ئێمە لە تۆرە کۆمەڵایەتیەکان

جیهانی

مباپێ و نایمار پەیوەندی بە ڕیاڵەوە دەکەن؟ ئیمیری هەموو شتێکی ئاشکرا کرد …


خەڵک سپۆرت

نایمار دا سیلڤای بەرازیلی و کیلیان مباپێی فەرەنسی خەون دەبینن پەیوەندی بە یانەی ڕیاڵ مەدریدەوە بکەن، بەڵام بارودۆخەکە لەڕابردوودا نەگونجاو بووە و ئیدارەی یانە فەرەنسیەکە ڕێگەیان پێنادات !

ڕۆژنامەی “مارکا”ی ئیسپانی لەزاری چەندین سەرچاوەی ناوخۆیی یانەی پاریس سانت جێرمانەوە ئاشکرای کردووە، دوای لێدوانەکانی مباپێی کە تیایدا ڕایگەیاندبوو :” شتێکی باشە لەداهاتودا بەرپرسیارێتی و پڕۆژەیەکی نوێ تاقی بکەمەوە”، هەموو هاوکێشەکان پێچەوانە بونەتەوە و چیتر ناسڕ خلێفی و قەتەریەکانی هاوڕێی ناتوانن بەرگری لە ناوە گەورەکانیان بکەن.

بەپێی سەرچاوەکە، مباپێ بە ئاشکرا ئاماژەی کردووە کە حەزی بە یانەی ڕیاڵ مەدریدە و دەیەوێت پەیوەندی بە ڕیزەکانی شاهانەوە بکات، بەڵام ئەم لێدوانانە ئاسان تێپەڕیان نەکردووە و حەز و ئارەزووەکانی نایمار دا سیلڤای بەرازیلیشی نوێ کردۆتەوە، ئەستێرەکەی سیلیساویش لەڕێگەی نوێنەرانیەوە هەنگاوی بەرەو مەدرید ناوە بۆ ئەوەی بەر لە مباپێ لەگەڵ ئیدارەی یانە زەبەلاحەکەی مەدرید بکەوێتەوە سەر هێڵ، واتا ململانێیەکی قورس لەنێوان نوێنەرانی نایمار و مباپێ دروست بووە و هۆکارەکەش حەزی پەیوەندیکردنیانە بە پێکهاتەکەی زێدانەوە.

لەم بارەیەوە ئونای ئیمیری ڕاهێنەری پێشوی پاریس سانت جێرمان و ئێستای یانەی ئارسیناڵ ڕایدەگەیەنێت :” مباپێ خەون بە ڕیاڵ مەدریدەوە دەبینێت و وەرزی ڕابردوو ئامادەبوو بە چاو نوقاندنەوە پەیوەندیان پێوە بکات، بەڵام ئیدارەی یانە و من بە هاوکاری باوکی زۆرمان هەوڵدا قەناعەتی پێبکەین بەردەوام بێت و یانەکەی بەجێنەهێڵێت”.

هەروەها دەڵێت :” بەهەرشێوەیەک بێت یاریزانەکەمان بەوە قایلکرد کە پاریس پڕۆژەیەکی فەرەنسی گەورەیە و لە داهاتودا جێگەی لەو پڕۆژەیەدا دەبێتەوە، بەڵكو بە پڕۆژەیەک لەقەڵەمیاندابوو کە دەبێت هەموو فەرەنسیەکان پاڵپشتی بکەن بۆ گەیشتنی بە ئەنجام، فشارمان لەسەر دروست کرد لەپێناو بەردەوامبونیدا”.

سەرچاوەکانی مەدرید پێیان وایە لەم هەفتەیەدا شای قەتەر دەگاتە فەرەنسا و چیتر مباپێ و نایمار داهاتوی خۆیان بە مانەوە، یاخود ڕۆیشتن لەگەڵ ئەو کەسایەتیە و ناسڕ خلێفی خاوەنی یانەدا یەکلایی دەکەنەوە.

جیهانی

یەکێتی تۆپی پێی ئەوروپا چامپیۆنزلیگ و خولەکانی ئەوروپای بۆ کاتێکی نادیار ڕاگرت


خەڵک سپۆرت

یەکێتی تۆپی پێی ئەوروپا دوێنێ چوارشەممە کۆبوونەوەی نائاسایی خۆی لەبارەی خولە ئەوروپییەکانەوە ئەنجامدا، لەکۆتاییشدا بڕیاردرا بە ڕاگرتنی خولی یانە پاڵەوانەکانی و خولی ئەوروپی و سەرجەم ئەو یارییانەی بڕیارە لەم ماوەیەدا ئەنجام بدرێن.

بەپێی بڕیارەکانی یوفا، هەردوو فاینەڵی چامپیۆنزلیگ و یوروپا لیگ کە بڕیاربوو لە کۆتایی مانگی شەش ئەنجام بدرێن بۆ کاتێکی نادیار دواخراون.

هەروەها ڕووبەڕوبوونەوە نێودەوڵەتییەکانی پاشکۆی پاڵاوتنەکانی جامی نەتەوەکانی ئەوروپا، کە بەهەمان شێوە بڕیاربووە لەمانگی حوزەیران ئەنجام بدرێن بۆ کاتێکی نادیار دوادەخرێن.

سەرچاوەکان پێیان وایە لەگەڵ زیاتر بڵاوبوونەوەی ڤایرۆسی کۆرۆنا و زیادبوونی ڕێژەی توشبووان لە وڵاتانی کیشوەری ئەوروپا، ئەگەر هەیە خولی یانە پاڵەوانەکان و خولی ئەوروپی “چامپیۆنزلیگ و یوروپا لیگ” بەتەواوی دوابخرێن.

لەماوەی ڕابردوودا بڕیاربوو ڕووبەڕوبونەوەکانی قۆناغی (١٦)ی خولی یانە پاڵەوانەکان ئەنجام بدرێن، بەڵام بەبڕیاری یوفا ئەو یارییانەی دواخراون و لەئێستادا ١٧ یاریی پاڵەوانێتیەکە ماوە تائێستا بە هەڵواسراوی ماونەتەوە و نازانرێت لەداهاتوودا چ بڕیارێک لەبارەیانەوە دەدرێت.

یەکێتی تۆپی پێی ئەوروپا بەر لە کۆبوونەوەی کۆتایی کۆبوونەوەیەکی تریان لەبارەی پاڵەوانێتیە نێودەوڵەتییەکان ئەنجامدا و بڕیاردرا بەدواخستنی یورۆی ٢٠٢٠ بۆ ماوەی ساڵێک.

بەردەوام بە لە خوێندنەوە

جیهانی

دیبالا بە ڕاشکاوی باسی کریستیانۆ دەکات: ڕۆژێکیان لەبارەی ڕقی ئەرجەنتینیەکانەوە قسەم لەگەڵکرد


خەڵک سپۆرت

پاولۆ دیبالای ئەرجەنتینی ئەستێرەی یانەی یوڤانتۆس بە ڕاشکاوی بۆچونی خۆی دەربارەی کریستیانۆ ڕۆناڵدۆی پورتوگالی ئاشکرا دەکات و دووپاتیدەکاتەوە، دوای پەیوەندیکردنی یاریزانە پورتوگالیەکە بە یانەی یوڤانتۆسەوە بیرکردنەوەی گۆڕاوە.

ئەستێرە ناوازەکەی ئەرجەنتین لەچاوپێکەوتنێکدا بە ڕۆژنامەی “توتۆ میریکاتۆ”ی ئیتاڵی ڕاگەیاندووە :” لەسەر ئاستی تایبەتیی تێڕوانینم بەرامبەر کریستیانۆ زۆر ئەرێنییە، لەپێشوودا نەمدەناسی، کاتێک پەیوەندی بە یانەی یوڤانتۆسەوە کرد، زانیم کە خاوەن کەسایەتییەکی بەهێز و ناوازەیە، کەسێکی کۆمەڵایەتییە و دڵپاک و کراوەیە لەژووری جلگۆڕینەکان و لەدەرەوەی ژووری جلگۆڕینەکانیش هەر بەو شێوەیەیە، بەپێچەوانەی یاریزانە ناودارەکانی ترەوە کە لەو ئاستەدا گرنگی بە هاوڕێکانیان نادەن”.

دیبالا باس لە گفتوگۆیەکی تایبەتیی نێوانی و کریستیانۆ دەکات و دەڵێت :” لە گەشتێکدا لەگەڵ کریستیانۆ بەیەکەوە دانیشتین و قسەمان لەبارەی کەسایەتییە ناوازەکەیەوە دەکرد، پێمووت: دەزانیت من کەسێکی ڕاستگۆ و بەرەوڕووم، لە ئەرجەنتین کەمێک ڕقمان لێتە بەهۆی کەسایەتی و شێوازی مامەڵەکردنتەوە، بەڵام کە تۆم ناسی توشی شۆکت کردم، چونکە هەرگیز بەو شێوەیە نەبوویت، کەسێکی تر بوویت”.

یاریزانە ئەرجەنتینیەکە دەڵێت :” کریستیانۆ کە گوێی لە ووتەکانم بوو پێکەنی و پێیووتم: منیش ئەوە دەزانم، بەڵام من ڕاهاتووم لەگەڵ ئەو ڕەخنانە و تەنانەت لەگەڵ ڕقی هاندەرانی ئەرجەنتینیش”.

بەردەوام بە لە خوێندنەوە

جیهانی

وێنە: کاروانی کۆمەک و هاوکارییەکانی بەڕێز گرووپ بەردەوامە


خەڵک ـ بەشی هەواڵ

گروپی کۆمپانیاکانی بەڕێز، بەردەوامە لەگەیاندنی کۆمەک و هاوکارییەکانی و ئەمڕۆش لەسەنتەری پارێزگای سلێمانی چەندین سەبەتەی خۆراکیان ڕادەستی بەرپرسانی یەکە ئیدارییەکان لەناو سەنتەری پارێزگای سلێمانی کرد.

لەڕاگەیەنراوی گرووپی کۆمپانیامانی بەڕێزدا هاتووە، بەڕێز گرووپ، بەردەوامە لەگەیاندنی کۆمەک و هاوکارییەکانی و ئەمڕۆ لەسەرنتەری پارێزگای سلێمانی سەدان، سەبەتە خۆراکی گەیاندە دەست بەرپرسانی یەکە ئیدارییەکان تا لەڕێی ئەوانەوە دابەشی سەر هاوڵاتیان بکرێت.

ئەوەش خراوەتەڕوو، لەپێناو سەلامەتی ژیانی هاووڵاتیان و پاراستنیان لە پەتای کۆرۆنا، بەڕێز گرووپ پابەندی خۆی بەڕێنماییەکان دووپات دەکاتەوە و لەپێناو دروستنەبوونی قەرەباڵغی و بەریەک نەکەوتنی هاووڵاتیان، کۆمەکەکانی ڕادەستی بەرپرسانی یەکە ئیدارییەکانی پارێزگا ز قەزاو ناحییەکان دەکات.

هاوکات لەڕێی تیمەکانی دابەشکردنیشەوە، ڕاستەوخۆ، دەچنە لای هاوڵاتیان و سەبەتەی خۆراکیان پێشکەش دەکەن.

بەردەوام بە لە خوێندنەوە

کوردستان