ئێمە لە تۆرە کۆمەڵایەتیەکان

کوردستان

لە ڕۆژهەڵاتی كوردستان چوار ژن و پیاو خۆیان كوشت


خەڵك- بەشی هەواڵ

لە ماوەی ڕۆژانی ڕابردوودا دوو ژن لە شارەكانی مەریوان و قەسری شیرین و دوو پیاو لە شارەكانی نەغەدە و سەلاسی باوەجانی، كۆتاییان بە ژیانی خۆیان هیناوە.

ڕێكخراوی مافی مرۆڤی هەنگاو لە ڕاپۆرتێكدا ئاماژەی بەوەكردووە، ڕۆژی چوار شەممە ١ی ئایاری ٢٠١٩ كچیكی گەنج بە ناوی (زوهرە كۆنەپۆشی)، بەنزینی بە سەر خۆیدا كردووە و ئاگری لە جەستەی خۆی بەرداوە و بە هۆی زۆربوونی ڕێژەی سووتانەكەی گیانی لەدەستداوە.

ئاماژەی بەوەشكردووە، هەمان ڕۆژ، لاوێكی خەڵكی سەلاسی باوەجانی بە ناوی (عوسمان ڕۆستەمی) تەمەن ٢٤ بە هۆی كیشەی بنەماڵەییەوە خۆی هەڵواسیوە و كۆتایی بە ژیانی خۆی هێناوە.

ڕێكخراوەكە ڕاشیگەیاندووە، ڕۆژی دوو شەممە (٢٨ی نیسان) لاوێكی خەڵكی ئاوایی ماسوەی نەغەدە بە ناوی (یەعقوب مامەندی نەژاد) لە ڕێگەی خۆهەڵواسینەوە كۆتایی بە ژیانی خۆی هێناوە، ئەمەش تەنها چەند ڕۆژ بووە دوای تەواو كردنی سەبازی.

ئاشكراشی كردووە، سەرەتای مانگی خاكەلێوە ژنێكی ٣٠ ساڵان خەڵكی ئاوایی سەید خەلیلی قەسری شیرین لە پارێزگای كرماشان بە ناوی (پەریوەش قەنبەری) بە هۆی كێشەی لەگەڵ هاوژینەكەی لەڕێگای خواردنی ژەهرەوە خۆی كوشتووە.

کوردستان

وێنە.. لە هەولێر سێ هۆتێل بۆ كەرەنتینەكردن بەخشرانە حكومەت


خەڵك – بەشی هەواڵ

سێ هۆتێلی شاری هەولێر، لەلایەن خاوەنەكانیانەوە بەخشرانە حكومەت، بۆ ئەوەی ببنە بەشێك لەو شوێنانەی وەزارەتی تەندروستی بۆ كەرەنتینەكردن سوودیان لێ ببینێت.

وەزارەتی شارەوانی و گەشتوگوزاری هەرێم بڵاویكردەوە، لە سەرەتای دەستپێكردنی پڕۆسەی كەرەنتینەكردنی هاووڵاتییانی گەڕاوە بۆ هەرێمی كوردستان، حكومەتی هەرێمی كوردستان، شوێنەكانی گەشتیاریی هەرێمی كوردستانی كردووەتە‌ شوێنی پێشوازی و كەرەنتینەكردن و پێشكەشكردنی خزمەتگوزاری كە لە ماوەی ڕابردوودا زیاتر لە 5 هەزار و 500 گەڕاوە كەرەنتین كراون.

وەزارەتی شارەوانی و گەشتوگوزاری هەرێم ئاماژەی بەوەشداوە، هەریەك لە هۆتێلەكانی “ماریانا” و “مای فلاوەر” و “دارین” لە شاری هەولێر، لەلایەن خاوەنەكانیانەوە، لە ڕێگەی وەزارەتی شارەوانی و گەشتوگوزار/ دەستەی گشتیی گەشتوگوزارەوە، بەخشرانە حكومەتی هەرێمی كوردستان، تا بۆ كەرەنتینەكردنی هاووڵاتییان بەكاریان بهێنێت، ئەمە جیا لەوەی چەند هۆتێلێكی تریش لە ڕێگەی هەمان دەستەوە ئامادەییان دەربڕیوە، ببنە بەشێك لە پلانەكانی حكومەتی هەرێمی كوردستان بۆ ڕووبەڕووبوونەوەی ڤایرۆسی كۆرۆنای نوێ (كۆڤید19).

بەردەوام بە لە خوێندنەوە

کوردستان

تەندروستی هەرێم: 8 حاڵەتی نوێی تووشبوون بە ڤایرۆسی كۆرۆنا تۆماركرا


خەڵك – بەشی هەواڵ
وەزارەتی تەندروستی هەرێم لە ڕاگەیەنراوێكدا ئاشكرایكرد: لە بەردەوامی پشكنینەكان و گەڕان بەدوای گومانلێكراوان، ھەشت تووشبووی ڤایرۆسی كۆرۆنای نوێ COVID-19 دەستنیشانكران.
وەزارەتی تەندروستی هەرێم ڕوونیشیكردووەتەوە: پێنج لە تووشبووان لە شاری سلێمانی (چوار ئافرەت و یەك پیاو) كە چوار لەوان بەركەوتەی تووشبووانی پێشوون و یەك لەوان حالەتی نوێیە، سێ لەتووشبووان دانیشتووی سلێمانی و دوو لە تووشبووان دانیشتووی شارۆچكەی دەربەندیخانن.
هەروەها، سێ لە تووشبووان لە شاری دهۆك (دوو پیاو و یەك ئافرەت) كە دوو لەوان دانیشتووی شارۆچكەی زاخۆ و یەك لەوان دانیشتووی شارۆچكەی ئامێدی یە.
دەقی ڕاگەیەنراوەكە:
دەرەنجامی نوێ …
لە بەردەوامی پشكنینەكان و گەڕان بەدوای گومانلێكراوان، ھەشت تووشبووی ڤایرۆسی كۆڕۆنای نوێ COVID-19 دەستنیشانكران، بەم شێوەیەی خوارەوە:
پێنج لە تووشبووان لە شاری سلێمانی (چوار ئافرەت و یەك پیاو) كە چوار لەوان بەركەوتەی تووشبووانی پێشوون و یەك لەوان حالەتی نوێیە، سێ لەتووشبووان دانیشتووی سلێمانی و دوو لە تووشبووان دانیشتووی قەزای دەربەندیخانن.
سێ لە تووشبووان لە شاری دهۆك (دوو پیاو و یەك ئافرەت) كە دوو لەوان دانیشتووی قەزای زاخۆ و یەك لەوان دانیشتووی قەزای ئامێدی یە.
وەزارەتی تەندروستی
31 ئازار ٢٠٢٠
بەردەوام بە لە خوێندنەوە

کوردستان

كاروانی كۆمەك و هاوكارییەكانی بەڕێز گرووپ گەیشتە دەربەندیخان


خەڵك – بەشی هەواڵ

هەڵمەتی گەیاندنی 5000 سەبەتەی خۆراك لەلایەن گرووپی كۆمپانیاكانی بەڕێز بەردەوامە و ئەمڕۆ 31-3-2020، كاروانی كۆمەك و هاوكارییەكان بۆ قەزاو ناحییەكانی سەر بە پارێزگای سلێمانی گەیشتە دەربەندیخان.

كۆمپانیای بەڕێز، لە پێناو سەلامەتی گیانی هاووڵاتیان و پەیڕەوكردنی ڕێنماییەكانی خۆپارێزی دژ بە ڤایرۆسی كۆرۆنا، كۆمەك و هاوكارییەكانی ڕادەستی بەرپرسانی یەكە ئیدارییەكان لە قەزاو ناحییەكان دەكات و لە ڕێی كەسایەتی و رێكخراوەكان دابەشی سەر هاووڵاتیانی دەكەن.

ئەمڕۆش ژمارەیەكی بەرچاو لە بەشە خۆراك كە خۆی لە زیاتر لە 300 سەبەتەی خۆراك دەبینییەوە ڕادەستی قایمقامیەتی دەربەندیخان كرا تا بدرێتـە دەست هاونیشتمانیان.

لەچوارچێوەی ئەم هەوڵەى بەڕێز گرووپ دا ، تا ئێستا هەر یەكە لە ناوچەكانی، قەزای شارەزوور، پارێزگای هەڵەبجە، هەورامان، دووكان، ڕانیە،پێنجوێن و شارباژێری بەسەر كردووەتەوە و بە بڕی جیاواز سەبەتەی خۆراكی ڕادەستی كەسایەتی و بەرپرسانی ئیداریی ناوچەكان كردووە.

بەردەوام بە لە خوێندنەوە

کوردستان