ئێمە لە تۆرە کۆمەڵایەتیەکان

ئابوری

ڤیدیۆ.. عیراق هۆشداری دەداتە هەرێم

خەڵك – بەشی هەواڵ

وەزیری نەوتی عیراق ڕایدەگەیەنێت، پێناچێت جگە لە بودجەی ئەو چوار مانگەی ڕەوانەكراوە، بەغدا هیچ بودجەیەكی تر بۆ هەرێمی كوردستان بنێرێت.

سامر غەزبان وەزیری نەوتی عیراق لە میانەی بەشداریكردنی لە بەرنامەیەكی تەلەفزیۆنی لە كەناڵی شەرقیە نیوز ڕایگەیاند، تائێستا هەرێمی كوردستان پابەندنەبووە بە بڕیاری ڕادەستكردنی نەوت بە حكومەتی فیدراڵی و وتی: یەك بەرمیل نەوت بۆ بەغدا نەهاتووە.

وەزیری نەوتی عیراق ئەوەشیخستەڕوو، لەسەر بنەمای یاسای بودجەی فیدراڵیی كە نوێنەرانی كوردیش دەنگیان بۆ داوە، ئەگەر هەرێم نەوت ڕادەست نەكات، ئەوا بودجەكەی دەبڕدرێت.

سامر غەزبان ئاماژەی، پێناچێت جگە لە بودجەی ئەو چوار مانگەی ڕەوانەكراوە، بەغدا هیچ بودجەیەكی تر بۆ هەرێمی كوردستان بنێرێت.

 

بینەری خولەكی 49 تا 56 بە..

ئابوری

عیراق پێشینە دەداتە فەرمانبەران بەبێ زیادە

خەڵك- بەشی هەواڵ
بانكی ڕافیدەینی عیراق بڕیاریدا، بەبێ خستنەسەری هیچ زیادەیەك پێشینە “بەشێوەی ئەلیكترۆنی” بەو فەرمانبەرانە بدات، كە مووچەكانیان سەر بەو بانكەیە.

نووسینگەی ڕاگەیاندنی بانكی ڕافیدەین بڵاویكردەوە، خزمەتگوزارییەكیان بە ناوی “پێشینەكەم – سلفنی” بۆ ئەو فەرمانبەرانە ڕاگەیاندووە، كە لە بانكەكەیان مووچە وەردەگرن و خاوەنی ماستەر كاردن.

ڕاشیگەیاندووە، پێشكەشكردنی ئەو خزمەتگوزارییە لە ڕێی ئەلیكترۆنییەوە دەبێت و بەشێوەیەكی خێرا و بەبێ خستنەسەری هیچ زیادەیەك دەدرێتە فەرمانبەران.

جەختیشی كردۆتەوە، كە فەرمانبەران لە هەر شوێنێك بن دەتوانن ئەو پێشینەیە وەربگرن.

ئەم بڕیارەی بانكی ناوەندی عیراق فەرمانبەرانی فەرمانگە فیدڕاڵییەكانی هەرێم دەگرێتەوە و دەتوانن سوودمەندبن لە وەرگرتنی ئەو پێشینانە.

بەردەوام بە لە خوێندنەوە

ئابوری

نرخی زێڕ و دراوەكان

خەڵك – بەشی هەواڵ
نرخی زێڕ و دراوەکان بۆ ئەمڕۆ یەك شەممە بەم شێوەیەیە كە لە زەڕنگەری پێشین لە سلێمانی وەرگیراوە:

زێڕ:
Oz: 2035$
24K: 405,000
21K: 354,000
18K: 303,000
Lira 22K= 431$

دراوەكان:
100$= 123.750
100€= 145,000
100£= 159,000
100$= 723 لیرەی تورکی
100$= 2,180,000 تمەن (نەقدی)
100$= 2,300,000 تمەن (حەواڵە)

بەردەوام بە لە خوێندنەوە

ئابوری

نرخی نەوت لە بازاڕەكانی جیهان

خەڵك-بەشی هەواڵ

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بە جێگیری ماوەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ یەك شەممە، 9ی‌ ئابی 2020 بە جێگیری ماوەتەوە، بەشێوەیەك نرخی‌ نەوتی برێنت بە 44 دۆلار و 66 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 41 دۆلارو 56 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

کوردستان