ئێمە لە تۆرە کۆمەڵایەتیەکان

ئابوری

یەكێتی مامۆستایان داوای پاشەكەوتی مووچە دەكاتەوە

خەڵك-ئارام سەردار
بەبۆنەی ساڵایادی دامەزراندنیەوە، كە 57 ساڵ تێپەڕدەبێت بەسەر دامەزرانیدا، لە بەیاننامەیەكدا یەكێتی مامۆستایانی كوردستان چەند داوكاریەك دەخاتەڕوو بۆ حكومەتی هەرێمی كوردستان.

مامۆستا عەبدولواحد محەمەد، سەرۆكی یەكێتی مامۆستایانی كوردستان لەكۆنفڕانسێكی ڕۆژنامەوانیدا ڕایگەیاند، یەكێتی مامۆستایانی كوردستان لە (15)ی ئایاردا، پەنجا و حەوتەمین ساڵیادی دامەزراندنی خۆی دەكاتەوە، لەو ماوەیەدا بێ سڵەمینەوە لە دووانەی خەباتدا بەردەوام بووە، لە پەروەردەیی و گۆشكردنی نەوەكان خەباتی نەتەوەیی و نیشتمانی، زیاتر لە (450) شەهیدی بەخشیوە، لە پێنج ساڵی ڕابردووشدا لەگەرمەی قەیران و ڕووداو و پێشهاتەكان، بە پشوو درێژی و بە ئەمانەتەوە مامەڵەی لەگەڵ پەروەردە و فێركردن و ماف و ئیمتیازاتەكانی مامۆستایان كردووە، لەهەموو دەرگایەكیشی داوە هەموو ڕێگاكانیشی تاقی كردۆتەوە بۆ بەرجەستەكردنی ئامانجە ڕەواكان.

وتیشی، “یەكێتیەكەیان لای ساغبۆتەوە هەموو گۆڕانكاریەكی باش لە پەروەردەوە سەرچاوە دەگرێت لەوە بترازێت ئامانجەكان وەكو پێویست نابێت و بارگاوی بە كۆمەڵێك كەموكوڕیەوە دەبێت، بێگومان داواكاریەكانیش لە پەڕلەمان و حكومەتی هەرێمی كوردستانە، كە دەبێت پڕۆسەی پەروەردە و خوێندنی باڵا لە ئەولەویەتی بەرنامەی كاری حكومەتدا بێت، بودجەی پێویست و شایستە تەرخان بكات، بۆ ئەوەی باڵەخانەی مودێرن دروست بكرێت، تەكنیكی تازە بەكاربهێنرێت، مامۆستایان ڕاهێنان و شارەزایی باشیان بۆ فەراهەم بكرێت، دامەزراندن بەپێی پسپۆری بڕەخسێنرێت و مامۆستایانی گرێبەستیش بەپێی خزمەتیان بكرێنە فەرمی و خزمەتی وانەبێژانیش لەبەرچاو بگیرێت”.

هەروەها داواش دەكەن، بەزوترین كات پڕۆژەی چاكسازی لە پەڕلەمانی كوردستان بكرێتە یاسا و بڕیاری لێبدرێت هەروەها پڕۆژەی پارێزبەندی مامۆستایانیش پەسند بكرێت و بخرێتە بواری جێبەجێكردنەوە، گرنگی زیاتر بە پەروەردە و فێركردن و خوێندنی باڵا لەناوچە دابڕێنراوەكان بدرێت، كە لە ئێستادا بە ئاشكرا جۆرێك لە خاوبوونەوەی پێوە دیارە، چ ئەوەی پەیوەستە بەمافی مامۆستایان چ ئەوەی پەیوەستە بە دابینكردنی پێداویستیەكان.

یەكێتی مامۆستایان جەختیش دەكاتەوە، لەوەی چارەنووسی مووچە پاشەكەوتكراوەكان دیاری بكرێت و هەژماری بانكی بۆ مامۆستایان و فەرمانبەران بكرێتەوە، بۆشیان هەبێت بەپێی ڕێنمایی لە دانەوەی قەرز و پێشینە و جۆرەكانی سودی لێوەربگرێت، یاسای خانەشینی لە هەرێمی كوردستان لەگەڵ حكومەتی فیدڕال هاوتا بكرێت، كە لە ڕاستیدا جیاوازیەكی زۆر لەنێوان ئەو دوو یاسایە هەیە و غەدرێكی گەورە لە مامۆستایانی خانەنشینی هەرێم دەكرێت، لەهەمان كاتیشدا زەوی نیشتەجێبوون بەسەر ئەو مامۆستایانە دابەش بكرێت، كە هەتا ئێستا سودمەند نەبوون، لە كاتێكدا بۆ نزیكەی (15) ساڵ دەچێت ڕاگیراوە.

لەكۆتایشدا یەكێتیەكە داوا دەكات بە خەرجكردنی ڕاستكردنەوەی مووچەی مامۆستایانی سنوری هەولێر و دهۆك و مامۆستایانی خوێندنی كوردی لە كەركوك، كە كاتی خۆی بڕیاری لێدراوە و بڕەكەشی دیاری كراوە.

 

ئابوری

بەرپرسێكی گۆڕان: كۆمپانیا تێكەڵەكان سەرچاوەی قەیرانەكانی نەوت و غاز و كارەبان

خەڵك- بەشی هەواڵ

نەوتی سپی دابەشنەكراوە و قەیرانی كەمبوونەوەی غازش بەردەوامە، كارەباش ڕۆژانە كەمترە لە 10 كاتژمێر، بەرپرسێكی گۆڕانیش دەڵێت”كۆمپانیای تێكەڵی چەند بەرپرسێكی یەكێتی و پارتی بازاڕیان قۆرغكردووە”.

كەریم عەلی، سەرۆكی لیژنەی نەوت و وزە لە ئەنجومەنی پارێزگای سلێمانی بە (خەڵك)ی ڕاگەیاند، ئەوەی دەوترێت كۆمپانیای یەكێتی و كۆمپانیای پارتی ڕاست نییە، بەڵكو كۆمپانیای تایبەتی كەسانی دەستڕۆیشتووی ناو یەكێتی و پارتی هەن.

وتیشی”ئێستا كۆمپانیای تێكەڵ هەیە لەناو یەكێتی و پارتییدا و سەرۆكایەتییەكانیش بەشدارن و دەستیان بەسەر بازاڕدا گرتووە”.

سەبارەت بە چارەسەركردنی قەیرانەكانی نەوت، غاز و كارەباش ناوبراو وتی”تا حكومەتی هەرێم بەم جۆرە ئیدارە بكرێت، چاوەڕوانی چارەسەركردنی كێشەكان مەبن”.

سەرۆكی لیژنەی نەوت و وزە لە ئەنجومەنی پارێزگای سلێمانی ئاماژەی بەوەكرد، كۆمپانیای تێكەڵ لە نێوان چەند بەرپرسێكی یەكێتی و پارتییدا دروستكراون و بۆ بەرژەوەندی خۆیان ڕێگەنادەن قەیرانەكان چارەسەربن.

بەردەوام بە لە خوێندنەوە

ئابوری

وتەبێژی حكومەتی هەرێم: كێشە بۆ مووچە نەهاتووەتەپێش

خەڵك- بەشی هەواڵ

وتەبێژی فەرمی حكوومەتی هەرێمی كوردستان رایگەیاند، كێشەیەك لە ناردنی مووچەی فەرمانبەران لە لایەن بەغداوە نییە، هەرچەندە مووچە لەكاتی خۆیدا دابەشناكرێت.

جووتیار عادل، وتەبێژی فەرمیی حكوومەتی لە كۆنگرەیەكی ڕۆژنامەنوسیدا ئاماژەی بەوەكرد، دابەشكردنی مووچەی فەرمانبەران بەشێوەی ئاسایی دەڕوات و كێشەی بۆ نەهاتووەتەپێش.

وتیشی”مووچە مافی فەرمانبەرانە و هاوكاری حكومەت نییە، كاری لەپێشینەی حكومەتیش دابەشكردنی مووچەیە”.

قسەكانی جوتیار عادل لەكاتێكدایە كە مووچەی فەرمانبەران مانگانە لەكاتی خۆیدا دابەشناكرێت و ئەگەر پارەكەی بەغداش ڕەوانە نەكرێت، حكومەتی هەرێم ناتوانێت مووچە دابەشبكات.

بەردەوام بە لە خوێندنەوە

ئابوری

ئەمڕۆ مووچەی تەنها یەك وەزارەت دابەش دەكرێت

خەڵك- بەشی هەواڵ

وەزارەتی دارایی و ئابووری حكومەتی هەرێم دابەشكردنی مووچەی مانگی 11ی ساڵی ڕابردووی وەزارەتی دادی ڕاگەیاند و ئەمڕۆ دابەش دەكرێت.

بەپێی خشتەیەك كە لە وەزارەتی دارایی و ئابورییەوە بڵاوكراوەتەوە ئەمڕۆ مووچەی وەزارەتی داد دابەش دەكرێت.

بەپێی زانیارییەكان تائێستا پارەكەی بەغدا ڕەوانە نەكراوە و بەهۆیەوە دابەشكردنی مووچەی فەرمانبەران دواكەوتووە.

نیوەی مانگی 2ی 2020 تێپەڕیوە و تا ئێستا مووچەی مانگی 11ی ساڵی ڕابردووی فەرمانبەران بە تەواوی دابەش نەكراوە.

بەردەوام بە لە خوێندنەوە

کوردستان