ئێمە لە تۆرە کۆمەڵایەتیەکان

عێراق

هۆشداری دەدات لەگەڕانەوەی داعش
حەنین قەدۆ بۆ (خەڵك): كەوتنی موسڵ دووبارە دەبێتەوە

خەڵك- بەشی هەواڵ
پەرلەمانتارێكی هاوپەیمانی فەتح پێیوایە هەموو ئەو ڕەوشەی بەر لە كەوتنی شاری موسڵ لە ساڵی 1014دا خولقابوو، لەئێستاشدا لە شارەكەدا هەیە، بۆیە دووبارەبوونەوەی كەوتنی موسڵ بەدوورنازانێت.

حەنین قەدۆ، پەرلەمانتاری هاوپەیمانی فەتح لە پەرلەمانی عیراق، لە لێدوانێكی تایبەت بە (خەڵك) ڕایگەیاند:”ئەو ئەجێندایانەی بەر لە كەوتنی موسڵ لە ساڵی 2014 هەبوون لە شارەكەدا، لەئێستاشدا بوونیان هەیە، وێڕای ململانێ‌ ناوخۆیی و ئیقلیمییەكان كە مایەی مەترسییەكی ڕاستەقینەن، بۆ سەرلەنوێ‌ گەڕانەوەی رێكخراوی داعش بۆ شارەكە”.

ئەو ئەندامەی هاوپەیمانی فەتح، ململانێكانی ئێستای پارێزگای نەینەوای بە مەترسییەكی گەورە لەقەڵەمدا و وتی:”دوور نییە رێكخراوی داعش ململانێ‌ سیاسی و ئەمنییەكان لە موسڵدا بفۆزێتەوە و وەك كەلێنێك بەكارییان بهێنێت، تا لێوەی بگڕێتەوە بۆ موسڵ”.

سەبارەت بە هەڵبژاردنی پارێزگاری نوێ‌ بۆ نەینەوا، حەنین قەدۆ دەڵێت:”یاسای ئەنجومەنی پارێزگاكان، ماوەی كاركردنی ئەنجومەنی پارێزگاكانی بە چوار ساڵ دیاریی كردووە، بەڵام ئەنجومەنی پارێزگای نەینەوا بۆ شەش ساڵ دەچێت لە شوێنی خۆیدایە، بەبێ‌ ئەوەی هیچ یاسایەك دابڕێژێت كە پشتبەستبوو بەێت بە دەستوری عیراقی”، بۆیە ڕەتیكردەوە بوونی ئەنجومەنی پارێزگای ئێستای نەینەوا شەرعی و یاسایی بێت كە لێوەی پارێزگاری نوێ‌ هەڵبژێردرا.

ئەمڕۆ دوو شەممە، ئەنجومەنی پارێزگای نەینەوا، بە زۆرینەی دەنگ، مەنسور مرعیدی بە پارێزگاری نوێ‌ و سیروان ڕۆژبەیانی بە جێگری پارێزگار هەڵبژارد، ئەمەش لەكاتێكدایە كە خودی ئەنجومەنەكە لەلایەن زۆرێك لە فراكسیۆنە پەرلەمانییەكانی عیراقەوە جێگەی مشتومڕە و داوای هەڵوەشاندنەوەی دەكرێت.

عێراق

ڕووداوەكە لە سنوری خانەقین بووە
بەڤیدیۆ، داعش لە مرۆڤ سەربڕینەوە بۆ گامێش سەربڕین

خەڵك- بەشی هەواڵ
تۆمارێكی ڤیدیۆیی كە لە میدیاكانی عیراقدا بڵاوكراوەتەوە، ئەو زیانە مادییانە دەخاتەڕوو كە بەهۆی پەلامارێكی چەكدارانی ڕێكخراوی داعشەوە بە گوندێكی قەزای خانەقین گەیشتووە، بەجۆرێك كە چەكدانی ڕێكخراوەكە دەیان گامێشی گوندەكەیان سەربڕیوە، بەبێ‌ ئەوەی گۆشتەكانیان بۆ خواردن دەستبدات.

لە ڤیدیۆكەدا، ژمارەیەك گامێش دەردەكەوێت كە لەلایەن چەكدارانی ڕێكخراوی داعشەوە سەربڕدراون، لەكاتی پەلامارەكەیان بۆسەر گوندی مەعدان لە دەوروبەری قەزای خانەقین.

پێشتر سەرچاوەیەكی ئەمنی بە میدیاكانی عیراقی ڕاگەیاندبوو، هێرشێكی داعش بۆسەر گوندێكی نزیك لە قەزای خانەقین پوچەڵكراوەتەوە، و بەبێ‌ قوربانی توانراوە چەكدارانی ڕێكخراوەكە لە ناوچەكە دەربكرێن.

سەرچاوەكە دەڵێت”چەكدارانی ڕێكخراوی داعش هێرشییان كردە سەر گوندی مەعدان لە دەوروبەری قەزای خانەقین و چەند ماڵێكیان سوتاند و ژمارەیەك گامێشی دانیشتوانی گوندەكەیان بەشێوەیەكی نەشیاو سەربڕی”.

بە وتەی سەرچاوەكە”توانراوە بەرپەرچی ئەو هێرشەی داعش بدرێتەوە و چەكدارانی ڕێكخراوەكەش لە ناوچەكە دەربكرێن”.

بەردەوام بە لە خوێندنەوە

عێراق

بەوێنە، ڕووباری فورات ئەنبار دادەپۆشێت

خەڵك- بەشی هەواڵ
تائێستاش ئاستی ئاوی ڕووباری فورات لە پارێزگەی ئەنبار لە بەرزبوونەوەدایە، بەو هۆیەشەوە چەند بەشێك لە ناوچەكانی نزیك لە ڕووبارەكە دادەپۆشێت.

ئەمڕۆ شەممە، شانەی میدیای حكومی لە بەیاننامەیەكدا ڕایگەیاندووە”ئاستی ئاوی ڕووباری فورات، لە چوارچێوەی ڕێڕەوی خۆی لە پارێزگەی ئەنبار و لە چوارچێوەی سنوری ئاسایی ڕووبارەكە بەرزبووەتەوە”، بەپێی بەیاننامەكەش، “وەزارەتی سامانە ئاوییەكان هۆكاریی ئەو بەرزبوونەوەیەی بۆ زیادبوونی بەردانەوەی ئاوی بەنداوی حەدیسە گەڕاندووەتەوە”.

شانەی میدیای حكومی دەڵێت”بەردانەوەكانی ئێستا لە بەنداوی ڕومادییەوە 25%ى پێكدەهێنێت، بەردانەوەی ئاوی ڕووباری فوراتیش بۆ كەمكردنەوەی كۆبوونەوەی ئەو ئاوە زۆرەیە كە لە بەنداوی حەدیسەدا هەیە، پێشبینی زیادبوونی بڕی ئاویش دەكرێت بەهۆی بارانبارینەوە لەگەڵ دەستپێكردنی وەرزی باراندا كە هێندەی تر ئاستی ئاوی ڕووبارەكە و ئاستی ئاوی نێو بەنداوەكان زیاتر دەكات”.

ڕێژەی زۆری بارانبارین لە وەرزی زستانی ڕابردوودا لەگەڵ بەردانەوەی ئاستی پێویستی ئاوی ڕووبارەكان لەلایەن توركیاوە، وایانكردووە تائێستاش ئاستی ئاوی هەردوو ڕووباری دیجلە و فورات بەرزبن لە عیراقدا، ئەمەش بەپێچەوانەی ساڵی ڕابردوو كە بەهۆی كەمی ئاستی ئاوی هەردوو ڕووبار و كەمی ئاستی بەردانەوەی ئاو لە توركیاوە، ڕەوشێكی نەخوازراوی لە وڵاتدا هێنابووەئارا.

بەردەوام بە لە خوێندنەوە

عێراق

بەوێنە، فڕۆكەیەكی گەورەی بێفڕٍۆكەوانی داعش دۆزرایەوە

 

خەڵك- بەشی هەواڵ

شانەی میدیای ئەمنی ڕایدەگەیەنێت، فڕۆكەیەكی بێفڕۆكەوانی ڕێكخراوی داعش لە پارێزگەی دیالە دۆزرایەوە.

بەپێی بەیاننامەیەك كە لەلایەن شانەی میدیای ئەمنی عیراقەوە بڵاوكرایەوە”هێزێكی هاوبەشی سەر بە دەزگای هەواڵگری و حەشدی شەعبی، توانیان دەست بەسەر فڕۆكەیەكی گەورەی بێفڕۆكەوانی سەر بە ڕێكخراوی داعشدا بگرن لەكاتی هەڵكوتانە سەر حەشارگەیەكی ڕێكخراوەكە لە دیالە”.

هەر لە بەیاننامەكەدا هاتووە”فڕۆكەكە لە یەكێك لە حەشارگەكانی سەر بە ڕێكخراوی داعش و لە جەزیرەیەكى نزیك دەریاچەی حەمرین، دۆزرایەوە”.

تائێستاش پاشماوەی چەكدارانی داعش لە ناوچە جیاجیاكانی پارێزگەی دیالە بونییان هەیە و ناوبەناو پەلاماری هێزە ئەمنییەكان و هاووڵاتیانی ناوچەكە دەدەن، بەپێی میدیاكانی عیراقیش، لە شەوى ڕابردوودا گروپێكی سەر بە داعش پەلاماری گوندێكی سەر بە قەزای خانەقینيانداوە داوە و سێ‌ ماڵيان سوتاندووە.

بەردەوام بە لە خوێندنەوە

کوردستان