ئێمە لە تۆرە کۆمەڵایەتیەکان

ڕاپۆرت و شیکاری

چاڤی ئه‌و ته‌ڵاقه‌ی چاره‌نووسی گۆڕی

هه‌وراز كاوه‌

دوای وازهێنانی ناوه‌ڕاستكار و داهێنه‌ری ڕۆژانی پێشووی یاریگا سه‌وزه‌كانی ئه‌وروپا چاڤی هێرناندێز، ئه‌وه‌ پێم خۆشبوو باس و خواسێكی ئه‌و یاریزانه‌ بخه‌مه‌ به‌ر دیده‌ی خوێنه‌رانی كوردی زمان.

دایكی چاڤی هێرناندێزی ئیسپانی و یاریزانی یانه‌ی به‌رشه‌لۆنه‌ چه‌ند نهێنییه‌كی ژیانی چاڤی بۆ ڕۆژنامه‌ی سپۆرتی كه‌ته‌لۆنی ئاشكرا كرد.

دایكی چاڤی وتی: له‌كاتی به‌شداریكردنی كوڕه‌كه‌ی له‌ مۆندیالی خوار ته‌مه‌ن (17) ساڵان كه‌ له‌ نه‌یجیریا رێكخرابوو، چاڤی بۆندێكی له‌لایه‌ن یانه‌ی ئه‌ی سی میلانه‌وه‌ پێگه‌یشت و زۆر نزیكبوو له‌ په‌یوه‌ندیكردن به‌و یانه‌یه‌وه‌، به‌ تایبه‌تی كه‌ ئه‌دریانۆ گالیانی خۆی گفتوگۆی گواستنه‌وه‌كه‌ی به‌ڕێوه‌ده‌برد.

هه‌رچه‌نده‌ پێشتر ئه‌و بۆنده‌ له‌لایه‌ن گالیانییه‌وه‌ ئاشكراكرابوو، به‌ڵام دایكی چاڤی هه‌ندێ نهێنی تایبه‌تی به‌و بۆنده‌ ئاشكراكرد، كه‌ رێگربوون له‌ نه‌چوونی ئه‌و یاریزانه‌ بۆ رۆسۆنێری و وتی: گالیانی له‌گه‌ڵ باوكی كوڕه‌كه‌م رێككه‌وتن كه‌ بۆندێكی بۆ ماوه‌ی پێنج ساڵ به‌ بڕی ملیۆنێك دۆلار له‌گه‌ڵدا ئیمزا بكه‌ن و ئیشێكی باشیشی له‌ شاری میلانۆ بۆ بدۆزنه‌وه‌، له‌وكاته‌دا هه‌مووان به‌و بۆنده‌ رازیبوون به‌ تایبه‌تی ئه‌وكات پیپ گواردیۆلا له‌ شوێنی چاڤی یاریی ده‌كرد و ئه‌سته‌م بوو ئه‌و یاریزانه‌ پێگه‌یه‌ك بۆخۆی له‌ پێكهاته‌ی سه‌ره‌كی یانه‌كه‌دا دابین بكات. به‌ڵام له‌ كۆتاییدا من سووربووم له‌ نه‌چوونی چاڤی بۆ میلان و دژی هه‌موویان وه‌ستامه‌وه‌و هه‌ڕه‌شه‌ی جیابوونه‌وه‌م له‌ مێرده‌كه‌م كرد، كه‌ ئه‌گه‌ر بێت و بهێڵێت چاڤی بچێته‌ میلان ئه‌وه‌ ده‌بێت ته‌ڵاقم بدات، كه‌ ئه‌مه‌ وایكرد به‌ بۆنده‌كه‌ی میلان رازی نه‌بێت.

ئه‌و یاریزانه‌ كۆنه‌ی یانه‌ی به‌رشه‌لۆنه‌ خۆی چه‌ند یاده‌وه‌رییه‌كی جوانی یانه‌كه‌ی دوای وازهێنانی ده‌گێڕێته‌وه‌ و باس له‌ هه‌ردوو ڕاهێنه‌ری پێشوو لویس ڤانگالی هۆڵندی و خۆزسیه‌ مۆرینیۆی پورتوگالی ده‌كات.

چاڤی له‌ باسی رۆژانی پێشووی یانه‌ی بلوگرانه‌، به‌ تایبه‌ت سه‌رده‌می لویس ڤانگال و یاریده‌ده‌ره‌كه‌ی مۆرینهۆ. ده‌گێڕێته‌وه‌ ئه‌وكاته‌ی ڤانگال له‌ ساڵی (1997 تا 2000) له‌ به‌رشه‌لۆنه‌بوو هه‌میشه‌ سه‌ركۆنه‌ی ده‌كردم و قسه‌ی ناشرینی پێ ده‌وتم. چاڤی پێی وایه‌ ئه‌مانه‌ شتێكی خراپ نه‌بوون بۆ ئاینده‌ی، به‌ڵام هه‌رگیز قسه‌ ناخۆشه‌كانی ئه‌و پیاوه‌ هۆڵندییه‌ له‌یاد ناكات. ئیكزافی له‌ درێژه‌ی قسه‌كانیدا ده‌ڵێت: جارێكیان له‌ به‌رده‌م هاوڕێكانم قسه‌ی ڕه‌قی له‌سه‌ر تۆپ پێوتم، به‌ڵام ڕۆژی دواتر كه‌ هاتینه‌ سه‌ر مه‌شقگاكه‌ بانگی كردم و به‌ به‌رچاوی هه‌مووانه‌وه‌ وتی:  تۆ شێوه‌ی یاریكردنت له‌ زێدان ده‌چێت، له‌ ڕاستیدا ئه‌وه‌ بۆ من شتێكی جوان و پاڵپشتێكی مه‌عنه‌وی گه‌وره‌بوو.

سه‌باره‌ت به‌ مۆرینهۆ كه‌ له‌گه‌ڵ ڤانگال كاری وه‌رگێران و جار جار مه‌شقكردنی ده‌كرد ڕایگه‌یاند: ڕێز له‌ مۆرینهۆ ده‌گرم و سه‌رده‌مێك پێكه‌وه‌ له‌ یانه‌یه‌ك بووین، به‌ڵام به‌شێوازی یاریكردنی خۆشحاڵ نیم، هه‌روه‌ها ئه‌و سێ‌ ساڵه‌ی له‌ كه‌ته‌لۆنیابوو زۆر یارمه‌تیدام، به‌یه‌ك زمان و ئیسپانی قسه‌مان ده‌كرد، هه‌ردووكمان بیروڕامان له‌یه‌كه‌وه‌ نزیكبوو، یان باوه‌ڕمان هه‌مان شتبوو له‌سه‌ر پلانه‌كان. ئه‌و دواتر له‌ به‌رشه‌ی (ب)ـی و ڕۆژانه‌ ڕاهێنانی پێده‌كردین، شێوه‌ی مه‌شقه‌كانی له‌سه‌ر فه‌لسه‌فه‌ی كه‌ته‌لۆنی و یانه‌ی به‌رشه‌لۆنه‌بوو، به‌ڵام دوای ڕۆشتنی رێچكه‌یه‌كی دیكه‌ی گرت و ته‌نیا بردنه‌وه‌ بووه‌ته‌ ئامانجی یه‌كه‌می، دواجاریش له‌ ئاهه‌نگی دابه‌شكردنی تۆپی زێڕین سڵاومان له‌یه‌ك كرد، تا ئه‌مڕۆش په‌یوه‌ندی دوورمان هه‌ر ماوه‌.

چاڤی له‌گه‌ڵ ئه‌وه‌ی هێشتا نه‌بووه‌ به‌ ڕاهێنه‌ر پێشنیازی كردووه‌ له‌كاتی یارییه‌كاندا هه‌ر تیپێك له‌ ده‌ یاریزان پێكبێت، ئه‌ویش له‌ پێناوی به‌خشینی چێژی زیاتر به‌ یارییه‌كان، چونكه‌ یاریكردنی یانزه‌ یاریزان تۆپی پێی ئه‌سته‌م و قورس كردووه‌، به‌ تایبه‌تی له‌ لایه‌نی جه‌سته‌یی و ته‌كتیك و ده‌ركه‌وتنی ئاستی ڕكابه‌ره‌كان، هه‌روه‌ها ده‌ڵێت: له‌به‌ر داخستنی ڕووبه‌ر و گه‌له‌كۆمه‌ی به‌رگریی له‌پێش گۆڵدا نایه‌ڵێت جوانی تیپ و پلانه‌كانیان ده‌ربكه‌وێت، بۆیه‌ پێی وایه‌ باشتره‌ به‌ یاریزانێك كه‌متر یاریی بكرێت، یان هه‌ر تیپَیك له‌ ده‌ كه‌س پێكبێت، هانی تیپه‌كانیش ده‌دات هێرش ببه‌ن و سوود له‌ ڕووبه‌ره‌كان ببینن، چونكه‌ تۆپی پێ بۆ جه‌ماوه‌ر و هانده‌ران ده‌كرێت، بۆیه‌ ده‌بێت خه‌ڵكی چێژی لێوه‌ربگرن. ئه‌و ئه‌مانه‌ باشترین شێوازه‌ به‌لایه‌وه‌، كه‌ پێچه‌وانه‌ی شێوازی پلانه‌كانی دیگۆ سیمیۆنییه‌، ئه‌و ڕاهێنه‌ره‌ كۆنترۆڵكردنی تۆپ له‌به‌رچاو ناگرێت، چاڤیش پێی  باشه‌ هه‌ژموونی زاڵ بكات به‌سه‌ر تۆپدا و له‌ یانه‌ی به‌رشه‌لۆنه‌ش له‌سه‌ر ئه‌و فه‌لسه‌فه‌یه‌ گۆشكراوه‌، وه‌ك ڕایگه‌یاند: ئه‌وه‌ پیاده‌ ده‌كه‌م ئه‌گه‌ر ببمه‌ راهێنه‌ر. له‌ كۆتایدا چاڤی ڕوونیكرده‌وه‌ پلانی هه‌بووه‌ دوای یۆرۆی (2012) به‌ یه‌كجاری واز له‌ یاریكردنی نێوده‌وڵه‌تی بێنێت، به‌ڵام ڤیسێنتی دێل بۆسكی ڕاهێنه‌ری ئه‌وكاتی هه‌ڵبژارده‌ی ئیسپانیا په‌شیمانی كردۆته‌وه‌، تا دوای مۆندیالی (2014)ـی به‌ڕازیل یاریی بكات.

سه‌رچاوه‌
ڕۆژنامه‌ی سپۆرتی كه‌ته‌لۆنی و ماركا

ڕاپۆرت و شیکاری

(چامپیۆنز لیگ) لەم وەرزەدا کریستیانۆ و مێسی دەتوانن ڕیکۆردە مێژوییەکانی یەکتر هاوتا بکەنەوە؟

خەڵک سپۆرت

ئەمشەو ململانێکانی وەرزی ٢٠١٩/٢٠٢٠ی خولی یانە پاڵەوانەکانی ئەوروپا دەست پێدەکەن و چەندین ڕووبەڕوبونەوەی ئاگرین ئەنجام دەدرێن، لیۆ مێسی ئەفسانەی ئەرجەنتینیش بە درێسی بەرشلۆنەوە رووبەڕوی دۆرتمۆند دەبێتەوە.

ئەمشەو خولی یانە پاڵەوانەکانی ئەوروپا بەفەرمی دەستپێدەکاتەوە و یانەی بەرشلۆنەی ئیسپانی لەیاریگای خۆیدا “کامپ نو” میوانداری یانەی بوروسیا دۆرتمۆندی ئەڵمانی دەکات، لەم ڕووبەڕوبونەوەیەشدا لیۆ مێسی ئەفسانە هەوڵ بۆ تۆماری زۆرترین ڕێژەی گۆڵ دەدات بۆ هاوتا کردنەوەی ڕیکۆردێکی مێژوویی کریستیانۆ ڕۆناڵدۆ.

لەبەرامبەردا کریستیانۆ ڕۆناڵدۆی ئەفسانەی پورتوگالی لەیاریگای “واندا میترۆ پۆلیتانۆ” دەبێتە میوانی یانەی ئەتلەتیکۆ مەدرید و ئەم یاریزانەش بەهەمان شێوە هەوڵی هاوتاکردنەوەی ڕیکۆردێکی مێژوویی لیۆ مێسی ئەفسانەی زیندووی یانەی بەرشلۆنە دەدات.

مێسی چی پێویستە؟

لە وەرزی ٢٠١٥/٢٠١٦ دۆنی پورتوگال بەدرێسی یانەی ڕیاڵ مەدریدەوە لە قۆناغی کۆمەڵەکانی چامپیۆنز لیگ توانی (١١) گۆڵ تۆمار بکات، بەو ڕێژەیەشەوە بووە تاکە یاریزان کە لە قۆناغی کۆمەڵەکاندا زۆرترین گۆڵ تۆمار دەکات، لەم وەرزەدا لیۆ بەهەموو توانایەوە هەوڵدەدات بگاتە ئەو ڕێژەیە تا سەرجەم ڕیکۆردەکانی خولەکە بکات بەناوی خۆیەوە.

کریستیانۆ چی پێویستە؟

کریستیانۆ ڕۆناڵدۆ بەدرێژایی ماوەی بەشداریکردنی لە خولی یانە پاڵەوانەکان لە قۆناغی کۆمەڵەکاندا توانیویەتی (٦١) گۆڵ تۆمار بکات، لەبەرامبەردا لیۆ مێسی لەهەمان قۆناغدا خاوەنی (٦٦) گۆڵە، پێویستە ئەستێرە پورتوگالیەکە بەدرێسی یانەی یوڤانتۆسەوە پێنج گۆڵ تۆمار بکات بۆ هاوتاکردنەوەی ڕێژەی گۆڵەکانی لیۆ (ئەگەر مێسی گۆڵ تۆمار نەکات).

پلەی سێیەمی گۆڵکارانی خولەکەش بۆ کەریم بنزیمەی فەرەنسییە بە (٤٣) گۆڵەوە و لەم وەرزەدا تۆماری گۆڵی لە ساڵانی ڕابردوو بەرزتر بووە، بۆیە بە تاکە یاریزان وەسف دەکرێت کە لەتوانایدا هەیە ڕیکۆردەکەی لیۆ و کریس هاوتا بکاتەوە.

بەردەوام بە لە خوێندنەوە

ڕاپۆرت و شیکاری

بەهۆی پێنج هۆکارەوە بەرشلۆنە بەردەوامی بە “گەوهەرە ئەسمەرەکە” دەدات و نایمار پشتگوێ دەخات !

خەڵک سپۆرت

ئانسو فاتی ئەستێرەی غینیا بیساو، بەدرێسی یانەی بەرشلۆنەوە ئاستێکی نمونەیی پێشکەش دەکات و ئەوەش وایکردووە هەمووان گواستنەوەی نایمار دا سیلڤا لەبیر بکەن.

ڕۆژنامەی “مارکا”ی ئیسپانی لە ڕاپۆرتێکدا ئاشکرای کردووە، لە کاتێکدا یانەی بەرشلۆنە خاوەنی ئانسو فاتی بەهرەمەندە گواستنەوەی نایمار لەم کاتەدا هیچ بەرژوەندیەکی یانەکەی تێدا نییە، بەڵکو بەهۆی ئاست بەرزی ئەم ڕەش ئەسمەرە ناوازەیەوە گواستنەوەی بەرازیلیەکە دەچێتە خانەی (ناپێویستەکان)وە.

سەرچاوەکە جەخت دەکاتەوە، لەبەر پێنج هۆکاری هونەری و وەرزشی، ئانسو فاتی لەلایەن ئیدارەی یانەی بەرشلۆنەوە گرنگی زیاتری پێدەدرێت و لەهەمان کاتیشدا ڕەگەزنامەی ئیسپانی وەردەگرێت و دەبێتە یەکێک لە باشترینەکانی ئەو وڵاتە.

١. نرخی نایمار: گواستنەوەی نایمار زیاتر لە ٢٥٠ ملیۆن یورۆی پێویست دەبێت، لەکاتێکدا گرنگیدان بە ئانسو فاتی هیچی تێناچێت.

٢. هاندەرانی بارسا: لەکۆتا ڕووبەروبونەوەکاندا هاندەرانی ئازولگرانا زیاد لەپێویست پاڵپشتی ئەستێرە لاوەکەی لاماسیا بوون و هاوشێوەی سەرەتاکانی مێسی هانیان داوە و هەمووانی یەکخستووە، لەبەرامبەردا گەڕانەوەی نایمار هاندەران دەکات بە دوو بەشەوە، بەشێک لەگەڵ گواستنەوەکە دەبێت و بەشێک بە ئاشکرا دژایەتی دەکات.

٣. مێسی: ئەفسانە زیندووەکەی بارسا کە کێشی لە ژووری جلگۆڕینەکاندا هەیە، زۆر سەرسامە بە فاتی و متمانەی پێیەتی، بەڵگەش ئەوەیە کە لە تۆڕی ئینستاگرامەوە وێنەکانی بڵاودەکاتەوە، واتا لەگرنگیدان بە فاتی مێسی و ئیدارەی یانە یەکدەگرنەوە.

٤. نایمار کێشەیە: گەڕانەوەی نایمار بۆ بارسا لێدانە لە پڕۆسەی بەرەوپێشچوونی فاتی و وا دەکات ئەو لاوە بەهرەمەندە نەتوانێت لەڕووی دەرونی و وەرزشیەوە بگاتە ترۆپک.

٥. سەرکەوتنی لاماسیا: سەرکەوتنی فاتی بەندە بە سەرکەوتنی فێرگەی لاماسیاوە، ئەگەر ئەم ئەستێرەیە بگاتە ترۆپکی تواناکانی و ناودەربکات ئەوا بێگومان سەرکەوتنە بۆ فێرگە ناوازەکە و دووپاتیدەکاتەوە، هێشتا کارەکان بەباشی بەڕێدەکات نەک بەو شێوەیەی میدیاکان ئاماژەی بۆ دەکەن.

بەردەوام بە لە خوێندنەوە

ڕاپۆرت و شیکاری

پێنج بۆندی ئیمزاکراوی میریکاتۆی هاوینه‌، ڕه‌نگه‌ دواتر یانه‌ی فرۆشیاره‌کان لێی په‌شیمان ببنه‌وه‌ !

خه‌ڵک سپۆرت

واده‌ی گواستنه‌وه‌کانی هاوینه‌ به‌فه‌رمی کۆتاییان هات و چه‌ندین بۆندی گه‌وره‌ و کاریگه‌ر ئیمزاکران، هه‌ندێکیان به‌هه‌ڵه‌ی یانه‌ فرۆشیاره‌کان وه‌سفکران و شاره‌زایان پێیان وایه‌ دواتر لێی په‌شێمان ده‌بنه‌وه‌.

به‌پێی ڕاپۆرتێکی ڕۆژنامه‌وانی “٣٦٠ سپۆرت ئارابیا”، له‌ گواستنه‌وه‌کانی هاوینه‌ی ٢٠١٩دا چه‌ندین بۆندی گه‌وره‌ و کاریگه‌ر ئیمزاکراون، به‌ڵام یانه‌ فرۆشیاره‌کان هه‌ڵه‌ بوون و له‌ داهاتوودا کێشی هه‌ڵه‌ی خۆیان بۆ ده‌رده‌که‌وێت و لێی په‌شیمان ده‌بنه‌وه‌، ئه‌و بۆندانه‌ش بریتین له‌:

  • نه‌بیل فه‌کیر (لیۆن بۆ ڕیاڵ بیتیس): به‌بڕی ١٩ ملیۆن له‌ فه‌ره‌نساوه‌ به‌ره‌و خولی ئیسپانیا جموجۆڵی پێکرا، له‌کاتێکدا وه‌رزی ڕابردوو له‌لایه‌ن یانه‌ی لیڤه‌رپوڵه‌وه‌ به‌بڕی ٦٠ ملیۆن یورۆ داواکراو بوو، له‌م وه‌رزه‌دا چاوه‌ڕوانی ئاستێکی به‌رزی لێده‌کرێت.
  • دانی سیبالۆس (ڕیاڵ مه‌درید – ئارسیناڵ): له‌ مه‌دریده‌وه‌ به‌شێوه‌ی خواستن ڕوویکرده‌ ئارسیناڵ، هۆکاره‌که‌ش ئه‌وه‌بوو که‌ ناوبراو په‌یوه‌ندی له‌گه‌ڵ زینه‌دین زێدانی فه‌ره‌نسی ڕاهێنه‌ری یانه‌ی ڕیاڵ باش نییه‌، چاوه‌ڕوان ده‌کرێت له‌گه‌ڵ سیستمی تاکتیکی ئونای ئیمیری ئاستێکی ناوازه‌ پێشکه‌ش بکات.
  • کیلۆر ناڤاس (ڕیاڵ مه‌درید – پاریس سانت جێرمان): به‌بڕی ١٥ ملیۆن یورۆ له‌ مه‌دریده‌وه‌ ڕوویکرده‌ یانه‌ زه‌به‌لاحه‌که‌ی شاری پاریس، به‌درێژایی وه‌رزه‌کانی ڕابردوو هۆکاری سه‌ره‌کی بووه‌ له‌ چنینه‌وه‌ی نازناوه‌کانی مێره‌نگی، ڕۆیشتنی ڕووه‌ و پاریس واتای پشتبه‌ستن به‌ تیبۆ کۆرتوای به‌لجیکی و له‌م ڕووه‌شه‌وه‌ زۆرینه‌ی هانده‌رانی یانه‌که‌ پێیان وایه‌ ڕیاڵ مه‌درید په‌شیمان ده‌بێته‌وه‌.
  • ماتس هومێڵس (بایرن میونشن – دۆرتمۆند): گواستنه‌وه‌ی هومێڵس به‌بڕی ٣٠ ملیۆن یورۆ له‌ بایرنه‌وه‌ بۆ دۆرتمۆند خه‌وشی پێوه‌ نییه‌، چونکه‌ یاریزانه‌که‌ ته‌مه‌نی هه‌ڵکشاوه‌ و چیتر بایرنی باڤاری پێویستی به‌تواناکانی نه‌ماوه‌، به‌ڵام ئه‌وه‌ی به‌نسبه‌ت شاره‌زایانه‌وه‌ هه‌ڵه‌ی گه‌وره‌یه‌ ئاڕاسته‌ی فرۆشتنه‌که‌یه‌‌ له‌ بایرنه‌وه‌ بۆ دۆرتمۆندی ڕکابه‌ری ڕاسته‌وخۆ بۆ نازناوی خولی ئه‌ڵمانیا.
  • کیران تریپێ (تۆتنهام بۆ ئه‌تله‌تیکۆ مه‌درید): به‌بڕی ٢٢ ملیۆن یورۆ له‌ شاری له‌نده‌نه‌وه‌ ڕوویکرده‌ ڕیزه‌کانی ڕۆخی بلانکۆس، گواستنه‌وه‌که‌ به‌نسبه‌ت شاره‌زایانی بواری تۆپی پێی به‌ریتانیاوه‌ جێی تێڕامانه‌، به‌وپێیه‌ی تۆتنهام له‌هه‌مان پێگه‌دا شوێنگره‌وه‌یه‌کی یه‌کلاکه‌ره‌وه‌ و ئه‌زمونداری نییه‌، له‌کاتێکدا تریپێ یه‌کێکبووه‌ له‌ ئه‌ستێره‌ دانه‌بڕاوه‌کان له‌پێکهاته‌ی پۆچتینۆ له‌ڕابردوودا.
بەردەوام بە لە خوێندنەوە

کوردستان