ئێمە لە تۆرە کۆمەڵایەتیەکان

کوردستان

وردەكاری مەڕاسیمی یادی نەوشیروان مستەفا ئاشكرا دەكرێت

خەڵك – بەشی هەواڵ
وتەبێژی دووەم ساڵیادی نەوشیروان مستەفا ڕایدەگەیەنێت، لە دوای بەربانگ دەست بە یادكردنەوەی نەوشیروان مستەفا دەكرێت، دەشڵێت: ” كتێبێكی تایبەتی بڵاونەكراوەی لەسەر نەوەی دووەمی شاعیرانی قوتابخانەی بابان نووسیویەتی بڵاودەكرێتەوە”.

ئاریان ئەحمەد، وتەبێژی دووەم ساڵیادی نەوشیروان مستەفا لە لێدوانێكی ڕۆژنامەوانیدا ڕایگەیاند، سبەی بۆ ساڵیادی نەوشیروان مستەفا یادكردنەوەیەكی كۆمەڵایەتی دەبێت و لەدوای بەربانگ دەست پێدەكات و تا دەرەنگانێكی شەو بەردەوام دەبێت.

وتیشی، یادەكە تەقلیدی نیە و هیچ وتار خوێندنەوەیەكی تێدا نیە، هاووڵاتیان خۆیان لەدوای بەربانگ دێنە بەردەم گردەكە و بەداگیرسانی مۆمێك بە شێوەیەی ڕێچكە دەچنە سەر گۆڕەكەی و لەوێ یادێكی كۆمەڵایەتی خۆیان هەر كەس بۆ خۆی دەیكاتەوە.

ڕاشیگەیاند، لەم یادەدا بڕیارە كتێبێكی بلاًونەكراوە نەوشیروان مستەفا بڵاوبكرێتەوە، كە یەكەمجارە بەناونیشانی نەوەی دووەمی شاعیرانی قوتابخانەی بابان نووسیویەتی و چوار بابەتی جیایە لەسەر (حاجی قادری كۆیی، حەریق، وەفایی، شێخ ڕەزای تاڵەبانی).

پێشتر مەجید ساڵح، سەرپەرشتیاری چاپكردنی كتێبەكانی نەوشیروان مستەفا بۆ (خەڵك) ڕایگەیاند، “كتێبێكی دیكەی كاك نەوشیروان، كە پێش كۆچی دوایی نووسیویەتی دۆزرایەوە، كتێبە نوێیەكە لەناو ئەرشیفی نەوشیروان مستەفا دۆزراوەتەوە بە ناوی (گەشتێ لەگەڵ سالم) و بەشەكانی كتێبەكە پێكهاتوون لە قاڵبە شیعریەكانی مەدرەسەی بابان، (سالم وەك نمونە) و بابەتەكانی شیعری سالم، هەندێ لایەنی ژیانی كۆمەڵایەتی”.

ئاشكراشی كرد، بڕیارە لە دووەم ساڵڕۆژی كۆچی دواییدا، لە درێژەی زینجیرەی “بەدەم ڕێگاوە گوڵچنین” هەندێ لە كتێبە چاپ نەكراوەكانی لە چاپ بدرێت.

کوردستان

هەسەدە: 103 سەربازی تورك و چەكدار كوژراون
شەڕی هاوبەشی هەسەدە و سوریا لەگەڵ توركیا دەستی پێكرد

خەڵك- بەشی هەواڵ
شەڕی هاوبەشی هەسەدە و سوپای سوریا لەگەڵ سوپای توركیا و چەكدارە ئۆپۆزسیۆنەكان لە تەل تەمر دەستی پێكرد.

هێزەكانی سوریای دیموكرات (هەسەدە) ئاماری شەڕەكانی ۲٤ كاتژمێری ڕابردوو لە بەرەكانی شەڕ لە (سەرێكانی، گرێ سپی، درباسییە و دێرك) بڵاودەكاتەوە و ئاشكرای دەكات، ژمارەیەك تانك و زرێپۆشی هێزی دوژمن تێكشكێنراون.

ڕاشیگەیاندووە، لەو شەڕانەدا ۱٠۳ سەربازی توركی و چەكداری ئۆپۆزسیۆنی سوریا كوژراون و لە بەرامبەریشدا ۲۳ شەرەڤانی هێزەكانی سوریای دیموكرات شەهید بوون.

هەسەدە ئاماژەی بەوەشكردووە، كە شەڕی هێزەكانیان و سوپای سوریا لە تەل تەمر لەگەڵ سوپای توركیا و چەكدارە ئۆپۆزسیۆنەكان دەستی پێ‌ كردووە و توانراوە هێزەكانی توركیا تێكبشكێنرێن.

بەردەوام بە لە خوێندنەوە

کوردستان

لە چیای ئەزمەڕ تەقینەوەیەك ڕوویدا و قوربانی لێ‌ كەوتەوە

خەڵك- بەشی هەواڵ
ئێوارەی ئەمڕۆ لەسەر چیای ئەزمەڕ لە سلێمانی تەقینەوەیەك ڕوویدا و بەهۆیەوە دوو كەس گیانیان لەدەستداوە.

سەرچاوەیەك لە (جی سی سی) سلێمانی بۆ (خەڵك) ڕایگەیاند، كە ئێوارەی ئەمڕۆ دەنگی تەقینەوەیەك لەسەر چیای ئەزمەڕ بیستراوە و ڕاستەوخۆ هێزەكانمان چوونەتە شوێنی ڕووداوەكە.

ڕاشیگەیاند، بەهۆی ئەو ڕووداوەوە دوو كەس گیانیان لەدەستداوە و لێكۆڵینەوەش لەسەر ڕووداوەكە دەستی پێ‌ كردووە.

جەختیشی كردەوە، كە تا ئێستا بەتەواوی یەكلایی نەبۆتەوە تەقینەوە بووە یان شتی دیكە، بەڵام دەنگی تەقینەوە بیستراوە و لێكۆڵینەوەش دەستی پێ‌ كردووە.

بۆ بەدواداچوونی زیاتر (خەڵك) پەیوەندی كرد بە سەركەوت ئەحمەد، وتەبێژی پۆلیسی سلێمانییەوە، بەڵام وەڵامی پەیوەندییەكەی نەدایەوە.

بەردەوام بە لە خوێندنەوە

کوردستان

حكومەتی هەرێم پەیامێك ئاڕاستەی وڵاتان و ڕێكخراوەكان دەكات

خەڵك-ئارام سەردار
ئەمڕۆ سێ شەممە ۱٥ی ئۆكتۆبەری ۲۰۱۹ حكومەتی هەرێم لەگەڵ كونسوڵخانە و نوێنەری وڵاتان تایبەت بەڕەوشی ڕۆژئاوای كوردستان كۆبووەوە، وتەبێژی حكومەتی هەرێمیش ڕایدەگەیەنێت، پێشبینی دەكرێت لە ٥٠ هەزار بۆ ٢٥٠ هەزار كەس لە سوریاوە ئاوارەی هەرێمی كوردستان ببن.

جوتیار عادل، وتەبێژی حكومەتی هەرێمی كوردستان لە كۆنفڕانسێكی ڕۆژنامەوانیدا ڕایگەیاند، لەكۆبوونەوەكەدا لەگەڵ نوێنەر و كونسوڵی وڵاتان لەباری ئەگەری هاتنی ئاوارە و پەنابەران بۆ هەرێمی كوردستان بەهۆی ئەو شەڕەی لە سوریا هەیە، پەیامی حكومەتمان گەیاندە كۆنسوڵخانەكان و ئەو هاوكاری و پێویستیە مرۆییانەی پێویستن و ئامادەكاریان، كە پێویستە لە ڕووی مرۆیی پێشكەشی حكومەتی هەرێمی كوردستانی بكەن.

دەشڵێت: “وەك حكومەت پێمان باش بوو، كە كونسوڵخانەكان و نوێنەری دیبلۆماسی وڵاتان هاوكاربن و پەیامی حكومەت بە ڕوونی پێیان بگات، تاوەكو ئەوانیش ئەم داواكاریانەی ئێمە ئاڕاستەی وڵاتەكانیان بكەن و وەڵامی ئێمە بدەنەوە”.

بەوتەی جوتیار عادل، “بۆ هاوكاری ئاوارەكان و پەنابەران وەكو حكومەت تا توانامان هەبێت هاوكار دەبین و پێویستییەكانیان بۆ دابین دەكەین، بەڵام بەهۆی سنورداربوونی توانای حكومەت داوا لە هەموو لایەك دەكەین لە كونسوڵخانەی وڵاتانی بیانی و ڕێكخراوەكان هاوكارمان بن، لەگەڵ حكومەتی عیراقیش گفتووگۆمان كردوە و پلانێكی باشمان داناوە و چاوەڕوانی وەڵامی ئەوانین، چاوەڕوانیشین وەڵامی وڵاتان ئەرێنی بێت”.

وتیشی، “پێشبینی دەكەین لە ٥٠ هەزار بۆ ٢٥٠ هەزار كەس لە سوریاوە ئاوارەی هەرێمی كوردستان ببن، تاوەكو ئێستاش نزیكەی ٢٠٠ خێزان هاتونەتە هەرێمی كوردستان و بە پێی پێویست هاوكارمان كردون، وەك هەرێمی كوردستانیش لە هەر چوار پارێزگا ئامادەكاریان كردوە بۆ پێشوازی لە ئاوارە و پەنابەران، بەڵام بەهۆی ئەوەی فشارێكی گەورەمان لەسەرە وەك حكومەت و داوای هاوكاریمان لە وڵاتان كردوە، ئێمەش ئامادەین ئەوەی لەتوانادابێت هاوكاری ئاوارەكان بكەین”.

بەردەوام بە لە خوێندنەوە

کوردستان