ئێمە لە تۆرە کۆمەڵایەتیەکان

کوردستان

عەبدوڵڵا ئۆجالان پەیامێك بڵاودەكاتەوە

خەڵك- بەشی هەواڵ
عەبدوڵڵا ئۆجالان، سەركردە و دامەزرێنەری پارتی كرێكارانی كوردستان (پەكەكە) پەیامێك بڵاودەكاتەوە و تێیدا باس لە تەنگژەكانی نێوان دەوڵەتی توركیا و هێزەكانی پاراستنی گەل (یەپەگە) لە ڕۆژئاوای كوردستان دەكات، لە پەیامەكەیدا بەپێویستی دەزانێت (یەپەگە) لەڕێی دیالۆگ و دانوستانەوە تەنگژەكان لەگەڵ توركیادا چارەسەر بكات و مەترسییەكانی ئەنقەرە لەو ڕووەوە بە هەند وەربگرێت.

ئەمڕۆ دوو شەممە، پارێزەرانی عەبدوڵڵا ئۆجالان، سەركردە و دامەزرێنەری پارتی كرێكارانی كوردستان
لە هوتێل (تەقسیم هیل)ی ئیستەنبوڵ كۆنفرانسێكی ڕۆژنامەوانییان ساز كرد و پەیامێكی ئۆجالانیان بۆ ڕای گشتی بڵاوكردەوە.

ئۆجەلان لە پەیامەكەیدا لە زیندانی ئیمڕاڵییەوە كە لەلایەن پارێزەرەكانییەوە خوێنرا‌یە، ڕایگەیاندووە:”لەم پرۆسە مێژووییەدا پێویستی بە ڕێككەوتنێكی قووڵی كۆمەڵایەتی هەیە. لەپێناو چارەسەركردنی كێشەكان پێویستییەكی زۆر بە ڕێبازێكی دانوستانی دیموكراتی هەیە كە دوور بێت لە كولتووری دژایەتی و شەڕ”.

بە وتەی عەبدوڵڵا ئۆجالان:”ئێمە دەتوانین كێشەكانی توركیا و هەرێمەكە بە هێزی نەرم واتە هێزی ئەقڵ، سیاسی و كولتووری چارەسەر بكەین، نەك بە شەڕ و ڕێبازەكانی تووندوتیژیی جەستەیی، بۆیە لەو باوەڕەداین، لە چوارچێوەی هێزەكانی سوریای دیموكراتیدا كێشەكانی سوریا دوور لە كولتووری شەڕ، لەم دۆخەی كە تیایدان لە چوارچێوەی یەكپارچەیی سوریا و بە ڕوانگەی دیموكراتیی خۆجێیی كە بە دەستووری بنەڕەتی مسۆگەر كراوە، پێویستە چارەسەر بكرێن. لەم چوارچێوەیەدا پێویستە هەستیارییەكانی توركیاش ببینرێن”.

سەركردەی پارتی كرێكارانی كوردستان دەڵێت:”ئێمە ڕێز لە بەرخۆدانی هەڤاڵانی زیندانەكان و دەرەوە دەگرین بەڵام دەمانەوێت بەتایبەتی دەستنیشانی بكەین كە پێویستە نەیگەیەننە ئاستێك كە باری تەندرووستیی ئەوان بخاتە مەترسییەوە و ڕێ لە بەردەم مردن بكاتەوە. بۆ ئێمە تەندرووستیی ئەقڵی، فیزیكی و ڕۆحی ئەوان لەپێش هەموو شتێكەوەیە. هەروەها ئێمە لەو باوەڕەداین كە واتادارترین نزیكایەتی بەهێزكردنی هەڵوێستی زیهنی و ڕۆحییە”.

هەر لە پەیامەكەدا هاتووە:”هەڵوێستی ئێمە لە ئیمڕاڵی ئاشكرایە كە پێداگرییە لەسەر بەهێزكردنی ئەو ڕێبازەی كە لە پەیامی نەورۆزی 2013دا ڕاگەیەنرا و بەردەوامیدان پێی. ئاشتییەكی بەڕومەت و چارەسەریی سیاسەتی دیموكراتی بۆ ئێمە بنەمایە، ئێمە بەڕێزەوە هەڵوێستی هەموو ئەو كەسانە بەبیردێنینەوە كە بۆ هەلومەرج و هەڵوێستی ئێمە لە ئیمڕاڵی بەپەرۆشن و هەڵوێست پیشان دەدەن. لە بەرزترین ئاستدا سوپاسیان دەكەین”.

ژینگە

شارەوانی سلێمانی: دار سنەوبەرەکان بەمەبەست نەسووتێنراون

خەڵک – بەشی هەواڵ

شارەوانی سلێمانی ڕەتیدەکاتەوە بەمەبەست ئاگر لەدار سنەوبەرەکانی ڕێگای ڕاپەڕین بەردرابێت.

 

ئاکۆ عەلی جێگری سەرۆکی شارەوانی سلێمانی  لەکۆنفڕانسێکی ڕۆژنامەوانیدا ڕایگەیاند، ئەو دار سنەوبەرانەى کە سووتاون، تازە نییە و لەم چەند ڕۆژەى ڕابردوودا ڕووینەداوە، بەڵکو ئەوەی بەرامبەر فەرماندەیی لەبەرواری ٧\٦\٢٠٢٠ ئاگرێک کەوتەوە و بەهۆی ئەوەوە سوتان، ئاگرێکی دیکەشیان لەبەرامبەر تەکیەکەی شێخ محەمەدی کەسنەزانی لەمانگی حەوتی ئەمساڵدا کەوتەوە و ژمارەیەک دار پێوەی سووتان.

 

ئاماژەى بەئەوەشدا، ڕەتیدەکەنەوە، کە ئەو ئاگرە لەم چەند ڕۆژەدا بووبێت و ڕەتی دەکەنەوە کە بەمەبەست سووتێنرابێت، بەڵکو ئاگرێکی ئاسایی بووە.

 

 

بەردەوام بە لە خوێندنەوە

کوردستان

سلێمانی..گۆشتفرۆشی (جیهانی گۆشتی به‌رخ) داخرا

خەڵک – بەشی هەواڵ

 

به‌هۆی فێڵكردن له‌ هاوڵاتییان و فرۆشتنی گۆشتی به‌ستو به‌نرخی گۆشتی فرێش، لیژنه‌ هاوبه‌شه‌كانی قائیمقامیه‌تی سلێمانی دوكانێكی گۆشتفرۆشتنی داخست.

 

بێوه‌ی ئه‌حمه‌د، سه‌رۆكی لیژنه‌ی دوی قائیمقامیه‌تی سلێمانی ڕایگه‌یاند، به‌هۆی فێڵكردن له‌ هاوڵاتیان و فرۆشتنی گۆشتی به‌ستو به‌ نرخی گۆشتی فرێش، لیژنه‌كه‌ دوكانی گۆشتفرۆشی (جیهانی گۆشتی به‌رخ) له‌ گه‌ڕه‌كی كانی بای شاری سلێمانی داخست.

 

وتیشی: له‌كاتی سه‌ردانی لیژنه‌كه‌ بۆ دوكانی گۆشتفرۆشی (جیهانی گۆشتی به‌رخ) ده‌ست به‌سه‌ر بڕێكی زۆر گۆرشتی به‌ستودا گیراوه،‌ كه‌ خاوه‌نه‌كه‌ی به‌نیاز بوه‌ به‌نرخی گۆشتی فرێش به‌سه‌ر هاوڵاتیاندا ساغی بكاته‌وه‌، ئه‌مه‌ش جۆرێكه‌ له‌ فێڵی بازرگانی و یاسا ڕێكاری‌ خۆی بۆ ئه‌نجامده‌رانی دیاریكردوه‌.

 

ئاماژه‌ی بۆ ئه‌وه‌كرد: به‌فه‌رمانی قائیمقامی سلێمانی دوكانی گۆشتفرۆشی (جیهانی گۆشتی به‌رخ) داخرا و خاوه‌نه‌كه‌شی ڕووبه‌ڕووی ڕێكاری یاسایی توند ده‌كرێته‌وه‌.

بەردەوام بە لە خوێندنەوە

ژینگە

وەزارەتی كشتوكاڵ و سەرچاوەكانی ئاو پڕۆژەیەکی بۆ پاراسانی دارستانەکان ئامادەکردووە

خەڵک – بەشی هەواڵ

وەزارەتی كشتوكاڵ و سەرچاوەكانی ئاوی حکومەتى هەرێم ڕاگەیەندراوێکی لەبارەى سووتاندنی دار سنەوبەرەکانی ڕێگای ڕاپەرین لەسلێمانی بڵاوکردەوە.

 

حسێن حەمە كەریم وتەبێژی وەزارەتی كشتوكاڵ و سەرچاوەكانی ئاو لەڕاگەیەندراوێکدا ڕایگەیاند، لەچەند ڕۆژی ڕابردوو ڤیدیۆی سوتانی دارسنەوبەرەكانی نزیك شەقامی سەرەكی سلێمانی تاسڵوجە بڵاوكرایەوە، لەسەر ڕاسپاردەی  وەزیری كشتوكاڵ و سەرچاوەكانی ئاو بەدواداچوونی ورد كرا.

 

ئاماژەى بەئەوەشدا، پێشتر چەندین جار هەوڵدراوە ئەم ناوچەیە بكرێت بە پڕۆژە، بەڵام وەزارەت لاری نەبوونی نەداوە، چونكە ئەم دارسنەوبەرانە، سیمایەكی جوان و ژینگەیان بەخشیوەتە ئەم ناوچەیە، بۆیە ناكرێت درەخت ببڕدرێت بۆ ئەوەی لە شوێنەكەی پڕۆژە بكرێت.

 

باسی لەئەوەشکرد، ئەم دارسنەوبەرانە بەری ڕەنج و ماندووبوونی دەیان ساڵی فەرمانبەرانی دارستانە.

 

ئەوەشی خستەڕوو، لەئێستادا ئەم دار سنەوبەرانە ( ئەم ناوچەیە) كەوتۆتە ناو سنوری شارەوانی تاسڵوجە و ڕاپەڕین.

 

ئەوەشی باسکرد، لەگەڵ ئەوەی ئەم بابەتە لەچەند ڕۆژی ڕابردوو ڕوویداوە، بەڵام بەڕێوەبەرایەتی گشتی كشتوكاڵی سلێمانی و بەڕێوەبەرایەتی گشتی باخداری و دارستان و پاوان لەگەڵ لایەنە پەیوەندارەكان لە بەدواداچوونی بەردەوامدان، بۆ دیاریکردنی هۆکارەکان و گرتنەبەری ڕێکاری پێویست.

 

 

وتیشی: وەزارەتمان پڕۆژەی بۆ پاراستنی دارستانەكان ئامادە كردووە، لە ئێستادا لە قۆناغی پەسندكردنە بۆ ئەوەی بەشێوەیەكی سەردەمیانە دارستانەکان لە سوتان و لەناو چوون بپارێزرێن.

 

ئاماژەى بەئەوەشدت، وەك وەزارەتی كشتوكاڵ و سەرچاوەكانی ئاو سوپاسی هەوڵ و ماندوونی خەمخۆران و چالاكانی ژینگە دەكەن، كە لەرێگەی خۆیان هەوڵ بۆ پاراستنی ئەم درەختانە و سەرجەم دارستانەكان دەدەن، پێویستە بكەرانی دەست نیشان بكرێن و سزای یاسایی خۆیان وەربگرن، ئێمەش لە چوارچێوەی پەیوەندیداریمان هاوكار و بەردەوام دەبین بۆ پاراستنیان.

 

بەردەوام بە لە خوێندنەوە

کوردستان