ئێمە لە تۆرە کۆمەڵایەتیەکان

ژینگە

بە ڤیدیۆ.. پاڵاوگە نایاساییەكانی سلێمانی دوای نیوەشەو دەخرێنەكار

خەڵك- بەشی هەواڵ

هەرچەندە بڕیاری ئەنجومەنی وەزیرانی حكومەتی هەرێم بۆ داخستنی پاڵاوگە نایاساییەكان دەرچووە، بەڵام تائێستا پاڵاوگە نایاساییەكانی سلێمانی دانەخراون و دوای نیوەشەو دەخرێنەكار.

محەمەد شێخ وەهاب، ئەندامی ئەنجومەنی پارێزگەی سلێمانی بە (خەڵك)ی ڕاگەیاند، بڕیاری ئەنجومەنی وەزیران لە سلێمانی كاری پێناكرێت و پاڵاوگە نایاساییان داناخرێن، بۆیە ئەوانیش بەردەوامن لەكاركردن و ڕۆژانە دوكەڵێكی زۆر دەكەنە ئاسمانی سلێمانییەوە.

ناوبراو هەر لە قسەكانیدا باسی لەوەكرد، بڵابوونەوەی ئەو دوكەڵە لە هەوادا هۆكاری بڵابوونەوەی نەخۆشی مەترسیداری”شێرپەنجە”یە و بەپێی ئامارەكانی نەخۆشخانەی هیواش، ڕێژەی نەخۆشییەكە زۆر زیادی كردووە.

وتیشی”لەلایەن هاووڵاتیانی ناوچەی تانجەرۆوە داوامان لێكرا بچینە ئەو شوێنە و لەگەڵ هاوكارم، كەریم عەلی، سەرۆكی لیژنەی نەوت و وزەی ئەنجومەنی پارێزگەی سلێمانی سەردانی شوێنەكەمان كرد و بەهۆی كاركردنی ئەو پاڵاوگانەوە كارەساتێكی گەورەی لێكەوتووەتەوە، داوا لە ئەنجومەنی وەزیران، داواكاری گشتی، پارێزگاری سلێمانی و دەزگا پەیوەندیدارەكان دەكەین بێنەسەر خەت و یاسا جێبەجێ‌ بكەن و ئەو پاڵاوگانە دابخەن، چونكە مەترسییەكی گەورەیان لەسەر هاووڵاتیان و ژینگەی سلێمانی دروستكردووە”.

دانەخستنی پاڵاوگە نایاساییەكان لەكاتێكدایە، بەپێی ڕاپۆرتێكی تۆڕی میدیای”BBC” لە شاری سلێمانی ڕێژەی توشبوون بە نەخۆشی شێرپەنجە بەهۆی پیسبوونی ژینگەوە زۆر زیادی كردووە.


ژینگە

ناوچەیەكی عیراق بەرزترین پلەی گەرما لە جیهاندا تۆماردەكات

خەڵك- بەشی هەواڵ
لە نیوەی دووەمی مانگی ئەیلولی 2019، یەكێك لە ناوچەكانی عیراق بەرزترین پلەی گەرما لە جیهاندا تۆمار دەكات.

سادق عەتیە، كەشناسی عیراقی، لە پەیجی تایبەتی خۆی لەسەر تۆڕی كۆمەڵایەتی (فەیسبوك) بڵاویكردووەتەوە”ئەمڕۆ چوار شەممە، بەرزترین پلەی گەرما لە جیهاندا لە نیوەی دووەمی ئەم مانگە  گەیشتە 48.8 پلەی سەدی”.

بە وتەی ئەو كەشناسە عیراقیە”تۆماركردنی ئەو پلەیە لە فڕۆكەخانەی نێودەوڵەتی بەسرە بووە، بەپێی ڕاپۆرتە جیهانییەكانيش لە ڕۆژانی مانگی ئەیلولدا 48.8 پلە، بە پلەیەكی پێوانەیی جیهانی نوێ‌ دادەنرێت”.

فڕۆكەخانەی نیودەوڵەتی بەسرە لە هاوینی ئەمساڵدا چەند جارێك لەگەڵ ناوچەكانی تری عیراقدا بەرزترین پلەی گەرمایان لە جیهاندا تۆماركرد.

بەردەوام بە لە خوێندنەوە

ژینگە

بەهۆی هەڵكەندنی بیری نایاساییەوە دوو كەس دەستگیركران

خەڵك- بەشی هەواڵ

مەفرەزەیەكی بنكەی پۆلیسی دارستانی بەكرەجۆ توانیان لە گەڕەكی قڕگەی شاری سلێمانی ( ٢ ) هاووڵاتی دەستگیربكەن كە بەشێوەیەكی نایاسایی سەرقاڵی هەڵكەندنی بیر بوون، هەروەها توانرا دەستبگرن بەسەر جیهازێكی بیرلێدان.

پۆلیسی دارستان و ژینگەی سلێمانی لەوبارەوە نوسیویەتی”پەڕاوی لێكۆڵینەوە ڕێكخراوەو ڕادەستی بەڕێز دادوەر كراوە بۆ وەرگرتنی ڕێكاری یاسایی”.

لە ماوەی ڕابردوودا چەندین هاووڵاتی بە تۆمەتی هەڵكەندنی بیری نایاسایی دەستگیركران و دەست بەسەر ئامێرەكانی هەڵكەندنی بیرەكەدا گیرا.

بەردەوام بە لە خوێندنەوە

ژینگە

پۆلیسی دارستانی سەیدسادق سێ‌ تۆمەتباری دەستگیركرد

خەڵك- بەشی هەواڵ

لە سنوری گوندی ( سەراوی سوبحان ئاغا ) ی سەر بە سەیدسادق، پۆلیسی دارستان و ژینگەی سەید سادق توانیان ( ٣ ) هاووڵاتی دەستگیر بكەن كە سەرقاڵی ڕاوكردنی باڵندەی كێوی بوون و توانرا دەست بگرن بەسەر تەواوی كەل و پەلەكانیان كە بۆ راوكردن بەكاریان هێنابوو، ( ٢ ) چەكی جۆری تاپڕ و ( ٥ ) فیشەك.

لە ڕاگەیەندراوێكدا پۆلیسی دارستان و ژینگەی سلێمانی نوسیویەتی”پەراوی لێكۆڵینەوە ڕێكخراوە و ڕادەستی بەڕێز دادوەر كراوە بۆ وەرگرتنی ڕێكاری یاسایی.”

بەردەوام بە لە خوێندنەوە

کوردستان