ئێمە لە تۆرە کۆمەڵایەتیەکان

عێراق

مشتومڕێكی توند لە پەرلەمان دروست بووە
نەسر بۆ (خەڵك): مەترسی بڕینی مووچەی هەرێم هاتۆتەئارا

خەڵك- بەشی هەواڵ
پەرلەمانتارێكی هاوپەیمانی نەسر لە پەرلەمانی عیراق ڕایدەگەیەنێت، لەبەر ئەوەی تائێستا هەرێمی كوردستان پابەندی یاسای بودجەی گشتی حكومەتی فیدراڵ نەبووە و نەوتەكەی ڕادەستی (سۆمۆ) نەكردووە، بەدوورنازانرێت ناردنی موچەی فەرمانبەرانی هەرێم ڕابگیرێت.

نەدا شاكر جەودەت، پەرلەمانتاری هاوپەیمانی نەسر لە لێدوانێكی تایبەت بە (خەڵك) ڕایگەیاند:”بەپێی رێككەوتنی نێوان هەرێم و بەغدا، دەبوو ڕۆژانە هەرێم 250 هەزار بەرمیل نەوت ڕادەستی كۆمپانیای بەبازاڕكردنی نەوتی عیراقی (سۆمۆ) بكات، تا لەبەرانبەردا مافی دارایی خۆی لە حكومەتی فیدراڵ وەربگرێت، بەڵام ئەوەی ڕوودەدات ئەوەیە تائێستا هەرێم هیچ نەوتێكی ڕادەست نەكردووە”، ئاماژەی بەو مەترسیانەش كرد كە لەئێستادا لەسەر ڕەوانەكردنی موچەی فەرمانبەرانی هەرێم دروستبووە.

بە وتەی نەدا شاكر:”ئەمڕۆ لە پەرلەمانی عیراق، مشتومڕێكی توند لەنێوان ئیخڵاس تەمیمی و یوسف كیلابی دروستبوو، مشتومڕەكە پەرەی سەند و خەڵكەكە بوون بە دوو بەشەوە، هەندێك دەیانوت فەرمانبەران هیچ گوناهێكیان نییە كە هەرێم نەوتەكەی ڕادەست ناكات، بەڵام هەندێكی تریش پێیانوابوو حكومەتی فیدراڵیش گوناهی نییە لەو ڕەووەوە”.

بە بۆچوونی ئەو پەرلەمانتارە”كاتێك دوو لایەن لەسەر بنەمایەكی دیاریكراو ڕێدەكەون، پێویستە لایەنی دووەم پابەندی ڕێكەوتنەكە بێت، تا مافی خۆی لە لایەنی یەكەم داوا بكات، ئێمە ئاگادارین هەرێمی كوردستان ڕۆژانە زیاتر لە 500 هەزار بەرمیل نەوت بەرهەم دەهێَنێت، بەڵام 250 هەزار بەرمیلی بۆ دیاریی كراوە، تا لەبەرانبەردا مافە داراییەكانی لە بەغداوە بۆ دابین بكرێت كە بریتین لە موچەی فەرمانبەران و خەرجییەكانی تر”.

نەدا شاكر بەپێویستی زانی لەو بارەیەوە حكومەتی فیدراڵ هەڵوێستی یەكلاكەرەوەی هەبێت، تا فراكسیۆنەكانیش هەڵوێستی خۆیان دیاریی بكەن، كورتەی قسەكانیشی لەوەدا كۆكردەوە كە “نابێت ئەو نەوتی خۆی بۆ خۆی ببات و منیش داهاتی نەوتی خۆمی رادەست بكەم”، بەدووریشی نەزانی گەر حكومەتی هەرێم لەسەر ئەم هەڵوێستەی ئێستای سور بێت، مەترسی لەسەر موچەی فەرمانبەرانی هەرێم دروست ببێت.

عێراق

ڕووداوەكە لە سنوری خانەقین بووە
بەڤیدیۆ، داعش لە مرۆڤ سەربڕینەوە بۆ گامێش سەربڕین

خەڵك- بەشی هەواڵ
تۆمارێكی ڤیدیۆیی كە لە میدیاكانی عیراقدا بڵاوكراوەتەوە، ئەو زیانە مادییانە دەخاتەڕوو كە بەهۆی پەلامارێكی چەكدارانی ڕێكخراوی داعشەوە بە گوندێكی قەزای خانەقین گەیشتووە، بەجۆرێك كە چەكدانی ڕێكخراوەكە دەیان گامێشی گوندەكەیان سەربڕیوە، بەبێ‌ ئەوەی گۆشتەكانیان بۆ خواردن دەستبدات.

لە ڤیدیۆكەدا، ژمارەیەك گامێش دەردەكەوێت كە لەلایەن چەكدارانی ڕێكخراوی داعشەوە سەربڕدراون، لەكاتی پەلامارەكەیان بۆسەر گوندی مەعدان لە دەوروبەری قەزای خانەقین.

پێشتر سەرچاوەیەكی ئەمنی بە میدیاكانی عیراقی ڕاگەیاندبوو، هێرشێكی داعش بۆسەر گوندێكی نزیك لە قەزای خانەقین پوچەڵكراوەتەوە، و بەبێ‌ قوربانی توانراوە چەكدارانی ڕێكخراوەكە لە ناوچەكە دەربكرێن.

سەرچاوەكە دەڵێت”چەكدارانی ڕێكخراوی داعش هێرشییان كردە سەر گوندی مەعدان لە دەوروبەری قەزای خانەقین و چەند ماڵێكیان سوتاند و ژمارەیەك گامێشی دانیشتوانی گوندەكەیان بەشێوەیەكی نەشیاو سەربڕی”.

بە وتەی سەرچاوەكە”توانراوە بەرپەرچی ئەو هێرشەی داعش بدرێتەوە و چەكدارانی ڕێكخراوەكەش لە ناوچەكە دەربكرێن”.

بەردەوام بە لە خوێندنەوە

عێراق

بەوێنە، ڕووباری فورات ئەنبار دادەپۆشێت

خەڵك- بەشی هەواڵ
تائێستاش ئاستی ئاوی ڕووباری فورات لە پارێزگەی ئەنبار لە بەرزبوونەوەدایە، بەو هۆیەشەوە چەند بەشێك لە ناوچەكانی نزیك لە ڕووبارەكە دادەپۆشێت.

ئەمڕۆ شەممە، شانەی میدیای حكومی لە بەیاننامەیەكدا ڕایگەیاندووە”ئاستی ئاوی ڕووباری فورات، لە چوارچێوەی ڕێڕەوی خۆی لە پارێزگەی ئەنبار و لە چوارچێوەی سنوری ئاسایی ڕووبارەكە بەرزبووەتەوە”، بەپێی بەیاننامەكەش، “وەزارەتی سامانە ئاوییەكان هۆكاریی ئەو بەرزبوونەوەیەی بۆ زیادبوونی بەردانەوەی ئاوی بەنداوی حەدیسە گەڕاندووەتەوە”.

شانەی میدیای حكومی دەڵێت”بەردانەوەكانی ئێستا لە بەنداوی ڕومادییەوە 25%ى پێكدەهێنێت، بەردانەوەی ئاوی ڕووباری فوراتیش بۆ كەمكردنەوەی كۆبوونەوەی ئەو ئاوە زۆرەیە كە لە بەنداوی حەدیسەدا هەیە، پێشبینی زیادبوونی بڕی ئاویش دەكرێت بەهۆی بارانبارینەوە لەگەڵ دەستپێكردنی وەرزی باراندا كە هێندەی تر ئاستی ئاوی ڕووبارەكە و ئاستی ئاوی نێو بەنداوەكان زیاتر دەكات”.

ڕێژەی زۆری بارانبارین لە وەرزی زستانی ڕابردوودا لەگەڵ بەردانەوەی ئاستی پێویستی ئاوی ڕووبارەكان لەلایەن توركیاوە، وایانكردووە تائێستاش ئاستی ئاوی هەردوو ڕووباری دیجلە و فورات بەرزبن لە عیراقدا، ئەمەش بەپێچەوانەی ساڵی ڕابردوو كە بەهۆی كەمی ئاستی ئاوی هەردوو ڕووبار و كەمی ئاستی بەردانەوەی ئاو لە توركیاوە، ڕەوشێكی نەخوازراوی لە وڵاتدا هێنابووەئارا.

بەردەوام بە لە خوێندنەوە

عێراق

بەوێنە، فڕۆكەیەكی گەورەی بێفڕٍۆكەوانی داعش دۆزرایەوە

 

خەڵك- بەشی هەواڵ

شانەی میدیای ئەمنی ڕایدەگەیەنێت، فڕۆكەیەكی بێفڕۆكەوانی ڕێكخراوی داعش لە پارێزگەی دیالە دۆزرایەوە.

بەپێی بەیاننامەیەك كە لەلایەن شانەی میدیای ئەمنی عیراقەوە بڵاوكرایەوە”هێزێكی هاوبەشی سەر بە دەزگای هەواڵگری و حەشدی شەعبی، توانیان دەست بەسەر فڕۆكەیەكی گەورەی بێفڕۆكەوانی سەر بە ڕێكخراوی داعشدا بگرن لەكاتی هەڵكوتانە سەر حەشارگەیەكی ڕێكخراوەكە لە دیالە”.

هەر لە بەیاننامەكەدا هاتووە”فڕۆكەكە لە یەكێك لە حەشارگەكانی سەر بە ڕێكخراوی داعش و لە جەزیرەیەكى نزیك دەریاچەی حەمرین، دۆزرایەوە”.

تائێستاش پاشماوەی چەكدارانی داعش لە ناوچە جیاجیاكانی پارێزگەی دیالە بونییان هەیە و ناوبەناو پەلاماری هێزە ئەمنییەكان و هاووڵاتیانی ناوچەكە دەدەن، بەپێی میدیاكانی عیراقیش، لە شەوى ڕابردوودا گروپێكی سەر بە داعش پەلاماری گوندێكی سەر بە قەزای خانەقینيانداوە داوە و سێ‌ ماڵيان سوتاندووە.

بەردەوام بە لە خوێندنەوە

کوردستان