ئێمە لە تۆرە کۆمەڵایەتیەکان

ئابوری

پێش جەژن مووچەی تر دەدرێت؟
بەرپرسێكی مامۆستایان: حكومەت یاری بەكات دەكات

خەڵك – بەشی هەواڵ
ئەندامێكی سكرتاریەتی یەكێتی مامۆستایانی كوردستان ڕایدەگەیەنێت، حكومەتی هەرێم مووچەی فەرمانبەرانی بەمەبەست دواخستووە، دەشڵێت: “نە كێشەی نەختینەی پارەی هەیە و نە ناردنی بەشە بودجەی هەرێم لەلایەن بەغداوە”.

بەرهەم مستەفا، ئەندامی سكرتاریەتی یەكێتی مامۆستایانی كوردستان لە هەژماری تایبەتی خۆی لە فەیسبووك ڕایگەیاندووە، حكومەتی هەرێم مووچەی فەرمانبەرانی بەمەبەست دواخستووە، نە كێشەی نەختینەی پارەی هەیە نە ناردنی بەشە بودجەی هەرێم لەلایەن بەغدادەوە، تەنها وەك بیانویەك ئەمە بڵاوئەكاتەوە و مەبەستی سەرەكیش لەم كارەی ئەیكات بۆئەوەیە پێش جەژن مووچەیەكی تر دابەش نەكات و بۆیە یاری بەكات ئەكات.

ڕاشیگەیاندووە، هەموو لایەك ئاگادارن، كە مووچە بە دوو ئاست دابەش ئەكرێت بەشێكیان بەداهاتی ناوخۆ، بەشەكەی دیكەی مووچە بە پارەی بەغدا، پرسیارەكە ئەوەیە بۆچی بەداهاتی ناوخۆ مووچەی وەزارەتی پێشمەرگە و پەروەردە و تەندروستی و دارایی دابەش ناكات.

ئاماژەی بۆ ئەوەشكردووە، ئەمە پێویستی بە چاوەڕوانی پارەی بەغدا نیە و پشت دەبەستێ بەداهاتی ناوخۆ، وەڵامەكە ڕوونە یاریكردن بەكات لەپێناو خۆدزینەوە لەو فشارەی لێی دەكرێ كە پێش جەژن مووچە بداتەوە.

ئابوری

نرخی زێڕ و دراوەکان

خەڵک – بەشی هەواڵ

 

نرخی زێڕ و دراوەکان بۆ ئەمڕۆ شەممە لەبازاڕەکانی هەرێمی کوردستان بەم جۆرەى خوارەوەیە:

 

نرخی 100 دۆلاری ئەمریكی بەرامبەر 123هەزار و 200 دینارە.

نرخی 100 یۆرۆ بەرامبەر 144 هەزار دینارە.

نرخی 100 پاوەن بەرامبەر 156 هەزار دینارە.

نرخی 100 هەزار تمەن بەرامبەر ٥ هەزار و 750 دینارە.

نرخی 100 لیرەی توركی بەرامبەر 16 هەزار و 500 دینارە.

 

نرخی مسقاڵێک زێڕی عەیارە 18 بەرامبەر 289 هەزار دینارە.

نرخی مسقاڵێک زێڕی عەیارە 21 بەرامبەر 346 هەزار دینارە.

نرخی مسقاڵێک زێڕی عەیارە 24 بەرامبەر 385 هەزار دینارە.

بەردەوام بە لە خوێندنەوە

ئابوری

باندێکی ساختەکاری پارە دەستگیرکرا

 

خەڵک – بەشی هەواڵ

باندێکی ساختەکاری پارە لەڕەواندوز دەستگیرکران، کە لەدەرەوە هاتبوو و دەیانویست پارەى ساختە لەناو بازاڕەکانی هەرێمی کوردستان سافبکەنەوە.

 

حاتم زوبێر بەڕێوەبەری ئاسایشی ڕەواندوز لەکۆنفڕانسێکی ڕۆژنامەوانیدا ڕایگەیاند، باندێکی سێ کەسییان دەستگیرکرد، کە پارەی ساختەیان پێبووە و ویستوویانە ساغیبکەنەوە.

 

ئاماژەى بەئەوەشدا، ئەو پارە ساختانە بەشێوەیەکی زۆر ورد دروستکرابوو، کە زەحمەتبوو پارەکە بناسرێنەوە، بەڵام لەکاتی مامەڵەکردنیان بەپارەکەوە هەستیان پێکراوە، بۆ نمونە بۆ شەربەتێک ١٠٠ دۆلاریان بەشەربەت فرۆشکەداوە.

 

ئەوەشی خستەڕوو، شەو و ڕۆژ لەخزمەتى هاوڵاتییاندان و داوا لەهاوڵاتییانیش دەکات هەر شتێکی گوماناوییان بینی ئاگاداریان بکەنەوە.

 

بەردەوام بە لە خوێندنەوە

ئابوری

نرخی نەوت لە بازاڕەكانی جیهان بەرز بووەوە

خەڵك-بەشی هەواڵ

 

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بەرز بووەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ شەممە، 19ی ئەیلولی 2020، بەشێوەیەك بووە كە نرخی‌ نەوتی برێنت بە 43 دۆلار و 9 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 40 دۆلارو 97 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

بەردەوام بە لە خوێندنەوە

کوردستان