ئێمە لە تۆرە کۆمەڵایەتیەکان

جیهانی

ڕیاڵ و بارسا یورۆیەک بە “ڕێوی گواستنەوەکان” نادەن و دی لیخت و پۆگبایان سەرپشک کردووە !

خەڵک سپۆرت

پۆل پۆگبای فەرەنسی لەڕێسا سەپێنراوەکانی مینۆ ڕایۆلا لایداوە و دەیەوێت بەهەر شێوەیەک بێت پەیوەندی بە یانەی ڕیاڵ مەدریدەوە بکات، هەمان بارودۆخ ڕووبەڕوی ماتیاس دی لیختی هۆڵەندی بۆتەوە و ئەو یاریزانەش پێویستە هەڵوێستی خۆی یەکلایی بکاتەوە.

ڕۆژنامەکانی “مارکا و موندۆ دیپۆرتیڤۆ”ی ئیسپانی ئاشکرایان کردووە، لەماوەی ڕابردوودا یانەکانی ڕیاڵ مەدرید و بەرشلۆنە هەوڵی زۆریانداوە بۆندی هەریەک لە پۆل پۆگبا و ماتیاس دی لیخت لە یانەکانی مانچستەر یونایتد و ئەیاکس ئەمستەردامەوە یەکلایی بکەنەوە، بەڵام هەوڵەکانین بەرامبەر بە داواکاری دارایی لێپرسراوی کارەکانیان پەکی کەوتووە.

سەرچاوەکان ئاشکرایان کردووە، مینۆ ڕایۆلای ناسراو بە “ڕێوی گواستنەوەکان” کە لێپرسراوی کاروباری هەردوو یاریزانەکەیە، بەرامبەر ئیمزاکردنی بۆندی بریکارەکانی و یەکلاییکردنەوەی بەشێوەیەکی خێرا داوای پاداشتی دارایی لە یانەکانی ڕیاڵ مەدرید و بەرشلۆنە کردووە، لەوەڵامدا ئیدارەی یانە زەبەلاحەکەی ئیسپانیا ئەو بیرۆکەیەیان ڕەت کردۆتەوە و نوێنەرانیان بە ئاشکرا ڕایانگەیاندووە، یەک یورۆ وەک پاداشت بەهیچ نێوەندگیرێك نادەن.

لێرەوە پۆگبا ناچار بووە لە ڕێساکان لابدات و لەپێناو شکست نەهێنانی بۆندەکەیدا ڕایۆلای قایل کردووە پاداشت وەرنەگرێت، بەڵکو ڕیاڵ داواشیان کردووە نرخەکەی لە ١٨٠ ملیۆن یورۆوە بۆ ١٥٠ کەم بکرێتەوە، بەڵام ئەوەی لەم نێوەندەدا ماوە و تائێستا جوڵەی نەکردووە ماتیاس دی لیختی هۆڵەندییە.

“موندۆ” ئاماژەی کردووە، ڕایۆلا بەرامبەر گواستنەوەی بەرگریکارەکە بۆ بارسا داوای بڕی هەشت ملیۆن یورۆی وەک پاداشت لە یانە ئیسپانیەکە کردووە، بارتومیۆ و هاوەڵانیشی بەو مەرجە گواستنەوەکە ئەنجام دەدەن کە مەسەلەی پاداشت وەلا بنرێت، ئەوەش وا دەکات بەهرەدارە پرتەقاڵیەکە فشار بخاتە سەر لێپرسراوی کارەکانی.

جیهانی

خشتە و کاتی یارییەکانی ئەمڕۆی خولی ئەوروپی (یوروپا لیگ)

خەڵک سپۆرت

دوای کۆتایی هاتنی ململانێی یانە زەبەلاحەکانی خولی یانە پاڵەوانەکانی ئەوروپا، ئەمشەو یانە بەشدارەکانی خولی ئەوروپی “یوروپا لیگ”بە ئەنجامدانی یارییەکانی گەڕی شەشەم کۆتایی بە قۆناغی (٣٢) دەهێنن و (٢٤) یانە خۆیان دەگەیەننە قۆناغی (١٦)، دواتر هەشت یانەی خولی یانە پاڵەوانەکان پەیوەندیان پێوە دەکەن (ئەوانەی پلەی سێیەمی قۆناغی گروپەکانیان بەدەستهێناوە).

یارییەکانی ئەمشەو ئەمانەن:

ئاپۆیل نیقۆسیا – سڤیلیە (٨:٥٥)

کاراباگ ئاگدام – دیدیلانجی (٨:٥٥)

بازل – ترابزۆن سپۆر (٨:٥٥)

خیتافێ – کراسنودار (٨:٥٥)

ڕین – لازیۆ (٨:٥٥)

کلوج – سێڵتیک (٨:٥٥)

ئینتراخت فرانکفۆرت – ڤیتۆریا گیماریش (٨:٥٥)

ستاندار دولیاگ – ئارسیناڵ (٨:٥٥)

دینبامۆ کیێڤ – لوگانۆ (٨:٥٥)

کۆپنهاگن – مالمۆ (٨:٥٥)

ئایندهۆڤن – ڕۆزنبۆرگ (٨:٥٥)

لاسک لینز – سپۆرتینگ لشبۆنە (٨:٥٥)

ڕۆما – وڵفسبێرگەر (١١:٠٠)

بروسیا مونشنگلادباخ – ئیستانبوڵ باشاک شەهیر  (١١:٠٠)

مانچستەر یونایتد – ئالکەمار (١١:٠٠)

پارتیزان بەلگراد – ئاستانا (١١:٠٠)

وڵڤەرهامبتۆن – بەشیکتاش (١١:٠٠)

سلۆڤان براتیسلاڤا – سپۆرتینگ براگا (١١:٠٠)

ڤۆلفسبۆرگ – سانت ئیتیان (١١:٠٠)

جینت – ئۆلئکساندریا (١١:٠٠)

لودوگۆریس ڕازگراد – فریکڤاروزی (١١:٠٠)

ئیسپانیۆل – سسکا مۆسکۆ (١١:٠٠)

پۆرتۆ – فاینۆرد ڕۆتەردام (١١:٠٠)

گلاسکۆ ڕەینجەرز – یۆنگ بۆیز (١١:٠٠)

بەردەوام بە لە خوێندنەوە

جیهانی

قۆناغی کۆمەڵەکانی چامپیۆنزلیگ کۆتایی هات و کۆتا یانە گەیشتە (١٦)

خەڵک سپۆرت

قۆناغی کۆمەڵەکانی خولی یانە پاڵەوانەکانی ئەوروپا بە سەرکەوتنی یانەی ئەتلەتیکۆ مەدرید بۆ قۆناغی (١٦)کۆتایی هات.

ئەمشەو جگە لە کۆمەڵەی سێیەم کە یارییەکانیان لەکاتێکی زووتر دەستی پێکرد، شەش رووبەڕوبونەوەی تر ئەنجامدران و یانەی ئەتلەتیکۆمەدرید وەک کۆتا نوێنەری قۆناغی کۆمەڵەکان بلیتی قۆناغی ٠١٦)ی بڕی، لەهەمان کۆمەڵەشدا یانەی بایەرلیڤەرکوزن پلەی سێیەمی بەدەستهێنا.

لەگروپی یەکەمدا، پاریس سانت جێرمان و ڕیاڵ مەدرید سەرکەوتنیان بۆ قۆناغی (١٦) تۆمار کردبوو، بلیتی یوروپا لیگ لەنێوان یانەکانی کلوپ بروج و گەڵاتەسەرایدا بوو، بەهۆی سەرکەوتنی پاریس بەسەر یانە تورکیەدا کلوپ بروج پلەی سێیەمی بەدەستهێنا.

کلوپ بروج ١ – ٣ ڕیاڵ مەدرید

پاریس سانت جێرمان ٥ – ٠ گەڵاتەسەرای

لە گروپی دووەمدا هاوشێوەی گروپی یەکەم یانەکانی بایرن میونشن و تۆتنهام لەقۆناغەکانی پێشوودا سەرکەوتنیان بەدەستهێنابوو، کێبڕکێی پلەی سێیەم لەنێوان یانەکانی ڕێد ستار و ئۆڵۆمپیاکۆسدا بوو، بە سەرکەوتنی یانە یۆنانیەکە توانی خۆی بگەیەنێتە قۆناغی (١٦)ی یوروپالیگ.

بایرن میونشن ٣ – ١ تۆتنهام

ئۆڵۆمپیاکۆس ١ – ٠ ڕێد ستار

لە گروپی چوارەمدا یانەی یوڤانتۆس پلەی یەکەمی مسۆگەر کردبوو، یانەکانی ئەتلەتیکۆ مەدرید و بایەرلیڤەرکوزن گرەویان لەسەر پلەی دووەمی کۆمەڵەکە دەکرد، لەکۆتاییشدا ئەتلەتیکۆ مەدرید بە بردنەوەی لە لۆکۆمۆتیڤ مۆسکۆ گرەوی پلەی دووەم و قۆناغی (١٦)ی بردەوە و بایەرلیڤەرکوزن لەپلەی سێیەمدا بۆ قۆناغی داهاتوو بەشداری یوروپالیگ دەکات.

بایەرلیڤەرکوزن ٠ – ٢ یوڤانتۆس

ئەتلەتیکۆ مەدرید ٢ – ٠ لۆکۆمۆتیڤ مۆسکۆ

بەردەوام بە لە خوێندنەوە

جیهانی

یانەی ئاتالانتا بە یارمەتی مانچستەر سیتی گەیشتە قۆناغی (١٦)

خەڵک سپۆرت

ئەمشەو ڕووبەڕوبونەوەکانی گەڕی شەشەمی کۆمەڵەی سێیەمی خولی یانە پاڵەوانەکانی ئەوروپا ئەنجامدران، ئەستێرەکانی گواردیۆلا لەگەڵ خۆیاندا یانەی ئاتالانتایان گەیاندە قۆناغی (١٦).

یانەی دینامۆ زاگریب میوانداری یانەی مانچستەر سیتی کرد، یانە ئینگلیزیەکە لە گەڕی پێنجەمەوە سەرکەوتنیان بۆ قۆناغی (١٦) بەدەستهێنابوو ئەنجامی یارییەکە هەرچییەک بووایە زیانی پێنەدەگەیاندن، بەڵام ڕوحیەتی وەرزشییان نیشاندا و بە بەهێزترین شێوە یانەی خاوەن یاریگایان بە ئەنجامی (٤ – ١) کوتا بەزەویدا.

گۆڵەکانی سیتی لە خولەکەکانی (٣٤، ٥٠، ٥٤) گابریال جیزوسی ئەستێرەی بەرازیلی و گۆڵی چوارەمیش لە خولەکی ٨٤ لەلایەن فیل فودینەوە تۆمارکران، گۆڵەکەی دینامۆ زاگریب دانی ئۆلمۆ لە خولەکی ١٠ تۆماریکرد.

بردنەوەی سیتی کۆتایی بە هیواکانی زاگریب هێنا و پێگەی دووەمی گروپەکەی پیشکەشی یەکێک لە شاختار و ئاتالانتا کرد کە لەیارییەکی تردا بەرامبەر یەکتر وەستابوونەوە.

یانەی ئاتالانتا بەشێوەیەکی چاوەڕوان نەکراو توانی لە یاریی دووەمدا بە ئەنجامی سێ گۆڵی بێوەڵام لە شاختاری خاوەن یاریگا بباتەوە و گۆڵەکان لە خولەکەکانی (٦٦، ٨٠، ٩٤) لەڕێگەی تیمۆسی کاستانی و ماریۆ پاسالیچ و ڕۆبن جۆیسێنسەوە تۆمارکران.

بەپێی ئەنجامە تۆمارکراوەکانی ئەمشەو، یانەی مانچستەر سیتی و ئاتالانتا گەیشتنە قۆناغی داهاتووی چامپیۆنز لیگ و یانەی شاختاری ئۆکرانیش بۆ خولی ئەورپی دابەزی.

بەردەوام بە لە خوێندنەوە

کوردستان