خانەنشینان-یش دابەش بكرێت.

سەرچاوەیەك لە گەنجینەی سلێمانی بۆ (خەڵك) ئاماژەی بەوەكرد، بەهۆی ئەوەی پارەی مووچە لە بەغداوە گەیشتۆتە هەرێم، وەزارەتی دارایی بڕیاریدا بە دوو ڕۆژ مووچەی مانگی 6ی سەرجەم وەزارەتەكان بە هەر سێ‌ سەرۆكایەتییەكەوە دابەش بكات.

ڕاشیگەیاند، هەر لە هەفتەی داهاتوودا دوای وەزارەتەكان، مووچەی خانەنشینان دابەش دەكرێت و كۆتایی بە دابەشكردنی مووچە دێت.

ئاشكراشی كرد، ڕۆژی سێ‌ شەممە مووچەی خانەنشینانی سەربازی و ڕۆژی چوار شەممە مووچەی خانەنشینانی شارستانی دابەش دەكرێت.

بەردەوام بە لە خوێندنەوە

ئابوری

بەوێنە؛ چەند شەقام و گەڕەكێكی سلێمانی قیر دەكرێنەوە

خەڵك- بەشی هەواڵ
شارەوانی سلێمانی ڕایدەگەیەنێت، كە هەڵمەتی چاككردن و نۆژەنكردنەوەكەی شەقام و گەڕەكەكانی شاری سلێمانی بەردەوامە.

سەرۆكایەتی شارەوانی سلێمانی لە ڕأگەیەنراوێكدا ئاماژەی بەوەكردووە، كە هەڵمەتی چاككردن و نۆژەنكردنەوەكەی شەقام و گەڕەكەكانی شاری سلێمانی بەردەوامە و بۆ ئەو مەبەستەش شەقامی نێوان گەڕەکی فەرمانبەران و گەڕەکی زەرگەتەی کۆن قیر كرایەوە.

ڕاشیگەیاندووە، سەرۆكایەتی شارەوانی سلێمانی بە هەماهەنگی بەشی ئامێرەكان كاری چاككردنی شەقامی سەرەكی گەڕەكی (كارێزەوشك)ی ئەنجامدا.

پێشتر زەردەشت ڕەفیق، وتەبێژی شارەوانی سلێمانی بۆ (خەڵك) ئاماژەی بەوەكرد، كە لە مانگی نیسانەوە و دوای كۆتایی هاتنی وەرزی باران بارین هەڵمەتی قیكردنەوە دەستی پێ‌ كردووە و تا مانگی كانوونی یەكەم و دەستپێكردنی باران بەردەوام دەبێت.

بەپێی زانیارییەكانی (خەڵك) شارەوانی لە هەوڵی دۆزینەوەی ڕێگاچارەیەكە بۆ هێنانی جۆرێكی قیر، كە لە وەرزی باران و سەرماشدا پڕۆسەكە ڕانەگیرێت و نۆژەنكردنەوەی شەقام و كۆڵانەكان بەردەوام بێت.

بەردەوام بە لە خوێندنەوە

ئابوری

حكومەتی هەرێم چەند بڕیارێك بۆ فەرمانبەران دەردەكات

خەڵك- بەیش هەواڵ
حكومەتی هەرێم چەند بڕیارێك سەبارەت بە دامەزراندن و گواستنەوە و تەنسیب-ی فەرمانبەران و پلەبەرزكردنەوە و درێژكردنەوەی تەمەنی خانەنشینی و كڕینی ئۆتۆمبێل دەردەكات و جەختیشدەكاتەوە، كە ئەو نووسراوانەی تایبەتن بەو بابەتانە ئارٍاستەی سەرۆكایەتی حكومەت نەكرێن.

بەپێی نووسراوێكی سەرۆكایەتی دیوانی ئەنجوومەنی وەزیرانی هەرێم، كە واژۆی ئومێد سەباح-ی لەسەرە و وێنەیەكی دەست (خەڵك) كەوتووە، ئاماژە بەوەكراوە، بەڕەچاوكردنی بارودۆخی دارایی هەرێم و ڕێكخستنەوەی میلاكات و خەرجیەكان، پێویستە سەرجەم وەزارەت و فەرمانگەكان پابەندی ئەوەبن، ئەو جۆرە نووسراوانەی ناوەڕۆكەكەیان ئەو بابەتانەی خوارەوە لەخۆدەگرێت ئارٍاستەی ئەم سەرۆكایەتییە نەكرێت، بەپێچەوانەوە نووسراوەكان وەرناگیرێن و دەنێردرێنەوە بۆتان.

بەپێی نووسراوەكە، نابێت داواكاری دامەزراندن بنێردرێت بۆ سەرۆكایەتی ئەنجوومەنی وەزیران تا ئەو كاتەی لە چوارچێوەی یاسای بودجەی ساڵانەدا لەلایەن ئەنجوومەنی باڵای ڕاژەوە ڕێكدەخرێت، هەروەها نابێت داواكاری گەڕانەوە بۆ ڕاژەی سەربازی و شارستانی بكرێت، تەنها ئەو فەرمانبەرانە نەبێت، كە بەهۆی حوكمی دادگا لە ڕاژە دابڕاون.

هەر بەپێی ئەو نووسراوە، نابێت داواكاری بەرزبكرێتەوە بۆ درێژكردنەوەی خزمەتی ئەو فەرمانبەرانەی ماوەی یاساییان تەواو بووە.

جەختیشكراوەتەوە، كە نابێت بەدەر لە ڕێنماییەكان پلەبەرزكردنەوە بۆ فەرمانبەران بكرێت و نابێت گواستنەوە و تەنسیبی فەرمانبەران لە دەرەوە بۆ ناوەوەی هەرێم بكرێت و ناشبێت گواستنەوەی ڕاژە لە یاسای خزمەتی سەربازی بۆ یاسای خزمەتی شارستانی و بە پێچەوانەشەوە بكرێت.

بەردەوام بە لە خوێندنەوە

کوردستان