ئێمە لە تۆرە کۆمەڵایەتیەکان

ئۆتۆمبێل و تەکنەلۆژیا

چۆن لەڕێگەی مۆبایل و کۆمپیوتەر دەچیتە ناو مۆبایل یان کۆمپیوتەرێکی دیکەوە

خەڵک

زۆرجار لەسەر کۆمپیوتەر یان مۆبایلەکانمان کێشەیەک یان پێویستیەک دێتە پێش کە لای خۆمانەوە چارەسەر نابێت و پێویست دەکات بخرێتە بەردەم یەکێکی دیکە بۆ چارەسەر کردنی بەڵام مەرج نیە ئەو کەسە لای خۆمان بێت، یان لەگەشتێک دایت و یەکێک لە هاوڕێیانت داوای هاوکاری دەکات بۆ ئەو کێشەیەی هەیەتی لەسەر مۆبایل یان کۆمپیوتەرەکەی بەڵام تۆ لێی دوریت و هەمیش خۆی ناتوانێ چارەسەری بکات. لەم حاڵەتانەدا بەهۆی ئەو بەرنامانەی کە توانای دەستگەیشتن بە مۆبایل و کۆمپیوتەرە دوورەکانت پێدەدەن، دەتوانی ئەو کێشەیە چارەسەر بکەی.
لەم بابەتەدا، ڕوونکراوەتەوە چۆن لەڕێگەی مۆبایل یان کۆمپیوتەرەکەت دەتوانی بچیتە ناو مۆبایل یان کۆمپیوتەرێکی دیکە کە لەشوێنێکی دوورە، لەڕێگەی بەرنامەی TeamViewer.

Team Viewer: بەرنامەیەکە لەڕێگەیەوە بەمۆبایل یان کۆمپیوتەر دەتوانی بچیتە ناو مۆبایل یان کۆمپیوتەرێکی دیکە کە لە شوێنێکی دوورە ،دوای ڕێگەپێدران.

١- چۆن لەڕێگەی کۆمپیوتەر دەچیتە ناو کۆمپیوتەرێکی تر
لەسەر هەردوو کۆمپیوتەرکان بەرنامەکە دابگرە لەڕێگەی ئەم بەستەرە>TeamViewer<  ئینجا دایان بمەزرێنە سەر کۆمپیوتەرەکان.

وەک لە وێنەکە دیارە، دوو بەش هەیە لەلاپەڕەی سەرەکی بەرنامەکە، ژمارە یەک: پێناس(ID) و ژمارەی نهێنی کۆمپیوتەرەکەیە بەرنامەکە بۆتی دروست کردووە، پێویستە کەسی بەرامبەر هەردووکی لەلا بێت بۆ ئەوەی بتوانێت بێتە ناو کۆمپیوتەرەکەوە. دووەم: لەڕێگەیەوە دەتوانی بچیتە ناو کۆمپیوتەر یان مۆبایلی کەسی بەرامبەر، ئەویش دوای نوسینی پێناس(ID) و دواتر ژمارەی نهێنی لەبۆشاییەکە گەر کۆمپیوتەر بوو، بەڵام بۆ مۆبایل تەنها پێناس (ID) دەوێت.
ئێستا پێناس(ID) ی کۆمپیوتەری بەرامبەر لە Partner ID بنوسە Connect لێ بدە، دواتر داوای ژمارەی نهێنی دەکات ئەویش بنوسە و چاوەڕێبە تاکوو پەیوەست دەبی دەچیتە ناو کۆمپیوتەری بەرامبەرەوە.

٢- چۆن لە ڕێگەی کۆمپیوتەر دەچیتە ناو مۆبایلێک:
بەهەمان شێوەی بەشی سەرەوە پێویستە بەرنامەکە دابگریە سەر کۆمپیوتەر لە ڕێگەی ئەو بەستەرەوە >TeamViewer< ئینجا لەسەر مۆبایلەکە بەرنامەکە دابگرە بەپێی سیستمی کارپێکەری مۆبایلەکە:
بەرنامەکە بۆ مۆبایل ناوی (Team Viewer Quick support)ە ، گەر ئەندرۆیدە لەڕێگەی ئەم بەستەرە>Android< یان گەر ئایفۆن و ئایپادە >IOS<  یان ئەگەر ویندۆزفۆنە >WindowsPhone< بەرنامەکە دابمەزرێنە سەر مۆبایەلەکەت و بەرنامەکە بکەوە.
ت٢ وەک لەوێنەکە دیارە، بەرنامەکە پێناسێک (ID) پێدەدات، ئەم ژمارەیە لەسەر کۆمپیوتەر و لەبەشی Partner ID بنوسە و Connect لێبدە، ئینجا چاوەڕێبە تاکوو پەیوەستی مۆبایلەکە دەبێت و گەر ئاگادار کرایەوە ڕێگەپێدان Allow لێ بدە بۆئەوەی کۆمپیوتەرەکە بتوانێت بچێتە ناو مۆبایلەکە و پەیوەستی بێت.
تێبینی: لەسەر مۆبایلەکان TeamViewer Quicksupport بەتەنها کارناکات، بەڵکوو پێوەکراوێکیش (Add-on) پێویستە، کە ئەویش دوای داگرتنی بەرنامەکە یان کاتی پەیوەست بوون بە کۆمپیوتەر و مۆبایلێک داوات لێدەکرێت دایبگری بۆسەر مۆبایلەکەت.

٣- چۆن لەڕێگەی مۆبایلێکەوە دەچیتە ناو مۆبایلێکی تر
وایدانێ دەتەوێ بچیتە ناو مۆبایلی هاوڕێکەتەو لای خۆتەوە، بۆئەوەی بتوانی:
یەکەم: پێویستە مۆبایلی هاوڕێکەت بەرنامەی TeamViewer Quicksupport لەسەر بێت (پێشتر باسکراوە).
دووەم: لەسەر مۆبایلەکەی خۆت بەرنامەی teamviewer: Remote Control هەبێت. گەر مۆبایلەکەت ئەندرۆیدە دەتوانی لە >Android< دایبگری، یان گەر ئایفۆن و ئایپادە لێرە >IOS< یان گەر ویندۆزفۆنە>Windows< دایبگرە، پاشان بەرنامەکە بکەوە

دوای دامەزراندی بەرنامەکە لەسەر مۆبایلەکەت بەوشێوەی سەرەوە پیشان دەدرێت، ئێستا پێناسی (ID) مۆبایلەکەی تر وەربگرە کەدەتەوێ بچیتە ناویەوە ، دواتر وەک لەوێنەکەی سەرەوە دیارە لای خۆت لەبەشی Partner ID بینوسە و Remote Control لێ بدە، ئینجا چاوەڕێکە تاوەکوو پەیوەستی مۆبایلەکەی دەبێت و داوا لەهاوڕێکەت بکە کە بژاردەی ڕێگەپێدان (Allow) لێ بدات، دوای ڕێگە پێدان دەچیتە ناو مۆبایلەکەی و دەتوانی کاری پێویست ئەنجام بدەی.

٤- چۆن لەڕێگەی مۆبایل دەچیتە ناو کۆمپیوتەرێکەوە
بۆئەوەی بتوانی لەڕێگەی مۆبایلەوە بچیتە ناو کۆمپیوتەرێکەوە پێویستە بەرنامەی TeamViewer لەسەر کۆمپیوتەرەکە هەبێت و لەسەر مۆبایلەکەش بەرنامەی teamviewer: Remote Control هەبێت، کە لە هەنگاوەکانی پێشتر باسکراون و بەستەری تایبەتیش دانراوە تاکوو بەرنامەکەی لێوە دابگری.
ئێستا لەسەر کۆمپوتەرەکە بەرنامەکە بکەوە، پێناس(ID) و وشی نهێنی وەربگرە، پاشان لەسەر مۆبایلەکەش بەرنامەی
teamviewer: Remote Control بکەوە لەوێ پێناس(ID) کۆمپیوتەرەکە بنوسە و Remote Control لێ بدە، دوای کەمێک داوای وشەی نهێنی دەکات ئەویش لە بۆشاییەکە بنوسە، پاشان کەمێک چاوەڕوانبە دواتر دەچیتە ناو کۆمپیوتەرەکەوە.

سەرچاوە: تێک ئای.

ئۆتۆمبێل و تەکنەلۆژیا

لەمەودوا بە سێڵفی دەتوانیت بزانیت کەسێک درۆ دەکات

خەڵک-

توێژەرانی کەنەدی بەرنامەیەکی پێشکەوتوویان بەرهەمهێناوە کە تەنها و لە ماوەی دوو دەقەدا لە ڕێی ڤیدیۆیەکی سێڵفییەوە ڕادەی درۆکردن و ڕاستی قسەی کەسەکان ئاشکرا دەکات لە ڕێی لێدانی دڵەوە.

ئەنجامی توێژینەوەکە لە نێوان زانکۆکانی تۆرنتۆ و زانکۆی هانگشتووی چینییە، ئەپەکە ناوی Anura یە لە ڕێگەی وێنەی دیجیتاڵییەوە زانیارییەکان وەردەگرێت کە ناودەبرێت بە “transdermal optical imaging”.

هەتاوەکوو ئێستا توێژینەوە لەسەر زیاد لە ١٣٠٠ کراوە کە نەدی و چینین و کەسانی پێگەشتوون و لە ڕێی تۆمارکردنی ڤیدیۆیەکی دوو خولەکییەوە، ئەنجامی پشکنینەکە بە ڕێژەی سەدا ٩٥ بۆ ٩٦ نزیکە لە ئەنجامی ڕاستی ئامێرەکانەوە نزیکە و لە ماڵپەری زانکۆ کەنەدییەکە توێژینەوەکە بڵاوکراوەتەوە.

ئەپەکە بەردەست دەکرێت بۆ سیستەمەکانی iOS و Android لە ناوەڕۆکی ئەپەکەدا کڕین بە پارە هەبێت تاوەکوو سوودی تەواو ببینت لە تایبەتەمەندییەکانی ئەپەکە.

بەردەوام بە لە خوێندنەوە

ئۆتۆمبێل و تەکنەلۆژیا

لە نوێترین وەشانی پەبجیدا کۆپتەر بەدیار دەکەوێت

خەڵک-

پلەیر ئەنناونز بەتڵگراوندز (کورت دەکرێتەوە بۆ پەبجی) یارییەکی بڵاوی سەر ھێڵی ئینتەرنێتە لەلایەن کۆمپانیای تێنسێنتەوە، کە کۆمپانیایەکی سەر بە کۆمپانیای بلو ھۆڵی کۆرییە، پەرەی پێ دەدرێت و بڵاو دەکرێتەوە. یارییەکە لە ئاداری ٢٠١٧دە بڵاوکرایەوە لەسەر ئامێری ویندۆز و ئێکس بۆکس. دواتر بۆ ھەردوو سیستەمی ئای ئۆ ئێس و ئەندرۆید دروستکرا لە سەرەتای ساڵی ٢٠١٨.

لە نوێترین وەشانی یارییەکەدا کۆپتەر بەدیار دەکەوێتە کە لەڕێی سندوقێکی هاوشێوەی درۆپ و فلێر گەنەوە بۆت دەکرێتەوە کە سندووقەکە هاوکات هەڵگری چەکی ئار بی جی دەبێت کە یاریزانەکان دەتوانن لە ناو یارییەکەدا بەکاری بهێنن و یاخوود چەکی تایبەتی کۆپتەرەکان بەکاربهێنن.

زانیاری زۆر لە بەردەستدا نییە لە بارەی ئەو دۆخەی کە کۆپتەرەکان بۆ زیاد دەکرێت یاخوود یاریزانەکان بتوانن بە دەستی بهێنن و ئەگەری هەیە دۆخێکی تایبەتی بۆ درووست بکرێت و یاریزانان لەوێدا بتوانن یاری پێ بکەن.

ڤیدیۆی تایبەت لە بارەی وەشانە نوێکەی یارییەکەوە:

بەردەوام بە لە خوێندنەوە

ئۆتۆمبێل و تەکنەلۆژیا

وادەی فرۆشتنی تابلۆی ژمارە (1-9)ی هەڵەبجە ئاشكراكرا

خەڵ- بەشی هەواڵ

جێگری پارێزگاری هـەڵەبجە وادەی فرۆشتن بەشێوەی زیادكردنی ئاشكرای تابلۆ تایبـەتییەكانی عیراق ـ هەڵەبجە ئاشكرادەكات.

كاوە شێخ عەلی جێگری پارێزگاری هەڵەبجە ئاشكرایكرد، ئـــەمڕۆ چوار شــەمم 21/8/2019 لیژنەی باڵای فرۆشتنی ژمارە نایابەكانی تابلۆی ئۆتۆمبێلەكانی پارێزگای هەڵەبجە ڕۆژی فرۆشتنی بەشێوەی ئاشكرا بۆچەند ژمارەیەك دیاریكرد.

جێگری پارێزگاری هەڵەبجە ڕوونیشیكردەوە، لەكۆبوونەوەی ئەمڕۆدا، كە بەئامادەبوونی سەرجەم ئەندامانی لیژنە و نوێنەری داواكاری گشتی وەك چاودێر بڕیاردرا ڕۆژی 16/9/2019 تابلــۆكانی ژمارە (1- 9) بخرێتە زیادكردنی ئاشــكراو سەرجەم ڕێكارەكان بگیرێتەبەر بەمەبەستی فرۆشتنیان بەپێی یاسای ژمارە 32ی ساڵی 1986 و بانگەواز لە 25/8/2019 تا ڕۆژی 15/9/2019 دەبێت.

بەردەوام بە لە خوێندنەوە

کوردستان