ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

هواوی سیستمی جێگرەوەی ئەندرۆید ڕادەگەیەنێت

خەڵك- تەكنەلۆجیا

كۆمپانیای هواوی ڕایگەیاند، كە بە نیازی دروستكردنی سیستمیكی نوێن بۆ مۆبایلە هوشمەندەكان و لاپتۆپەكانی ئەوەش دوای سزاكانی ئەمریكا بۆ سەر كۆمپانیاكە و بلۆك كردنی سیستمی ئەندرۆید و ئەپەكانی گووگڵ لەسەر ئامێرەكانی ئەو كۆمپانیایە.

دوای سەپاندنی ئەم سزا قورسە لەسەر هواوی لە لایەن ئەمریكاوە بە بڕیاری دۆنالد ترمپ، سەرۆكی ویلایەتە یەكگرتووەكانی ئەمریكا گۆگل هەلسا بە بلووك كردنی سیستمی ئەندرۆید لەسەر گشت ئامێرە نوێیەكانی Mate 20 و Mate 20 Pro و P 30 و ..هتد، ئەمەش لەكاتێكدا، كە وا نیشان ئەدرا هواوی یاسای ئەمریكای شكاندووە بە تۆمەتی سیخوری كردن بەسەر ڕاژەكانی وڵاتی ئەمریكا، بۆیە بەپێی بڕیارەكە كۆمپانیای گۆگل-ی گەشەپێدەری سیستمی ئەندرۆید ناچار كرا سیستمەكە لەسەر گشت ئامیرە نوێیەكانی هواوی بوەستێنێ و پەیوەندی نیوانیان كۆتایی پی بهێنێت .

هەر لەم بارەیەوە دامەزرینەری كۆمپانیای هواوی لە كۆنگرەیەكی تایبەت لەسەر ئەم باسە ڕایگەیاند، كە هواوی بەم كارە هیچ كەوتنیك بە خۆیەوە نابینێ و تەنانەت بەهێزتریش لە جاران لە ڕكابەری لەگەڵ كۆمپانیاكانی تری بواری ئەلیكترۆنیات و وەبەرهێنانی ئامیرە هوشمەندەكاندا ئەبێت بە شێوازێكی جیاوزتر.

وتیشی، “بە نیازی دروستكردنی سیستمێكی تەواو نوێ و جیاوازن بۆ ئامیرەكانی جۆری لاپتۆپ و مۆبایلە هۆشمەندەكان” و جەختیشی كردەوە، واز لە بەكارهێنانی سیسمی ئەندرۆید و مایكرۆسۆفت دێنن لەسەر بەرهەمەكانیان .

دوێنێ‌ دوو شەممە، گۆگل هەڵسا بە بلۆك كردنی سیستمی ئەندرۆید لەسەر ئامێرەكانی هواوی و ڕاگرتنی گشت نەرمەواڵەكانی، كە بە ئۆنلاین كار ئەكەن بە بڕیاری سەرۆكی ویلایەتە یەكگرتووەكانی ئەمریكا .

بەپێی ڕاپۆرتێكی ماڵپەڕی (تێك ئای) كۆمپانیای هواوی لە پەیوەندیەكدا لەگەل دەزگای ڕاگەیاندنی CNBC لە ڕۆژی هەینی ڕایگەیاند، كە بە نیازی دامەزراندنی سیستمێكی تایبەت بە بەرهەمەكانیانن و بەرهەمەكانی هواوی چیتر پشتگیری سیستمەكانی ئەندرۆید و مایكرۆسۆفت ناكا.

ڕیچارد یو؛ بەرێوەبەری بەشی دارایی كۆمپانیای هواوی لە دوا چاوپێكەوتنی بە دەزگای Die Welt ی وت، “بەرهەمەكانمان پێویستیان بە سیستمێكە پشتگیری بەرهەمەكان بكا، چونكە لە ئێستادا ئەو سیستمەی پێشتر هواوی كاری پێ ئەكرد بە پێی گرێبەستێك لەگەل كۆمپانای گوگڵ لەلایەن ویلایەتە یەكگرتووەكانی ئەمریكاوە بلۆك كراوە، بۆیە ئێمە خۆمان بۆ ئەوە ئامادە كردووە بۆ ئەوەی ڕێگر بن لە بەكارهێنانی ئەم سیستمە لە ئامیرەكانماندا بۆ هەتا هەتایە”.

ئۆتۆمبێل و تەکنەلۆژیا

بەڤیدیۆ؛ بۆیەكەمجار گەنجێكی كورد گڕگرتنی ئۆتۆمبێلی چارەسەركرد

خەڵك-بەشی هەواڵ

بەهۆی خراپی كوالێتی بەنزین و سەرجەم ئامێرەكانی ئۆتۆمبێل، ساڵانە لە هەرێمی كوردستان ژمارەیەك ئۆتۆمبێل ئاگر دەگرن و زیانێكی زۆر بەر خاوەنەكانیان دەكەوێت، بەشێوەیەك ژیانی خۆشیان دەكەوێتە مەترسییەوە.

بەختیار قەرەداغی، گەنجێكی شاری سلێمانییە و لەداهێنانێكیدا شێوازی مەترسی ئاگر كۆنتڕۆڵ دەكات و بە (خەڵك)ی ڕاگەیاند، ساڵی ڕابردوو كێشەی ئاگرم بە ئەلیكترۆنی چارەسەركرد، كە وەك ڕۆبۆتێكی جەنگی بوو، بەڵام ئەمساڵ شێوازێكی ئاسانتر نیشانی هاووڵاتیان دەدەین.

وتیشی، “داهێنانەكە ئاسانە و بۆ نێو ئۆتۆمبێل و دوكان و قەیسەری و ماڵانیش بەكاردێت”.

ناوبراو ئەوەشی ڕوونكردەوە، ئاگركوژێنەوەیەكی نێو ئۆتۆمبێل لەنێو سندوقی ئۆتۆمبێل و دانەیەكیش لە شوێنی بۆری بەنزین لە پێشی ئۆتۆمبێل دابنرێت و دەسكی ئاگركوژێنەوەكە بە تیپێك دەبەسترێت و دوای سوتان و توانەوەی تیپەكە ئاگركوژێنەوەكە دەتەقێت و ئاگرەكە كۆنتڕۆڵ دەكات.

بۆیەكەمجار گەنجێكی سلێمانی گڕگرتنی ئۆتۆمبێلی چارەسەركرد

Posted by Omed Husain on Sunday, June 16, 2019

ڤیدیۆی شێوازی فێركاری كۆنتڕۆڵی ئاگر .

ئەوەش ڤیدیۆی فێرکاریەکە هیوای سەلامەتی بۆ هەموو لایەک

Posted by Bakhtyar Qaradaxy on Monday, June 17, 2019

بەردەوام بە لە خوێندنەوە

ئۆتۆمبێل و تەکنەلۆژیا

نزیكەی نیوەی دانیشتووانی گۆی زەوی ئینتەرنێت بەكاردەهێنن

خەڵك –بەشی هەواڵ

ڕاپۆرتێكی ئەمریكایی ئاشكرایكرد لە ساڵی 2018ی ڕابردوودا لە سەرانسەری جیهاندا سێ ملیار و 800 ملیۆن كەس ئینتەرنێتیان بەكارهێناوە كە دەكاتە نزیكەی نیوەی كۆی دانیشتووانی سەر زەوی.

بەپێی ڕاپۆرتی كۆمانیاكانی بیركینس كوڤیلد و بییرسی ئەمریكایی، ژمارەی بەكارهێنەرانی تۆڕەكانی ئینتەرنێت بە ڕێژەی 6% بەراورد بە ساڵی 2017 زیادیكردووە.

ڕێژەی بەكارهێنەران لە ئاسیا و وڵاتانی كەناری زەریای هێمن بە ڕێژەی 53%ە، لە ئەوروپا 15% و لە كاریبی 10% و ئەمریكای باكوور 9%یە.

بەردەوام بە لە خوێندنەوە

ئۆتۆمبێل و تەکنەلۆژیا

ئەپڵ زمانی كوردی بۆ ئایفۆن و ئایپاد زیاد دەكات

خەڵك- تەكنەلۆجیا
كۆمپانیای ئەپڵ ئاشكرای دەكات، كە بەم نزیكانە سیستمی نوێی (ئای ئۆ ئێس) بۆ ئایفۆن و ئەڵ نوێ‌ دەكاتەوە و دەشڵێت: “زمانی كوردی دەخەنە ناو سیستمەكەوە”.

كۆمپانیای ئەپڵ لە ڕاگەیەندراوێكدا ئاماژەی بەوەكردووە، كە بەم نزیكانە سیستمی نوێی (iOS 13) دەخنە بەردەست و چەندین نوێبوونەوەشی لەخۆگرتووە.

ڕاشیگەیاندووە، یەكێك لە نوێگەرییەكان، كە بۆ سیستمەكە زیاد كراوە بریتییە لە زمانی كوردی و هەروەها دەتوانرێت بە 38 زمانی جیاواز نامەی پێ‌ بنووسرێت.

كورد یەكێكە لە پێكهێنەرە و پێكهاتە سەرەكییەكانی ڕۆژئاوای ئاسیا و دابەش كراون بەسەر وڵاتانی عیراق و توركیا و ئێران و سوریا و هەندێكیشیان كەتونەتە باشووری ڕۆژئاوای ئەرمینیا و هەندێك ناوچەی ئازربایجان و لوبنان.

بەردەوام بە لە خوێندنەوە

کوردستان