ئێمە لە تۆرە کۆمەڵایەتیەکان

ژینگە

بوومەلەرزە ناوچەیەكی پارێزگای سلێمانی هەژاند

خەڵك- بەشی هەواڵ
بەڕێوەبەرایەتی كەشناسی و بوومەلەرزەزانی هەرێم ڕایگەیاند، بوومەلەرزەیەك ناوچەی پێنجوێنی لە خۆرهەڵاتی سلێمانی هەژاند و خۆشبەختانە هیچ زیانێكی لێنەكەوتەوە.

بەڕێوەبەرایەتی گشتی كەشناسی و بوومەلەرزەزانی هەرێم لە بەیاننامەیەكدا ڕایگەیاندووە، “ئەمڕۆ سێ‌ شەممە، بوومەلەرزەیەك بە گوڕی 3.1 پلە بەپێی پێوەری ڕێختەر و بە قوڵی 11 كیلۆمەتر، ناوچەی پێنجوێنی لە خۆرهەڵاتی سلێمانی هەژاند”.

هەر لە بەیاننامەكەدا هاتووە، كە چەقی بوومەلەرزەكە نزیكەی 11 كیلۆمەتر لە سنورەكانی شاری پێنجوێن-ەوە دوور بووە و دانیشتوانی ناوچەكەش هەستیان پێكردووە.

كەشناسی و بوومەلەرزەزانی هەرێم ڕاگەیاندووە، كە بوومەلەرزەكە هیچ زیانێكی لێنەكەوتۆتەوە.

لەم ماوەیەی دواییدا چەند جارێك بوومەلەرزە لە سنورەكانی پارێزگای سلێمانی ڕویاندا، لە هەندێك جاریشدا ئەو ڕووداوە سروشتییە زیانی ماددی گەورەی بە هاوڵاتیان گەیاند، بەتایبەتی بوومەلەرزەكەی مانگی 11ی ساڵی ڕابردوو.

ژینگە

10 دۆنم پوش و ئاوان لە سنوری پیرەمەگرون سوتان

خەڵك- بەشی هەواڵ

لە سنوری ناحیەی پیرەمەگروون بەهۆی ڕوداوی ئاگركەوتنەوە نزیكەی ( ١٠ ) دۆنم لە پوش و پاوان سووتا.

پۆلیسی دارستان و ژینگەی سلێمانی لە ڕاگەیەندراوێكدا ئاماژەی بەوەكرد، بە هۆكارێكی نادیار ئاگرێكی بەرفراوان لە سنوری گوندی ( گەبە )ی سەربە ناحیەی پیرەمەگروون كەوتەوە و بووە هۆی سووتانی نزیكەی ( ١٠ ) دۆنم لە پوش و پاوانی سنورەكە ، لەگەڵ بیستنی هەواڵەكە دەستبەجێ مەفرەزەیەكی بنكەی پۆلیسی دارستانی پیرەمەگروون گەیشتنە شوێنی مەبەست ودوای هەوڵ و ماندوبوونی كارمەندانی بنكەی پۆلیسی دارستانی پیرەمەگروون توانرا ئاگرەكە بكوژێنەوەو كۆنتڕۆڵی بكەن”.

هەر لە ڕاگەیەندراوەكەدا هاتووە”هۆكاری ئاگر كەوتنەوەكە نادیارەو لێكۆلێنەوەو بەدواداچوون بەردەوام”.

بەردەوام بە لە خوێندنەوە

ژینگە

چوار هاووڵاتی بەهۆكاری بیرلێدان دەستگیركران

خەڵك- بەشی هەواڵ

پۆلیسی دارستان و ژینگەی سلێمانی چوار كەسی دەستگیركرد بەهۆی لێدانی بیری نایاساییەوە.

پۆلیسی دارستان و ژینگەی سلێمانی لە ڕاگەیەندراوێكدا نوسیویەتی”لەئەنجامی دوو دەرچونی مەفرەزەكانی بنكەی (هەواری شارو بەكرەجۆ) بۆ گوندی مەلا داودو گەڕەكی قڕگە لە ناو شاری سلێمانی توانیان (4) هاووڵاتی دەستگیربكەن بەهۆكاری بیرهەڵكەندن و هاوكات دەستیان گرت بەسەر (2) جیهازی بیرلێداندا .”

هەر لە ڕاگەیەندراوەكەدا هاتووە”پەڕاوی لێكۆڵینەوە ڕێكخراوەو ڕادەستی بەڕێز دادوەر كراوە بۆ وەرگرتنی ڕێكاری یاسایی.”

بەردەوام بە لە خوێندنەوە

ژینگە

كەشناسی هەرێم: سبەینێ باران دەبارێت

خەڵك-بەشی هەواڵ

بەڕێوەبەرایەتی گشتی كەشناسی و بومەلەرزەزانی هەرێم كەشوهەوای ئەمڕۆ و سبەینێی بڵاوكردەوە.

بەپێی پێشبینییەكانی كەشناسی هەرێم، ئەمڕۆ شەممە بەرزترین پلەی گەرما لە هەولێر 37 پلە و لە سلێمانی 33 پلە و لە دهۆك 36 پلەو لە كەركوكیش 38 پلە دەبێت ‌و لە سەرجەم شارەكانی هەرێمی كوردستانیش ئاسمانێكی نیمچە هەوری دەبێت.

هەر بەپێی پێشبینییەكانی كەشناسی، سبەینێ یەك شەممە بەرزترین پلەی گەرما لە هەولێر 39 پلە و لە سلێمانی 35 پلەو لە دهۆك 38 پلە و لە كەركوكیش 40 پلە دەبێت و لە سەرجەم شارەكانی هەرێمی كوردستانیش ئاسمانێكی نیمچە هەوری دەبێت و لە شارەكانی هەولێر و دهۆكیش ئەگەری باران بارین لە ناوچە شاخاوییەكان لە ئارادایە.

بەردەوام بە لە خوێندنەوە

کوردستان