ئێمە لە تۆرە کۆمەڵایەتیەکان

کوردستان

پەڕلەمانتارێكی گۆڕان: ناكۆكی قوڵ لە نێو گۆڕاندا هەیە

خەڵك- بەشی هەواڵ
ئەندامێكی فڕاكسیۆنی گۆڕان لە پەڕلەمانی عیراق ڕایگەیاند، ناكۆكی قوڵ لە نێوان دوو پێكهاتەی گۆڕاندا هەیە و بزوتنەوەكەش لە دوای كۆچی دوایی نەوشیروان مستەفاوە، شێواوە و لە بەرنامە و پرانسیپەكانی دووركەوتۆتەوە.

كاوە محەمەد، لە فەیسبوكی خۆی لە ساڵیادی كۆچی دوایی نەوشیروان مستەفادا وتارێكی نوسیووە لە ژێر ناونیشانی “سۆز و سیاسەت، بۆ ساڵیادی نەوشیروان مستەفا” باسی لەوەكردووە، لەدوای كۆچی دوایی نەوشیروان مستەفاوە، دۆخی ناوخۆیی بزووتنەوەی گۆڕان شێواوە و دووركەوتنەوەیەكی بەرچاو لەبەرنامە و پرەنسیپەكانی بەدیدەكرێت “كەمینەیەكی بڕیاربەدەستی ڕێكخراو لەگەڵ زۆرینەیەكی پەرشوبڵاوی ناڕازی، لەسەر ئاڕاستەی بزووتنەوەكە و چۆنیەتی بەڕێوەبردنی، ناكۆكی قووڵ لەنێواندایە”.

كاوە محەمەد ئاماژەی بە دۆخی ئێستای بزوتنەوەی گۆڕان كردووە و وتویەتی، “لەسەروبەندی دووەمین ساڵیادی نەوشیروان مستەفادا ئەو ناكۆكییانە، كە لەهەموو كاتێك توندتر بوون، بەشێوەیەكی بەرفراوان تێكەڵ بەو ھەست و سۆزە هەڵچووەدا كراون، كە بۆ یادكردنەوەی نەوشیروان مستەفا ناخی تەواوی گۆڕانخوازانی داگرتووە”.

ئەو پەڕلەمانتارەی گۆڕان ڕەتیكردووەتەوە كێشەكانی گۆڕان بە ئاشتبوونەوەی كەسی و فرمێسك هەڵڕشتنی هاوبەش بۆ نەوشیروان مستەفا چارەسەر بكرێن، “بێگومان زۆربەشیان لەپەرۆشییان بۆ گۆڕان و گەڕانەوە بۆ مەجدەكانی سەردەمی ئەو سیاسییە كاریزمیە، ڕوو لەلایەنە ناكۆكەكانی بزووتنەوەكە دەكەن، كە لەبەر خاتری ڕۆحی كاك نەوشیروان و لەسەر گۆڕەكەی دەست لەناو دەستی یەكتر بنێن و كۆتایی بە كێشەكانتان بھێنن. لەكاتێكدا، كە ئەوەی لەناو بزووتنەوەكە لە ئارادایە، كێشەی گەورە و بونیادین، نەك كێشەی شەخسی و عەشایەری، كە بە دەست خستنە ناو دەستی یەكتر و باوەش بەیەكترداكردن چارەسەربكرێت. ھەر خۆی ئەمە پێچەوانەی بیركردنەوە و شێوازی كاركردنی نەوشیروان مستەفا خۆیەتی لەژیانی سیاسییدا”.

جیهان

میرەر: منداڵانی كورد لە ئاگری چەكە قەدەغەكراوەكانی توركدا دەناڵێنن

خەڵك – بەشی هەواڵ
رۆژنامەی میرەری بەریتانی، لە ڕاپۆرتێكدا، ئاماژە بە بەكارهێنانی چەكی قەدەغەكراو لە رۆژئاوای كوردستان دەكات و دەڵێت، منداڵانی كورد لە ئاگری چەكە قەدەغەكراو و كیماییەكانی توركدا هاوار دەكەن.

 

رۆژنامەكە، لە پێگەی ئەلیكترۆنیان چەند تۆمارێكی ڤیدیۆیی و وێنەی ئەو منداڵانەی داناوە، كە لە بەركارهێنانی چەكی فسفۆردا لە ڕۆژئاوای كوردستان سووتاون.


رۆژنامەكە ناڵەو هاواری منداڵێكی بە ناوی (محەمەد) داناوە كە تكا لە باوكی دەكات و دەڵێت ” باوكە ئەو سووتانە ڕابگرە”.

لە پەلامار و لەشكركێشییەكانی سوپای تورك بۆ سەر رۆژئاوای كوردستان و لە سەروەختی ڕاگەیاندنی ئاگر بەست، سوپای تورك بۆمبی هێشووی فسفۆری دژ بە هاوڵاتیانی رۆژئاوای كوردستان بەكارهێنا، كە یەكێك لە چەكە ڕێپێنەدرا و قەدەغە كراوەكانە.

بەردەوام بە لە خوێندنەوە

کوردستان

بەرپرسێكی یەكێتی كۆچی دوای كرد

خەڵك- بەشی هەواڵ

بەیانی ئەمڕۆ یەكشەممە 20-10-2019 سەڵاح ڕەنجبەر، یەكێك لە كادیرە دیارەكانی یەكێتی كۆچی دوای كرد.

میدیاكانی یەكێتی بڵاویانكردەوە، ناوبراو چەند مانگێكە توشی نەخۆشی بووە و بەوهۆیەوە ئەمڕۆ كۆچیی دوای كردووە.

سەڵاح رەنجدەر ناوی تەواوی (سەڵاح ئیسماعیل)ە و تەمەنی 58 ساڵە و پێشتر بەرپرسی كۆمیتەی چەمچەماڵی یەكێتی بووە.

بەردەوام بە لە خوێندنەوە

کوردستان

وۆڵ ستریت جۆرناڵ: توركیا و كوردەكان یەكتر بە جێبەجێ‌ نەكردنی ڕێككەوتن تۆمەتبار دەكەن

خەڵك- بەشی هەواڵ

ڕۆژی 17ی ئەم مانگە شاندێكی ئەمریكا بە سەرۆكایەتی مایك پێنس، جێگری سەرۆكی ئەمریكا گەیشتە توركیا و ڕێككەوتن واژۆ كرا بۆ ڕاگرتنی شەڕ، بەڵام تائێستا جێبەجێ‌ نەكراوە و شەڕ بەردەوامە.

ماڵپەڕی”وۆڵ ستریت جۆرناڵ” بڵاوی كردەوە، هەریەك لە هێزەكانی توركیا و چەكدارانی كورد یەكتر بە پێشێلكردنی ڕێككەوتنەكە تۆمار دەكەن.

ڕۆژی 9ی ئەم مانگە توركیا هێرشی سەربازی بۆ سەر ناوچەكانی ڕۆژئاوای كوردستان دەستیپێكرد و تائێستا شەڕ بەردەوامە و بەهۆیەوە نزیكەی 300 هەزار هاووڵاتی ئاوارەبوون و سەدان كەسیش كوژران و هەزارانی كەسی دیكەش برینداربوون.

بەردەوام بە لە خوێندنەوە

کوردستان