ئێمە لە تۆرە کۆمەڵایەتیەکان

جیهان

“لێپرسراوانی ئێران هەمان سیناریۆی سەدام دووبارە دەكەنەوە “

خەڵك – بەشی هەواڵ

ڕۆژنامەوانێك ڕادەگەیەنێت، لێپرسراوانی ئێران دەردەكەی سەدامیان گرتووەتەوە و هەمان سیناریۆ دووبارە دەكەنەوە.

لوقمان غەفوور ڕۆژنامەوان ڕایدەگەیەنێت:” كاتێك سەدام، وڵاتی كوەیتی لەساڵی ١٩٩٠ داگیركرد، ھیچ بەھانەیەك نەمابوو بۆ لێدانی عیراق. لەوكاتەدا ئەمریكا داوای لەسەدام دەكرد كە بكشێتەوە، بەھەمان شێوە ڕۆژانە پەیتا پەیتا ڕۆژنامەنووسی بیانی و دیپلۆماتی وڵاتان سەدامیان وەك پاڵەوان نیشان دەدات كە بەشێك لە وڵاتی ئیسرائیل و ھێزەكانی ئەمریكا لە كەنداو ئەسوتێنێت”.

ئەو ڕۆژنامەوانە ئاماژەی بەوەشدەدات:”سەدام ئەوكات بیری چووبووەوە كە ئەمریكا شارۆچكەی “فاو”ی بەچەكی لەیزەر بۆ گرتەوە، بەشێك لەسەربازە عیراقییەكان لە ناوەڕاستی ھەشتاو ھەشتدا ئیعترافیان كرد، كە كەس نەیزانی چۆن چونەتەوە فاو. كە گەیشتینە فاو جەستەی سەربازە ئیرانییەكان بووبوون بە خەڵوز”.

لوقمان غەفوور دەڵێت:”ئێستاش ئێران ھەمان دەردی تووشبووە، جگە لە ئەمریكا، ھەریەك لە ئیسرائیل، بەریتانیا و فەڕەنسا و سعودیە، ئیمارات، قەتەڕ، بە ڕوونی دژی ئێرانن. ئێران وەك تەنێكی پەڕ و باڵكراو و نامۆی لێھاتووە لەناوچەكە. تەنانەت تا ئەو دۆخی جەنگی دەروونی و ئابوورییە درێژە بكێشێت، كێرڤی داتەپینی زیاتر لە وڵاتەكەیدا بەرزدەبێتەوە. مانەوەی دۆخی لەشكركێشی ئەمریكا بۆ كەندا و جەنگی دەروونی لەگەڵ ئێران، ڕۆژ بەڕۆژ زیانی زیاتر ئەكات بەبەرۆكی ئێراندا. بەپێچەوانەوە لەھێرشكردنە سەر ئێراندا، ئەو وەك كەبشی فیدا و قوربانی خۆی دەبینێتەوە كە غەدری لێدەكرێت، بەڵام دۆخی ئێستا داڕزانی زیاتری ئابووری و گوشەگیری زیاتر بەدوای خۆیدا دەھێنێت. چونكە دوور نییە ئیتر ڕۆژ لەدوای ڕۆژ مەلەفی نوێ بۆ ئێران نەكەنەوە”.

ئەو ڕۆژنامەوانە زیاتر ڕوونیدەكاتەوە و دەڵێت:”ڕووداوە نوێیەكەی ئەم دواییەی فوجەیرە كە چوار گەشتی بارھەڵگری نەوت كە دووانیان سعودین و دووانەكەی تر ئیماراتین، تووشی كاری تێكدەرانە بوونەتەوە. بێئەوەی تائێستا كەس بەرپرسیارێتی بگرێتەئەستۆ، دەستپێكی كردنەوەی مەلەفی نوێیە بۆ ئێران. دەشێت لەمەودوا ھەرچییەك لەكەنداو ڕووبدات بخرێتە سەر شانوملی ئێران”.

ڕاشیدەگەیەنێت، ئيمارات و عوممان و سعودیە و قەتەڕ داوای لێكۆڵینەوە دەكەن. لەكاتێكدا ئیمارات تا ٢٤ كاتژمێر لە ڕووداوەكەش ئیعترافی بەبوونی ڕووداوەكە نەكرد و پێیوابوو ھیچ ڕووینەداوە. وەك وتم، دەشێت ڕووداوەكەی فوجەیرە مەلەفێكی نوێ بێت بۆ تۆمەتباركردنی ئێران لەكاتێكدا ئێران چەند كاتژمێرێك دوای ڕووداوەكە وەك لەزمان دەرچوون لەلایەن بەرپرسێكی باڵاوە وتی؛ “ئێمە وتمان ئاوەكانی كەنداو ئاسایشی تیا نەماوە!”.

بەبۆچوونی لوقمان غەفوور، ماوەیەكی تر وایلێدێت ئێران لەبری ھەڕەشەی داخستنی گەرووی ھورمز و ھەڕەشە لە ئەمریكا، ئەبێت بەرگری لەخۆی بكات لەسەر ئەو دۆسێیانەی لەسەری زیندوو دەكەنەوە لەكەنداوی فارس. وا لەئێران دەكەن نەك تەنیا جوڵەی بازرگانی، جوڵەی سەربازیشی لە كەنداو سڕدەكەن. لێپرسراوانی ئێران خۆیان لەو ڕاستییە ناشارنەوە كە بەھۆی ئەم فشارە نوێیەی ئەمریكاوە، دۆخی ئابووری ئێران لە كاتی جەنگی ئێران – عیراق خراپترە و ٥٠٪ی خەڵكی ئێران لەخوار ھێڵی ھەژارییەوەیە.

ئەو ڕۆژنامەوانە ئەوەش دەخاتەڕوو، وێرای ئەوەی بەندەری فوجەیرە كە گەورەترین بەندەری بازرگانییە، ناكەوێتە كەنداوی عەرەبییەوە بەڵكو دەكەوێتە سەر دەریای عوممان و لەڕێگەی گەرووی ھورمزەوە دەبەسترێتەوە بە كەنداوی عەرەبی.

جیهان

وەزیری دەرەوەی فەڕەنسا: داهاتووی لوبنان لە مەترسیدایە

خەڵك – بەشی هەواڵ

فەڕەنسا داوای سەپاندنی گوشاری نێودەوڵەتی بەهێزی كۆمەڵی نێودەوڵەتی دەكات لەپێناو پێكهێنانی حكومەتێكی نوێ لە لوبنان و ڕزگاركردنی ئەو وڵاتە لەو قەیرانە قوڵەی تێی كەوتووە.

ژان ئیف لۆدریان وەزیری دەرەوەی فەڕەنسا ڕایگەیاند، هێزە سیاسییەكانی ئەو وڵاتە سەركەوتوو نەبوون لەگەیشتنە ڕێككەوتن لەسەر پێكهێنانی حكومەتی نوێ و ئاماژەی بەوەكرد گوشاركردنی بەهێز بووەتە پێویستییەك لەپێناو هاندانی لێپرسراوانی لوبنان بۆ ڕێزگرتن لەپابەندی و بەڵێنەكان.

وەزیری دەرەوەی فەڕەنسا ئەوەشی خستەڕوو، داهاتووی لوبنان لە مەترسیدایە و بەبێ ئەنجامدانی چاكسازیی ئەوا یارمەتی دارایی نێودەوڵەتی بۆ ئەو وڵاتە دابین ناكرێت.

بەردەوام بە لە خوێندنەوە

جیهان

سعودیە، تەنیا 498 حاڵەتی تووشبوونی نوێ بە كۆرۆنا تۆماركرا

خەڵك- بەشی هەواڵ
وزارەتی تەندروستی سعودیە، تۆماركردنی 498 تووشبووی نوێ‌ بە ڤایرۆسی كۆرۆنا لە ماوەی 24 كاتژمێری ڕابردوودا لە شانشینی عەرەبی ڕادەگەیەنێت، ئەمەش بەراورد بەڕۆژانی پێشوو بە ژمارەیەكی كەمتر دادەنرێت.

ئەمڕۆ پێنج شەممە، وەزارەتی تەندروستی سعودیە لە بەیاننامەیەكدا ڕایگەیاند”لەماوەی 24 كاتژمێری ڕابردوودا 498 حاڵەتی توشبوونی نوێ‌ بە ڤایرۆسی كۆرۆنا‌ (كۆڤید-19) تۆماركرا”، ئەم ژمارەیەش بە دەستەواژەیەكی باش بۆ پاشەكشەكردنی ژمارەی تووشبوان لە وڵاتەكەدا كە بەڕێژەی 75% ڕووی لە كەمبوونەوە كردووە، دادەنرێت.

وەزارەتی تەندروستی سعودیە دەڵێت”لەماوەی 24 كاتژمێری ڕابردوو 30 حاڵەتی گیانلەدەستدان بەهۆی ڤایرۆسەكەوە تۆماركرا، بەمەش كۆی گشتی ژمارەی ئەوانەی بەهۆی كۆرۆناوە لە سعودیەوە گیانیانلەدەستداوە گەیشتە 4599 كەس، لەئێستاشدا كۆی گشتی ئەوانەی لە سعودیە دووچاری ڤایرۆسی كۆرۆنا بوون، بۆ 330798 حاڵەت بەرزبۆتەوە”.

هەر بەپێی بەیاننامەكەی وەزارەتی تەندروستی سعودیە، لەماوەی 24 كاتژمێری ڕابردوودا، 1007 كەس نەخۆشییەكەیان پەڕاندووە و چاكبوونەتەوە، بەمەش كۆی گشتی ژمارەی ئەوانەی چاكبوونەتەوە، گەیشتە 314793 كەس.

بەردەوام بە لە خوێندنەوە

جیهان

ترەمپ دەسەڵات رادەست ناكات

خەڵك- بەشی هەواڵ

دۆناڵد ترەمپ سەرۆكی ئەمریكا رەتیكردەوە لە حاڵی دۆڕاندنیدا لە هەڵبژاردنەكاندا بە ئاشتی دەسەڵات رادەستی ركابەرەكەی بكات.

ترەمپ وتویەتی پێویستە ئەوە ببینێت كە روو دەدات و گومانی دەربارەی وردی كارتەكانی دەنگدان لە رێگەی ئەلیكترۆنیەوە هەیە.

وتیشی: پێویستە ببینین كە چی روو دەدات گومانم هەیە لە كارتەكانی دەنگدان.

ترەمپ دەڵێت :لەكاتی فشاركردندا ناكرێت دەسەڵات رادەست بكرێت بەبێ كارتی دەنگدانی ئەلیكترۆنی و هەڵبژاردن دەبەمەوە بەبێ فراوانكردنی دەنگدان لە رێگەی پۆستەوە.

ئاماژەی بەوەشكرد خۆرزگاركردن لە كارتی دەنگدان دەبێتەهۆی راست و دروستی، بەراستی گواستنەوە نییە، بەردەوام دەبم، كارتەكانی دەنگدان لە دەرەوەی كۆنترۆڵن، ئێوە دەزانن باشترم لە هەموو كەسێكی تر دیموكراتییەكان باش ئەوە دەزانن.

پێشتریش ترەمپ رەتیكردبووەوە پابەند بێت بە ئنجامی هەڵبژاردنەكانەوە و پێویستە ببینێت.

چەند جارێك ترەمپ بابەتی فراوانكردنی چوارچێوەی دەنگدانی لە رێگەی پۆستەوە وروژاندووە كە دەبێتەهۆی ساختەكاری.

بەردەوام بە لە خوێندنەوە

کوردستان