ئێمە لە تۆرە کۆمەڵایەتیەکان

عێراق

105 ملیۆن دینار لە گرێبەستی كڕینی سەگی پۆلیسیدا بەهەدەر دەدرێت

خەڵك- بەشی هەواڵ
نووسینگەی پشكنەری گشتی لە وەزارەتی ناوخۆی عیراق، بەهەدەردانێكی دارایی بە بڕی 105 ملیۆن دینار لە گرێبەستی كڕینی سەكی پۆلیسی ( k9 ) بۆ بەڕێوەبەرایەتی پۆلیسی دیالە، ئاشكرا دەكات.

بەپێی بەیاننامەیەكی نووسینگەی پشگنەری گشتی وەزارەتی ناوخۆ، “نووسینگەكەیان بوونی بەهەدەردانێكی لە سامانی گشتیدا بە بەهای 105 ملیۆن دینار لە گرێبەستی كڕینی سەكی پۆلیسی ( k9 )ی نێوان بەڕێوەبەرایەتی پۆلیسی پارێزگای دیالە و كۆمپانیایەكی ناپسپۆڕدا، ئاشكرا كردووە”.

لە بەیاننامەكەی وەزارەتی ناوخۆی عیراقدا هاتووە، “لیژنەی وردبینی سەر بە نووسینگەی پشگنەری گشتی لە پارێزگای دیالە، لەلایەن جەمال ئەسەدی، پشكنەری گشتی وەزارەتی ناوخۆوە پێكهێنرا و توانرا، تەواوی ئەو گەمە و سەرپێچییان لەو گرێبەستەدا بدۆزێتەوە، كە لەنێوان بەڕێوەبەرایەتی پۆلیسی دیالە و كۆمپانیایەكی ناپسپۆڕدا بۆ دابینكردنی 30 سەگی پۆلیسی بۆ دزۆینەوەی تەقەمەنییەكان و ماددە هۆشبەرەكان واژۆكرابوو، بەڵام بۆ لیژنەكە دەركەوت ئەو كۆمپانیایەی گرێبەستی لەگەڵدا كراوە، پسپۆڕییەكانی ئەوە نییە سەكی پۆلیسی دابین بكات، وێڕای پێشكەشكردنی نمایشەكەی، كە بەرزترین بووە لە بازاڕ و 105 ملیۆن دینار بووە”.

نووسینگەی پشكنەری وەزارەتی ناوخۆ دەڵێت: “بەهای گرێبەستی دابینكردنی 30 سەگەكە گەیشتۆتە 495 ملیۆن دینار، لەكاتێكدا لێكۆڵینەوەكان دەریانخست، كە كۆمپانیایەكی پسپۆڕ، هەمان ژمارەی سەگی بۆ بەڕێوەبەرایەتی پۆلیسی بابل بە هەمان تایبەتمەندی دابین كردووە، بە خزمەتگوزارییەكانی دوای فرۆشتینیش بەهاكەیان گەیشتۆتە 390 ملیۆن دینار”.

پشكنەری گشتی، ئاماژەی بە ئامادەكردنی ڕاپۆرتێكی ورد كردووە لە پارێزگای دیالە و ڕاپۆرتەكەی بۆ مەبەستی وردبینی بۆ چاودێری دارایی لە پشكنەری گشتی وەزارەتی ناوخۆ بەرزكردۆتەوە، بەو پێیەی لایەنی بەرپرس لە ئەنجامدانی كاری وردبینی لە كەیسەكە،ڕاسپاردەكەشی پێكهێنانی ئەنجوومەنێكە بۆ خستنەڕووی سەرپێچیكاران و كەمتەرخەمەكان، تا ڕێوشوێنی یاساییان لە دژ بگرێتەبەر.

عێراق

ئەمڕۆ پەڕلەمانی عیراق كۆدەبێتەوە

خەڵك-بەشی هەواڵ

دەستەی سەرۆكایەتی پەڕلەمانی عیراق ئاشكرایدەكات، ئەمڕۆ یەك شەممە پەڕلەمان كۆدەبێتەوە و بەپێی بەرنامەی كاری كۆبوونەوەكەش بێت، هیچ بڕگەیەك بۆ دەنگدان لەسەر بازنەكانی هەڵبژاردن نییە.

دەستەی سەرۆكایەتیی پەڕلەمانی عیراق لە ڕاگەیەنراوێكدا ئاماژە بۆ ئەوە دەكات، دانیشتنی ئەمڕۆ یەك شەممە كاتژمێر 12ی نیوەڕۆ دەست پێدەكات و دانیشتنەكە لە شەش بڕگە پێكهاتووە كە تیایدا دەنگ لەسەر چەند پڕۆژەیاسایەك دەدرێت و خوێندنەوەی دووەم و دەنگدانیش بۆ ژمارەیەكی دیكە دەكرێت.

بەپێی كارنامەكەش بێت، هیچ بڕگەیەكی تێدا نییە كە تایبەت بێت بە دەنگدان لەسەر یاسای هەڵبژاردنی نوێ و بازنەكانی هەڵبژاردن كە مشتومڕێكی زۆری لەنێوان لایەنە سیاسیەكانی عیراقدا ناوەتەوە.

بەردەوام بە لە خوێندنەوە

عێراق

“مالیكی و عامری بیانەوێت حكومەتەكەی كازمی بڕوخێنن پێویستیان بە كودەتا نییە”

خەڵك – بەشی هەواڵ

حزبی دەعوە ڕەتیدەكاتەوە كە هەریەك لە نوری مالیكی و هادی عامری بەنیازی كودەتای سەربازی بن بۆ ڕووخانی حكومەتەكەی مستەفا كازمی.

ڕۆژنامەی ئەلعەرەبی لەندەنی لەژمارەی ئەمڕۆیدا بڵاویكردبووەوە، لەلایەن هەریەك لە نوری مالیكی سەرۆكی هاوپەیمانی دەوڵەتی یاسا و هادی عامری سەرۆكی هاوپەیمانی فەتحەوە جموجۆلێكی سەربازی هەیە بۆ كۆتایی هێنان بە ‌حكومەتەكەی مستەفا كازمی.

لای خۆیەوە، عەدنان ئەسەدی سەركردە لە حزبی دەعوە لە جریوەیەكدا لە تۆڕی كۆمەڵایەتی تویتەر ئەو تۆمەتانەی ڕۆژنامەكە ڕەتدەكاتەوە و ڕایدەگەیەنێت:”ئەگەر ئەو دوو كەسە بیانەوێت كۆتایی بەهەر حكومەتێك بهێنن كە خزمەت بە گەلی عیراق نەكات ئەوا پێویستان بە كودەتای سەربازی نییە، بەڵكو ئەنجومەنی نوێنەران و ڕێوشوێنە دەستورییەكان هەیە”.

ئەسەدی ئاماژە بەوەشكردووە، هەموو ئەو دەنگۆیانەی باس لە كودەتا دەكەن دوورن‌ لە ڕاستییەوە.

بەردەوام بە لە خوێندنەوە

عێراق

پەرلەمانی عێراق لە دەنگدان لەسەر یاسای هەڵبژاردنەكان شكستی هێنا

خەڵك- بەشی هەواڵ
پەرلەمانی عێراق لە كۆبونەوەی خۆیدا شكستی هێنا لە دەنگدان لەسەر یاسای هەڵبژاردنەكان.

محەمەد حەلبووسی سەرۆكی پەرلەمان وتی: داوامانكردووە بڕگەی تایبەت بە بازنەی هەڵبژاردنەكان لە یاسای هەڵبژاردنەكان دوابخرێت بۆ دوای پشووی پەرلەمان.

ئەوەش دوای ئەوەی هات ژمارەیەك فڕاكسیۆنی گەورە لە ناویاندا دەوڵەتی یاسا و فەتح لە دانیشتنەكە كشانەوە و رێژەی یاساییان شكاند.

هاوكات لەنێو پەرلەماندا گرژی و ئاڵۆزی لەنێوان پەرلەمانتاراندا دروستبووە، ئەمە لەكاتێكدا پێش كۆبوونەوەی پەرلەمان كۆبونەوەیەك لەنێوان فراكسیۆنەكاندا كراوە بۆ گەیشتن بە رێككەوتن، بەڵام رێكنەكەوتوون.

ژمارەی بازنەی هەڵبژاردنەكان لە عێراقدا خاڵی ناكۆكی لەسەرە، فراكسیۆنەكان دابەشبوون بەسەر چەند ئاراستەیەكدا.

بەردەوام بە لە خوێندنەوە

کوردستان