ئێمە لە تۆرە کۆمەڵایەتیەکان

ئابوری

لە پارێزگایەكی هەرێم ناو تۆماركردن بۆ ڕەخساندنی هەلی كار دەستی پێكرد


خەڵك- بەشی هەواڵ
قائیمقامی هەڵەبجە ئاشكرای دەكات، كە تیمێكی گەڕۆك دەست بە نووسینی ناوی هاووڵاتیان دەكات بۆ ڕەخساندنی هەلی كار و دەشڵێت: “وەزارەتی كار بە هاوكاری ڕێكخراوی gizی ئەڵمانی هەلی كار ڕادەگەیەنێت”.

نوخشە ناسیح، قائیمقامی هەڵەبجە لە هەژماری خۆی لە فەیسبووك ئاماژەی بەوەكردووە، ئاگاداری دانیشتووانی ناو شاری هەڵەبجە دەكەینەوە ڕۆژی یەك شەمە و دوو شەممە (٥ و ٦/ ٥/ ٢٠١٩) كاتژمێر (١٠)ی سەرلەبەیانی تاكو ٢:٣٠ی پاش نیوەرۆ تیمێكی گەڕۆكی وەزارەتی كار و كاروباری كۆمەڵایەتی حكومەتی ھەرێمی كوردستان بە ھاوكاری ڕێكخراوی (giz) ئەڵمانی دێنە پارێزگاكە بۆ تۆمار كردنی ناوی بێكاران.

ڕاشیگەیاندووە، ئەوانەی لە نێوان (١٨ ساڵ بۆ ٦٠ ساڵ) لە دەرچووی زانكۆ و پەیمانگا و گشت چینەكانی تر بەهەردوو ڕەگەزی نێر و مێ دەتوانن ناویان تۆمار بكەن بەمەبەستی ڕەخساندنی ھەلی كار و ناونووسین بۆ خولی ڕاهێنان لە داھاتوودا.

ئاشكراشی كردووە، تیمەكە لە گەراجی بەرامبەر بینای سەرۆكایەتی شارەوانی هەڵەبجە دادەنیشن و هاووڵاتیان پێویستیان بە ناسنامەی باری كەسێتی دەبێت.

وەك قائیمقامی هەڵەبجە دەڵێت: “بۆ زانیاری زیاتر پەیوەندی بكرێت بە ژمارە تەلەفۆنی (٠٧٧٢١٤٣٥٠٥٠) كاك دیار و پەیوەندییەكانیش تاكو كاتژمێر 10ی شەو وەڵام دەدرێتەوە”.

ئابوری

“پارەی بەغدا بۆ مووچەیە”
لەسەر مووچەی فەرمانبەران هۆشداری بە حكومەتی هەرێم دەدرێت


خەڵك- بەشی هەواڵ
دوای ئەوەی میدیاكانی پارتی لە زاری سەرچاوەیەكی حكومەتی هەرێمەوە بڵاویانكردەوە، كە ئەو 400 ملیارەی لە بەغداوە هاتووە دەدرێتەوە بە قەرزی مووچەی مانگی پێشوو، پەڕلەمانتارێكی كورد لە بەغدا هۆشداری دەدات و دەڵێت: “هەر دەستكاریكردنێكی ئەو پارەیەی لەبەغداوە دێت، یاریكردنە بە ئاگر”.

د. ڕێبوار كەریم مەحمود، ئەندامی پەڕلەمانی عیراق لە ڕوونكردنەوەیەكدا ئاماژەی بەوەكردووە، هەر دەستكاریكردنێكی ئەو پارەیەی لەبەغداوە دێت، یاریكردنە بە ئاگر، چونكە ئەو پارەیە بۆ مووچەی فەرمانبەرانە.

ڕاشیگەیاندووە، ئەمە ناو دەنێن چی؟ هەرێم نیازی وایە (٤٠٠) ملیار دینارەكەی بەغدا بداتەوە بە قەرزی (۱۱) سەرمایەدار لەجیاتی ئەوەی قەرزی زیاتر لە یەك ملیۆن و 250 هەزار مووچەخۆر بداتەوە.

دەشڵێت: “وادیارە لەگەڵ حكومەتی هەرێم هیچ سوودی نییە، بۆیە داوا لەو (۱۱) سەرمایەدارە دەكەم، كە گوایە ئەم مانگە قەرزیان داوە بە حكومەت، قبوڵی نەكەن لە پارەی مووچەی خەڵك قەرزەكانیان پێبدرێتەوە”.

لای خۆشیەوە، سەركەوت شەمسەدین، ئەندامی پەڕلەمانی عیراق لە هەژماری خۆی لە فەیسبووك نووسیویەتی، “ئەگەر حكومەت ئەم گاڵتەجاڕییە ڕانەگرن، ناچارین لەگەڵ پەڕلەمانتارانی عیراق كاربكەین بۆ ڕاگرتنی ئەو پارەیە لە بەغداوە تا میكانیزمێكی تر دەدۆزرێتەوە بۆ گەیاندنی مووچە بە فەرمانبەران”.

ئەمە لەكاتێكدایە، كە حكومەتی عیراق بڕی 400 ملیار دیناری بۆ مووچەی مانگی نیسان-ی فەرمانبەرانی هەرێم بۆ هەرێم نارد و میدیاكانی پارتی-ش ڕایانگەیاند، كە ئەو پارەیە دەدرێتەوە بە قەرزی سەرمایەداران و كۆمپانیاكانی نەوت و بانكە بازرگانیەكان.

پارەی بەغدا بۆ موچەیە_ هەر دەستکاریکردنێکی ئەو پارەیەی لە بەغداوە دێت، یاریکردنە بە ئاگر. ئەو پارەیە بۆ موچەی فەرمانبەرانە. _ ئەمە ناو دەنێن چی هەرێم نیازی وایە (٤٠٠) ملیار دینارەکەی بەغدا بداتەوە بە قەرزی (۱۱) سەرمایەدار لەجیاتی ئەوەی قەرزی زیاتر لە (۱.۲٥٠.٠٠٠) یەک ملیۆن و دوسەدو پەنجا هەزار موچەخۆر بداتەوە. _ وادیارە لەگەڵ حکومەتی هەرێم هیچ سودی نیە، هەربۆیە داوا لەو (۱۱) سەرمایەدارە دەکەم کە گوایە ئەم مانگە قەرزیان داوە بە حکومەت، قبوڵی نەکەن لە پارەی موچەی خەڵك قەرزەکانیان پێبدرێتەوە. د.رێبوار کریم محمودپەرلەمانتاری عیراق

Posted by Dr-Rebwar Karim Mahmood on Sunday, May 31, 2020

بەردەوام بە لە خوێندنەوە

ئابوری

نرخی نەوت لە بازاڕەكانی جیهان


خەڵك-بەشی هەواڵ

نرخی‌ نەوت لەبازاڕەكانی‌ جیهان بەراورد بە ڕۆژانی ڕابردوو بە جێگیری ماوەتەوە.

ئاژانسەكانی جیهان بڵاویانكردەوە، نرخی نەوت بۆ ئەمڕۆ یەك شەممە، 31ی‌ ئایاری 2020 بە جێگیری ماوەتەوە، بەشێوەیەك نرخی‌ نەوتی برێنت بە 37 دۆلار و 73 سەنت لە بازاڕەكانی جیهان مامەڵەی پێوەكراوە و هاوكات نرخی بەرمیلێك نەوتی خاوی ئەمریكیش بە 35 دۆلارو 34 سەنت مامەڵەی پێوەكراوە.

هەڵكشان و داكشانی نرخی نەوت لەكاتێكدایە، ژمارەیەك لەو وڵاتانەی بۆ ڕووبەڕووبوونەوەی ڤایرۆسی كۆرۆنا سەرجەم كەرتە پیشەسازی و بازرگانییەكانیان وەستاندبوو، بەڵام لە ئێستادا و بەهۆی كەمبوونەوەی مەترسییەكانی كۆرۆنا، بەشێك لە چالاكییە ئابوورییەكانیان دەستپێكردووەتەوە، ئەمەش بووەتە هۆی بەرزبوونەوەی نرخی نەوت.

لە سەرەتای ئەم مانگەوە، نرخی نەوت ووردە ووردە بەرز دەبێتەوە، هەرچەندە هەندێك وڵات هۆشداری هاتنەوەی ڤایرۆسی كۆرۆنا بۆ وڵاتەكانیان دەدەن.

بەردەوام بە لە خوێندنەوە

ئابوری

بە وێنە؛ وەرزی دروێنە لە دەشتی شارەزوور دەستی پێكرد


خەڵك- بەشی هەواڵ

بەپێی چەند وێنەیەك، كە قائیمقامیەتی سەیدسادق بڵاویكردونەتەوە، وەرزی دروێنە و كۆكردنەوەی دانەوێڵە لە دەشتی شارەزوور دەستی پێكردووە.

بەردەوام بە لە خوێندنەوە

کوردستان