ئێمە لە تۆرە کۆمەڵایەتیەکان

کوردستان

ڕێگایەكی ئاسان بۆ خەتمی قورئان لە ڕەمەزاندا

خەڵك- بەشی هەواڵ
سەرەڕای ئەوەی موسڵمانان لە مانگی ڕەمەزانی پیرۆزدا بەڕۆژوو دەبن، هاوكات كۆمەڵێك پەرستشی دیكەی وەك نوێژی تەراویح و شەونوێژ و خەتمی قورئانی پیرۆز ئەنجام دەدەن.

خوای گەورە لە قورئانی پیرۆزدا فەرموویەتی “شَهْرُ رَمَضَانَ الَّذِي أُنزِلَ فِيهِ الْقُرْآنُ … آية (185) سورة (البقرة)” واتە “مانگی ڕەمەزان قورئانی تێدا دابەزێنراوە … تا كۆتایی ئایەتەكە”، كەواتە خوێندن و خەتمی قورئانی پیرۆز یەكێكە لە پەرستشە گرنگەكان بەتایبەتی لەم مانگەدا، بۆیە بۆ ئەوەی بتوانیت بەئاسانی (خەتمی قورئان) بكەیت ڕێگایەكی ئاسان دەخەینەڕوو.

ڕێگای ئاسان بۆ ته‌واوكردنی خوێندنی سه‌رجه‌م سورەتەكانی قورئانی پیرۆز له‌ مانگی ڕەمەزاندا ئه‌وه‌یه،‌ كه‌ له‌ پاش هه‌ر نوێژێكی فه‌رز، ته‌نها 4 لاپه‌ره‌ قورئان بخوێنیت، به‌و پێیه‌ش له‌ ماوه‌ی 30 ڕۆژی ڕەمەزاندا خەتمی قورئان ته‌واوی ده‌كه‌یت.

قورئانی پیرۆز 114 سورەت و 30 جوزئە و دابەش بووە بەسەر 600 لاپه‌ڕهدا، بۆیە گه‌ر دابه‌شی بكه‌ین به‌سه‌ر 30 ڕۆژدا بۆ هه‌ر ڕۆژێك 20 لاپه‌ڕه‌ی به‌رده‌كه‌وێت، 20 لاپه‌ڕه‌كه‌ش دابه‌ش بكه‌ین به‌سه‌ر 5 نوێژی فه‌رزه‌كه‌دا، بۆ هه‌ر نوێژێك 4 لاپه‌ڕه‌ی به‌رده‌كه‌وێت و به‌وه‌ش له‌ ماوه‌ی مانگه‌كه‌دا خه‌تمه‌كه‌ ته‌واو ده‌كه‌یت.

جیهان

ڕوسیا: دژی هەر ئۆپراسیۆنێكی ترین بۆ سەر ڕۆژئاوای كوردستان

خەڵك – بەشی هەواڵ

وەزارەتی ڕوسیا نیگەرانی و سەرسوڕمانی خۆی نیشانداوە لەبەرامبەر بەڵێنی توركیا لەدەستپێكردنەوەی ئۆپراسیۆنێكی تری سەربازیی لە ڕۆژئاوای كوردستان، هۆشداریشی دایە توركیا، كە هەنگاوێكی لەوشێوەیە زیان بە هەوڵەكانی سەقامگیركردنی ناوچەكە دەگەیەنێت و دۆخەكە ئەوەندەی تر تێكدەدات.

دوای ئەوەی دوێنێ‌ 18/11/2019 مەولود چاوشئۆغلۆ وەزیری دەرەوەی توركیا ڕایگەیاند: ئەگەر ناوچەكە لە یەپەگە و شەڕڤانان و هێزەكانی سوریای دیموكرات پاكنەكرێتەوە، ئەوا توركیا ئۆپراسیۆنێكی تر لە ڕۆژئاوای كوردستان دەست پێدەكاتەوە.ڕاشیگەیاندبوو: ویلایەتە یەكگرتووەكانی ئەمریكا و ڕوسیا پابەندی ڕێككەوتنەكان نەبوون، هەر بەپێی ئەو ڕێككەوتنانەش بووە كە مانگی ڕابردوو توركیا هێرشەكانی بۆ سەر باكووری ڕۆژهەڵاتی سوریا ڕاگرتووە، چاوش ئۆغلۆ داواشی لە ڕوسیا و ئەمریكا كردبوو كە ڕێوشوێنی پێویست و زیاتر لەدژی هەسەدە بگرنەبەر.

لەوبارەیەوە ژەنەڕاڵ ئیگۆر كۆناشینكۆف وتەبێژی وەزارەتی بەرگری روسیا وەزارەتی بەرگری ڕوسیا ئەمڕۆ 19/11/2019 ڕایگەیاند: لێدوانەكانی وەزیری دەرەوەی توركیا مایەی سەرسوڕمانە، مۆسكۆ بەتەواوی پابەند بووە بە ڕێككەوتنی نێوان ڤلادیمیر پوتن سەرۆكی ڕوسیا و ڕەجەب تەیب ئەردۆغان سەرۆكی توركیا.

ژەنەڕاڵ ئیگۆر كۆناشینكۆف وتەبێژی وەزارەتی بەرگری ڕوسیا ئاماژەی بەوەشكرد، وڵاتەكەی هەوڵی زۆری داوە تا ناوچەكە ئارامی و سەقامگیری باش بەخۆیەوە ببینێت.

وتەبێژی وەزارەتی بەرگری ڕوسیا ڕاشیگەیاند: بانگەشەی وەزیری دەرەوەی توركیا سەبارەت بە ئۆپراسیۆنی نوێی سەربازی دەبێتە مایەی تێكچوون و ئاڵۆزبوونی زیاتری دۆخی باكووری ڕۆژهەڵاتی سوریا.

ژەنەڕاڵ ئیگۆر كۆناشینكۆف ئەوەشیخستەڕوو: لە یاداشتی تێگەیشتنی نێوان ڕوسیا و توركیادا كە سەرۆكی هەر دوو وڵات واژۆیان كردووە، نەخشەڕیگای چارەسەری سەرجەم كێشەكان كراوە.

بەردەوام بە لە خوێندنەوە

کوردستان

گروپی كۆمپانیاكانی بەڕێز، لە ڕاپۆرتێكی ڤیدیۆییدا، بە بەڵگە وەڵامی پەیجی مۆر دەداتەوە

خەڵك ـ بەشی هەواڵ

گروپی كۆمپانیاكانی بەڕێز، بە ڕاپۆڕتێكی بەڵگە ئامێز، خاڵ بە خاڵ وەڵامی ڕاپۆرتێكی پەیجی مۆر دەداتەوە، كە دەربارەی كارو پڕۆژەكانی بەڕێز و خاوەنی كۆمپانیای ناوبراو لە تۆڕە كۆمەڵایەتییەكان بڵاویكردبووەوە.
پێشتریش لە ڕوونكردنەوەیەكدا، بەشی ڕاگەیاندن و پەیوەندییەكانی كۆمپانیای بەڕێز، ڕایگەیاندبوو، سەرەڕای ڕاسپاردنی ڕاوێژكاری یاسایی بۆ تۆماركردنی داوا لەسەر پەیجی مۆر، بە هەموو لایەكی ڕادەگەیەنین كە دێڕ بە دێڕی ئەو ڕاپۆرتە بە مەرام و چەواشەكاریەیان بە بەڵگەی یاسایی وەڵام دەدەینەوە.

ئەوەشیان خستبووە ڕوو، هۆكاری هەڵبژاردنی كۆمپانیای بەڕێز و خاوەنەكەی لەم كاتەدا لەلایەن سەرنووسەری پەیجی (مۆر)ەوە ئاشكرا دەكەین، هەموو ئەو دیكیۆمێنتانەش دەخەینە ڕوو، كە ئەم بەڕێزانە لە ژێر پەردەی كاری ڕۆژنامەوانیدا بە تەمای چی بوون و چیان دەوێت لە كۆمپانیا و سەرمایەدارەكان.

دەقی ڕاپۆرتە ڤیدیۆییەكەی كۆمپانیای بەڕێز

گروپی كۆمپانیاكانی بەرێز: مەرامی پشت راپۆرتە چەواشەكارییەكانی پەیجی مۆر بەبەڵگەی یاسایی ئاشكرا دەكەین

گروپی كۆمپانیاكانی بەرێز: مەرامی پشت راپۆرتە چەواشەكارییەكانی پەیجی مۆر بەبەڵگەی یاسایی ئاشكرا دەكەین

Posted by Xelk Media Network on Monday, November 18, 2019

بەردەوام بە لە خوێندنەوە

کوردستان

بۆ یەكەمجار، پێشانگایەكی تایبەت بە دەستنووسە دێرینەكان كرایەوە

خەڵك-ئارام سەردار
لەژێر ناونیشانی (دەستنووسەكان ناسنامەی شارستانیەتیبوونەمانە) ئەمڕۆ سێ شەممە ۱۹ی تشرینی دووەمی ۲۰۱۹ لە هەولێر، لەلایەن بەڕێوەبەرایەتی كتێبخانەی ناوەندی و دەستنووس و كۆرنەرەكانی سەر بەزانكۆی سەڵاحەدین بۆ جاری یەكەم پێشانگایەكی تایبەت بە دەستنووسە دێرینەكان كرایەوە.

فائیز مەلابەكر، بەرپرسی هۆبەی دەستنووسەكان لەبارەی پێشانگاكە بە (خەڵك)ی ڕاگەیاند، وەك لەناونیشانەكەمان ڕوونمان كردۆتەوە ئامانجمان گەیاندنی پەیامێكە بۆ هەموو لایەك و نەوەی ئێستاش، كە گەلی ئێمەش خاوەن مێژوو و شارستانیەتی خۆیەتی و تاوەكو ئێستاش كۆی گشتی ئەو دەستنووسانەی ئێستا هەمانە ژماریان 700 دەستنووس دەبێت و كۆنترین دەستنووسیش، كە هەمانە مێژووەكەی بۆ 500 ساڵ پێش ئیستا دەگەڕێتەوە.

دەشڵێت: “لە پێشانگاكەدا نزیكەی 19 دەستنووسمان نمایش كردووه، كە بریتین لەدەستنووسی قورئان و مێژوویی و ئەدەبی و كەشكۆڵ و كتێبی فارسی”.

ئاماژەی بۆ ئەوەشكرد، نزیكەی ٤۰ بۆ ٥۰ دەستنووس وون بوون، بۆیە هەوڵی گەڕانەوەیان دەدەین.

بەردەوام بە لە خوێندنەوە

کوردستان