لەسەر شەقامی ١٠٠ مەتری نزیك بەرامبەر گوندی ئیتاڵی ئۆتێلێك ئاگری گرت زیانەكانیش تەنها ماددی بوون، هیچ زیانێكی گیانی لێ نەكەوتۆتەوە.
بەڕێوەبەرایەتی بەرگری شارستانی لە ڕاگەیەنراوێكدا بڵاویكردەوە، كەپاش نیوەڕۆی ئەمڕۆ شەممە 4ی 2ی 2023 ئاگر لە ئۆتێلێك كەوتەوە و ئاگركە لە نهۆمەكانی سەرەوە دروستبووە، هیچ زیانێكی گیانی نەبووە هۆكاری ئاگرەكەش هێشتا روون نیە.
بەڕێوەبەرایەتی بەرگری شارستانی ئاماژە بۆ ئەوەشكراوە، كە تیمەكانیان گەیشتنە شوێنی رووداوەكە نەیان هێشت ئاگرەكە تەشەنە بكات تیمەكانیان توانیان بە سەلامەتی ئەو كەسانە ڕزگار بكەن، كە لەسەرەوەی ئۆتێلەكە گیریان خواردبوو.
