ئێمە لە تۆرە کۆمەڵایەتیەکان

جیهان

توركیا: دەستبەرداری كڕینی سیستمی بەرگری ئێس 400 نابین

خەڵك – بەشی هەواڵ

وەزیری دەرەوەی توركیا ڕایدەگەیەنێت، بەهیچ شێوەیەك دەستبەرداری كڕینی سیستمی بەرگری ئێس 400 نابین.

مەولود چاوشئۆغڵۆ وەزیری دەرەوەی توركیا دەربارەی ناكۆكییەكانی وڵاتەكەی لەگەڵ ئەمریكا لەسەر كڕینی سیستمی بەرگری مووشەكی ئێس 400 ڕایگەیاند، وڵاتەكەی داوایكردووە لیژنەیەك بۆ لێكۆڵینەوە پێكبهێنرێت و ناتۆش سەرپەرشتی ئەو لیژنەیە بكات بۆ ئەوەی زیانەكانی ئێس 400ەكەی ڕوسیا لەسەر سیستمی هاوپەیمانی باكوری ئەتڵەسی یەكلابكرێتەوە.

وەزیری دەرەوەی توركیا جەختیشیكردەوە، وڵاتەكەی بەهیچ شێوەیەك دەستبەرداری كڕینی سیستمی بەرگری ئێس 400 نابێت و وتیشی ئەنقەرە بە بەرژەوەندی خۆی دەزانێت و خاوەن بڕیاری خۆیەتی.

وەزیری دەرەوەی توركیا ئاشكراشیكرد، ڕۆژی شەممەی داهاتوو سەبارەت بە سیستمی بەرگری ئێس 400ی ڕوسیی ، پەیوەندییەكی تەلەفۆنی لەگەڵ مایك پۆمپیۆ وەزیری دەرەوەی ئەمریكا ئەنجام دەدات.

جیهان

نزیكەی 325 هەزار كەس لە ئێران تووشی كۆرۆنا بوون

خەڵك-بەشی هەواڵ

 

وتەبێژی وەزارەتی تەندروستی ئێران ڕایدەگەیەنێت، لە 24 كاتژمێری ڕابردوودا 2125 كەس تووشی كۆرۆنا بوون.

سیما سادات لاری وتەبێژی وەزارەتی تەندروستی ئێران لە كۆنفڕانسێكی ڕۆژنامەوانیدا ڕایگەیاند، لە 24 كاتژمێری ڕابردوودا 2125 كەس لە ئێران تووشی ڤایرۆسی كۆرۆنا بوون و 132 كەسیش گیانیان لە دەستداوە.

وتیشی”لە سەرەتای دەركەوتنی ڤایرۆسەكە تاكو ئەمڕۆ 324 هەزار و 692 كەس لە ئێران تووشی كۆرۆنا بوون”.

ئاماژەی بۆ ئەوەش كرد، هەر بەهۆی ڤایرۆسەكەوە تا ئێستا 18 هەزار و 264 كەس لە ئێران گیانیان لە دەستداوە.

بەردەوام بە لە خوێندنەوە

جیهان

بەڤیدیۆ..منداڵێكی هەژار چۆنێتی خواردنی مۆز نازانێت

خەڵك-بەشی هەواڵ

دیمەنی منداڵێكی هەژار تۆڕە كۆمەڵایەتییەكانی تەنیوە.
تۆڕی سپوتنیك بڵاویكردەوە، تۆمارێكی ڤیدیۆیی منداڵێكی هەژار بەناوی عوسمان كە نازانێت مۆز بخوات تۆڕە كۆمەڵایەتییەكانی تەنیوە.
لە تۆمارەكەدا، منداڵە هەژارەكە لە سەرەتادا نازانێت مۆزەكە چۆن بخوات و لە سەرەتادا دەیەوێت پێستەكەی بخوات.
بەكارهێنەرانی تۆڕە كۆمەڵایەتییەكان هەڵوێستی جۆراوجۆریان لەبارەی تۆمارەكەوە بڵاوكردووەتەوە و هەندێكیان ئاماژە بۆ ئەوە دەكەن، ئەوان زۆر كاریگەر بوون بە ڤیدیۆكە و ئەمەش كاریگەری درووستبوونی چینە كۆمەڵایەتییەكانە لە ئێران و خراپ بەكارهێنانی دەسەڵات لەلایەن بەرپرسانی ئێرانەوەیە.
بەشێكی دیكەش پێیان وایە، بڵاوكردنەوەی ئەم جۆرە تۆمارە ڤیدیۆییانە بۆ منداڵێكی هەژار باش نییە و ئەو منداڵەی پێ دەشكێت و بابەتێكی نامرۆڤانەیە.

بەردەوام بە لە خوێندنەوە

جیهان

تووشبوون بەکۆرۆنا نزیک دەبێتەوە لە ٢٠ ملیۆن کەس

خەڵک – بەشی هەواڵ

 

بەپێی نوێترین ئامار، زیاتر لە١٩ ملیۆن و ٥٤٨ هەزار تووشبووی کۆرۆنا لەجیهاندا تۆمارکراون.

 

بەپێی نوێترین ئامار لەسەرەتای بڵاوبوونەوەى ڤایرۆسی کۆرۆنا تاکو ئێستا  زیاتر لە ١٩ ملیۆن و ٥٤٨ هەزار تووشبووی ڤایرۆسی کۆرۆنای نوێ تۆمارکراون.

 

هەر بەپێی ئەو ئامارە، لەوماوەیەدا  زیاتر لە١٢ملیۆن و ٥٤٩ هەزار کەس چاکبوونەتەوە، کە لەبەرامبەردا زیاتر لە ٧٢٤ هەزار کەس گیانیان لەدەستداوە، ئەوانی دیکەش لەژێر چارەسەردان.

 

بەردەوام بە لە خوێندنەوە

کوردستان