ئێمە لە تۆرە کۆمەڵایەتیەکان

ژینگە

پلەكانی گەرما بەرزدەبنەوە

خەڵك- بەشی هەواڵ
دەزگای كەشناسی عیراق پێشبینی بەرزبوونەوەی پلەكانی گەرما دەكات لە وڵات لە چوار شەممەی داهاتووەوە، چاوەڕوانیش دەكرێت لە بەغدا وەك دەزگاكە ئاماژەی پێدەكات، بۆ 43 پلەی سەدی بەرزببێتەوە.

مەحمود عەبدوللەتیف، سەرۆكی كەشناسانی دەزگای كەشنایی عیراقی، لە لێدوانێكی ڕۆژنامەوانیدا ڕایگەیاندووە”لە چوار شەممەی داهاتوودا كەشوهەوای وڵات دەكەوێتە ژێر كاریگەریی نزمەپاڵەپەستۆیەكی گەرمای وەرزی كە بە هیندی مۆنسۆن ناودەبرێت ، بەو هۆیەشەوە پلەكانی گەرما پۆ چل پلەی سەدی بەرزدەبنەوە”.

بە وتەی عەبوللەتیف”پێشبینی دەكەین بەرزترین پلەی گەرما لە بەغدا بگاتە 41 پلەی سەدی و لە موسڵ 40 پلە و لە بەسرە 43 پلەی سەدی”، ئاماژەی بەرزبوونەوەی پلەی گەرماش كردووە لە بەغدا لە پێنج شەممەی داهاتوو كە دەگاتە 43 پلەی سەدی و لە موسڵ 41 پلە دەبێت و لە بەسرەش دەگاتە 45 پلەی سەدی، لەگەڵ بای باكووری خۆرئاوا كە خێراییەكەی دەگاتە (10-20) كیلۆمەتر لە كاتژمێرێكدا.

ئەو نزمە پاڵەپەستۆی گەرمایە، بە درێژایی وەرزی هاوین كاریگەریی دەبێت، بە جۆرێك هەندێك جار لاواز دەبێت و پلەكانی گەرما دادەبەزن و هەندێك جاریش قوڵدەبێتەوە و پلەكانی گەرما ڕوو لە بەرزبوونەوە دەكەن.

 

ژینگە

كەشناسی هەرێم ڕاپۆرتێكی لەسەر بەرزبوونەوەی پلەكانی گەرما بڵاوكردەوە

خەڵك- بەشی هەواڵ
كەشناسی هەرێم پێشبینییەكانی بۆ بەرزبوونەوەی پلەكانی گەرما لە ناوچە جیاجیاكانی هەرێم بڵاودەكاتەوە و ڕایدەگەیەنێت، كە لە ئەمڕۆوە دەستپێدەكات و تا ڕۆژی هەینی بەردەوام دەبێت و دەشڵێت: “ڕۆژی هەینی كەشوهەوا فێنك دەبێت”.

بژار ئەكرەم، لێپرسراوی بەشی پێشبینی لە بەڕێوەبەرایەتی گشتی كەشناسی و بوومەلەرزەزانی هەرێم لە ڕوونكردنەوەیەكدا ئاماژەی بەوەكردووە،لە ئەمڕۆوە دوو شەممە تاوەكو ڕۆژی پێنج شەممە پلەكانی گەرما ڕوو لە بەرزبوونەوە دەكات و سبەی سێ شەممە پلەكانی گەرما بە پلەیەك تا دوو پلە بەرز دەبێتەوە و ڕۆژی چوار شەممە و پێنج شەممە پلەكانی گەرما بە نزیكەی دوو پلەی تر بەرزتر دەبێتەوە.

ڕوونیشی كردۆتەوە، ناوچەكانی باشووری هەرێم بەرزترین پلەكانی گەرمای لە سەرووی 46 پلەی سیلیزی دەبێت لە ماوەی ڕۆژانی چوار شەممە و پێنج شەممەدا و سەنتەری پارێزگای هەولێر بەرزترین پلەی گەرمای پێشبینیكراوی دەگاتە 44 پلە و سلێمانی و دهۆك 42 و كەركوك 46 پلە و هەلەبجە 43 پلە.

جەخیشی كردۆتەوە، ئەم بەرزبوونەوە لە پلەكانی گەرما لە ڕۆژی هەینی كۆتای دێت.

دەشڵێت: “ڕۆژی هەینی بارستە هەوایەكی تا ڕادەیەك قێنك لە دەریای ناوەڕاستەوە روو لە ناوچەكەمان دەكات و پلەكانی گەرما نزم دەبێتەوە بە شێوەیەك زۆربەی ناوچەكەمان پلەكانی گەرمای لە ژێر 40 پلەی سیلیزی دەبێت” .

هاوكات بەپێی ڕاپۆرتێكی دەستەی گشتی كەشناسی و بوومەلەرزەزانی عیراق، لە سبەینێوە پلەكانی گەرما بەرزدەبنەوە، بەجۆرێك لە شارەكانی (میسان، ناسرە، موسەنا و بەسرە) دەگاتە 50 پلەی سیلیزی و سەرووتر.

بەردەوام بە لە خوێندنەوە

ژینگە

بوومەلەرزەیەك چەند ناوچەیەكی هەرێمی هەژاند

خەڵك – بەشی هەواڵ
دەزگای ناوەندی جیهانی بۆ بوومەرزەزانی ڕایدەگەیەنێـت، ئێوارەی ئەمڕۆ بوومەلەرزەیەك بە گوڕی 4.3 پلە بە پێوەری ڕێختەر لە سنوری نێوان باشور و ڕۆژهەڵاتی كوردستان ڕوویدا.

دەزگای ناوەندی جیهانی بۆ بوومەرزەزانی ( csem emsc) لە ڕاگەیەنراوێكدا، بڵاویكردەوە، كاتژمێر 7:52 خولی ئێوارەی ئەمڕۆ یەك شەممە 23ی حوزەیرانی 2019 بوومەلەرزەیەك بە گوڕی 4.3 پلە بەپێوەری ڕێختەر سەرپێڵی زەهاوی سەر سنوری نێوان عیراق و ئیرانی هەژاند.

ڕاشیگەیاندووە، چەقی بوومەلەرزەكە 60 كم بووە لە دووری 16 كم لە سەرپێڵی زەهاو هەروەها 170 كم لە بەغدای پایتەخت و 95 كم لە پارێزگای ئیلامی ڕۆژهەڵاتی كوردستان دوور بووە.

محەمەد كەمال لە شارۆچكەی كەلار بۆ (خەڵك) ئاماژەی بەوەكرد، درەنگانی ئێوارەی ئەمڕۆ بوومەلەرزەیەك لە ناوچەكانی سنووری ئیدارەی گەرمیان ڕوویداوە و بە تەواوی هاووڵاتیان هەستیان پێ‌ كردووە.

وتیشی، “بوومەلەرزەكە ماوەكەی زۆر كورتخایەن بووە و تا ئێستا هیچ زیانێكی نەزانراوە”.

بەردەوام بە لە خوێندنەوە

ژینگە

لە سنووری سلێمانی 100 دۆنم پووش و پاوان سووتان

خەڵك- بەشی هەواڵ
ڕووداوی ئاگركەوتنەوە یەكێكە لەو دیاردانەی ساڵانە چەند جارێك دووبارە دەبنەوە و لەگەڵ ئەوەی كوژاندنەوە و كۆنتڕۆڵ كردنیان كارێكی زەحمەتە هاوكات زیانێكی زۆر بەسروشت و ژینگەی كوردستان دەگەیەنێت، بەڕێوەبەرایەتی پۆلیسی دارستان و ژینگەی سلێمانی-ش دەڵێت: “لە قەرەداغ و پیرەمەگرون نزیكەی (100) دۆنم پووش و پاوان سووتاون و (3) هاووڵاتی دەستگیركران”.

عەمیدی پۆلیس، هێمن كمرخان ئەفندی، بەڕێوەبەری ڕاگەیاندن لە بەڕێوەبەرایەتی پۆلیسی دارستان و ژینگەی پارێزگای سلێمانی بۆ (خەڵك) ڕایگەیاند، ئاگریكی بەرفراوان لە گوندی ( باخان)ی سنوری قەرەداغ كەوتەوە و دەست بەجێ مەفرەزەكانی بەشی پۆلیسی دارستان و ژینگەی قەرەداغ گەیشتە شوێنی ڕووداوەكە.

ڕاشیگەیاند، بەهاوكاری هاووڵاتیانی سنورەكە و ئاگركوژێنەوە توانرا لەماوەیەكی كەمدا ئاگرەكە كۆنتڕۆڵ بكرێت و زیانی ئاگرەكە (40) دۆنم لە پووش و پاوان سووتاون و بەو هۆكارە (3) هاووڵاتی دەستگیركران و پەڕاوی لێكۆڵینەوەیان بۆ كراوەتەوە.

ئاشكراشی كرد، ئاگرێك لەگوندی (بیران)ی سەر بەشارۆچكەی پیرەمەگرون كەوتەوە و دەستبەجێ مەفرەزەیەكی بنكەی پۆلیسی دارستان و ژینگەی پیرەمەگرون گەیشتنە شوێنی ڕووداوەكە و توانرا لەماوەیەكی كەمدا ئاگرەكە كۆنتڕۆڵ بكرێت و ڕێگە لەزیاتر تەشەنەكردنی ئاگرەكە بگیرێت.

دەشڵێت: “زیانی ئاگرەكە (50) دۆنم لە پووش و پاوان سووتاوە و هۆكاری كەوتنەوەی ئاگرەكە نادیارە”.

بەردەوام بە لە خوێندنەوە

کوردستان