ئێمە لە تۆرە کۆمەڵایەتیەکان

کوردستان

بەڕێوەبەرایەتی‌ گشتی‌ پەروەردەی‌ سلێمانی‌ بڕیارێك لە بەژرەوەندی خوێندكاران دەدات

خەڵك – بەشی هەواڵ

بەڕێوەبەرایەتی‌ گشتی‌ پەروەردەی‌ سلێمانی‌ بڕیاریدا سەرجەم تیانووسەكانی‌ تاقیكردنەوەكانی‌ پۆلە ناكۆتاییەكان بەر لە پێدانەوەی‌ ئەنجامەكان پیشانی‌ خوێندكاران بدرێنەوە.

بەڕێوەبەرایەتی‌ گشتی‌ پەروەردەی‌ سلێمانی‌ نووسراوی‌ ژمارە 9971ی‌ ئاڕاستەی‌ پەروەردەكانی‌ (ڕۆژئاوا، ڕۆژهەڵات، شارباژێڕ، شارەزوور، قەرەداغ، سەیدسادق، دوكان، چەمچەماڵ‌، دەربەندیخان، پێنجوێن، ڕانیە، پشدەر) كردووە سەبارەت بە تیانووسی‌ تاقیكردەوەكان.

لە نووسراوەكەدا هاتووە، بەمەبەستی‌ دڵنیابوونی‌ خوێندكاران لە نمرەكانی‌ كۆتایی وەرز لەسەر تیانووسەكان بۆ پۆلەكانی‌ (4-5-6-7-8-10-11) پۆلە ناكۆتاییەكانی‌ خولی‌ یەكەم واباشترە سەرجەم خوێندكاران لەناو خوێندنگاكانیان پێش ئەوەی‌ ئەنجامی‌ كۆتایی ڕابگەیەنن، ڕۆژێك دیاری‌ بكەن بۆ پێدانەوەی‌ تیانووسی‌ تاقیكردنەوەكان بە خوێندكاران و سەیركردنەوەی‌ لەلایەن خوێندكارانەوە.

بەڕێوەبەرایەتی‌ گشتی‌ پەروەردەی‌ سلێمانی‌ ئاامژەی بەوەشداوە، بەمەرجێك لەلایەن مامۆستای‌ بابەتەكەوە خۆی‌ ئەنجام بدرێت و تەنها لە رۆژی‌ دیاریكراودا بۆیان هەیە تیانووسەكان ببینن واتە لەو بەوارەی‌ كە دیاری‌ دەكرێت بۆ خوێندكاران لەلایەن خوێندنگەكانیانەوە و ڕۆژی‌ دواتر كەس مافی‌ بینینی‌ تیانووسەكانی‌ نییە.

بەڕێوەبەرایەتی‌ گشتی‌ پەروەردەی‌ سلێمانی‌ ئەوەشیخستووەتەڕوو، ئەم نووسراوە لە ساڵی‌ خوێندنی‌ 2018-2019 بەدواوە جێبەجێ‌ دەكرێت تەنها بۆ خولی‌ یەكەمە.

جێی ئاماژەیە، لە ساڵانی‌ ڕابردوودا هیچ كات تیانووسی‌ تاقیكردنەوەكانی‌ كۆتایی ساڵ‌ ڕادەستی‌ خوێندكاران و قوتابیان نەكراوە تا بیبینێت.

کوردستان

تەندروستی سلێمانی ئاگادارییەك بۆ كۆمپانیاكانی پێداویستی پزیشكی بڵاودەكاتەوە

خەڵك – بەشی هەواڵ

بەڕێوەبەرایەتی گشتی تەندروستی سلێمانی لە ئاگادارینامەیەكدا ئاگاداری گشت كۆمپانیاكانی پێداویستی پزیشكی دەكاتەوە دەرخستەی خۆیان پێشكەش بكەن، بەمەبەستی دابین كردنی دەمامكی تایبەت بە ڤایرۆسی كۆرۆنا بەشێوەی كراوە.

بەڕێوەبەرایەتی گشتی تەندروستی سلێمانی لەو ئاگادارینامەیەدا، جۆر و بڕی ماسكەكەی ئاشكرا كردووە.

دەقی ئاگادارینامەكە:

بەڕێوەبەرایەتی گشتی تەندروستی سلێمانی

بابەت/ ئاگاداری و جاڕنامامەی ئاشكرا

بەڕێوەبەرایەتی گشتی تەندروستی سلێمانی ئاگاداری گشت كۆمپانیاكان دەكات، دەرخستەی خۆیان پێشكەش بكەن، بەمەبەستی دابین كردنی دەمامكی تایبەت بە ڤایرۆسی كۆرۆنا بەشێوەی كراوە.

ڕۆژی دووشەممە (۲-۳-۲۰۲۰) شوێنی پێشكەش كردن كۆگای دەرمانی هەرێم، هەمان ڕۆژ ئیحالە دەكرێت، جۆرەكان و ژمارەیان:

1- N95 face mask ffp3 100000

2-surgical face mask 50000

ڕاگەیاندنی بەرێوبەرایەتی گشتی تەندروستی سلێمانی

بەردەوام بە لە خوێندنەوە

کوردستان

تەندروستی كۆیە: حاڵەتی تووشبوون بە ڤایرۆسی كۆرۆنا لە شارەكەماندا نییە

خەڵك – بەشی هەواڵ

بەڕێوەبەری تەندروستی كۆیە ڕایدەگەیەنێت، ئەو چوار كەسەی لە ئێران گەڕاونەتەوە، ئەمڕۆ پشكنینیان بۆ كرا و دەركەوت هەڵگری ڤایرۆسی كۆرۆنا نین.

د.كامەران عەباس شێخانی بەڕێوەبەری گشتی تەندروستی كۆیە، ڕایگەیاند: ئەمڕۆ پاش وەرگرتنی سواب لە دەم و لووتی ئەو چوار هاووڵاتییەی كە لە وڵاتی ئێران گەڕابوونەوە و ناردنی بۆ هەولێر ئێستا پشكنینەكەیان دەرچوو دەركەوت هەڵگری ڤایرۆسی كۆرۆنا نین ئەنجامەكانیان نەرێنێ دەرچوون.

بەڕێوەبەری گشتی تەندروستی كۆیە وتیشی، بەڵام ئەو هاووڵاتیانە تا چواردە ڕۆژی تر لە ژێر چاودێری تەندروستی كۆیە دمێننەوە ئەویش بە هۆی ڕێنمایی وەزارەتی تەندروستی هەرێم.

جێی ئاماژەیە، ئەو چوار هاووڵاتییە لەماوەی ڕابردوودا سەردانی وڵاتی ئێرانیان كردبوو و لە چەند ڕۆژی ڕابردوودا گەڕاونەتەوە هەرێم و دووانیان دانیشتووی شاری كۆیەن و دووانیان دانیشتووی شارۆچكەی تەق تەقن.

ك.ج

بەردەوام بە لە خوێندنەوە

جیهان

ئاگرێك لە دوورگەی ئیمراڵی كەوتەوە
هەدەپە داوای دیداری ئۆجالان دەكات

خەڵك – بەشی هەواڵ

بە هۆی ڕووداوێكی ئاگركەوتنەوە لە دوورگەی ئیمراڵی، پارتی دیموكراتی گەلان (هەدەپە) داوای ئەنجامدانی دیدار لەگەڵ عەبدوڵا ئۆجالان ڕێبەری زیندانیكراوی پارتی كرێكارانی كوردستان دەكات.

میدیاكانی توركیا بڵاویانكردەوە، ئەمڕۆ ئاگرێك لە دوورگەی ئیمراڵی كەوتووەتەوە كە دەكەوێتە باشووری دەریای مەڕمەڕە، ئەو دوورگەیەیەی كە عەبدوڵا ئۆجالان ڕێبەری پارتی كرێكارانی كوردستان (پەكەكە)ی تێدا زیندانیكراوە.

هاوكات، عائیشە باجار باشاران پەرلەمانتاری پارتی دیموكراتی گەلان (هەدەپە) لە كۆنگرەیەكی ڕۆژنامەوانیدا لە بارەگای سەرەكی هەدەپە لە ئەنقەرەی پایتەختی توركیا، سەرنجی خستە سەر هەستیاری گەلی كورد بەرامبەر بە دۆخی تەندروستی ئۆجالان و داوایكرد كە دەستبەجێ ڕێگە بدرێت بە شاندێكی هەدەپە سەردانی ئیمراڵی بكات بۆ دڵنیا بوون لە تەندروستی ئۆجالان.

عائیشە باجار باشاران جەختیشیكردەوە، تاكە ڕێگەی دڵنیابوونەوە لە باشیی تەندروستی ئۆجالان ئەوەیە ڕێگە بە شاندێكی هەدەپە یاخود كەسوكار و پارێزەرانی ئۆجالان بدرێت سەردانی ئیمرالی بكەن.

ك.ج

بەردەوام بە لە خوێندنەوە

کوردستان