ئێمە لە تۆرە کۆمەڵایەتیەکان

کوردستان

لە كەلار تۆمەتبارێك دەستگیركرا

خەڵك – بەشی هەواڵ

لەلایەن هێزەكانی پۆلیسی 104ەوە تۆمەتبارێك لەناو بازاڕی شاری كەلار دەستگیركرا.

مقەدەم عەلی جەمال قەدوری وتەبێژی پۆلیسی گەرمیان ڕایگەیاند:” ڕۆژی شەممە لەناو بازاڕی كەلار مەفرەزەكانی فریاكەوتن (104)ی كەلار بەتۆمەتی دزیكردن تۆمەتبارێكیان دەستگیركردووە كە لەناو بازاڕی ئەو شارەدا بڕی ملیۆنێك و (750) هەزار دیناری عیراقی لەناو ئۆتۆمبێلی هاووڵاتیەك دزیبوو.

وتەبێژی پۆلیسی گەرمیان ئەوەشیخستەڕوو:” دوای ڕادەستكردنی تۆمەتبارەكە بە بەشی پۆلیسی كەلار و لێكۆڵینەوە لەگەڵیدا دانیناوە بەم تاوانە و چەندین تاوانی دزیكردنی تردا”.

مقەدەم عەلی جەمال قدوری ئاماژەی بەوەشدا:” تۆمەتبارەكە دانی بەوەداناوە لەشاری سلێمانی بڕی حەوت هەزار دۆلاری ئەمریكی لە هاووڵاتییەك دزیوە”.

وتەبێژی پۆلیسی گەرمیان ئاشكرایكرد:”لەئێستادا تۆمەتباری دەستگیركراو بەبڕیاری دادوەر و بەپێی مادەی 444 بەند كراوە و دۆسیەكەی ڕەوانەی بەشی نەهێشتنی تاوانی گەرمیان كراوە بەمەبەستی لێكۆڵینەوەی زیاتر لەگەڵیدا”.

کوردستان

تووشبوون بە كۆرۆنا لە هەرێم گەیشتە نزیكەی 50 هەزار كەس

خەڵك- بەشی هەواڵ
وەزارەتی تەندروستی هەرێم ئاشكرای دەكات، كە لە 24 كاتژمێری ڕابردوودا 636 حاڵەتی تووشبوون بە كۆرۆنا تۆماركراوە و 17 كەسیش گیانیان لەدەستداوە.

وەزارەتی تەندروستی حكومەتی هەرێم لە ڕاگەیەنراوێكدا ئاماژەی بەوەكردووە، ٤٦٩٧ پشكنین ئەنجام دراوە و دەركەوتووە لە هەولیر 110 كەس و سلێمانی 109 كەس و لە گەرمیان 32 كەس و دهۆك 353 و هەڵەبجە 32 كەس تووشی كۆرۆنا بوون.

ئاشكراشی كردووە، كە ٤٠٣ كەس چاكبوونەوە و 17 كەسیش گیانیان لەدەستداوە.

ڕوونیشی كردۆتەوە، كە كۆی گشتی تووشبوون بە پەتاكە گەیشتۆتە ٤٢ هەزار و ٣٦٨ كەس و چاكبوونەوەش 27 هەزار و ٣٢٤ و مردنیش 1553 كەس.

بەردەوام بە لە خوێندنەوە

کوردستان

لە شارێكی هەرێم نزیكەی 4 هەزار نەخۆشی كۆرۆنا چاكبوونەوە

خەڵك- بەشی هەواڵ
بەڕێوەبەرایەتی گشتی تەندروستی دهۆك ئاشكرای دەكات، كە 126 نەخۆشی تووشبوو بە ڤایرۆسی كۆرۆنا چاكبوونەتەوە.

بەڕێوەبەرایەتی گشتی تەندروستی دهۆك لە ڕاگەیەنراوێكدا ئاماژەی بەوەكردووە، ئەمڕۆ سێ‌ شەممە 126 نەخۆشی تووشبوو بە ڤایرۆسی كۆرۆنای نوێ‌ بەتەواوی چارەسەر بوون و گەڕانەوە ماڵەوە.

ڕاشیگەیاندووە، ئەو نەخۆشانە هەموو پشكنینەكانیان بۆ ئەنجامدرا و دەركەوت بەتەواوی چاكبوونەوە و سەلامەت، بۆیە نەخۆشخانەیان جێهێشت.

ئاشكراشی كردووە، تاوەكو ئێستا 3836 تووشبووی كۆرۆنا چاكبوونەتەوە و 5751 كەسیش لەژێر چارەسەری پزیشكی لە نەخۆشخانە ماون.

بەردەوام بە لە خوێندنەوە

کوردستان

دەزگای تەندروستیی پێشمەرگە ئاگادارینامەیەکی بڵاوکردەوە

خەڵک – بەشی هەواڵ

 

دەزگای تەندروستیی پێشمەرگە ئاگادارییەکی بۆ هاوڵاتیانی شاری سلێمانی و دەوروبەری بڵاوکردەوە.

 

دەزگای تەندروستی پێشمەرگە لەئاگادارینامەیەکدا هاوڵاتیان ئاگادار دەکاتەوە،کە بەهۆی زیادبوون و هەڵکشانی توشبووانی ڤایرۆسی کۆڕۆناوە نەخۆشخانەکانیان زۆرترین لۆدی نەخۆشی لەسەرە.

 

داواکارن لەهاوڵاتیان، لە ئێستادا سەردانی نەخۆشخانەکانیان نەکەن بەمەبەستی نەشتەرگەری سارد، واتە ئەو نەشتەرگەرییانەی کەدەتوانرێت دوابخرێت بۆ کاتێکی دیکە.

ئەوەش باسکراوە، هیوادارن هاوڵاتیان هاوکاریانبن، بۆئەوەی بتوانن زۆرترین خزمەت بەونەخۆشانە بکەن، کە توشی ڤایرۆسی کۆرۆنابوون.

بەردەوام بە لە خوێندنەوە

کوردستان