ئێمە لە تۆرە کۆمەڵایەتیەکان

خۆشەویستی

چەند داواکاریەک کە ژن لە پیاوی دەکات و شەڕی بەدواوەیە، ئەم داوایانە مەکە!


خێزان

ئەمەی خوارەوە چەند داواکاریەکە کە ژن لە پیاوی دەکات و  هەموو کات شەڕی بەدواوەیە، بۆ یە باشترە خانمان ئەم داوایانە نەکەن:

 

-هاوڕێكانی نه‌بینێت

-هه‌رچه‌نده‌ په‌یوه‌ندیتان باشبێت، پیاوان پێویستیان به‌وه‌یه‌ كه‌ چه‌ند كاتێك له‌گه‌ڵ هاوڕێكانیان به‌سه‌ر به‌رن، هه‌ر بۆیه‌ داوای ئه‌وه‌ی لێمه‌كه‌ كه‌ واز له‌ هاوڕێكانی بهێنێت.

 

-وه‌ك هاوڕێكه‌ت گوێت بۆ بگرێت

-شتێكی ئاساییه‌ كه‌ چاوه‌ڕوانی ئه‌وه‌ له‌ هاوسه‌ره‌كه‌ت بكه‌یت كه‌ گوێێ له‌ ناڕه‌حه‌تی و داواكاریه‌كانت بگرێت، به‌ڵام چاوه‌ڕوانی ئه‌وه‌ مه‌كه‌ كه‌ وه‌ك كچه‌ هاوڕێكانت گوێ له‌ ورده‌كاریه‌كانی كێشه‌كانت بگرێت.

 

-له‌ هه‌موو خواسته‌كانتدا به‌شداریت بكات

-داوای ئه‌وه‌ی لێمه‌كه‌ كه‌ تۆ حه‌زت به‌چی بوو ئه‌ویش هه‌مان شت دوباره‌ بكاته‌وه‌، چونكه‌ ئه‌وه‌ بۆ پیاوان زۆر بێزاركه‌ره‌.

 

-خۆی بگۆرێت

-به‌ هاوسه‌ره‌كه‌ت مه‌ڵێ كه‌ كه‌سایه‌تی ئه‌وت به‌دڵنییه‌و پێویسته‌ خۆی بگۆڕێت، به‌ڵام ئاساییه‌ گه‌ر سفاتێكی تایبه‌تت به‌دڵ نه‌بێت نه‌ك ته‌واوی تایبه‌تمه‌ندیه‌كانی.

 

-له‌ نێوان تۆ و دایكیدا

-هه‌رگیز داوای ئه‌وه‌ له‌ هاوسه‌ره‌كه‌ت مه‌كه‌ كه‌ له‌ نێوان تۆ و دایكیدا یه‌كێكتان هه‌ڵبژێرێت.

 

-پاره‌ی زیاتر په‌یدابكات

-داوای ئه‌وه‌ له‌ هاوسه‌ره‌كه‌ت مه‌كه‌ كه‌ پاره‌یه‌كی زیاتر په‌یدا بكات، یاخود له‌وه‌ی كه‌ خۆی زیاتر پێده‌كرێت ئه‌نجامی بدات.

 

-كاتێك تۆ هه‌ڵه‌شه‌یت ئه‌و عاقڵانه‌ بیر بكاته‌وه‌

-نه‌بونی هاوسه‌نگی له‌ په‌یوه‌ندی هاوسه‌ریدا ده‌بێته‌ هۆی ئه‌وه‌ی له‌یه‌ك دوربكه‌ونه‌وه‌، بۆیه‌ وه‌ك ئه‌وه‌ی حه‌زده‌كه‌یت ئه‌و مامه‌ڵه‌ت له‌گه‌ڵدا بكات تۆش مامه‌ڵه‌ی له‌گه‌ڵ بكه‌.

 

-هه‌موو ساته‌ خۆشه‌كانی بیربێت

-ژنان ساته‌ ڕۆمانسیه‌كانیان زیاتر بیره‌ وه‌ك له‌ پیاوان، بۆیه‌ داوای ئه‌وه‌ی لێمه‌كه‌ كه‌ ئه‌و هه‌موو ساته‌ خۆشه‌كانتانی بیرمابێت.

ریکلام

خۆشەویستی

باشتره‌ هیچكات ئه‌م پێنج قسه‌یه‌ به‌ مێردەکەیت نه‌ڵێیت


خێزان

له‌ ژیانی هاوسه‌رگیریماندا زۆركات بێزاریمان توشده‌بێت، به‌ڵام له‌گه‌ڵ ئه‌وه‌شدا كۆمه‌ڵێك قسه‌و ده‌سته‌واژه‌ هه‌یه‌ كه‌ باشتره‌ له‌ هه‌موو دۆخێكدا خۆتیان لێبپارێزیت، چونكه‌ له‌و جۆره‌ قسانه‌یه‌ كه‌ “برینه‌كه‌ی ساڕێژ نابێت”، ئه‌و قسانه‌ش بریتین له‌ :

 

-په‌شیمانم له‌وه‌ی شووم به‌تۆكرد

-ئه‌م وشه‌یه‌ به‌لای پیاوانه‌وه‌ له‌بیر ناكرێت، به‌تایبه‌ت له‌ كاتێكدا كه‌ تۆ له‌ توڕه‌یدا ده‌یڵێیت و له‌ دڵته‌وه‌ ده‌رده‌چێت، هه‌ر بۆیه‌ هه‌میشه‌ له‌ خه‌یاڵیاندا ده‌مێنێته‌وه‌ و هه‌ڵوێستی به‌رامبه‌ر وه‌رده‌گرن.

 

-تۆ هیچكات له‌ من ناگه‌یت

-ئه‌مه‌ ڕسته‌یه‌كه‌ ده‌رگای گفتوگۆ داده‌خات، هه‌ر بۆیه‌ گه‌ر هه‌ر ناچاریشبویت بیڵێیت ئه‌وا هه‌رگیز وشه‌ی “هیچكات”ی له‌گه‌ڵدا مه‌ڵێ.

 

-تۆ وه‌ك هاورێكه‌یی پێشووم وایت

-ئه‌م ده‌سته‌واژه‌یه‌ زیاتر بۆ ئه‌و كه‌سانه‌یه‌ كه‌ پێشتر په‌یوه‌ندی دیكه‌یان هه‌بووه‌و جیابونه‌ته‌وه‌، به‌ڵام نابێت ئه‌م ڕسته‌یه‌ به‌ هاوسه‌ر یاخود ئه‌و كه‌سه‌ بلێن كه‌ ئێستا په‌یوه‌ندیان له‌گه‌ڵی هه‌یه‌، چونكه‌ ئه‌وه‌ مانای ئه‌وه‌یه‌ كۆتای ئه‌م په‌یوه‌ندیه‌ش هه‌ر وه‌ك ئه‌وه‌ی پێشوتر ده‌بێت.

 

-سه‌یركه‌ چه‌ند پیاوێكی جوانه‌

-ڕه‌نگه‌ ئاسایی بێت كه‌ پیاوێكت به‌لاوه‌ جوان یاخود سه‌رنجڕاكێش بێت، به‌ڵام گه‌ر ئه‌و هه‌سته‌ت بۆ هاوسه‌ر یاخود  خۆشه‌ویسته‌كه‌ت ده‌رببڕیت ئه‌وا به‌دڵنیایه‌وه‌ ئاسایی نییه‌.

 

-تۆ ناتوانیت پێداویستیه‌كانم دابین بكه‌یت

-ئه‌م ڕسته‌یه‌ ڕاسته‌وخۆ له‌ پیاوه‌تی هاوسه‌ره‌كه‌ت ده‌دات و وای لێده‌كات هه‌ستبكات كه‌ تۆ هه‌وڵده‌ده‌یت پێداویستیه‌كانت لای پیاوێكی دیكه‌ پڕبكه‌یته‌وه‌.

بەردەوام بە لە خوێندنەوە

خۆشەویستی

چەند نیشانەیەک کە دەری دەخات دڵە شکاوەکەت چاکبۆتەوە و ئامادەیت بۆ خۆشەویستی


خێزان

زۆرجار کاتێک لە پەیوەندیەکدا شکست دەخۆین، ئیدی بە تەواو دڵمان دەشکێت و ئامادەی درووستکردنی پەیوەندی دیکە نین، ئەمەی خوارەوە چەند نیشانەیەکە کە دەری دەخات دڵە شکاوەکەت چاکبۆتەوە و ئامادەیت بۆ خۆشەویستی:

 

-چیدی کە ڕابردووت بیر دەکەوێتەوە هەست بە بێزاری  ناکەیت و خەفەت ناخۆیت

 

-وەک جاران هەست بە تەنهایی ناکەیت و ئەوە بێزارت ناکات کە بە سنگڵی ماویتەتەوە

– چویتەتەوە سەر حەز و خولیا ئاساییەکانی خۆت و لەگەڵ هاوڕێکانت خۆشحاڵیت

– تۆ ئێستا نەک ئەوەی کە ئامادەیت خۆشەویستی وەربگریت، بەڵکوو هەستدەکەیت دەتوانیت خۆشەویستیش ببەخشیت

-کاتێک دوو کەپڵ یان ژن و مێرد بەیەکەوە دەبینیت، ناکەویتەوە خەیاڵی کاتی پەیوەندیە شکستخواردوەکەی خۆت و شتەکە زۆر ئاساییە لات.

 

– هەستت بۆ ڕەگەزی بەرامبەر درووستبۆتەوە و هەستەکەیت کە دەتەوێت پەیوەندی دابنێیت

 

– ئێستا کەسێکی بە ئەزمونتریت و باشتر بەرگەی ئازارەکانی پەیوەندی دەگریت و قەدری پەیوەندیە نوێکەت باشتر دەزانیت

 

بەردەوام بە لە خوێندنەوە

خۆشەویستی

٧ پریسیار کە پێویستە لە خۆشەویستەکەتی بکەیت گەر دەتەوێت پەیوەندیەکەتان بەردەوام بێت


خێزان
بەرپرسیارێتی ژیان زۆرجار مەشغوڵمان دەكات ودەبێتە هۆی سارد بونەوەی پەیوەندیەكانی نێوانمان بەجۆرێك كە سەرگەرمی و تێكەڵی جارانمان نامێنێت لەگەڵ تێپەربونی رۆژەكان تاوای لێدێت لەوكەسانە دورمان دەخاتەوە كە خۆشماندەوێن، بۆ ڕێگری لەوە و بۆ هەمیشە بە گەرمی هێشتنەوەی پەیوەندی نێوان خۆت و خۆشەویستەكەت ئەوا ڕۆژانە یان ناو بەناو ئەم پرسیارانەی لێدوبارە بكەرەوە :

 

-چ شتێك حەزەكەیت قەت لە ژیانتا دوبارەی نەكەیتەوە ؟


ئەم پرسیارە سەختترین ئەزمونی ژیانی خۆشەویستەكەت بۆ دەردەخات كە بۆتە هۆی دروست بونی كەسایەتی ئێستای، بەم جۆرە هەلی زیاتر ناسینی ئەوت دەبێت.

 

-سیفەتێكی هەمیشەی من بڵێ‌ كە زۆر جار تۆ بێزاردەكات و ناتوانی لێی تێبگەیت؟


ئەم پرسیارە یارمەتیت دەدات كە بۆی ڕون بكەیتەوە چ شتێك ناچارت دەكات تۆ بەو جۆرە ڕەفتاری لەگەڵ بكەیت و چ شتێك زیاتر بێزارت دەكات.

 

-ئەو شتە چیە كە من ئێستا نایكەم بەڵام ئەگەر كردم وا دەكات تۆ هەست بە ئارامی و گرنگی پێدان بكەیت؟


ئەم پرسیارە كارئاسانیت بۆدەكات كە بزانیت چۆن مامەڵە لەگەڵ خۆشەویستەكەت بكەیت و زیاتر گرنگی پێبدەیت.

 

-چ شتێك جێگەی لێخۆشبون نیە لە لات؟


وەڵامی ئەم پرسیارە لەزۆر كێشەی داهاتوو ڕزگارت دەكات.

 

-گەر ڕۆژێك بڕە پارەیەكی زۆر ببەیتەوە حەزەكەی بیدەیت بە چی؟


پرسیارێكی خۆشەو یارمەتیت دەدات ئارەزو هیوایەتەكانی خۆشەویستەكەت بزانیت، لەوانەیە هەندێ‌ خەونی هاوبەشتان هەبێت كە بتوانن پێكەوە بەدیبهێنن.

 

-سێ شت كە حەزەكەیت لە ژیانتا دوبارە ببێتەوە؟


ئەم پرسیارە وادەكات كە ئەزمونە خۆشەكان و لەبیر نەكراوەكانی ژیانی بەرامبەر بزانیت، لەوانەشە یارمەتیت بدات كە ڕۆژێك شتێكی لەوانە بۆ دوبارە بكەیتەوە.

 

 

-ئەگەر هەمو ترسەكانی ژیانت بخەیتە لاوە، ئەوشتە چیە كە حەزەكەیت بەیانی بچیت بیكەیت بەبێ‌ هیچ ترسێك؟


لەوانەیە وەڵامی ئەم پرسیارە پێكەنیناوی بێت بەڵام بێگومان یارمەتیت دەدات هۆكاری ترسە گەورەكانی ژیانی بزانیت كە ڕێگرە لە كردنی ئەوشتانەی زۆر حەزی لێیەتی.

 

ئەمانە تەنها چەن پرسیارێكی سادە و خۆشن كە بێگومان پەیوەندی نێوانتان گەرموگورتر و پتەوتر دەكات.

بەردەوام بە لە خوێندنەوە

کوردستان