ئێمە لە تۆرە کۆمەڵایەتیەکان

ئابوری

بەهۆی ڕەمەزانەوە نەخۆشخانەیەك هەفتەی ڕۆژێك دەكاتە خۆڕایی

خەڵك- بەشی هەواڵ
كلینیكی ڕاوێـژكاری ئێوارانی هەڵەبجە بڕیاریدا هەفتەی ڕۆژێك بۆ بینینی نەخۆش لەلایەن پزیشكەكانەوە بێ‌ بەرامبەر بێت.

كلینیكی ڕاوێـژكاری ئێوارانی هەڵەبجە لە ئاگادارییەكدا ئاماژەی بەوەكردووە، هاووڵاتیانی هەڵەبجە و هەور‌‌امان و شارەزوور ئاگادار دەكەیەنەوە، كە كلینــیكیەكەمان لە مانگـی پیرۆزی ڕەمـــەزاندا هەموو ڕۆژانێكی (یەك شـــەممە) پشكنـیـن و بینینی نەخۆش بێبەرامبەر دەبێت.

ڕاشیگەیاندووە، ئەو كەسانەی نەخۆشیەكانی منداڵان، قوڕگ و لووت و گوێ، هەناوی، دڵ، شەكرە، غـودە، بەرزبوونەوەی پەستانی خوێن، گورچیلە، ئـێســـك و شــــكاوی-یان هەیە دەتـــوانن ســەردانی كلینیكیەكە بكەن.

ئاشكراشی كردووە، كلینیكی ڕاوێـژكاری ئێوارانی هەڵەبجە ڕۆژانە لە كاتژمێر ٢:٣٠ی دوانیوەڕۆ بۆ ٦ی ئێوارە كراوەیە.

كلینیكی ڕاوێـژكاری ئێوارانی هەڵەبجە ئــــەم پزیشكە پسپۆڕانە نەخۆش دەبینن:
– د.محمد سـبحان: پسپۆڕی قوڕگ و لووت و گوێ
– د.زانا باقی: پسپۆڕی نەخۆشیەكانی منداڵان
– د.جیهاد ابراهـیم: پسپۆڕی هەناوی
– د.وەلید تەها: پسپۆڕی گورچیلە
– د.سەنگەر محمد: پسپۆڕی ئێسك و شكاوی

كلینیكی ڕاوێـژكاری ئێوارانی هەڵەبجە لە پارێزگای هەڵەبجە دەكەوێتە تەنیشت نەخۆشخانەی گشتی هەڵەبجە.

ئابوری

تەمەنی خانەنشینی فەرمانبەران كەمدەكرێتەوە
(خەڵك) زانیاری نوێ‌ لەسەر یاسای خانەنشینی ئاشكرادەكات

خەڵك- بەشی هەواڵ
شانەی بەدواداچوونی حكومی لە حكومەتی فیدڕاڵ ڕایدەگەیەنێت، ئەنجوومەنی وەزیران پێشنیاری هەمواری یاسای خانەنشینی لەڕووی تەمەنەوە بەرزكردۆتەوە، تا تەمەنی یاسایی خانەشینی بۆ پیاوان و ژنان بكرێتە 60 ساڵ، ئەندامێكی لیژنەی دارایی پەڕلەمانی عیراقیش، لایەنە ئەرێنی و نەرێنییەكانی ئاشكرا دەكات.

شیروان میرزا، ئەندامی لیژنەی دارایی لە پەڕلەمانی عیراق لە لێدوانێكیدا بۆ (خەڵك) ڕایگەیاند، “بەپێی یاسای خانەنشینی یەكگرتوو لە عیراق، تەمەنی یاسایی خانەشینی 63 ساڵە، هەر فەرمانبەرێك تەمەنی بگاتە 63 ساڵ لەلایەن حكومەتەوە خانەنشین دەكرێت، هەروەها لەسەرو 50 ساڵیشەوە، فەرمانبەر ئەگەر خزمەتی 15 ساڵی هەبێت دەتوانێت داوای خانەنشینی بكات بۆخۆی، واتا لە 63 ساڵیدا ناچارییە و لە سەروو تەمەنی 50 ساڵیش ئارەزوومەندانەیە، بەڵام جیاوازی لەو مووچەیە هەیە، كە وەریدەگرن”.

بە وتەی ئەندامەكەی لیژنەی دارایی پەڕلەمانی عیراق، “پێشنیاری هەهواركردنی یاساكە بۆ كەمكردنەوەی تەمەنی خانەنشین بوون بۆ 60 ساڵ، لێكەوتەی ئابوری هەیە، بەو پێیەی بارگرانی لەسەر دەزگای خانەنشینی زیاد دەكات، تەمەنی خزمەتی هاووڵاتی بۆ حكومەت كەمدەكاتەوە، بەو پێیەی هاووڵاتی كاتێك لە تەمەنی 23 ساڵیدا دادەمەزرێت و لە تەمەنی 63 ساڵیدا خانەنشین دەكرێت، ئەو كاتە 37 ساڵ خزمەت دەكات، ئەمەش وادەكات خانەنشین زیاد ببێت و لە هەمان كاتدا خزمەت كەمدەبێتەوە، بۆیە بارگرانی لەسەر حكومەت و دەزگای خانەنشینی زیاد دەكات”.

شیروان میرزا دەڵێت: “هەرچەندە سندوقی دراوی نێودەوڵەتیش سەرنجی لەسەر ئەم پێشنیارە هەیە، بەڵام گەر حكومەت بەرنامەی هەبێت لەجێی خانەنشینەكان كەسانی نوێ‌ دابمەزرێنێت، وەك هەوڵێك بۆ كەمكردنەوەی ڕێژەی بێكاری لە وڵات، ئەوا پێدەچێت پێشنیاری هەمواری یاسای خانەنشینی لەلایەن پەڕلەمانەوە دەنگی لەسەر بدرێت و پەسەند بكرێت”.

هاوكات بەپێی زانیارییەكانی (خەڵك) لە پڕۆژە هەمواری یاسای خانەنشینی یەكگرتووی عیراق پێشنیار كراوە كەمترین مووچەی خانەنشینی 600 هەزار دینار بێت.

بەردەوام بە لە خوێندنەوە

ئابوری

سبەینێ‌ مووچەی ئەم شوێنانە دابەش دەكرێت

خەڵك- بەشی هەواڵ
دابەشكردنی مووچەی مانگی 7ی فەرمانبەران بەشێوەیەكی خاو لە مانگی 10دا دەستی پێكردووە و ڕۆژانە مووچەی وەزارەتێك دابەش دەكرێت.

سەرچاوەیەك لە وەزارەتی دارایی و ئابووری هەرێم بۆ (خەڵك) ئاشكرای كرد، كە سبەینێ‌ چوار شەممە مووچەی وەزارەتی كار و كاروباری كۆمەڵایەتی دابەشدەكرێت و هەر سبەینێ‌ مووچەی خاوەن پێداویستییە تایبەتەكان و كەمئەندامان خەرج دەكرێت

سەرچاوەیەك لە لقی هەولێری بانكی ناوەندی عیراق ڕایگەیاندووە، لە ئێستادا پارەی مووچەی فەرمانبەرانی هەرێم لە بەغداوە ڕەوانەكراوە و پارەی پێویست بۆ مووچە گەیشتووە.

ئەمە لەكاتێكدایە، كە ئەو پارەیەی عیراق ناردویەتی بۆ هەرێم بۆ مووچەی مانگی 10-یە، بەڵام مووچەی مانگی 7 دابەش دەكرێت و چارەنووسی 3 مووچەی ئەمساڵیش بە نادیاری ماوەتەوە.

بەردەوام بە لە خوێندنەوە

ئابوری

كەبابخانەیەك لەناو بازاڕی سەرچنار داخرا

خەڵك- بەشی هەواڵ
لیژنەكانی چاودێری تەندروستی سلێمانی لەناو بازاڕی سەرچنار كەبابخانەیەك دادەخەن.

بەڕێوەبەرایەتی چاودێری تەندروستی سلێمانی لە ڕاگەیەنراوێكدا، كە وێنەی دراوە بە (خەڵك) ئاماژەی بەوەكردووە، سەر لەبەیانی ئەمڕو سێ‌ شەممە، لیژنەكانیان بەهاوكاری بنكەی پۆلیسی نەخۆشخانە هەستان بەداخستنی كەبابخانەیەك لەگەڕەكی سەرچنار، دوای ئەوەی چەندین جار لەلایەن لیژنەكانی چاودێری تەندروستییەوە ئاگادار كراوەتەوە.

ڕاشیگەیاند، كە بەهۆی جێبەجێ نەكردنی مەرجی تەندروستی و پابەند نەبوون بەڕێنماییەكان بڕیار لەسەر داخستنی درا و ئاگادار كراوەتەوە تا ڕێنماییە تەندروستیەكان جێبەجێ نەكات شوێنەكەی بۆناكرێتەوە .

بەڕێوەبەرایەتی چاودێری تەندروستی سلێمانی داوا لە هاووڵاتیان دەكات، لەكاتی هەبونی خۆراكی خراپ و بەسەرچوودا بەزووترین كات لیژنەكانی لێ ئاگادار بكەنەوە لەڕێگای ژمارە تەلەفۆنی (07709142727).

بەردەوام بە لە خوێندنەوە

کوردستان